SAN MATEO 15-ын алдартай Библийн эшлэлүүд

Хуваалцах

Ashtahuanpish tucui ima rimashcacunaca, shungu ucumantami shamun. Chaimi pitapish juchayucta ruhuan. Shungu ucumanta millai yuyaicuna llucshicpimi huañuchincuna, cazarashca jahua shuc-huan huacllirinacuncuna, manarac cazarashca cashpapish huacllirinacuncuna, shuhuancuna, llullancuna, shinallatac imapish mana alli rimaicunata rimancuna.

—Imapish shimita yaicucca mana juchayucta ruhuanchu, ashtahuanpish shungu ucumanta llucshishca, imapish mana alli rimaicunami, gentecunataca juchayucta ruhuan— nirca.

‘Cai gentecunaca jahua shimillahuanmi ñucataca alli nincuna. Ashtahuanpish paicunapac shunguca, ñucamanta carupimi. Paicuna ñucata alli ningapac tandanacushpapish, yangallami tandanacuncuna. Shinallatac paicuna yachachishpapish, runacuna mandashcallatami yachachincuna’ nishcami— nirca.

Shina nicpi Jesusca: —Huarmi, canca tucui shunguhuanmi crishcangui. Can crishcamantaca, can munashca shina ruhuarichun— nirca. Shina nincami, chai huarmipac huahuaca alli tucurca.

Ashtahuanpish chai huarmica paipac ñaupapi cungurishpami: —Apunchic Jesús, ñucata ayudaiyari— nirca. Shina nicpi Jesusca: —Huahuacunamanta quichushpa, allquitocunaman tandata cunaca, mana allichu— nirca. Shina nicpi chai huarmica: —Ari, Apunchic Jesús. Ashtahuanpish amocuna micunata micucushpa urmachicpica, allquitocunaca murushpa micunllami— nirca.