℗ 2000 Hosanna Grabado por Producciones Cristianas Vina

Mam, Northern - 1993 Edition (NT)

<div class="version vid491 iso6393mam" data-vid="491" data-iso6393="mam">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Banix jun xjal tzkijle'n tyabil ttzi jun pil Betesda tbi</div><div class="p"> 1Tbajlenxitzun jlu, attok jun nink'ij cye xjal judiy, ex xi'tzun Jes&#250;s tuj Jerusal&#233;n. 2At jun pil matij at tuj Jerusal&#233;n, nikayin ttzi pwert toc tbi Pwert cye &#7820;ne'l; atzun tbi pil Betesda tuj yol ebrey, at jwe' twitz ja ti'jele pil. 3Ex axtoktzun co&#7821;l nimcu yab; ke mo&#7821;, ke cox ex keju tzkijle'n cyyabil, [in che ayontok ti'j oc tyucch a'. 4Porque at jun anjel in cu'tztok junjun maj, in cubil ttxlaj ju pil matij, ex in yucch a' tu'n; ex aju yab in cu'x nej tbajlenxi yucch a', bi'x in banix, nok alcyexju tyabil.] 5Ex at jun xinak cyxol ke jlu otok bant 38 abk'i tyabtlen. 6Tej tlonte Jes&#250;s co&#7821;l xjal, el tnic' ti'j otok tz'el k'ij tyabtlen, cyja'tzun xi tkanin te:</div><div class="p">&#8212;&#191;Tajpeya tu'n tbanixa?</div><div class="p"> 7Xi ttzak'we'n ju yab:</div><div class="p">&#8212;Tat, mi a'l jun in cu'x k'o'nte weye tuj pil oc tjaw yucch a'; ex matok in chinxe tu'n ncu'xe tuj a', in cu'x nej juntl nwitze, chi xjal.</div><div class="p"> 8Xitzun tma'n Jes&#250;s te yab:</div><div class="p">&#8212;We'ctza, k'inx tco&#7821;bila ex beta.</div><div class="p"> 9Jurat naj banix ju xinak, xi ti'n tco&#7821;bil ex xi bet. Tuj k'ij te ojlabltok jlu. 10Cyja'tzun xi cyma'n xjal judiy teju otok banix:</div><div class="p">&#8212;K'ij te ojlabl ja'lo; mya k'o'n tu'n ley tu'n t-xi ti'na tco&#7821;bila, che chi.</div><div class="p"> 11Atzunte xjal xi ttzak'we'n:</div><div class="p">&#8212;Aju xjal ma chin banixe tu'n, atzunju saj k'mante weye: K'inx tco&#7821;bila ex beta, chitzun.</div><div class="p"> 12Atzun cye xjal judiy xi cykanin te:</div><div class="p">&#8212;&#191;Alcyetzunju saj k'mante teya: K'inxa tco&#7821;bila ex beta? Che chi.</div><div class="p"> 13Pero aju xjal otok banix minti' ba'n tu'n alcye otok k'anan te, porque otok tz'el lak'e' Jes&#250;s tu'nju nimtok xjal at. 14Te yajxitl cnet ju xjal tu'n Jes&#250;s tuj tja Dios, ex xi tma'n te:</div><div class="p">&#8212;Quina, ma banixa; mi'n tbinchaya il juntl maj, mya yajcu tzaj juntl mya ba'n tibaja mas pyor ic tza'n nej.</div><div class="p"> 15Xi'tzun ju xjal ex xi tma'n cye xjal judiy ka tu'n Jes&#250;s otok banix. 16Tu'ntzun tlaj jlu e k'ojin xjal judiy ti'j Jes&#250;s, [ex o cyajbe tu'n tcub cybyo'n,] porque in che banixtok xjal tu'n tuj k'ij te ojlabl. 17Pero xi tma'n Jes&#250;s cye:</div><div class="p">&#8212;We Nman bajx txi tcolin tu'n tak'nan ex cucx tak'nan ja'lo, ax icx weye in chin ak'nane.