Juan 14-ын алдартай Библийн эшлэлүүд

Хуваалцах

<<Alli kawëtam qamkunata jaqipuyaq. Alli kawënïtam qamkunata qoykuyaq. Noqa yanapayashqaqnöqa manam pipis yanapayäshunkitsu. Ama llakikuyëtsu ni mantsakäyëtsu.

Jesúsnam nirqan: <<Noqam näniqa kä, rasun kaqmi kä y wiñë kawëpis kä. Noqata mana chaskimarqa Teytä kaqman manam pipis chanqatsu.

<<Ama llakikuyëtsu. Teyta Diosmanpis y noqamanpis markäkuyë.

Ewkuptïnam noqapa rantï Yanapakuq Espíritu Santuta qamkunaman Teytä kachamunqa. Pëmi llapanta yachatsiyäshunki y llapan yachatsiyashqaqta yarpätsiyäshunki.

Mandamientükunata cumpliq kaqqa rasunpam kuyaman. Kuyamaq kaqtaqa Teytäpis kuyanmi. Noqapis kuyarmi pëwan këkäshaq>>.

Teyta Diosta mañakuptïmi juk Yanapakuqta kachamunqa. Pëmi imëyaqpis qamkunawan këkanqa. Pëqa rasun kaqta käyitsikuq Espíritu Santum. Teyta Diosta mana cäsuqkunaqa Espíritu Santutapis manam chaskiyanqatsu. Tsënö chaskiyanqatsu pëta mana ashir y pëta mana reqirmi. Tsënö kaptinpis qamkunaqa reqiyankinam. Tsënö reqiyanki qamkunawan kaptin y qamkunachö kananpaq kaptinmi.

Noqapa shutïchö imatapis Teytäta mañakuyaptikiqa rurashaqmi. Tsurin karmi tsënö rurashaq Teytä alabashqa kananpaq. Shutïchö imatapis mañakuyaptiki rurashaqmi.

<<Noqata kuyamarqa llapan mandamientükunata cäsukuyë.

Teytäpa wayinchöqa atskam cuartukuna këkan. Tsënö mana kaptinqa manam: <qamkunapaq alistaqmi ëwashaq> niyaqmantsu karqan.

Ëwarir alistar usharirnam kutimushaq pushakuyänaqpaq. Noqa kanqächönam qamkunapis kayämunki.

Tsënam Tomás kënö nirqan: <<Teyta, mëman ëwanëkipaq kashqantapis mana musyëkarqa ¿imanöpataq nänitapis reqiyäshaq?>>