Mataji 5-ын алдартай Библийн эшлэлүүд

Хуваалцах

Na lu luṅali, lwe akungile umunu, vasigubikila nakalilo, hamu, vineneve ka pakyâńa pakivatilo, apo lulavaṅalitila vonda, avali muńumba. E lungaṅalitaga-vo ulumuli lweńo na ju ńeńe, pe vikuvalava avanu, apo valamuginya udadińu uva kukyâńa, pe vadzivwene inofu, dze mwilima uńeńe.

Uńeńe ńe lumuli lwa ńi, ikâja ijidegembye pakyâńa pakidunda, jisili vufihamo.

Vali kitendileme avańa-numbula indzelu, ndivwene valasungwa vamuvone Nguluvi.

Vali kitendileme avadagine indzala ja vugolofu neke nukukeluka, ndivwene valiguta.

Neke unene ndikuvavula nditigila: muvendage avańa-vukava veńo, muvapogole avakuvalekela indeko, muvaletelage inofu avańa-kuvasula, muva-lapangililage avańa-kuva-liga navańa-kuvafwima.

Vali kitendileme avahangala pamubepo gwanavo, ndivwene uvutwa vwa kukyâńa vwanavo vavo.

Vali kitendileme avihula ulutengamaso, ndivwene valavedza ve vâna va Nguluvi vavo.

Vali kitendileme avańôńôvye, ndivwene valańamadzwa.

Vali kitendileme avanuńilwe ulwa kuva vagolofu, ndivwene uvutwa vwa kukyâńa vwanavo.

Vali kitendileme avipyanila, ndivwene vala-pyanilwa navo.

Muli kitendileme, ngana avanu vikuvaligila apangu, ngana vikuvafwi-mila apangu, ngana viku-vadetelela apangu idza vudesi inalamu dzonda. Apo mukelage muto-vage nimbilikila, pakuva ifya kuvahomba fyolofu kukyâńa. Ndivwenenava-vidzi avalongodzi ukweńo vavafwimaga ndeni.

Vali kitendileme avalêngamu, ndivwene ińi dzonda mapwela ganavo.

Uńeńe ńe mûńo gwa ńi, neke umûńo, ngana guhukile, apo ifya kugukalifihidza vwitola kiki? Apo ve gusili namalimo, ve gunogye gutagwage pamapalagata, vakańangage avanu namagulu.

Neke lino muvedzage vańa-kupedza, ndevye mu-ńa-kupedza udadińo kukyâńa.

Mulongage lu lwa kuta: Ena, ngana mwikwi-dihidza, nulwa kuta: Hamu, ngâna mwikana; apo swe, ve lusilile. Aga kongeledza pakyâńa pagene aga, ge ga vuhaluka hela.

Mupulike ululongilwe nulwa kuta: „Ilîho palîho, ilîno palîno.“ Neke unene ndikuvavūla nditigila: mutane ukutenga kwe vuhaluka. Neke je akukudzagulâ kulu-dzedze lwa kundyo, je umutavulilage na lu lujagwe, aludzagulage.

Neke ngana uvwene ilîho lyako ilya ndyo likukwambudza ukuta vwangule inôngwa, apo ulopole utage. Ndivwene kunofu uveve, ngana kifwa akapagwa kamwinga aka pamuvili gwako, ngana gonda umuvili gwiponela mumo ukusopelwa mumôto. Kangi ngana uvwene ilivoko lyako ilya ndyo litigila ndikwambudzage juve, apo ulidumule utage. Ndivwene kwe kunofu uveve, ngana kifwa ikipagwa kimwinga ikya pamuvili gwako, ngana mwe gwiponela mumo gonda umuvili gwako ukusopelwa kumôto.