If you would like a copy of this version please contact info@davaraudiobibles.org

The Matengo New Testament © The Word for the World. Matengo New Testament ℗ 2024, Davar Partners International.

Matengo New Testament

<div class="version vid3941 iso6393mgv" data-vid="3941" data-iso6393="mgv">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Yesu na Zakayu</div><div class="p"> 1Yesu jajingala ku musi uku Yeliko, jabia jupeta pi kilanda ja musi we gola. 2Jwabii mundu jumu mmusi we gola joankemika Zakayu, jojabii nkolongu wa baajopa kodi, najombi jwabi mundu jwana mali gingi. 3Japala kumbona Yesu ejubije, lakini ngasejawesa ndaba kwabii na bandu bingi najombi jwabii nzipi. 4Henu, jajombatakiya palongi ja bandu, jakwela munkongu nkoju ndaba Yesu japetila indela ajelaje. 5Ndienu, Yesu pajahikaa pala, jalinga kunani, nukumpwagi Zakayu, &#8220;Zakayu huluka nyata, ndaba lelenu nepani mbalika kupilaki mu nyumba jako.&#8221;</div><div class="p"> 6Zakayu jahuluka nnyata nukunzopa Yesu koni jutogule. 7Bandu boa pababona hela, batumbuliya kung'ong'ateka koni bakapwaga, &#8220;Mundu we hoju jupiti kutama kunyumba jaka mundu jwana mahakau.&#8221;</div><div class="p"> 8Lakini Zakayu jajema, ampwagila Yesu, &#8220;Jogwana Bambu! Nepani naapekya ahagu nusu ja hindu yangu, ana nunyagiki mundu jokapi sindu sokapi, na nkelabuki nu kunzonzuke mala nsese.&#8221;</div><div class="p"> 9Yesu ampwagila, &#8220;Lelenu ukombosi guhikiki nyumba jenze, ndaba jonzo najombi julukolu lwaka Ibulahimu. 10Ndaba Mwana waka Mundu juhikiki kataputa na kagombo bandu bahobiki.&#8221;</div><div class="s">Lilenganu la atumi komi</div><div class="r"> Matei 25:14-30</div><div class="p"> 11Bandu pababi ajogwane malobi gala, Yesu jaendaliya kaapwagi kwa malenganu. Ndaba jabii pambipi nuku Yelusalemu, nabombi bawasaliya Ukolongu waka Sapanga gubii pambipi kupiti. 12Ndienu jaapwagila, &#8220;Jabii mundu jumu kuhuma mulukolu luu ubambu nkolungu jabia jujenda kundema ukutali ili bukunzemika kuba bambu nkolongu, na kabee jwiibuja. 13Henu, kabula jukuboka, jwaakema atumisi baki komi na abeli, jaapekya lupija kila mundu na kaapwagi, &#8216;Nhengila lihengu lukulomba hindu nukulombase lupija londo mbaka panikelubuka.&#8217; 14Lakini bandu bu pundema jaki batenda kunsuki, baatuma bandu ajenda akapwaga, &#8216;Ngasetumpai mundu hoju jubia bambu nkolongu wito.&#8217;</div><div class="p"> 15&#8220;Pabunzemika kuba bambu nkolongu, jakelubuka ku nyumba jaki na kalagalaki atumisi baki bajaapeki lupija lola ili jumanya kila mundu ijonzukiki ilengaa. 16Ntumisi jojalonguli, japwaaga &#8216;Nkolongu, lupija lwaku lowambeki lujonzukiki longi komi.&#8217; 17Bambu jola japwaaga, &#8216;Guhengiki Sapi, weapa untumisi waamboni. Ndaba guhobaliki nsindu kisokopi, nukupeke ukolongu wa misi komi!&#8217; 18Ntumisi ja pili jahika japwaaga, &#8216;Bambo, lupija lowambeki lujonzukiki longi nhwano.&#8217; 19Najombi ampwagila, &#8216;Sapi nanagu wibia nkolongu wa misi nhwanu.&#8217; 20Ntumisi jongi jwahika nu kupwaga, &#8216;Jukua lupija lwaku, nulukongiki sapi mu kitambaa, 21nugujogupa ndaba weapa wa mundu unkali. Gujuku hindu yanga kuba yaku nukuhusa hindu yanga kupanda wamweti.&#8217; 22Nkolongu waki ampwagila, &#8216;We hapa guntumi mbaja nukulepa ngati heguhengiki! Wamanyiki ne na mundu nunkali, nenyuku hindu yela yanga kubeka namweti nukuhusa yanga kupanda namweti. 23Ndaba jaki ngase wabei lupija lwangu kwa bandu baatunza lupija, nane henakahika nakajopa lupija lwangu lolujonzukike?