Luku 16-ын алдартай Библийн эшлэлүүд

Хуваалцах

Mago'mo'ma osi'zantema so'e huno kegvahu fatgo hanimo'a, anahu kna huno ra'zana kegvahu fatgo hugahie. Hagi osi'zama kegvahu fatgo osanimo'a, ra'zana kegvahu fatgo osugahie.

Mago eri'za ne'mo'a tare ozafarera eri'zana e'origahie, mago'mofona antahi haviza hunenteno, mago'mofona avesi ontegahie. Huge mago'mo'ene mani trago neteno, mago'mofona atregahie. Kagra Anumzante ene zgorera eri'zana eri'ontegahane.

Kagrama ama mopafi fenozama kegvahu fatgo osnankeno'a, iza tamage fenoma kvama kri'zana kamigahie? Kagrama vahe'zama kva huhaviza hanankeno'a, kagri'zana iza kamigahie.

Ana hianangi Abrahamu amanage huno asami'ne, I'o. Moses nanekene, kasnampa vahe'mokizmi nanekema nontahisu'za, inankna hu'za fripinti otino ome zamasami'nia kerera zamagu'a rukrehe hugahaze huno hu'ne.

Iza'o a'ma netreno ru a'ma erinuno'a, anamo'a monko'za hugahie. Hagi mago ne'mo'ma, ve'a atre'nesi'a a' erisanimo'a, monkoza hugahie huno hu'ne.