လုကာ 24-ын алдартай Библийн эшлэлүүд

Хуваалцах

အယ်ဘီးဟှာ ငါဟှာ ငါ့ဖရဲ့ ဂဒိဟှို နန်းနို့နားဟှို ငါကိုယ်တိုင် စေလွှတ်မယ်။ အယ်ဘေမဲ့ ထတ်ကောန်းဂန်ဟှနေ တဂိုးဟှာ နန်းနို့ထတ်ဟှို ဆင်းလာခန်ထိ ယေရုရှလင်ဗြို့မာဘဲ့ စောန့်နေရမယ်” ဆိုဘီး သူးနို့ဟှို မိန့်တော်မူလေဟှယ်။

ကိုယ်တော်ဟှာ အယ်နေရာမာ မှေ့ဟှ။ ရှင်ပ္လန်ထမြော့‑က်ဟှားဘီ။ ကိုယ်တော်ဟှာ ဂါလိလဲနယ်မာ ရှိနေဒူးဟှ နန်းနို့ဟှို ဖယ်မျိုးမိန့်တော်မူဟှားဟှယ် ဆိုဇာဟှို အော့‑က်မေ့ဂေ့။

အယ်ခီမာ သူးနို့လေရဲ့ မျစ်စိဟှာ ပွမ့်ဟှားဘီး ကိုယ်တော့်ဟှို ပ္လန်မှတ်မိဟှားဂေ့ဟှယ်။ အယ်ဘေမဲ့ ကိုယ်တော်ဟှာ သူးနို့လေရဲ့ မျစ်စိရှေ့မာဘဲ့ ပျော့‑က်ကွယ်ဟှားလေဟှယ်။ သူးနို့ဟှာ “လမ်းတရှော့‑က်လောင်းမာ ကိုယ်တော်ဟှာ နို့လေဟှို စကားပြောနေခီမာရော၊ ကျမ်းစာလေဟှို ရှင်းပြနေခီမာရော နို့လေရဲ့ စိနှလောင်းထဲမာ မီးလောန်နေမျိုးဘဲ့ ဖြစ်နေဂေ့ဟှယ် မှုဟှလော။” ဆိုဘီး ယော့‑က်နယော့‑က် မေးနေဂေ့ဟှယ်။

“ကျမ်းစာလေမာ ရေးဟှားဇာဟှ မေရှိယဟှာ ဝေဒနာခံတော်မူဘီး သောင်းရစ်မြော့‑က်ဟှူနေ့မာ သေရာဟှနေ ထမြော့‑က်လေ့မယ်။ အယ်ဘီးဟှာ သူ့နာမအားဖြင့် ပြစ်လွှတ်ရှင်းနဆိုင်ဟှူ နောန်ဒတရားဟှို ယေရုရှလင်ဗြို့ဟှစဘီး လူမျိုးအားလောင်းဟှို ဟောပြောရမယ်။

သူးနို့လေဟှာ သန်းခ္လိုင်းဂူဝဟှ က္လော့‑က်တောင်းဟှို လှိမ့်ဖယ်ဟှားဇာဟှို တွိဟှားဂေ့ဟှယ်။ အယ်ကြောန့် သူးနို့လေဟှာ သန်းခ္လိုင်းထဲဟှို ဝမ်ဟှားဂေ့ဟှယ်။ အယ်ဘေမဲ့ သခင်ယေရှုရဲ့ လောန်းတော်ဟှို တွိဂေ့ဟှ။