Juan 4-ын алдартай Библийн эшлэлүүд

Хуваалцах

Ndiosíꞌ kúvi re̱ꞌ Espíritu ya̱ ntu túvi nijinꞌ re̱ꞌ, jee rá ñɨvɨ ya̱ néñu̱ꞌun ráa re̱ꞌ íyó kuneñu̱ꞌun ráa re̱ꞌ ne̱ ánímaꞌ ráa sáni sáꞌá Ta̱chi̱ꞌ Ííꞌ iniꞌ ráa, jín sáni ya̱ naáꞌ ntaji re̱ꞌ nu̱u̱nꞌ‑ó ―nkachiꞌ Jesús.

Soo va̱ji máá hora, jee ya̱ nkenta‑a, ya̱ nta̱ká rá ñɨvɨ ya̱ néñu̱ꞌun nijia ráa Tátáꞌ ráa Ndiosíꞌ ya̱ saɨn kuneñu̱ꞌun ráa re̱ꞌ ne̱ ánímaꞌ ráa sáni sáꞌá Ta̱chi̱ꞌ Ííꞌ iniꞌ ráa, jín sáni tu̱ꞌun nááꞌ ntaji re̱ꞌ nu̱u̱nꞌ‑ó. Chi núkú Tátáꞌ‑ó Ndiosíꞌ ñɨvɨ ya̱ suꞌva kuneñu̱ꞌun ráa re̱ꞌ.

Soo ñɨvɨ ya̱ koꞌo nute ya̱ ku̱ꞌva ni̱ꞌ nu̱u̱nꞌ‑u, jee ni nsáꞌ kujichiꞌ ka̱ꞌ. Chisaꞌ nute ya̱ ku̱ꞌva ni̱ꞌ koꞌo‑o, jee kene vá iniꞌ‑i kuéntáꞌ kene nokoꞌ nute nu̱u̱nꞌ ñu̱ꞌún, jee saꞌá‑a ya̱ ni̱ꞌi̱nꞌ ñɨvɨ ya̱ kutekuꞌ‑u nɨ́ɨ́nkání jín Ndiosíꞌ ―nkachiꞌ Jesús.

Jee nna̱xiníkó Jesús nu̱u̱nꞌ ña, jee nkachiꞌ re̱ꞌ: ―Retánꞌ jíníꞌ nú ta̱ꞌvi̱ꞌ ya̱ jiáꞌa Ndiosíꞌ nu̱u̱nꞌ ñɨvɨ, jín retánꞌ jíníꞌ nú né ɨɨn kúvi ni̱ꞌ ya̱ káchíꞌ ni̱ꞌ nu̱u̱nꞌ nú ya̱: taji nú xá ntíꞌ nute koꞌo ni̱ꞌ, jee maánú ka̱ka̱nꞌ táꞌvíꞌ nú nu̱u̱nꞌ ni̱ꞌ, jee taji ni̱ꞌ nute nu̱u̱nꞌ nú ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Jee nkachiꞌ Jesús nu̱u̱nꞌ ráa: ―Neyu yájíꞌ ni̱ꞌ ví ya̱ saꞌá ni̱ꞌ sáni kuíni maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, jín ya̱ sijínu ni̱ꞌ tiñu re̱ꞌ.

Saájee nkachiꞌ ña nu̱u̱nꞌ re̱ꞌ: ―Tátáꞌ, ni ntu̱náꞌ ínaꞌá nú ya̱ tavaꞌ nú nute, jee kúnú víꞌí sókó yaꞌá. Jee, ¿né núꞌ kúmí nú nute ya̱ sáꞌá‑a ya̱ kutekuꞌ?

Jee nkachiꞌ ña nu̱u̱nꞌ re̱ꞌ: ―Ya jíníꞌ ni̱ꞌ ya̱ kiji Mesías, ya̱ káchíꞌ‑ó Cristo. Jee sáá kiaaꞌ re̱ꞌ jee nakachiꞌ va̱ꞌa re̱ꞌ nɨꞌɨ nu̱u̱nꞌ‑ó ―nkachiꞌ ña. Jee nkachiꞌ Jesús nu̱u̱nꞌ ña: ―Nuꞌuꞌ ví Mesías ya̱ káꞌánꞌ jín nú ―nkachiꞌ re̱ꞌ.

―Neꞌenꞌ rán jee kuniꞌ rán ɨɨn te̱e ya̱ nkachiꞌ re̱ꞌ nu̱u̱nꞌ ni̱ꞌ nta̱ká ya̱ nsa̱ꞌá ni̱ꞌ. ¿Á nsú te̱e yaꞌá kúvi Cristo? ―nkachiꞌ ña.