</div><div class="p"> 18Tu'ntzun tlaj jlu mas o cyajbe xjal judiy tu'n tcub cybyo'n, porque mya nok o'cx mya niman ju k'ij te ojlabl tu'n, ax icx in tma'n ka acu Dios Tman, oc tk'on tib ic tza'n te Dios.</div><div class="s">Aju toclen Tc'wa'l Dios</div><div class="p"> 19Xitzun tma'n Jes&#250;s cye:</div><div class="p">&#8212;Ax toc cxel nma'ne cyeye, mlayx bant jun ak'untl wu'ne wu'nx wibe, akine C'wa'lbaj; nok o'cx in bant wu'ne aju nno'c nque'yine in bant tu'n Nmane; porque aju in tbincha'n Nmane, ax icxtzun weye in bant wu'ne akine C'wa'lbaj. 20Porque c'ujla'n kine tu'n Nmane, akine Tc'wa'l, ex in tzaj tyec'un Nmane weye tcyakilju in tbincha'n; ex ctzajel tyec'untl Nmane weye aju ak'untl ma'xix twitz jlu, tu'ntzun cylabine ti'j. 21Porque ic tza'n te Dios Mambaj in che jaw ank'in ke cyimni tu'n ex in xi tk'o'n cychwinklal, ax icxtzun weye, akine Tc'wa'l in xi nk'o'ne cychwinklal alcye keju at wajbile cyi'j. 22Porque minti' in che oc xjal tuj xjel tu'n Nmane, nok o'cx ma tzaj tk'o'n tuj ncwente tu'n cyoc xjal tuj xjel wu'ne, akine Tc'wa'l, 23tu'ntzun nnimanjtze cyu'n cycyakil xjal ic tza'n in nimanjtz Nmane cyu'n. Alcye minti' in chin nimanjtze tu'n, ax icx minti' in nimanjtz Nmane tu'n, aju tzaj samante weye.</div><div class="p"> 24Ax toc cxel nma'ne cyeye, alcye ma txi tbi'n nyole ex ma tz'ocslan ti'j ju tzaj samante weye, at tchwinklal te jumajx; ex mlay cub t-sentens, porque ma tz'etz tuj camic, ma pon tuj chwinklal. 25Ax toc cxel nma'ne cyeye, tzul tk'ijlalil, ex atzun ja'lo, oc cybi' ke cyimni tk'ajk'ajel nwi'ye, akine Tc'wa'l Dios; ex akeju cxel cybi'n nyole oc che ank'il. 26Porque ic tza'n te Dios Mambaj at tchwinklal tu'nx tib, ax icxtzun ma tzaj tk'o'n weye tu'n tten nchwinklale wu'nx wibe, porque akine Tc'wa'l; 27Ex ma tzaj tk'o'n woclene tu'n cyoc xjal tuj xjel wu'ne, porque akine sc'o'maj kine tu'n Dios tu'n ntene cyuc'il xjal. 28Mi'n che labine ti'j jlu; porque tzul tk'ijlalil cycyakil xjal maku'n tuj camposant oc cybi' tk'ajk'ajel nwi'ye, 29ex che jawitz ank'in tuj mukbil. Akeju o cybincha ba'n, oc che jawil ank'in tu'n tten cychwinklal, ex atzun keju o cybincha mya ba'n, che jawil ank'in tu'n tcub cysentens.</div><div class="s">Tu'n tbinchben Jes&#250;s xi tyec'un toclen</div><div class="p"> 30Mlayx bant jun ti'xti wu'ne wu'nx wibe; nok o'cx ic tza'n in tzaj tma'n Nmane weye, icxtzun tten tu'n cyoc xjal tuj xjel wu'ne ex tu'n tcub cysentens; ex aju sentens in cub nk'o'ne tuj tumelxix, porque minti' in nbincha'ne aju wajbile, nok o'cx aju tajbil ju tzaj samante weye, aju tajbil Nmane. 31Ka ax kine testiw wi'je, minti' tipumal nyole. 