Mátyo 5-ын алдартай Библийн эшлэлүүд

Хуваалцах

Mɔʼ ká nfɔ́ a sə̌ yǔl ɛtrúkán a dí yɔ́ á ɛkfuʼ áshí, ndé á kəlí yɔ́ á mǐn ngə ɛ́ bəní mwíli á mɔʼ ansə́sə̌n á ndáʼ. Mulimlim, nyə́ pə́ nyí nwâŋ ngə ɛtrúkán á baʼ básə́sə̌n. Njí baʼ bá míní bibulú bí mbâ ábə́ nyí bwəní, bá kɛsí Dyǔ, sáŋ nyə awə̌ a dí ámǐn.

Nyí dí ngə ɛtrúkán álí lúfú bâʼ bá nkínshíyə básə́sə̌n nji ɛ Dyǔ. Nkí ámə́ bá lúŋíní á wúkul ámǐn n tíŋganiyá ɛ sɔmɔn.

Wunam na baʼ ábə́ bá wɔ́ŋí mílə́m ámə́ mí sáŋí, á ɛ́tútú nána, bá mín Dyǔ!

Wunam na baʼ ábə́ bá wú njɛ na sə́m álí bwə̌ mísam ámə́ Dyǔ lí saní nána bá bwə̂, á ɛ́tútú nána Dyǔ lí kúlí bɔ́.

Ndé nǎn pɔŋ nyə́ sɔnsɔ́nǎn nána, nyí lúfu ɛniŋgán á baʼ ábə́ bá kfwɛ́ nyə́, nyí káni á baʼ ábə́ bá takí nyə́.

“Wunam na baʼ ábə́ bá dí líban á mudî átin á ɛ́tútú nána bá dí á wásé ɛ Janiya lí nkímínyə́.

Wunam na baʼ ábə́ bá panán musaŋgu átitîn na baʼ, á ɛ́tútú nána Dyǔ lí bəŋ bɔ́ bǎn bá mɔ!

Wunam na baʼ ábə́ bá lɛbɛ, á ɛ́tútú nána Dyǔ lí bwə bɔ́ bá wú pə́ munyɛŋgɛ.

Wunam na baʼ ábə́ baʼ bá takíní a ɛ́tútú nána bá bwə yə̌ ɛ́yə́ Dyǔ lí saní. Bá dí á wásé ɛ Janiya lí mínyə́.

Wunam na baʼ ábə́ bá wɔ́ŋí líkini lí nlə́m á baʼ bápə́pə̂, á ɛ́tútú nána Dyǔ pə́ lí lúfú bɔ́ likini lí nlə́m!

Wunam na nyə́ ábə́ baʼ bá lwíní, nyə́ ábə́ baʼ bá wukíní mutakaʼ, nyə́ ábə́ baʼ bá bán ní misam míbî á mílú, nyə́ ábə́ baʼ bá tyə́ní mbúŋ ɛ matúm á dǐn lí myə. Nyí wú múnyɛŋgɛ jǐta, á ɛ́tútú nána nsáwu n nə̂n n dí nyə́ á nkímínyə́. Nâ pə́ bâ n takíní balakuwa bá múdî bá nyákə́.

Wunam na baʼ ábə́ bá shúlí nyǔ ɛ́ bɔ áshí, á ɛ́tútú nána nkínshíyə nsə́sə̌n m bəkán bɔ́.

Nyí dí á baʼ bá nkínshíyə ngə wukwá wú díní á lídyá. Ndé wə̌ti wukwǎ wú bɔ́lɔ́ní wumwəm wú mɔ, yán bá tíŋgání ɛ timbí wúmwəm wú mɔ? Wukwá wû wú wɔ́ŋiyǎ pə́ yǔm ɛ́lí bwəlan. Áfánikə̌, bá su bɔ́ á ɛbúkatîn, ti baʼ bá dyaŋtí bɔ́ na makwi.

Áfánikə̌, bilɛm bí nyə bí lɔlí ɛ bá bilɛm bí mbâ, mulimlim ngə mabwəlan má Sáŋ n nyə awə̌ a dí ámǐn.”

Ndé njí ɛ byábí nána ɛ̌ bwə yǔm, byá nána ‘Iŋ m bwə yɔ́.’ Na tɔ byá nána ‘Ǎyi, n sî bwəlá yɔ́.’ Yǔm na yǔm tɛ́ ɛ́yə́ ɛ bándíní á wə́, ní ɛ́ fí á Sátan.

Nyí mə̌ ɛ́ wú nána bá byábí nána, ‘Wə̌ti mɔʼ a túbí dǐ lí mɔ̂ʼ, bá túb pə́ dǐ lí mɔ. Wə̌ti mɔʼ a fúlí lisuŋ lí mɔ̂ʼ, bá fúl pə́ lísuŋ lí mɔ.’ Ndé sɔnsɔ́nǎn mi nǎn pɔŋ nyə́ nána, wə̌ti mɔ a bwəlí wə wubî ɛ si timbí mɔ́ wubî bû. Wə̌ti mɔʼ a bəkí wə libɛ́yn á nkə mú ɛ́kɛ́ ɛ́ mbâ, lúfú mɔ́ nkə múní nána a lá pə́ wə libɛ́yn.

Njí dǐ lí ɛ́kɛ́ ɛ mbâ lí wə lí bwə́lí wə álí bwə wúbî, fúl lɔ́, ɛ pûm lɔ́. Ɛ́ dí bwǎm nána ɛ bɔ́lɔn dǐ dî na nána bá shwá nyǔ ɛ́ wə ɛ́sə́sə̌n á mwǐ ámə́ n sɛ̌ dím. Njí ɛkɛ́ ɛ́ mbâ ɛ́ wə ɛ́ bwə́lí wə álí bwə wubî, shə́ yɔ́ ɛ pûm yɔ́. Ɛ́ dí bwâm nána ɛ bɔ́lɔn ɛkɛ́ ɛ́yî na nána bá shwá nyǔ ɛ́ wə ɛ́sə́sə̌n á mwǐ ámə́ n sə̌ dím.