Johani 15-ын алдартай Библийн эшлэлүүд

Хуваалцах

“Ini ndiri muzambiringa, imi muri matavi. Anogara mandiri, neni maari, ndiye anobereka michero yakawanda; nokuti kunze kwangu hamugoni kuita chinhu.

Garai mandiri, neni mamuri. Sedavi risingagoni kubereka michero roga, kana risingagari mumuzambiringa; saizvozvo nemiwo, kana musingagari mandiri.

Kana muchigara mandiri, namashoko angu achigara mamuri, kumbirai zvamunoda, muchazviitirwa.

“Imi hamuna kundisanangura, asi ini ndakakusanangurai imi, ndikakuisai kuti muende mubereke michero, uye kuti michero yenyu igare; kuti chinhu chipi nechipi chamunenge muchikumbira kuna Baba muzita rangu, vakupei icho.

Hakuna munhu ano rudo rukuru kune urwu, kuti munhu arasire hama dzake upenyu hwake.

Davi rimwe nerimwe riri mandiri, risingabereki michero, vanoribvisa; rimwe nerimwe, rinobereka michero, vanorinatsa, kuti riwedzere michero.

Uyu ndiwo murairo wangu, kuti mudane, seni ndakakudai imi.

Baba vangu vanokudzwa naizvozvi, kuti mubereke michero yakawanda; uye muchava vadzidzi vangu.

“Ndini muzambiringa wechokwadi, Baba vangu murimi.

Kana munhu asingagari mandiri, anoraswa kunze sedavi, ndokuoma; anounganidzwa, ndokukandirwa mumoto, atsve.

“Zvinhu izvozvi ndakazvitaura kwamuri, kuti mufaro wangu ugare mamuri, nomufaro wenyu uzadzike.

Kana muchichengeta mirairo yangu, muchagara murudo rwangu, seni ndaichengeta mirairo yaBaba vangu, ndichigara murudo rwavo.

“Ndizvozvi zvandinokurayirai, kuti mudane.

Kana maiva venyika, nyika yaidana vayo; zvino zvamusati muri venyika, asi ini ndakakusanangurai panyika, saka nyika inokuvengai.