YASFADOCI LOKU 13-ын алдартай Библийн эшлэлүүд

Хуваалцах

Wesigihkv-muku wvhsi uci becfr-yaqa ini mrcqrlvkvdofi sqrta : xvga maci, gi tala-pwv nelv, wah nvtunahr-nrwv wvhsi becfr-wrci, macimi wa hrlwi ilafeki.

Macimi wrpvmahku, iqawv ba-bo-nvkv kvtunawi ilafewa matvhfwi-gita-nfwrsigfwi gikvtu; macimi mrtvkuca, chena ud rlwi wiahisi kuqitanv weiv. Chena iah nawrci Jesise utvhpi-mrli, macimi Iqawv, gi kvtunawa gi ta huci palskuna-gopi, u talrli.

Macimi usgici nili u tah bonrnv u laciwvli : macimi walanv inv pasiqvhkuca-hofu, chena u wvhfrci-makuwhrli Mvnadoli.

Macimi wrpvmahku, vbeki ’n’tvsi udrnrgi-weki nihgeni wa nhihdr-weki, macimi vbeki ’n’tvsi nhihdr-weki nih-geni wa hudrnrgi-weki.

Hvianwi balaku pvfaqeta inv ini wegiwr-pagi uci mastala, macimi mahci giphvga ini sqrdagi, chena gelvwv ga hvlami nepvwi-pwv frgici, macimi detuwvthr-nrwv ini sqrta, Dabalamiwatv, tvwanvmvwi-nrga, ga hisiwapwv; chena inv wa hrpvf sa, Mvtv gi wrkumala-pwv waciwi-yaqa ga hikuwv

Gi talapwv nelv, Mvtv : wakv, waciwaphi mvtveni si taha-yaqa, yone ufapi wah si iqina-yaqa jrivhki ge-lvwv, u talvhi.

macimi inv, Gi talapwv, mvtv ni wrku-tv waciwi-yaqa gelvwv; neyrgi uci srwaku, jrivhki gelvwv ba-kvtanvgiki mvjelafewa, wa hiwv.

Nahiwa ini ugimrwi-drmkumi Mvnatu sinrqvtwi? iwv waciganhi, Macimi drniwa nah si tvqrtutv ini? Brsi ini nakuti-paqa mvstvdewi menkv, ma-mvmagi ilani, macimi welv u mama-gin-cikv-nagi ut ipvgitv; chena ini sqineginwi, macimi mtakun-iwi; chena nihki wisgiluhfvki ini manqvtwi uci lwvhsinoki nili pah-giaivkuki ’n’tvsi.