&#8217; 24Ndi jaapwagila bandu bababi ajemiki pala, &#8216;Munyaga lupija lweholu, mumpekya ntumisi jola jolujonzukiki jengi komi.&#8217; 25Lakini bombi bumpwagila, &#8216;Nkolongu, lakini mbona jonioju lujonzukiki lupija longi kome!&#8217; 26Najombi jaapwagila, &#8216;Numpwagi sakaka, kila jojubii na sindu biitenda kunzonzuke. Lakini janga kuba na sindu, hata kisoku sejubinasu biitenda kunyaga. 27Henu abaya bangu baangana nepani kwaalongosa, mwaaleta pani na mwaakoma apambane koni nakalingalya.&#8217; &#8221;</div><div class="s">Yesu jujingi ku Yelusalemu nikilulu kikolongu</div><div class="r"> Matei 21:1-11; Maluko 11:1-11; Yohana 12:12-19</div><div class="p"> 28Yesu hejajomula kulonge ganiaga, jalongulya palongi kujenda ku Yelusalemu. 29Pajaegalya kuhika ku Betifage nuku Betania, pambipi ni Kitombi suku Mizeituni, Yesu jaatuma banafunzi baki abeli, 30jaapwagila, &#8220;Nzenda mu ijiji yemwibona palongi jii. Hemwibia nzingi mu ijiji heyi, mkilibona liponda bilikongiki kulongi jii ngasejuwahiki kulitumii mundo. Mwilibopula mukilileta pambane. 31Ana mundu jundaluki mundu jokapi ndaba jukubopo liponda, mu kumpwagila, &#8216;Julipala Bambo.&#8217; &#8221;</div><div class="p"> 32Banafunzi bala ebajenda pala, bunkolila ngati Yesu ejaapwagila. 33Pababia bilibopo liponda lela, mwini liponda jaalalukya, &#8220;Ndaba jaki mu libopo liponda hele?&#8221;</div><div class="p"> 34Nabombi bumpwagila, &#8220;Julipala Bambo.&#8221; 35Ndipala bumpelakya liponda lelela Yesu, batandika ingobu yabu pungongu ji liponda, nuku nkwea Yesu panani jaki. 36Yesu pajaendalya kujenda, na bandu batandika ingobu yabu mwiindela.</div><div class="p"> 37Yesu pajahegalya ku Yelusalemu, pi kihelelu si Kitombi si Mizeituni, nsambi nkolongu wa banafunzi baki batumbuliya kundumbali Sapanga koni atogule kwa sauti ngolongu ndaba ja majambu makolongu gabagabweni, 38babia apwaga, &#8220;Jupengaliki Bambu nkolongu jojuhika ku liina laka Bambo! Kubia lukwali nu ulumbi kunani kwaka Sapanga!&#8221;</div><div class="p"> 39Papuje Afalisayu bangi bababi munsambi wa bandu gola bumpwagila Yesu, &#8220;Mbola, waapwagila banafunzi baku atumbalaje!&#8221;</div><div class="p"> 40Yesu jaajibua, &#8220;Numpwagi bandu be haba ana atumbii, malibu haga gijamaliya kwa sauti.&#8221;</div><div class="s">Yesu jaalele bandu buku Yelusalemu</div><div class="p"> 41Yesu pajaegalya musi guku Yelusalemu napajabona bandu ba musi gola jatenda kaalele. 42Japwaaga, &#8220;Ana wakamanyiki lelenu majambu gagaleta lukwali! Lakini henu ahihiki pamihu jii. 43Ndaba gihika masoba, abaya baku bagusengila ubegu, biitenda kuguyongolota nu kukuhinya pandi yoka. 44Bagutimbatimba weapa na bana baku mu nyumba jaku. Ngabilileki lilibu panani jililibu lengi, ndaba ngase gumanyiki kipindi sukuhika Sapanga kungombo.&#8221;</div><div class="s">Yesu jujingi pa Nyumba jaka Sapanga</div><div class="r"> Matei 21:12-17; Maluko 11:15-19; Yohana 2:13-22</div><div class="p"> 45Yesu jajingala pa Nyumba jaka Sapanga, jatumbuliya kabeenge kunza bandu babaii alombase hindu, 46koni jakapwaaga, &#8220;Ahandiki, &#8216;Nyumba jangu jiibia nyumba jukundobe Sapanga,&#8217; Lakini mwanganya mwijing'anabwi kuba imbaku ja manzolinzoli.&#8221;</div><div class="p"> 47Lisoba limu Yesu jabia jaabola bandu pa Nyumba jaka Sapanga. Agolu akolongu, na abola ba Malagalaki na aka akolongu bataputa indela jukunkoma, 48lakini ngase bapatiki mbekenyu jukunkoma ndaba bandu babiya bukunzoaniya.</div>
 </div>
 </div>
</div>

