Matta 15
15
Gikku aardiiɓe
(Markus 7.1-13)
1*Fariisa'en e *moodiɓɓe Tawreeta ivi *Urusaliima, ngari to Yeesu ƴami mo, mbi'i :
2— Ko jeyi almaajiri'en maaɗa tokkataa finaatawaaji maamiraaɓe meeɗen ? Gam ɓe lootataa juuɗe maɓɓe ko hokka ɓe nyaama.#15.2 Lootki juuɗe kiin e laatii gam hebbingo ko diina vi'i.
3O toontii ɓe o vi'i :
— Onon fa, ko jeyi kuultanton dooka Allah, eɗon tokka finaatawaaji mooɗon ? 4Gam Allah vi'i : « Teddin baaba maaɗa e inna maaɗa.#15.4 Burtaaki 20.12 ; Tokkitaaki Tawreeta 5.16 Koo moye huɗi baaba muuɗum koo inna muuɗum fotii wareego. »#15.4 Burtaaki 21.17 ; Lewinkoo'en 20.9 5Ammaa onon, eɗon ekkitina to neɗɗo vi'ii baaba muuɗum e inna muuɗum : « Ɗuum ko haani mi vallira on, ɗum laatake geɗal Allah ». 6Kanjum e ɗum waɗa neɗɗo woora teddingo danyooɓe muuɗum. Kama noon eɗon tooskina voliinde Allah gam tokkon finaatawaaji mooɗon ! 7Onon munaafuki'en ! Annabi Ecaaya vi'ii goonga nde o waɗi annabaaku dow mooɗon, o vi'i :
8« Allah vi'i :
Ngo'ol lenyol e konnduɗe tan teddinirta yam,
ammaa ɓerɗe maɓɓe e ngoɗɗii yam.
9E mehere ɓe cujjidanta yam,
gam ko ɓe ekkitinta yimɓe ɗum dookaaji ɗi ɓe mbaɗani ko'e maɓɓe tan. »#15.9 Ecaaya 29.13
Ko nyiddinta neɗɗo yeeso Allah
(Markus 7.14-23)
10Yeesu noddi jama'aare vi'i :
— Ngewee pahamon ɗu'um : 11Wanaa ko nattata honnduko neɗɗo nyiddinta mo yeeso Allah, ammaa ko vurtotoo nder honnduko ma'ako, kam nyiddinta mo.
12Ndeen almaajiri'en ɓaditii mo, mbi'i :
— Koo a anndi haala ka mbiiɗaa mettinii ɓerɗe *Fariisa'en naa ?
13O toontii ɓe, o vi'i :
— Aawre nde *Baaba am gonɗo dow asama aawaay fuu, nde ɗoofeteende. 14Ngooree ɓe ! Ɓe nanndi e vumɓe ɗowooɓe vumɓe. To bumɗo ɗowii bumɗo, ɓe fuu ɗiɗo ɓe njooloto nder ngaska.
15Biiturus vi'i mo :
— Fassitiran min balndol ngool.
16Sey Yeesu vi'i :
— Faa jo'oni, onon maa, on pahamaay naa ? 17On anndi ko natti nder honnduko neɗɗo fuu nder reedu ɗum fa'i, ndeen ɗum vurtoo. 18Ammaa ko vurtotoo nder honnduko fuu, nder ɓernde ɗum ivoyi, kanjum nyiddinta neɗɗo yeeso Jawmiraawo. 19Gam nder ɓernde neɗɗo nyumooji kalluɗi mburtoytoo ɗi mbaɗa mo e war-hoore e waɗgo njeenu e nguyka e saaydaago fewre e haalaaji bonnooji innde Allah. 20Kanjum nyiddinta neɗɗo, ammaa nyaamgo lootaay juuɗe muuɗum deydey e finaatawaaji maamiraaɓe nyiddintaa neɗɗo.
