Juan 3-ын алдартай Библийн эшлэлүүд

Хуваалцах

Nunakunata alläpa kuyarmi japallan Tsurinta Teyta Dios kachamurqan. Tsëmi pipis pëman markäkuq kaqqa condenashqatsu kanqa, sinöqa wiñë kawëtam tarinqa.

Manam nunakunata infiernuman jitananpaqtsu Teyta Dios Tsurinta kachamurqan, sinöqa pëman markäkuyaptin salvananpaqmi.

Jesúsnam nirqan: <<Rasunpam niq: Pipis yapë mana yurikurqa manam Diospa mandakïninman yëkunqatsu>>.

Teyta Diospa Tsurinman markäkuqkunaqa manam condenashqatsu kayanqa. Mana markäkuqkunaqa condenashqanam këkäyan. Tsënö këkäyan Teyta Diospa japallan Tsurinman mana markäkuyashqanpitam.

Kë patsaman aktsi shamushqa kaptinpis nunakunaqa tutapëchö karmi y jutsallachö kawarmi tsë aktsita chaskiyantsu. Tsëmi condenashqa kayan.

Mas allim noqaman shayämunanpa rantin pëmanna ëwayaptin.

Llapanpis jutsallachö kawaqkunaqa Teyta Dios kachamushqan aktsita chikirmi chaskiyantsu. Tsënö chaskiyantsu jutsata rurayashqankuna musyakänanta mana munarmi.

Tsëmi Diospa Tsurinman markäkuq kaqqa wiñë kawëta tarin. Tsurinman mana markäkuq kaqqa manam tsë kawëta tarinqatsu. Tsëpa rantinmi Teyta Dios alläpa piñakur infiernuman jitanqa>>.

Chusyaq jirkachö broncipita fundishqa culebrata qeruman Moisés pallarishqannömi Nunapa Tsurintapis pallariyanqa.

<<Tsurinta kuyarmi pëpa poderninman llapantapis Teyta Dios churashqa.