Yesu jajingala ku musi uku Yeliko, jabia jupeta pi kilanda ja musi we gola. Jwabii mundu jumu mmusi we gola joankemika Zakayu, jojabii nkolongu wa baajopa kodi, najombi jwabi mundu jwana mali gingi. Japala kumbona Yesu ejubije, lakini ngasejawesa ndaba kwabii na bandu bingi najombi jwabii nzipi. Henu, jajombatakiya palongi ja bandu, jakwela munkongu nkoju ndaba Yesu japetila indela ajelaje. Ndienu, Yesu pajahikaa pala, jalinga kunani, nukumpwagi Zakayu, “Zakayu huluka nyata, ndaba lelenu nepani mbalika kupilaki mu nyumba jako.”
Zakayu jahuluka nnyata nukunzopa Yesu koni jutogule. Bandu boa pababona hela, batumbuliya kung'ong'ateka koni bakapwaga, “Mundu we hoju jupiti kutama kunyumba jaka mundu jwana mahakau.”
Lakini Zakayu jajema, ampwagila Yesu, “Jogwana Bambu! Nepani naapekya ahagu nusu ja hindu yangu, ana nunyagiki mundu jokapi sindu sokapi, na nkelabuki nu kunzonzuke mala nsese.”
Yesu ampwagila, “Lelenu ukombosi guhikiki nyumba jenze, ndaba jonzo najombi julukolu lwaka Ibulahimu. Ndaba Mwana waka Mundu juhikiki kataputa na kagombo bandu bahobiki.”


Bandu pababi ajogwane malobi gala, Yesu jaendaliya kaapwagi kwa malenganu. Ndaba jabii pambipi nuku Yelusalemu, nabombi bawasaliya Ukolongu waka Sapanga gubii pambipi kupiti. Ndienu jaapwagila, “Jabii mundu jumu kuhuma mulukolu luu ubambu nkolungu jabia jujenda kundema ukutali ili bukunzemika kuba bambu nkolongu, na kabee jwiibuja. Henu, kabula jukuboka, jwaakema atumisi baki komi na abeli, jaapekya lupija kila mundu na kaapwagi, ‘Nhengila lihengu lukulomba hindu nukulombase lupija londo mbaka panikelubuka.’ Lakini bandu bu pundema jaki batenda kunsuki, baatuma bandu ajenda akapwaga, ‘Ngasetumpai mundu hoju jubia bambu nkolongu wito.’
“Pabunzemika kuba bambu nkolongu, jakelubuka ku nyumba jaki na kalagalaki atumisi baki bajaapeki lupija lola ili jumanya kila mundu ijonzukiki ilengaa. Ntumisi jojalonguli, japwaaga ‘Nkolongu, lupija lwaku lowambeki lujonzukiki longi komi.’ Bambu jola japwaaga, ‘Guhengiki Sapi, weapa untumisi waamboni. Ndaba guhobaliki nsindu kisokopi, nukupeke ukolongu wa misi komi!’ Ntumisi ja pili jahika japwaaga, ‘Bambo, lupija lowambeki lujonzukiki longi nhwano.’ Najombi ampwagila, ‘Sapi nanagu wibia nkolongu wa misi nhwanu.’ Ntumisi jongi jwahika nu kupwaga, ‘Jukua lupija lwaku, nulukongiki sapi mu kitambaa, nugujogupa ndaba weapa wa mundu unkali. Gujuku hindu yanga kuba yaku nukuhusa hindu yanga kupanda wamweti.’ Nkolongu waki ampwagila, ‘We hapa guntumi mbaja nukulepa ngati heguhengiki! Wamanyiki ne na mundu nunkali, nenyuku hindu yela yanga kubeka namweti nukuhusa yanga kupanda namweti. Ndaba jaki ngase wabei lupija lwangu kwa bandu baatunza lupija, nane henakahika nakajopa lupija lwangu lolujonzukike?’ Ndi jaapwagila bandu bababi ajemiki pala, ‘Munyaga lupija lweholu, mumpekya ntumisi jola jolujonzukiki jengi komi.’ Lakini bombi bumpwagila, ‘Nkolongu, lakini mbona jonioju lujonzukiki lupija longi kome!’ Najombi jaapwagila, ‘Numpwagi sakaka, kila jojubii na sindu biitenda kunzonzuke. Lakini janga kuba na sindu, hata kisoku sejubinasu biitenda kunyaga. Henu abaya bangu baangana nepani kwaalongosa, mwaaleta pani na mwaakoma apambane koni nakalingalya.’ ”


