Иов 41
41
1Левиатаныг#41:1 Левиатан: 3:8 тайлбар үз. чи загасны дэгээгээр барьж чадах уу?
Олсоор хэлийг нь хүлж боож чадах уу?#Дуу 74:14, 104:26; Иса 27:1
2Хамрыг нь чи оосроор дөрлөж чадах уу?
Эсвэл эрүүг нь дэгээ төмрөөр цоолж чадах уу?
3Тэр чамаас олонтаа гуйж гувших уу?
Дөлгөөн зөөлөн үгсийг чамд хэлэх үү?
4Чамтай тэр гэрээ байгуулах уу?
Чи түүнийг үүрд боолоо болгох уу?
5Шувуухайгаар наадах адил чи түүгээр тоглон наадах уу?
Шивэгчингүүдэд үзүүлэхээр чи түүнийг хүлэх үү?
6Хамтран худалдаачид түүнийг борлуулах уу?
Арилжаачид наймаачдад түүнийг огтлон хуваах уу?
7Арьсыг нь жалангаар цоолж чадах уу?
Толгойг нь загасчны сэрээгээр сүлбэж чадах уу?
8Түүн дээр гараа тавигтун.
Тулалдааныг сана.
Чи дахин ингэхгүй!
9Харагтун, горьдлого чинь хуурамч юм.
Харцнаас нь ч хүртэл чи доош хаягдах уу?
10Хэрцгий түүнийг өдөөх хэн ч үгүй.
Харин Миний өмнөөс зогсож чадах хэн байгаа юм бэ?
11Би буцааж төлөхийн тулд хэн Надад өгсөн юм бэ?
Бүхий л тэнгэрийн доорх нь Минийх юм.#41:11 Энэ эшлэл Еврейд нь тодорхой бус.
12Түүний эрхтнүүд, тэнхээ чадал,
Төгс сайхан галбирынх нь тухай
Би дуугүй байхгүй.
13Гадуур өмсгөлийг нь хэн хуулж чадах вэ?
Давхар хуягийг нь хэн нэвтэлж чадах вэ?
14Нүүр амыг нь нээж хэн чадах вэ?
Тойрон буй шүд нь аймшигтай аж.
15Нуруу нь#41:15 Еврейд нь бардамнал нь бат бөх хуяг бөгөөд
Нэг ч завсаргүй холбогдсон лац мэт буюу.
16Нэг нь нөгөөтэйгөө үнэхээр ойрхон тул
Нөгөөгийнх нь хооронд агаар ч орох боломжгүй.
17Тэд өөр хоорондоо холбоостой.
Тэгээд нэгнээсээ зууралдан огт салдаггүй.
18Найтаах үед нь гэрэл цацардаг,
Нүд нь үүрийн туяа адил бөлгөө.
19Амнаас нь шатаж буй бамбарууд гардаг,
Галын очис үсчдэг.
20Хамрынх нь нүхнээс утаа гарч байгаа нь
Халуун, буцлам тогоо мэт буюу
21Амьсгал нь нүүрсийг асаадаг бөгөөд
амнаас нь галын дөл гардаг.
22Хүзүү нь хүч чадлаар тогтдог бөгөөд
Хүйдэс айдас ч өмнө нь цовхчдог.
23Махбодынх нь хэсгүүд
нягт холбогдсон агаад
маш бат бөх, хөдөлшгүй тогтдог.
24Түүний зүрх чулуу мэт хатуу,
тээрмийн суурь чулуу мэт хатуу.
25Түүнийг босоход хүчтэнүүд#41:25 эсвэл бурхад сүрдэж айснаасаа болж тэд зугтана.
26Ямар ч илд, жад,
өдтэй сум болон хуяг ч түүнд ч нэмэргүй ажээ.
27Тэрээр төмрийг сүрэл мэт үзэж,
хүрлийг ялзарсан мод мэт тооцдог.
28Нум сум харвахад ч тэр зугтдаггүй.
Нэгэнт дүүгүүрдсэн чулуунууд
түүний хувьд сүрэл болдог.
29Шийдмүүдийг ч сүрэл мэт тооцдог.
Сүнгэнэх жаданд ч тэр инээдэг.
30Доод тал нь ваарын хурц хэлтэрхийнүүд мэт агаад
шавран дээр хайрсны мөр үлдээн мөлхдөг.
31Тэрээр гүн усыг тогоо мэт буцалгаж,
Тэнгис далайг тостой тогоо мэт бургилуулдаг.
32Араасаа тэр гялбах мөр үлдээдэг бөгөөд
Оёоргүй гүн ч бууралтсан мэт болдог.
33Айдас түгшүүргүйгээр бүтээгдсэн түүнтэй
Адил нэгэн газар дэлхий дээр хаана ч алга.
34Бүхнийг өндөр дээрээс хардаг
Бардамналын хамаг хөвгүүдийн хаан нь билээ гэж айлдав.
Одоогоор Сонгогдсон:
Иов 41: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.