Debbo Kana'aanankeejo goonɗinii Yeesu
(Markus 7.24-30)
21Yeesu dilli ɗoon yahi ha'ade ci'e Tiir e Sidon. 22Sey goɗɗo debbo Kana'aanankeejo jooɗiiɗo nder lesdi ndiin wari to ma'ako, wulli e semmbee vi'i :
— Moodibbo, ɓii-Dawda, yi' yurmeende am ! Ginnol e torra ɓinngel am dewel korey !
23Ammaa Yeesu toontaaki mo koo voliinde wo'ore. Almaajiri'en ma'ako torii mo, mbi'i :
— Laggu mo ! Emo tokki en, waanniri en bojji.
24Yeesu toontii vi'i :
— Miin to yimɓe *Isiraa'iila nannduɓe e baali majjuɗi tan lilaami.
25Ammaa debbo oon diccii yeeso ma'ako vi'i :
— Emi toro maa Moodibbo, vallam !
26Yeesu toontii mo vi'i :
— Haanaa neɗɗo hooƴa nyaamdu ɓikkon ferana kareeji.
27Debbo oon vi'i :
— Ee, ɗum goonga Moodibbo, ammaa koo kareeji boo e nyaama ko saami gada e le'e jawmiraaɓe mu''en.
28Ndeen Yeesu toontii mo, vi'i :
— Hey debbo, goonɗinki maaɗa e mawni ! Woor ɗum laatano maa kama no ngiɗruɗaa.
Ɗoon e ɗoon, ɓiyiiko yamɗiti.
Yeesu yamɗitinii nyawɓe ɗuuɗɓe
29Yeesu ɗali ɗoon dilli, tokki fonngo maayo *Gaaliili, o ƴeenyi vaamnde, o jooɗii toon. 30Yimɓe ɗuuɗɓe ngari to ma'ako, ngaddi laƴooɓe e vumɓe e vuusɓe e fahaɓe e woɓɓe nyawɓe ɗuuɗɓe. Ɓe ngaddi ɓe yeeso ma'ako, o yamɗitini ɓe. 31Ɗum haaynii yimɓe korey nde ɓe ngi'i fahaɗunooɓe e mbolva, laƴooɓe njamɗiti, vuusɓe e nduugii, vumnooɓe boo e ngi'a. Sey ɓe fuu ɓe maalti Allah mo *Isiraa'iila.
Yeesu nyaamnii worɓe dubuuje nayo
(Markus 8.1-10)
32Yeesu noddi almaajiri'en muuɗum vi'i ɓe :
— Mi nanii jurumɗum nde'e jama'aare, gam hannde balɗe tati eɓe ngondi e am, ɓe ngalaa nyaamdu. Mi yiɗaa jaɓɓidotaago ɓe e veelo, gam emi hula ngo do''a ɓe dow laawol.
33Almaajiri'en ma'ako mbi'i mo :
— Toye keɓeten nyaamdu nyaamneyndu ɓe'e yimɓe ɗuuɗruɓe nihini nder nde'e ladde ?
34Yeesu ƴami ɓe vi'i :
— Buroodiiji noye njogiiɗon ?
Ɓe toontii mo, ɓe mbi'i :
— Buroodiiji joveeɗiɗi e liykon seɗɗa.
35Ndeen Yeesu vi'i jama'aare ndeen jooɗoo. 36O hooƴi buroodiiji joveeɗiɗi ɗiin e liykon koon, o yetti Allah, o senndi ɗum, o hokki almaajiri'en nge'eda jama'aare. 37Ɓe fuu ɓe nyaami faa ɓe kaari. Almaajiri'en kawriti ɗuum ko hori, ɓe kebbini compooje joveeɗiɗi. 38Nyaamɓe ɓeen mbaɗii worɓe dubuuje nayo (4 000), rewɓe e ɓikkon limaaka. 39Ɓaawo Yeesu jaɓɓitake yimɓe, o natti akali o dilliri lesdi Magadan.
Одоогоор Сонгогдсон:
Matta 15: fuq
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2015, Wycliffe Bible Translators, Inc. All rights reserved.