San Lucas 23-ын алдартай Библийн эшлэлүүд

Хуваалцах

Ne chi cacuaadeb Jesús lo cruzy, ax guniiny: —Xtada, baanbiu perdón de bɨnquɨ, te pur quɨt gántideb xing rundeb. Chiy de suldadqui gudzɨtdeb dád quia xab Jesús par bgaaizni lodeb.

Ax raipy Jesús laab: —Nare rniia liú dec andxiacré suguaníu nare llayabaa.

Chiy raipbɨ laany: —Jesús, güenelaazbiu nare chi acanabeebiu.

Chiy Jesús gurɨxtiany: —Xtada, laznaabiu rsáana spírit xtena. Ne chi guniiny ziy, ax gutyny.

Chi bdzɨndeb rut lá Calver, bcuaadeb Jesús lo cruzy, cun iropte de gubaanqui: tubybɨ cua lad naldí stubybɨ cua lad rbez.

Chi guc laidxi, chiy iduibte lo guɨchliu bcay, axtquɨ rca chon gudxi. Bcay gubidx, ne cortin ni guzaaiby laniudoroo xte Jerusalén gullaani, iruldti gucni.

Chi guná capitán xte de suldad romanqui irate zec ni guc, ax guniib de diidx zaac par Dios. Laab guniib: —Didxldícazaquɨy dec xíteete malti quɨt baanti bnietquɨ.