Yow 6-ын алдартай Библийн эшлэлүүд

Хуваалцах

Yesu waleele kuri bo ti: «Me ngo mpa ya bumwooyo. Wunde wukwiisa kuri me, kari mbakila nzala ko, na wunde wusa kanyi mu me, kari mbakila mpwiisu ko.

Mpeeve yikooha bumwooyo, muswinyi wahele mufunu. Maampu ma nyiluleeriri me ngo Mpeeve na kidziingu.

Salee, kari mu ntoono byandya bibolaa ko, ngo mu ntoono byandya binamitinaa mu kidziingu kyahele manunu, mbasi-tsuku biluha Mwaana muutu, bukuri nde Taayi Nzaambi, kari kasa kinyemu kyaandi.»

Kutya kwa Taayi dyaami kuri ti, wunde wumono Mwaana na wusa kanyi mu nde, kabaka kidziingu kyahele manunu, na me sa nyamufulukisa mu kiluumbu kya manunu.»

Yesu wabvutula waleele kuri bo ti: «Kisalu kya Nzaambi kiri kuri ti beenu lusa kanyi mu wunde wu kari kaheeke.»

Mpisi wumpa Taata, sa kiisa kuri me, na me nyiri mbingila wunde wukwiisa kuri me ko

Simoni Petelo wabvutula ti: «Mfumu, kuri na beetu tukweende? Ye wuri na maampu ma kidziingu kya bibvu ngo bibvu

Me ngo mpa ya mwooyo yafumuna ku yulu; mbuti muutu diiri mpa yiyo, lo nde sa kaba mwooyo mu bibvu ngo bibvu. Na mpa yi nyiha me, ngo muswinyi waami, mu ntoono kidziingu kya nsi.»

Kuri muutu ti mosi wukwiisa kuri me, mbuti Taata wampeeke wahele kumutwaala, na me sa nyamufulukisa mu kiluumbu kya manunu.

Bukuri mpa ya Nzaambi, ngo yisundukaa ku yulu na yihaanaa bumwooyo kuri nsi.»

Me ngo mpa ya bumwooyo.

Yesu waholo mampa, bu katoondo, wakabula kuri baatu baba badzakala; wasa bunubwo se mu bansu, bunu bwa tiiriri baatu. Bamanaa kuyukuta, nde waleele kuri bayiki baandi ti: «Kutukisee bitini bisaariri, mpisi kuhele kuba ti kimosi kifuukila.»

Bo baba ba mwaatekesele, kampe mu mafuunda mataanu, bunu pe masaamunu ma bitaki, ha batalila Yesu wuri mu kwiisa dyaata ha yulu mubu na weki kokosolo bebele na bwaatu. Bo bamono boomo. Ngo nde wabaleele ti: «Wu me; yaa luba na boomo ko!»