Génesis 1-ын алдартай Библийн эшлэлүүд

Хуваалцах

Upéi Ñanderuete he’i: Jajapóna kuimba’e ha kuña ñane ra’ãngáicha, ha tañandejogua; ha toisãmbyhy hikuái umi pira yguasúre oikóva, umi guyrápe ovevéva árare, umi mymba tuichávape, pe yvy tuichakue javeve ha opaichagua mymba otyryrývape yvy apére. Ha Ñanderuete ojapo ypy kuimba’e ha kuña ha’ãngáicha, Ñanderuete ra’ãngáicha ojapo ypy ichupekuéra.

Ha Ñanderuete ohovasa ichupekuéra ha he’i: Peñemoña ha peñembohetáke; pemyenyhẽ meve ko yvy, ha pemoĩ pende poguýpe, peisãmbyhy umi pira yguasúre oikóva, guyra árare ovevéva ha opaichagua mymba omýiva guive yvy apére.

Ñepyrũmbýpe Ñanderuete (Jahve) ojapo ypyva’ekue yvagakuéra ha yvy.

Ha pe yvy oĩ nandi ha sarambikuépe, ha ypytũ oĩ yguasu pypukuetereíva ári, ha Ñanderuete Pytu Porãitéva oku’e ijape ári.

Ha Ñanderuete he’i: Tahesakã, ha hesakãma.

Ha Ñanderuete oma’ẽvo opaite mba’e ojapova’ekue rehe ojohu iporãitereiha. Ha ohasa ka’arupytũ ha pyhareve, pe ára 6-ha.

Ha Ñanderuete ohechávo pe tesakã, ojohu iporãha; ha Ñanderuete omboyke tesakã ypytũ apytégui.

Ha Ñanderuete he’i: Peikuaa porãke, ame’ẽmbaha peẽme opaite ka’avo ha’ỹiva, oĩva guive yvy apére, ha opaite yvyra hi’áva ha’ỹi reheve, pene rembi’urã ramo.

Ha Ñanderuete ombohéra pe hesakãvape ára; ha ypytũme, pyhare. Ha ohasa ka’arupytũ ha pyhareve, pe ára peteĩha.

Upéi Ñanderuete he’i: Toñemboja’o umi yguasu mokõi hendápe, pe y yvy apére ha pe y ára yvate pegua; ha ijapytépe toiko pe arapy (firmaménto).

Ha opaite mymba yvy ape reheguáva, opaite guyra ovevéva ha opaite umi yvýre otyryrývape ame’ẽ opaichagua ka’avo hovyũva ho’u hag̃ua. Ha upéicha ojehu.

Upéi Ñanderuete he’i: Toĩ umi mba’erendy ohesapéva arapýpe, ojei hag̃ua ojuehegui ára ha pyhare; ha ohechauka hag̃ua umi ára (día), jasyjere (mes) ha añokuéra.

Upéi Ñanderuete he’i: Pe yvýpe taheñói opaichagua ka’avo hovyũ ha’ỹiva ha opaichagua yvyra hi’áva. Ha opaichagua ka’avo ra’ỹigui, tokakuaa jevy pe ka’avo heseguáva. Ha opaichagua yvyrágui, tokakuaa jevy pe yvyra ypykue reheguáva.

Ha Ñanderuete ojapo pe arapy iñasãiva, ha omopa’ũ pe y oĩva arapy iñasãiva guýpe, upe y oĩva arapy iñasãiva árigui. Ha upéicha ojehu.

Upérõ, pe yvýgui heñói opaichagua ka’avo hovyũ ha’ỹi reheguáva; ha avei opaichagua yvyra hi’a reheguáva. Ha Ñanderuete oma’ẽvo umívare ohecha iporãha.

Ha Ñanderuete ojapo umi mokõi tesape tuicháva; pe tuichavéva (kuarahy) ohesape hag̃ua arakuépe, ha pe michĩvéva (jasy) omyesakã hag̃ua pyharekuépe ha ojapo avei mbyjakuéra.

Upéi Ñanderuete he’i: Ta’ijaty umi y oĩva umi ára guýpe peteĩ hendápe, ojehecha hag̃ua pe mba’e ikãva, ha upéicha ojehu. Ha Ñanderuete ombohéra pe mba’e ikãvape yvy, ha pe y Ha’e ombyatyva’ekue ombohéra yguasu. Ha Ñanderuete ohecha hembiapo iporãha.

Ha Ñanderuete ohovasapa, he’ívo: Peñemoña ha peñembohetáke, pemyenyhẽ umi yguasu ha guyrakuéra toñemboheta yvy apére.

Upéi Ñanderuete he’i: Yvýgui taheñói opaichagua mymba, mymba tuicháva yvýre otyryrýva, ha opaichagua ambue mymba yvy apére g̃uarã. Ha upéicha ojehu.

Upéi Ñanderuete he’i: Taheñói ykuérape opaichagua mymba oikovéva ýpe, ha guyrakuéra ovevéva yvy ape ári g̃uarã, pe arapy iñasãivare.

Ha Ñanderuete ojapo umi mymba saite, ha ambue mymbakuéra hesaite’ỹva, ha opaichagua mymba otyryrýva yvy apére. Ha Ñanderuete ohecha iporãha hembiapokue.