Yesu hejajomula kulonge ganiaga, jalongulya palongi kujenda ku Yelusalemu. Pajaegalya kuhika ku Betifage nuku Betania, pambipi ni Kitombi suku Mizeituni, Yesu jaatuma banafunzi baki abeli, jaapwagila, “Nzenda mu ijiji yemwibona palongi jii. Hemwibia nzingi mu ijiji heyi, mkilibona liponda bilikongiki kulongi jii ngasejuwahiki kulitumii mundo. Mwilibopula mukilileta pambane. Ana mundu jundaluki mundu jokapi ndaba jukubopo liponda, mu kumpwagila, ‘Julipala Bambo.’ ”
Banafunzi bala ebajenda pala, bunkolila ngati Yesu ejaapwagila. Pababia bilibopo liponda lela, mwini liponda jaalalukya, “Ndaba jaki mu libopo liponda hele?”
Nabombi bumpwagila, “Julipala Bambo.” Ndipala bumpelakya liponda lelela Yesu, batandika ingobu yabu pungongu ji liponda, nuku nkwea Yesu panani jaki. Yesu pajaendalya kujenda, na bandu batandika ingobu yabu mwiindela.
Yesu pajahegalya ku Yelusalemu, pi kihelelu si Kitombi si Mizeituni, nsambi nkolongu wa banafunzi baki batumbuliya kundumbali Sapanga koni atogule kwa sauti ngolongu ndaba ja majambu makolongu gabagabweni, babia apwaga, “Jupengaliki Bambu nkolongu jojuhika ku liina laka Bambo! Kubia lukwali nu ulumbi kunani kwaka Sapanga!”
Papuje Afalisayu bangi bababi munsambi wa bandu gola bumpwagila Yesu, “Mbola, waapwagila banafunzi baku atumbalaje!”
Yesu jaajibua, “Numpwagi bandu be haba ana atumbii, malibu haga gijamaliya kwa sauti.”

Yesu pajaegalya musi guku Yelusalemu napajabona bandu ba musi gola jatenda kaalele. Japwaaga, “Ana wakamanyiki lelenu majambu gagaleta lukwali! Lakini henu ahihiki pamihu jii. Ndaba gihika masoba, abaya baku bagusengila ubegu, biitenda kuguyongolota nu kukuhinya pandi yoka. Bagutimbatimba weapa na bana baku mu nyumba jaku. Ngabilileki lilibu panani jililibu lengi, ndaba ngase gumanyiki kipindi sukuhika Sapanga kungombo.”


Yesu jajingala pa Nyumba jaka Sapanga, jatumbuliya kabeenge kunza bandu babaii alombase hindu, koni jakapwaaga, “Ahandiki, ‘Nyumba jangu jiibia nyumba jukundobe Sapanga,’ Lakini mwanganya mwijing'anabwi kuba imbaku ja manzolinzoli.”
Lisoba limu Yesu jabia jaabola bandu pa Nyumba jaka Sapanga. Agolu akolongu, na abola ba Malagalaki na aka akolongu bataputa indela jukunkoma, lakini ngase bapatiki mbekenyu jukunkoma ndaba bandu babiya bukunzoaniya.

Сонсох Luka 19