Génesis 3-ын алдартай Библийн эшлэлүүд

Хуваалцах

Ha pe kuña oma’ẽvo pe yvyra’a rehe, ombohoryete hesa ha iporã oje’u hag̃ua ha’e oipotaite voi ohupity hag̃ua arandu, oipo’o hi’a ha ho’u; ha ome’ẽ avei iménape hendive oĩva, ha ha’e ho’u avei.

Ha upe mbói iñaranduve opaite ambue mymbakuéra Ñanderuete, pe Jaraitéva ojapova’ekuégui; ha péva he’i pe kuñáme: Añete piko Ñanderuete he’i peẽme: Aníke pe’útei opaite yvyra’a yvatýpe oĩva guive.

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

Ha Ñanderuete he’i pe kuñáme: Heta rehasa asýta ha nderasyetéta nememby hag̃ua; ha ne remikotevẽ ne ménape g̃uarã, ha repytáta ipoguýpe.

Nde syva ry’aikuépe re’úta ne pan oiko jevy peve ndehegui yvy, yvýgui voi ningo resẽva’ekue; ha yvytimbo oiko jevýta ndehegui.

Ha kuimba’épe he’i: Nde rehendu haguére ne rembirekópe, re’úgui pe yva ha’eva’ekue ndéve: Ani hag̃ua re’u, ha rejapógui péicha oñemaldecíta ko yvy; ha jeiko asypópe rekaruva’erã ichugui reikove aja pukukue.

Ha Ñanderuete he’i ichupe: Máva piko nembo’e nde opívoha. Re’u piko ra’e pe yva Che ha’eva’ekue ndéve ani hag̃ua re’u.

Ha omosẽ okápe Adan ha Évape, ha omoĩ Eden yvatýpe kuarahyresẽ gotýo querubinkuéra (ángel ruvicha) ikyse puku hendýva ha omýiva opa gotýo, oñangareko hag̃ua pe yvyra oporomoingovéva rape rehe.

Ha Adan ombohéra hembirekópe, Éva, (he’ise: Oikovéva sy) ha’égui hína opaite yvyarigua sy.