मती 6-ын алдартай Библийн эшлэлүүд

Хуваалцах

मनदो मड़ंगरे अपे भगवानराः राइजराः कताकून अरू बेगर गारबार जीव जियाः लगापे ञाम। दो नाःआ जमाकून हों अँननपेराः होया जुवाःता।

हनालगा अपे गपाःआ कता लगा अलोपे ओंगोलगोड ञवन। गपा लगा गनापापे ओंगले। तिसिंग ओंगले लगा तिनिसिंगाःआ कटसिया बगरा इदा।

हनालगा अपे एचेरे ईंग कतायतना, अपे अँननपेराः जीव लगा अलोपे ओंगोल कुहकाः, अले चिलाले जोम अरू चिलाले ञू, माःआन। अरू अपे अँननपेराः देह लगा अलोपे ओंगले, अले चिलाले तुसिंग, माःआन। जीव, जउः अते अरू देह, सोनहे अते मरंग कोवानेःआ जा?

मनदो अपे अरजी दो कुठरीरेपे सेन अरू दुवारपे सींग। हनते अबू मेरबू ञेल अवेयता हाँयग अपांग भगवान एचेरेपे अरजी। दो अपेरीग अपांग भगवान अपेराः ओनोक दनंग बुताय ञेलता अरू जमाकू मड़ंगरे इमाने एनेमेवापेता।

अपे नाःआ इयापे अरजीगे, ने सेरमो देसरे इदानीग अलेरीग अपांग, आमराः ञाव सुद इदा, माःआनले मान मरजइत अवेय। आम अले तलारे राइजगे लगाम बुँहड़ीगे। सेरमो देसरे आमराः हिछा पुराःता, हनन इया चउंदीसरे हों आमराः हिछाम पुरावगे।

अलेराः सगर दिनाः जोम जिनिस तिसिंग अले लगाम एमेवाले।

अले एटाः होड़कूराः गारबारले बराव एंडाकेरा, हनन इया अलेराः गारबार होंम बराव एंडागोड।

अरू कसूरराः रेनहारे अलोम पराव ओवाले, मनदो बेलूर अतेम बनसावले। [हकतियार अरू जंगर अरू मान मरजइत सगर सइट वरी अनमराः हवे। आमीन!]

हनालगा अपे एटाः होड़कूराः कसूरपे बराव एंडागे दो, अपेरीग सेरमो देसरीग अपांग भगवान हों अपेराः कसूरे बराव एंडाता।

सेरमोरेकू उडाःता हँकुःआ तितीगकूपे ञेल। हँकू मेरकू वेरता अरू ईरकेडखन पलारे हुड़ू मेरकू दोहोयता। हनारे हों सेरमो देसरे इदानिया अपेरीग अपांग भगवान हँकू जोम लगाय एमेवाकूता। दो अपे तितीगकू अते मइद कोवापेःआ जा?

अपे लगा चउंदीसरे आन-धान अलोपे बटुड़ावगे। नाःआ आन-धान दियाँकू जोमगोडता अरू हना किचियाव जुवाःता। इनिग होड़कू हों अडिग गोःयताकू। मनदो अँननपे लगा सेरमो देसरे आन-धानपे बटुड़ाव। हंडा दियाँकू मेरकू जोम अवेयता अरू मेर किचियाःता अरू इनिग होड़कू मेरकू अडिग गोः अवेयता। अपेराः आन-धान दोहोनता, हननंडा अपेराः ओंगोल हों दोहोनता।

तोनोंगीग होड़ बार होड़ मालिककिन ओरोय सेवा अवेतेडकिना। हाँय मी होड़ मालिके हिनइस-बिनइसवायता अरू एटाः होड़ मालिके अलार-दुलारगेयता। हाँय मी होड़ सुदा अकूस मनाः घड़ीने दोहोनता अरू मी होड़े आड-बेकारवायता। अपे भगवान अरू आन-धान बनर ओरोपे सेवा अवेतेरा।

डंडहाराः बीर तोनोंग दिन वरी हड़ियड़ दोहोनता अरू तयोमरे झुरा जुवाःता। अरू होड़कू हना बीर ईर जुमावकेडखनकू बाल लोगोडता। हनारे हों भगवान हना बीरकून सुघरे तुलाकेरा। दो अपे भगवान एचेरे चिला लगा गुनमिनपे बिसवासगेतना? भगवान अपे लगा बीरकून अते बगरा नपाय सोनहे तुसिंगगे लगा ओरोय एमेतेरा जा?

मनदो अपे तोनोंगीगपे संघरावा दो हनमेला अपेराः खउना तिःई एचेयता हना अपेराः दिरहिया तिःई अलो सुदी अवेय, जेमहा अपेराः संघरा एमेत, एटाः होड़कू अलोकू सुदीय। दो सेरमो देसरे इदानिया अपेरीग अपांग भगवान, अपेराः नपाय बुता ञेलकेडखन हनाराः इमाने एमेवापेता।”

“अपे होड़कू एचे उदुःवा लगा धरमराः नपाय बुताकून अलोपे एचेय। नाःआ इयापे एचेय दो, सेरमो देसरे इदानिया अपेरीग अपांग अते हना नपाय बुताराः इमान कहिसाः ओरोपे पवावनेना।

अपे उपासपे दोहोन मेला, पचघुचिया होड़कू इया अपेराः सुरइत अलोपे उतरावगे। अले उपासरे इदानलेःआ, माःआन होड़कू एचे उदुःवा लगा अँनकूराः सुरइतकू उतरावगोडता। अपे ईंगपे अयूम! हँकू हनाराः जमा इमानकू पवावयना। मनदो अपे उपासपे दोहोन दो, अपे अबुःपे अरू बोःरे सुनूमपे तिलाः, जेमहा होड़कू अलोकू सुदीय, नँकू उपासरे इदानकुःआ, माःआन। सेरमो देसरे इदानिया अपेरीग अपांग भगवान एकला सुदीय अरू हाँय अपे इमाने एमेवापेता।