Mātiu 13-ын алдартай Библийн эшлэлүүд

Хуваалцах

Ka ko e pulopula na‘e ngangana ki he kelekele lelei̇́, ko ha taha ia ‘oku fanongo ki he Folofolá pea mahino leva ia, pea ʻokú ne fua. ‘Oku a‘u ki he fuo teau ʻa e ni‘ihi, pea fuo onongofulu ʻa e ni‘ihi, pea fuo tolungofulu ʻa e ni‘ihi.”

Ko e pulopula na‘e ngangana ki he loto vao talatalá, ko ha taha ia ‘oku fanongo ki he Folofolá, ka ‘oku hoha‘a ki he ngaahi meʻa ʻo māmani pea ‘ofa he koloá, pea kāsia leva ai ʻa e Folofolá, ‘o ‘ikai ma‘u hano fua.

Ka ʻi ai ha taha kuo fanongo he ongoongo ‘o e Pule‘angá ka ‘oku ‘ikai ke mahino ia kiate ia, ‘okú ne hangē ko e pulopula na‘e ngangana ki he veʻehalá. ‘Oku ha‘u ʻa e toko taha kovi̇́ ia ‘o taʻaki ʻa e pulopula ko iá.

Ko e pulopula na‘e ngangana ki he kelekele makamaká, ko ha taha ia ‘oku fanongo ki he Folofolá pea naʻe tali leva ia mo e loto fiefia; Ka koeʻuhi̇̄ ‘oku ‘ikai ke aka loloto ia heʻene moʻui̇́, ko ia ai ‘oku ‘ikai te ne lava ‘o kātaki fuoloa. Pea ko ʻene fetaulaki pē mo ha faingata‘a, pē ko ha fakatanga, koeʻuhi̇̄ ko e Folofolá, pea fo‘i.

‟Ko e Pule‘anga ‘o Hēvani̇́ ‘oku hangē ko e me‘a ‘e hoko ‘oka fai angē kuo ‘ilo ‘e ha taha ha koloa na‘e tanu ‘i ha ngoue‘anga pea naʻe toe tanu pē ia ai, pea ko e meʻa heʻene fiefia lahi̇́, naʻá ne ‘alu ‘o fakatau atu ʻa e me‘a kotoa naʻá ne ma‘ú, ka naʻe fakatau mai ʻa e ngoue‘anga ko iá.”

Ka ko e pulopula na‘e ngangana ki he kelekele lelei̇́, na‘e tupu hake ia ‘o fua. Na‘e fuo teau ʻa e ni‘ihi, pea fuo onongofulu ʻa e ni‘ihi, pea fuo tolungofulu ʻa e ni‘ihi.”

Tuku pē ke na tupu fakataha kae ‘oua kuo motu‘a ʻa e uité. Peá te u toki fekau ʻa e kau tānaki̇́ ke nau tomu‘a ta‘aki ʻa e vao kovi̇́ ‘o ha‘i ke ‘ave ‘o tutu, pea toki tānaki ʻa e uité ‘o fa‘oaki ki he tānakiʻanga uité.’ ”