လုကာ 7-ын алдартай Библийн эшлэлүүд

Хуваалцах

နန့်ဟှို ငါပြောမယ်၊ သူဟှာ ပြစ်ဘောင်ဂီး ခွမ့်လွှတ်ရှင်းခံရကြောန်းဟှို သူ့ရဲ့ ကီးမားဟှူ မြစ်တာန သတ်သေပြနေဟှယ်။ အယ်ဘေမဲ့ ပြစ်နဲနဲဘဲ့ လွှတ်ရှင်းခံရဟှူ လူဟှာ နဲနဲဘဲ့ ရှစ်ဟှယ်” ဆိုဘီး မိန့်တော်မူလေဟှယ်။ အယ်ဘီးန ယေရှုဟှာ အယ်မီးမဟှို “နန့်ရဲ့ ပြစ်လေ ခွမ့်လွှတ်ရှင်းခံရဘီ” ဆိုဘီး မိန့်တော်မူလေဟှယ်။

အယ်ဘေမဲ့ ယေရှုဟှာ အယ်မီးမဟှို “နန့်ရဲ့ ယောင်ကြည်ရှင်းဟှာ နန့်ဟှို ကယ်တန်လိုက်ဘီ။ ငြီသတ်ရှင်းန သွားပါ” ဆိုဘီး မိန့်တော်မူလေဟှယ်။

ယေရှုရဲ့ ခေတော်ရင်းမာ ရပ်ဘီး ငိုနေဟှူကြောန့် အယ်မီးမရဲ့ မျစ်ရယ်ဟှာ ကိုယ်တော်ရဲ့ ခေတော်ထတ်ဟှို က္လနေဟှယ်။ အယ်ဘီးန အယ်မီးမဟှာ သူ့ရဲ့ဆားဗန်န ကိုယ်တော်ရဲ့ ခေတော်ဟှို ခြော့‑က်အောန်သုဘီး ကိုယ်တော်ရဲ့ ခေတော်ဟှို နမ်းဘီး ဆီမွှီးန လူးလေဟှယ်။

အယ်မျိုးဘဲ့ ကျွန်တော် ကိုယ်တိုင်လည်း ကိုယ်တော်နားဟှို ရော့‑က်ထိုက်ဟှူလူ မှုဟှ။ မိန့်ပေးလိုက်န ကျွန်တော်ရဲ့ စေခံဟှာ ကျန်းမာရပါလေ့မယ်။ ဥပမာ ကျွန်တော် ကိုယ်တိုင်လည်း အာဏာပိုင်လတ်အော့‑က်မာ ရာရှိတယော့‑က် ဖြစ်ဘီး ကျွန်တော်ရဲ့ လတ်အော့‑က်မာရှိဟှူ စစ်သားလေဟှို အောက်ချောက်ရပါဟှယ်။ တယော့‑က်ဟှို ‘သွား!’ ဆိုဟှာ သွားပါဟှယ်။ တယော့‑က်ဟှို ‘လာ!’ ဆိုဟှာ လာပါဟှယ်။ အယ်ဘီးဟှာ ကျွန်တော်ဟှာ ကျွန်တော့်ရဲ့ ကျွန်ဟှို မိန့်ပေးလိုက်ဟှယ် ‘အယ်မူဇာဟှို လောက်လိုက်!’ ဆိုဟှာ လောက်လေဟှယ်” ဆိုဘီး လျှော့‑က်စေဟှယ်။ အယ်စကားဟှို ယေရှုကြားဟှူ ခီမာ အံ့ဩဟှားဘီး ကိုယ်တော်ဟှာ ပတ်လည်ဟှို ကေ့ဘီးန နော့‑က်တော်ဟှို လိုက်နေဟှူ လူအောက်ဂီးဟှို “နန်းနို့ဟှို ငါပြောမယ်။ အယ်မျှလော့‑က်ကီးဟှူ ယောင်ကြည်ရှင်းမျိုး ဣသရေလလူမျိုးထဲမာဟှို ငါလောင်းဝ တွိဖူးဟှ!” ဆိုဘီး မိန့်တော်မူလေဟှယ်။

အယ်ခီမာ ယေရှုဟှာ လူလေဘောင်ဂီးဟှို သူးနို့ရဲ့ ဖျားနာရှင်းလေ၊ ရောဂါလေ၊ နတ်ဆိုးဘေးဟှနေ လွှတ်မြော့‑က်စေဟှယ်။ မျစ်စိကန်းဟှူ လူလေဟှို မျစ်စိပ္လန်ဗြင်စေဟှယ်။ ကိုယ်တော်ဟှာ ယောဟန် စေလွတ်လိုက်ဟှူ လူလေဟှို “နန်းနို့လေကြားရ၊ ဗြင်ရဇာလေဟှို ပ္လန်ဟှားဘီး ယောဟန်ဟှို ပြောပြဂေ့။ မျစ်စိကန်းနေဟှူလူလေ ဗြင်ဟှားဘီ။ လမ်းရှော့‑က်နိုင်ဘဲဟှူ လူလေ လမ်းပ္လန်ရှော့‑က်ဟှားဘီ။ နူနာသည်လေဟှာ သန့်ရှင်းဟှားဘီ။ နားပန်းနေဟှူ လူလေဟှာ နားကြားဟှားဘီ။ သေနေဟှူ လူလေဟှာ ပ္လန်ရှင်ဟှားဘီ။ ဆင်းရဲသားလေဟှာ အယ်ဒန်းကောန်းဟှို ကြားရဟှားဘီ။