Juan 5-ын алдартай Библийн эшлэлүүд

Хуваалцах

<<Rasunpam nï: Willakunqäta wiyar mandamaqnï Papänïman yärakuqkunaqa mana ushakaq kawaytam tariyashqa. Paykunaqa manam infiernuman qaykushqatsu kayanqa, sinöqa wanushqanö kayanqanpitam mushuq kawaytana tariyashqa.

Tsay runa unaypitana qeshyanqanta musyarmi Jesús nirqan: <<¿Alliyta munankiku?>>

<<Qamkunaqa mana ushakaq kawayta tariyänaykipä kanqanta yarparmi Tayta Diospa palabranta liyir yachakuyanki. Tsaynö yachakurpis manam tantiyayankitsu tsay qellqayanqankuna noqapä parlanqanta. Tsaynö parlaptinpis manam criyiyämankitsu. Peru criyikamuq kaqmi sïqa mana ushakaq kawayta tariyan.

Jesúsnam nirqan: <<¡Shäriy! Kirmaykita apakurkur aywakuy>>. Tsaymi jinan höra alliskir kirmanta apakurkur kushishqa aywakurqan. Tsay junaqqa jamay junaqmi karqan.

Jesúsnam nirqan: <<Rasunpam nï: Tayta Diospa Tsurin karmi Papänï llapan ruranqanta noqapis rurä. Manam kikïpa munaylläpitatsu imatapis rurä, sinöqa Papänï ruranqanta rikanqallätam rurä.