JOHANA 15-ын алдартай Библийн эшлэлүүд

Хуваалцах

“Keimah grep kung ki nit a, nangmani â ṭanghei chu nin nit. Tukhom keimah-ah a om mai a, kei khom amah-ah ki om maina chu itam takkan â râ ngai; keima boiin îte sin thei mak chei.

Keimah-ah om mai unla, kei khom nangmaniah om mai ki ti. Iṭang khah grep kungah a kop mai non chu a khâtin a îrâ thei ino angkah takin, nangni khom keimah-ah nin om mai non chu irâ thei no tin u.

Keimah-ah nin om mai a, ki thu khom nangmaniah a om maiin chu, nin inuam murdi zong unla, mu mai nin ti.

Nangmanin ner thlang mak chei a, keiman nangni ki irthlang a nit; ife a, irâ itam takkah va nei rang neh nin irâ om mai rangin nangni kî phun a nit; khanchu, ker minga Pa zianga nin ingên murdi chu nangni ai pêk rang a nit.

Miriamin a rualhei ta ranga a ringna ai pêk nêka lungthlungna lian ual tutên nei mak e.

Keimah-a kop iṭang irâ no murdi chu a pai ngai a, â râ murdi chu arthial infâi ngai, â râ a tam ualna rangin.

Amahih ki thupêk chu a nit; lung nangni kî thlung angkah hin nangni khom lungrithlung risak rei.

Itam takka nin îrâ-ah hin ki Pa roinpuina inlangin ai om ngai a nit; khaangkan ki kôilômhei nin hong init a nit.

“Keimah hi grep kung diktak ki nit a, ki Pa arkul idontu a nit.

Tukhom keimah-ah om mai ino chu iṭang angkana paiin a om a, a châr ngai. Khanchu, an rikhôm a, meiah an pai a, a kâng rivâm ngai.

“Ki lômna hi nangmaniah a om mai theina rang neh nin lômna arkip theina rangin hi thu hih nin ziangah ki îsîr a nit.

Ki thupêkhei nin zômin chu ki lungthlungin om mai nin ti, keiman ki Pa thupêkhei ki zôm a, a lungthlunga kî om mai angkah hin.

Khasikin, hi thupêk hih nangni kî pêk a nit, lungrithlung rei.

Rammual mi ni unla chu, rammualin ama ta angkan lung nangni ai thlung rang a nit. Khannisela, rammuala rithoka nangni ki irthlang suak nin nit a, rammual ta nin nit khâi no sikin rammualin nangni ai nel a nit.