32Pero at juntl testiw wi'je, ex ba'n wu'ne aju in tzaj ttx'olba'n wi'je ax toc. 33Akeye xi cysama'ne cysanjele tuc'il Juan, ex aju tzaj ttx'olba'n Juan wi'je axix toc. 34Masque mya il ti'j tu'n toc jun xjal testiw wi'je, pero in tzaj nna'ne ti'j Juan cyeye tu'ntzun cyclete. 35Ate Juan ic tten ic tza'n jun candil in c'ant ex in t-spic'ba'n, atzun cyeye o cyajbeye tu'n cytzalaje cab k'ij tuj t-spic'umal. 36Atzun weye at jun testiw wi'je mas ma' toclen twitz Juan. Porque aju ak'untl tzaj tk'o'n Dios Mambaj weye tu'n tjapun wu'ne, axtzunju ak'untl in nbincha'ne testiw wi'je ka ate Dios Mambaj tzaj samante weye. 37Ax icx te Dios Mambaj aju tzaj samante weye, ma tz'oc te testiw wi'je ka ax toc nyole. Bajx cybiye tk'ajk'ajel twi', ex bajx cyile tza'n que'yin, 38ex minti' in xi cyc'u'ne tyol tuj cyanmiye; porque minti' in che ocslane wi'je akine ma chin tzaj sama'ne tu'n Dios Mambaj. 39In baj cyque'yine tuj Tu'jil, porque tuj cynable atzun in cnet chwinklal cyeye te jumajx; ex axtzun ta' ju yol in yolin wi'je. 40Pero minti' cyaje ti'j tu'n cytzaje wuc'ile tu'n tten cychwinklale.</div><div class="p"> 41Aju nimbil weye cyu'n xjal mlay nc'ame. 42Pero ojtzki'n keye wu'ne tza'n cytene, minti' cyc'u'je ti'j Dios. 43Ma chin tzaj sama'ne tu'n Nmane, pero minti' ma chin cyc'ame; ka at juntl ma tzul tu'nx tib, atzun teju oc cyc'ma'ye. 44&#191;Tza'ntzun tten tu'n cyocslane ka o'cx in cyc'mo'ne ju nimbil cyeye cyxolxe ex minti' cyajbile ti'j tu'n cyc'monteye ju nimbil cyeye in tzaj tk'o'n o'cxcu jun Dios? 45Mi'n che ximane ti'j ka wu'ne cxel ntx'olba'ne cyile twitz Nmane; at jun in tx'olbante cyile, ate Mois&#233;s aju k'ukl cyc'u'je ti'j. 46Porque nokwit o txi cyocsla'ne tyol Mois&#233;s, ax icx mawtlo txi cyocsla'ne nyole, porque aju cyaj ttz'iban Mois&#233;s, wi'je in yolin. 47Katzun minti' in xi cyocsla'ne aju cyaj ttz'iban Mois&#233;s, &#191;tza'ntzun tten tu'n t-xi cyocsla'ne ke nyole? Chi Jes&#250;s cye.</div>
 </div>
 </div>
</div>

Mam del Norte © Sociedades Bíblicas Unidas 1993

Tbajlenxitzun jlu, attok jun nink'ij cye xjal judiy, ex xi'tzun Jesús tuj Jerusalén. At jun pil matij at tuj Jerusalén, nikayin ttzi pwert toc tbi Pwert cye Ẍne'l; atzun tbi pil Betesda tuj yol ebrey, at jwe' twitz ja ti'jele pil. Ex axtoktzun coẍl nimcu yab; ke moẍ, ke cox ex keju tzkijle'n cyyabil, [in che ayontok ti'j oc tyucch a'. Porque at jun anjel in cu'tztok junjun maj, in cubil ttxlaj ju pil matij, ex in yucch a' tu'n; ex aju yab in cu'x nej tbajlenxi yucch a', bi'x in banix, nok alcyexju tyabil.] Ex at jun xinak cyxol ke jlu otok bant 38 abk'i tyabtlen. Tej tlonte Jesús coẍl xjal, el tnic' ti'j otok tz'el k'ij tyabtlen, cyja'tzun xi tkanin te:
—¿Tajpeya tu'n tbanixa?
Xi ttzak'we'n ju yab:
—Tat, mi a'l jun in cu'x k'o'nte weye tuj pil oc tjaw yucch a'; ex matok in chinxe tu'n ncu'xe tuj a', in cu'x nej juntl nwitze, chi xjal.
