DUKU 17-ын алдартай Библийн эшлэлүүд

Хуваалцах

Mbɛ Chisɔsi‑a a fɔ a ye, a ɔ, “I kɔɔ sɔ, i ni ta, i 'a danaya‑a i baun.”

Ni a sin‑na ko yama ma wo a, si tena wɔnfea wɛɛ tee ma, mbɛ ɛ wo disa tima ɔ tima a 'a ko yama chɛ ko a, wo wo boo bɔ a 'a ko yama maen chɛ n dɔ wo a.”

An dɔndɔ‑a a ɔ yen kɛn, mbɛ a baun‑da, a yɛ‑a wan Chisɔsi tena, ɛ ta‑a Yataa tando‑a, a kuiɛ ma sɛenɛ a. Mbɛ a‑a a wandi ɔ fuin fan duu ma fugbu Chisɔsi chen kɔɔ, mbɛ a‑a a wai bɔ ka. Samayia mɔɛ ni an kamin chɛ a.

Chɛ an‑na a fɔ, wo wo kun ma fɛn, ni wo ma‑a ko ɔ ko ma‑a. “Ni wo bɔɛ‑a ko yama ma wo dɔndɔ wɛɛ a, wo a fɔ a ye, mbɛ a‑a ko yama an ma ka. Ni a dɔn‑da a ma, mbɛ a‑a ko yama an ma ka, wo wo boo bɔ a 'a ko yama maen chɛ ɔ wo a.

Mbɛ Chisɔsi ɔ, “N‑na an mɔ tanɛ n gbɛɛ baun fan. Mɔ kɔnɔntɔɛ chɛ nɛnɛ nu, an ma an ya wɛɛ a yɛ ni to.

Mbɛ a ɔ, “Ni danaya ɛnden bɛɛ yɔ chin fen kuu dɔma ɛndenɛ, a ni wan wo ɔ Yataa ko a, wo ni kun fan wo ni a fɔ kɔn ba chɛ ye, wo ɔ, a kuu ni bɔ, a ni ta, a ni sɔ yii ɔ. Mbɛ a ma‑a, yɔ wo‑a a fɔ buɛ min dɔ.

Ni mɔ ɔ mɔ‑a a wandi fɔɛ ma sansa, an mɔɛ chɛ ee kuɔ fɔ fɔɛ ma sɔn‑da. Chɛɛ mɔɛ min mbe a yii bɔ‑a a fɔɛ ɔ, an mɔɛ chɛ ɛ kuɔ fɔ fɔɛ ma sɔn‑da wan.

Tee dɔndɔ a, Chisɔsi‑a a fɔ wan a fɛ denɛ n ye, a ɔ, “Koe n mbe ma‑a wan, min mbe a ma, mɔ gbu n ni dɛ ko yama ma ɔ. Chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ. Ɛ nyan fan a mɔ bonda chɛ ko a, sen kanɛ ni chii a kan na, mbɛ an ni a a dɛ yii wa ɔ. A mɔɛ chɛ e na to a ma‑a, mɔɛ miin dan‑da ka n na sanche, an dɔndɔ wɛɛ ni dɛ ko yama ma ɔ.

Tima min na, n fan, Mɔ Gbu 'a Denɛ, n mbe yɛ‑a dunya chɛ ɔ to, koe n mbe ma‑a ka wan, yɔ an ni buɛ min dɔ Nowa 'a tima a. Mɔɛ n ni wan ko ɔ ko ma‑a Nowa 'a tima a, mɔ gbu ɛ ko ɔ ko kan kɔ kan min ma. Mɔɛ n ni daun fenɛ n daun fan, a yɛ to, an mbe an min. Mɔɛ n ni musu fuu wan, musu n sin ni be wan kai ma. Chɛ an ni a a, yii nii ma dunya ya ni tima min na, mbɛ Nowa sɛ‑a dɛndɛ wa dɛgbɛ ɔ. Mbɛ yii‑a an 'na dunya gbu gbɛɛ ya, mbɛ a‑a an gbɛɛ ban.