CHƆN 14-ын алдартай Библийн эшлэлүүд

Хуваалцах

“N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

Mbɛ Chisɔsi ɔ an ma, a ɔ, “Chɛ ma wo faa mɔnɛ. Wo a a tun wo kai fa koe a Yataa a, wo ni a a tun wo kai fa koe a n bɛɛ a.

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

“Mɔɛ min mbe koe n ma‑a, n mbe miin fɔ an ma koe a, an mɔɛ chɛ an toen mu n na. A sin, an mɔɛ chɛ, a toen min chɛ‑a ka n na, Fa wɛɛ, a ɛ to‑a wan a a. N bɛɛ, n mbe to‑a wan a mɔɛ chɛ a, mbɛ n‑na a ma, a‑a n sɔn chɛndɛ chɛ.”

N mbe fa ɔ tisa‑a wan, a ni a ma, wo ni demanɛ dɔ mende ma sɔn. A sin, ɛ a Nyina a na‑a wan, a ni ma wo fɛ tima ɔ tima ko a. An Nyina chɛ, an mbe a ma, mɔɛ n ni tea ɔ sɔn a si Yataa ma. Chɛɛ Yataa wakoe ee mɔɛ miin faa ɔ, an mbe ee che an boo si‑a a kɔɔ. Koe min na mu, an mbe ee che a yen‑da, an sin ma a sɔn. Chɛɛ wo tana, wo‑a a sɔn fan, koe min na mu, wo bɛ mu sanche chɛ ɔ, a sin mbe ma‑a wan wo fɛ ya ɔ ma.

A sin, n mbe ko ɔ ko chɛ‑a wan wo ye, wo e n dɔ tisa‑a min chɛ koe a, n tɔɛ ɔ. Chɛ ɛ a ma‑a wan, n ni a ma, mɔɛ n ni a ɔ yen, Fa kamayaen mu buɛ min dɔ. Ni wo‑a tisa chɛ ko ɔ ko ko a, n tɔɛ ɔ, n mbe a chɛ wan wo ye.”

Mbɛ Chisɔsi ɔ a fɛ denɛ n ma, a ɔ, “Wo e koe chɛ n ma‑a wan, n‑na miin fɔ wo ye an ma koe a, ni wo toen fan mu n na.

Fa Yataa waa banda bu ɔ, sa tena kɔkoo nɔ kaka. N mbe chɛ fɔ tena wo ye, koe min na mu tea mu. A sin, n mbe ta tena wan kaina ɔ bɛn‑da wo ko a.

A sin, ni n ta‑a, mbɛ n‑na kaina chɛ ɔ bɛn wo ko a, n mbe yɛ‑a wan to nɛ wo ya ɔ. Mbɛ n‑na a ma, mmɔ ta‑a, min mbe a ma‑a, n mbe ma‑a kaina min, wo wɛɛ, wo ni ma nɔ.

Mbɛ Tɔmɔsi ɔ, “Mansa, e ta tena kaina min, a yiima kan kɔ kan mbe ee nn ma. Nn mbe ee kun, nn ni chia sɔn ta koe a nɔ. Chɛ ɛ ma wan?”