Genesis 17-ын алдартай Библийн эшлэлүүд

Хуваалцах

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Kingorngane Abramik atteᴋarungnairtuksauvotit, attiksalle tagva Abraha, nunaᴋatigêksoarnut unuktunut atâtaurᴋogapkit.

Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.

Uvangaugama, angernera pivat, nunaᴋatigêksuillo unuktut atâtagijomârpâtit.

Tagva Gûde oᴋarpoᴋ: Ahammarik, Sara nuliat ernermik ernijuksauvoᴋ illingnut, taimna Isaamik atseraraksarivat, angerneralo tâpsomunga nalautsititsomavara, angerneᴋ nâksaungitomut ilingajuksaᴋ, kinguvâksanginullo kingorngagut pijuksanut.

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Tagva Abraha pâmakterpoᴋ ᴋungalerlunelo, ômamigullo oᴋarpoᴋ: Angut 100nik jâreᴋartoᴋ ernertârtuksaugalloarᴋâ? Saralo 90nik jâreᴋartoᴋ ernijuksaugalloarᴋâ?

Gudelo Abrahamut amma oᴋarivoᴋ: Sarai nuliat Saraimik taijaksarijungnairpat, Sarale tagva attiksanga.

Uvinipse amingata nuvua kippijaksarivase. Tamadja nallunaikutaksaᴋ, illipsingnut angerama.

Angernerale nalautsititsomavara Isaamut, Sârab erniarijomârtanganut illingunt achâgo nalliutome piviksaujome.

Angutearsuit nalliat uvloᴋarpat sittamaujortunik, kippijaksarivase illipsingne kingorlerêngnipsingne; taimaktauᴋ kivgat iglungne inôlersimajut kênaujanullo takorngartanit sunatuinarnit pissiarijaumajut, illapsingnit pingitut (kippijaujariaᴋarput). Ilûnatik kippijaksauvut iglungne inôlersimajut kênaujanullo pissiarijaumajut; uvinipsingne angernera saᴋᴋertuksauvoᴋ, angerneᴋ nâksaungitomut ilingajuksaᴋ.