Jɔn 10-ын алдартай Библийн эшлэлүүд

Хуваалцах

Ŋmɛɛr yaa wa zu bol di o ŋmɛ piisisi ta a kpu a. Min ka la dɛɛsi a. Min funɛ wa di mu wa kpa Koosa mi fali ti a nyɛ nara ni. Waa kaali ba titi miisa kinkan.

“Min la dɛɛsi mu piisisi ta a kaali piisi gbaŋsi maga. Hali mu saksɛu di mu sou a nyɛ a.

Mu zim mu piisisau ka a gbanko zim mu ta a la tiŋ min.

Mu kpa Koosa mi fali naa vɛ kpak bɔ a nyɛ a, chen ni o wa zi bu na a galimsa a ta a yɔri. Nandigi wa zi fuksi a n wati.

Ba naa maga nyɛ mu yisi ba a li ba tum tagna ni chi piisisi naa yaa wa zu a bol a li di diwe chene.

Min la dɛɛsi mu piisisi ta a kaali piisi gbaŋsi maga. Mu zim au ka a ka zim min.

Mu nyana naa zen a kaali kin maga, kpa a a du mu nin ni. O wa zi nyɛ nandigi fuksi a a li mu nin ni. Mu wa mu nyan ti ya nibɛgimnɛ.”

Chen vɛɛna mu zim mu nyan tiu ka mu nyan ti ka zim min. Hali mu saksɛu di mu sou a nyɛ mu piisisi ta ni.

Nandigi wa kpak kpok a la zi yisi mu miisa. O ya mu tutɔrɛ nara zi wa ya chen. Mu nyan ti funɛ kpa o kpok ti a nyɛ min di mu nyini wuzu a sou. N wa sou, o kpok naa nyɛn min ni chen, zi nyɛ mu siu a li mu sou ni.”

Nan daha, Yesu fun bukoo ŋɔ ba, “Maa nu mu wati nɛnɛ. O chi di min ya bol zɔɔnɔ ti.

Tumtumna nyini piisisa, o wa zi nyini a nɛnɛ. Gbeha wa wa di o wa pisi a dɔŋ ni a kpak a, o zi chɔu a ka a, domi o wa dɔ a.

Doone Yesu fun jɛɛgi jɛɛgi a ŋɔ ba, “Maa nu mu wati nɛnɛ. Nandigi zu piisisa bol dusum a vɛ tiŋ bol zɔɔnɔ a zuuli, ma zim di o ya ŋmɛɛrrɛ.