Genesis 26-ын алдартай Библийн эшлэлүүд

Хуваалцах

Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput, Imâk pivlugo: Abrahab nippiga nâlangmago, maligaksaurᴋojakkalo malingmagit, perᴋojakkalo ilusiorᴋojakkalo piniaraksaurᴋojakkalo.

Tagvangallo nûpoᴋ, imeᴋarviksaᴋ assia poagijarlugo, tâmna akkerartûtigingilât; tamanna pivlugo Rehôbotemik atserarpâ, oᴋarlunelo: Mâna Nâlekab inniksaliorpâtigut aglisitilutalo nuname mattomane.

Nâlekablo saᴋᴋervigivâ oᴋautilâlo: Ingergarniarnak Egiptenemut, nunamêtualerille oᴋautigijamne illingnut.

Tagvanelo tunerguservingmik sanavoᴋ, Nâlekablo attinga tuksiarvigivâ, tangmârlunelo tagvane, Isaablo kivgangita imeᴋarviksaᴋ poagijarpât.