Luke 17-ын алдартай Библийн эшлэлүүд

Хуваалцах

Tuwo korotoyana ilatuwoko idigo kana, ‘Kutāoya kūna. Im numisa pasina am yava bogina kubabane.’

Ago maliyalina tayamo goi neta siyamiyana sivanima sivayuwo goyo iguinuweko yaimi go, tuta tamo tamo ikaluvila iwo kana, “Atugavila”, e konuwotāo.’

E tolepero yaidi goi tayamo igite sakavaina bogina idedevina, tuwo itugavila, niyana gagaina goi Yaubada ina togaga ana ikamooitamoe go, ikaluvilamna ima Yeisu yaina. Ima Yeisu aena goi ikanakabobo nakae ikauyagu. Go amo korotoyana guma Samériya!

Ami dodōkana imi guinuwa goi! Neta siyami goyo iguinuwe, mami koliwole. Neta itugavila, konuwotāo.

E tomota matadi goi Yeisu idigo kana, ‘Maine tolepero adi badabada yawou sakavaidi simavada ae? Go adi tainima adi taivasi nakoidi?

E Tomoyayana idigo kana, ‘Neta imi numisa beno kutukutuna nakiyana, itoboinemi gigiku ame kolatuwoko kami, “Kutakubāla go, kuīwo kūna négwasa goi toinim kubagulīm.” Bei ikabikaonemi.

Avatauwa neta sipoikiki bego yawoidi siyoisikavate, nava yawoidi vau bei sitagau. Go avatauwa neta yau pasigu yawoidi sitagau, e nava yawoidi vau bei siyoisikavate.

E ilatuwokoidi idigo kana, ‘Aba kapusi moitamo bei sisowóduwo yaimi go, avatauwa neta tovakapusi, adi toovalugo unana idi liuna gagaina toina bei sibabane! Neta gurewa gagaidi sikabidi, nukotodi goi sisikoidi go, tauyadi silavedi sisou sina négwasa goi sisalili, moe adi dedevina sibabane, govila bego ame guna tonumisayao yaidi goi tayamo toosobuna sivakapusiye.

Nakonakae boi Nowa ina tuta goi mluwa ina sowóduwo, e Tomalatomotayana ina tuta aluvilamna amo nakae. Nowa ina tutayana goi tomota idi guinuwa siguuinuwedi. Nakae sikakáika be sinimnim be nakae sinainai ana kadókana Nowa mana bodayauwo sitaoya dedeoga gagaina goi sisowoya. Go tomotayadi idi sinapu tauna nakae go, mluwa ima ivatoopedi isamatedi.