Xitzun tma'n Jesús te yab:
—We'ctza, k'inx tcoẍbila ex beta.
Jurat naj banix ju xinak, xi ti'n tcoẍbil ex xi bet. Tuj k'ij te ojlabltok jlu. Cyja'tzun xi cyma'n xjal judiy teju otok banix:
—K'ij te ojlabl ja'lo; mya k'o'n tu'n ley tu'n t-xi ti'na tcoẍbila, che chi.
Atzunte xjal xi ttzak'we'n:
—Aju xjal ma chin banixe tu'n, atzunju saj k'mante weye: K'inx tcoẍbila ex beta, chitzun.
Atzun cye xjal judiy xi cykanin te:
—¿Alcyetzunju saj k'mante teya: K'inxa tcoẍbila ex beta? Che chi.
Pero aju xjal otok banix minti' ba'n tu'n alcye otok k'anan te, porque otok tz'el lak'e' Jesús tu'nju nimtok xjal at. Te yajxitl cnet ju xjal tu'n Jesús tuj tja Dios, ex xi tma'n te:
—Quina, ma banixa; mi'n tbinchaya il juntl maj, mya yajcu tzaj juntl mya ba'n tibaja mas pyor ic tza'n nej.
Xi'tzun ju xjal ex xi tma'n cye xjal judiy ka tu'n Jesús otok banix. Tu'ntzun tlaj jlu e k'ojin xjal judiy ti'j Jesús, [ex o cyajbe tu'n tcub cybyo'n,] porque in che banixtok xjal tu'n tuj k'ij te ojlabl. Pero xi tma'n Jesús cye:
—We Nman bajx txi tcolin tu'n tak'nan ex cucx tak'nan ja'lo, ax icx weye in chin ak'nane.
Tu'ntzun tlaj jlu mas o cyajbe xjal judiy tu'n tcub cybyo'n, porque mya nok o'cx mya niman ju k'ij te ojlabl tu'n, ax icx in tma'n ka acu Dios Tman, oc tk'on tib ic tza'n te Dios.

Xitzun tma'n Jesús cye:
—Ax toc cxel nma'ne cyeye, mlayx bant jun ak'untl wu'ne wu'nx wibe, akine C'wa'lbaj; nok o'cx in bant wu'ne aju nno'c nque'yine in bant tu'n Nmane; porque aju in tbincha'n Nmane, ax icxtzun weye in bant wu'ne akine C'wa'lbaj. Porque c'ujla'n kine tu'n Nmane, akine Tc'wa'l, ex in tzaj tyec'un Nmane weye tcyakilju in tbincha'n; ex ctzajel tyec'untl Nmane weye aju ak'untl ma'xix twitz jlu, tu'ntzun cylabine ti'j. Porque ic tza'n te Dios Mambaj in che jaw ank'in ke cyimni tu'n ex in xi tk'o'n cychwinklal, ax icxtzun weye, akine Tc'wa'l in xi nk'o'ne cychwinklal alcye keju at wajbile cyi'j. Porque minti' in che oc xjal tuj xjel tu'n Nmane, nok o'cx ma tzaj tk'o'n tuj ncwente tu'n cyoc xjal tuj xjel wu'ne, akine Tc'wa'l, tu'ntzun nnimanjtze cyu'n cycyakil xjal ic tza'n in nimanjtz Nmane cyu'n. Alcye minti' in chin nimanjtze tu'n, ax icx minti' in nimanjtz Nmane tu'n, aju tzaj samante weye.
