Дуулал 129
129
Израилийн дайснуудын унал
Өгсөх дуу.
1“Залуу байхаас минь тэд намайг
Олон удаа хавчин зовоосон билээ”
Одоо Израиль хэлэг.
2“Залуу байхаас минь тэд намайг
Олон удаа хавчин зовоосон билээ.
Гэвч тэд намайг дийлээгүй юм.
3Нурууг минь тариачин анжсаар хагалав.
Тэд урт шан татсан билээ”
4ЭЗЭН зөвт болой.
Тэрээр буруутуудын хүлээсээс тасалмуй.
5Сионыг үзэн ядагчид бүгд
Ичгүүрт орж, ухарсугай!
6Тэд зулгаахаас өмнө хатдаг
Дээвэр дээрх өвс ногоо мэт болог.
7Эдгээр нь хадланчийн атгыг ч,
Тариа багцлагчийн тэврийг ч дүүргэхгүй.
8Хажуугаар өнгөрөгчид ч
“ЭЗЭНий ерөөл та нар дээр байг.
Бид та нарыг ЭЗЭНий нэрээр ерөөе” гэж эс хэлнэ.
Одоогоор Сонгогдсон:
Дуулал 129: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.