LUKAS 4-ын алдартай Библийн эшлэлүүд

Хуваалцах

“Beluan Tuhan té' hujung Kui, avin Iha' uh ngenyu Akui ja Akui pedengah dengah aleng sayu men kelunan aleng humé'. Iha' nyihu Akui bara alan avan daha' aleng salut tei takau, dahin meting matan daha' aleng buta', dahin makau daha' aleng bemah, dahin pedengah duman ngavan Tuhan ma'uk asi Na' uh nei ateng.”

Nyu'ei nah Yesus dahin kuma' men iha', “Té' kah uh kalung, ‘Sayu nah im nyepukun ngelu'ep sebayang ha' unan Allah Tuhan ka' dahin nyepida té' Iha' telesen,’ ” ken Na'.

Bi Yesus kuma' men iha', “Té' kah uh kalung, ‘Nusi' ha' kenan luti tua kelunan seng murip,’ ” ken Na'.

Tegu Yesus uli men Yordan, penu nah Iha' té' Belua' Ma'ang, Belua' anan pah geri Iha' ha' tana ngahit pat-pulu dau dara na'. Hinan nah Iblis pesek Iha'.

Nyu'ei nah Yesus dahin kuma' men iha', “Té' kah daho', ‘Meng nah im pekayuh pesek Tuhan Allah ka',’ ” ken Na'.

Tegu Iblis uh pekpah ha'ut na'an pesek, leka' nah iha' men béh Yesus tegu anan.

Men'uh atih, en Iblis geri nah Iha' hujung ji ujet bau, pelalau alem ji kejep mata' iha' bara Iha' lim-lim keligem ha' usun tana. Ken Iblis men Iha', “Ika' aleng seng ek uk lim tingan anih dahin aren na', avin lim anan uh té' alem usu kui, dahin hi-hi aleng kenep kui seng ek uk, adang kui ma'uk na'. Avin anan, iha' Ika' nyepukun sebayang ha' unan kui, lim anan pah Ika' seng hipun na' lim-lim.” Nyu'ei nah Yesus dahin kuma' men iha', “Té' kah uh kalung, ‘Sayu nah im nyepukun ngelu'ep sebayang ha' unan Allah Tuhan ka' dahin nyepida té' Iha' telesen,’ ” ken Na'.

Men'uh atih la'an, en Iblis atih geri pah Iha' ha' Yerusalem, pelalau metei Iha' hujung mubung Uma Allah, dahin kuma' men Iha', “Tana' Ika' Anak Allah lan, sayu nah Im nesau men inih tei hida, avin té' kah uh kalung, ‘Iha' seng nyihu meliket Na' jaga ika', ja daha' petuboh ika',’ Té' pah, ‘Daha' seng nyidah usu daha' dahin meju ika', bahi kudek ka' netung té' bato'.’ ” Nyu'ei nah Yesus dahin kuma' men iha', “Té' kah daho', ‘Meng nah im pekayuh pesek Tuhan Allah ka',’ ” ken Na'.