Yang 19-ын алдартай Библийн эшлэлүүд

Хуваалцах

Moâm Yê-su yáp, chơ án pai neq: “Khoiq moâm chơ máh ranáq cứq!” Vớt ki Yê-su ngũq plỡ asễng, chơ án ta-ŏh rangứh.

Vớt ki Yê-su pai neq: “Cứq sâng ễ khlac dỡq.” Án dáng khoiq moâm nheq máh ranáq noau chĩc atỡng tễ án tâng tâm saráq Yiang Sursĩ tễ mbŏ́q. Ngkíq yuaq án pai santoiq ki, yỗn cỡt rapĩeiq cớp tâm saráq ki.

Tữ Yê-su hữm mpiq án cớp cứq ca ratoi lứq cớp án, ỡt tayứng cheq ki, chơ án pai chóq mpiq án neq: “Mpiq ơi! Nâi la con mới.” Moâm ki Yê-su atỡng cứq neq: “Nâi la mpiq mới.” Tữ ki, cứq dững mpiq Yê-su chu ỡt pỡ dống cứq.

Ma tữ tahan ki toâq pỡ Yê-su, alới hữm Yê-su khoiq cuchĩt chơ. Ngkíq alới tỡ bữn toân ayững án yỗn tacoaih. Ma bữn manoaq tahan ĩt coih choat aveh Yê-su. Chơ aham cớp dỡq loŏh tễ môiq ki.

Nheq máh ranáq nâi toâq yỗn cỡt rapĩeiq tâng tâm saráq Yiang Sursĩ tễ mbŏ́q, pai neq: “Nghang án muoi ntreh la tỡ bữn tacoaih.” Cớp bữn ntốq canŏ́h ễn tâng tâm saráq Yiang Sursĩ pai neq: “Alới tapoang nhêng chu án ca alới khoiq choat.”

Bo alới dững aloŏh Yê-su tễ vil, alới yỗn án dỗl bữm aluang sangcáng án. Án toâq pỡ ntốq noau dŏq Ntốq Nghang Cantar Plỡ. Tâng parnai I-sarel noau dŏq ntốq ki la Cô-cô-tha.

Tỗp tahan táq carvang sarlia apưng tâng plỡ Yê-su, cớp alới asớp án au tuar santứm ễng.