YASFADOCI LOKU 9-ын алдартай Библийн эшлэлүүд

Хуваалцах

Chena jrivhki u talvhi, Qahqi wiyafv ilani nih biaci vhgoqv welrni inv girda-latvga weiv, chena u kuqitanv ud rsitahfage-mi tfana wrpvgi, macimi ni nakvlaqv.

Xvga goqa-nafv-grci wi wrpvnastu u ta lanvwawewa wah wvntu ini; wakv goqa-nafv-grci wah wvntu u ta lanvwawewa xvga nelv uci, henv wa wrpvnastu ini.

Pvyaqv Mvtv ilani, u pami mahci foginv jegiga-picikv, macimi udrnrgi pami lrpi, ivh si uwas’sinwv ini ugimrwi-drmkumi Mvnatu, u talrli Jesise.

Xvga nahiwa ilani mkvhfu, qahqi kvtvwih-kvga ini malsga ya-lakuqvh-kvmigigi, macimi u wvntu walr u pvgidrnv nahvlwrkv weiv?

Xvga goqa-nafv-grci nah taqah-aqv macimi ni kvlvwewa, nileni inv u Qihfvli ilani wah taqahrli, ina birta nahvlwrkv u wvhfrci-makufewa-nagi, macimi ini u wvhfrci-makufewa inv Ufimv, chena nihki ufapi ancvleki.

Macimi Jesise, Nihki wrkucahfeki u bonr-nrwv wrsrlvku, chena nihki manqvtwi uci wisgiluhfvki u bonr-nrwv ufihfv-nwv; wakv inv u Qihfvli ilani mvtv u bonv wvh tvh sagfadoci wesi, u talrli nili.

chena, Goqa-nafv-grci wa hutvhpa-nrli yolumv cvgi vpaluhfafvli ni wefowa-nagi ni utvpa-naqv nelv : macimi goqa-nafv-grci na hutvhpa-naqv utvhpa-nrli nili wa-wrwenilici : xvga inv gci-utvhbefv alagenv gelvwv jrivhki, henv mselafi u talvhi nihi.