Lok 5-ын алдартай Библийн эшлэлүүд

Хуваалцах

Yɛso hakehulɛ osɔmya, kwen'kaninɛ Shimɔni kɛte: «Oshilɛ bwǎtɔ mpaka m'bɛnga, m'bɛtɛla maila mɛnyu m'mǎte yolo mowatɛ swé.»

Shimɔni kwen'kailɛ Yɛso kɛte: «Ɔlɔ, twasɛnga lênɔ busuku bɔsɛ, tushibawatɛ ata emwɛ. Ela, omɔna kɔkwɛ nawǎkana, nehotɛla eyǎka maila m'mǎte.» Ohwa otɛla maila m'mǎte, bewatilɛ swe chǐngi, mpaka maila mabɔ metolilɛ ǒtoa.

Ela Yɛso kwebɛlɛ okya ushi bato, wa osaba Abɛcha ôya.

Nɛnɛ nesǎchwa obocha bato basɔka, ela baya bɛnɛ bena bobe, yolo bahiyɛ olebɛcha.»

Shimɔni Pɛtɛlɔ hakemɔninɛ bîya, kwebungilɛ machu hase hambɛlɛ ha Yɛso na on'sambela kɛte: «Ɔla! Ɔlɔ wenahuminɛ hambɛlɛ hanyi, yolo nɛnɛ nee n'to kwa bobé.»

Yɛso kwebakailɛ kɛte: «Bɛnɛ benan'kɔma kobɛnju bashibaɛba n'kilahi, ela bebaɛba n'kilahi, i baya bɛnɛ beosomwa.

Obibyɔ, ohwa osuecha maya mǎtɔ o yabo, beshikilɛ byɔsɛ na on'lama Yɛso.

Lomwɛ lusuku, Yɛso kwebɛlɛ n'kemwɛ mboka. Komwɛ n'to kwa n'kilolɛ boshɔndɔ m'bele kɔsɛ kwechǔlɛ. Hakemɔninɛ Yɛso kwekǔlɛ machu hase hambɛlɛ hakɛ, pala na hasé. Kwen'tɛndɛlɛlɛ Yɛso kɛte: «Ɔlɔ, byahoobɛnja wenapɔ̂nya bonɔ boshɔndɔ bwanyi.» Obibyɔ, Yɛso kwen'kɔlɔlɛ obɔ̂ na om'oma na okana kɛte: «Nabɛnja, hɔnaka!» hɔka haya, koya n'to kwehahalɛ.

Ela ata biya, mwanɔ kwa Yɛso kwebɛlɛ olomba ngobe chɔsɛ. Yolo ya bîya, bioto bya bato byebɛlɛ osambana yolo ya om'holecha na ohɔnyiwa bisumi byabɔ.