Ax toc cxel nma'ne cyeye, alcye ma txi tbi'n nyole ex ma tz'ocslan ti'j ju tzaj samante weye, at tchwinklal te jumajx; ex mlay cub t-sentens, porque ma tz'etz tuj camic, ma pon tuj chwinklal. Ax toc cxel nma'ne cyeye, tzul tk'ijlalil, ex atzun ja'lo, oc cybi' ke cyimni tk'ajk'ajel nwi'ye, akine Tc'wa'l Dios; ex akeju cxel cybi'n nyole oc che ank'il. Porque ic tza'n te Dios Mambaj at tchwinklal tu'nx tib, ax icxtzun ma tzaj tk'o'n weye tu'n tten nchwinklale wu'nx wibe, porque akine Tc'wa'l; Ex ma tzaj tk'o'n woclene tu'n cyoc xjal tuj xjel wu'ne, porque akine sc'o'maj kine tu'n Dios tu'n ntene cyuc'il xjal. Mi'n che labine ti'j jlu; porque tzul tk'ijlalil cycyakil xjal maku'n tuj camposant oc cybi' tk'ajk'ajel nwi'ye, ex che jawitz ank'in tuj mukbil. Akeju o cybincha ba'n, oc che jawil ank'in tu'n tten cychwinklal, ex atzun keju o cybincha mya ba'n, che jawil ank'in tu'n tcub cysentens.

Mlayx bant jun ti'xti wu'ne wu'nx wibe; nok o'cx ic tza'n in tzaj tma'n Nmane weye, icxtzun tten tu'n cyoc xjal tuj xjel wu'ne ex tu'n tcub cysentens; ex aju sentens in cub nk'o'ne tuj tumelxix, porque minti' in nbincha'ne aju wajbile, nok o'cx aju tajbil ju tzaj samante weye, aju tajbil Nmane. Ka ax kine testiw wi'je, minti' tipumal nyole. Pero at juntl testiw wi'je, ex ba'n wu'ne aju in tzaj ttx'olba'n wi'je ax toc. Akeye xi cysama'ne cysanjele tuc'il Juan, ex aju tzaj ttx'olba'n Juan wi'je axix toc. Masque mya il ti'j tu'n toc jun xjal testiw wi'je, pero in tzaj nna'ne ti'j Juan cyeye tu'ntzun cyclete. Ate Juan ic tten ic tza'n jun candil in c'ant ex in t-spic'ba'n, atzun cyeye o cyajbeye tu'n cytzalaje cab k'ij tuj t-spic'umal. Atzun weye at jun testiw wi'je mas ma' toclen twitz Juan. Porque aju ak'untl tzaj tk'o'n Dios Mambaj weye tu'n tjapun wu'ne, axtzunju ak'untl in nbincha'ne testiw wi'je ka ate Dios Mambaj tzaj samante weye. Ax icx te Dios Mambaj aju tzaj samante weye, ma tz'oc te testiw wi'je ka ax toc nyole. Bajx cybiye tk'ajk'ajel twi', ex bajx cyile tza'n que'yin, ex minti' in xi cyc'u'ne tyol tuj cyanmiye; porque minti' in che ocslane wi'je akine ma chin tzaj sama'ne tu'n Dios Mambaj. In baj cyque'yine tuj Tu'jil, porque tuj cynable atzun in cnet chwinklal cyeye te jumajx; ex axtzun ta' ju yol in yolin wi'je. Pero minti' cyaje ti'j tu'n cytzaje wuc'ile tu'n tten cychwinklale.
Aju nimbil weye cyu'n xjal mlay nc'ame. Pero ojtzki'n keye wu'ne tza'n cytene, minti' cyc'u'je ti'j Dios. Ma chin tzaj sama'ne tu'n Nmane, pero minti' ma chin cyc'ame; ka at juntl ma tzul tu'nx tib, atzun teju oc cyc'ma'ye. ¿Tza'ntzun tten tu'n cyocslane ka o'cx in cyc'mo'ne ju nimbil cyeye cyxolxe ex minti' cyajbile ti'j tu'n cyc'monteye ju nimbil cyeye in tzaj tk'o'n o'cxcu jun Dios? Mi'n che ximane ti'j ka wu'ne cxel ntx'olba'ne cyile twitz Nmane; at jun in tx'olbante cyile, ate Moisés aju k'ukl cyc'u'je ti'j. Porque nokwit o txi cyocsla'ne tyol Moisés, ax icx mawtlo txi cyocsla'ne nyole, porque aju cyaj ttz'iban Moisés, wi'je in yolin. Katzun minti' in xi cyocsla'ne aju cyaj ttz'iban Moisés, ¿tza'ntzun tten tu'n t-xi cyocsla'ne ke nyole? Chi Jesús cye.

Сонсох Juan 5