Дуулал 41
41
Бурханы тусламжинд бат итгэхүй
Удирдаачид. Давидын дуулал.
1Дорой хүмүүсийг анхааран асрагч нь
Юутай ерөөлтэй вэ!
Зовлонгийн өдөр
ЭЗЭН түүнийг аварна
2ЭЗЭН түүнийг хамгаалан амьдруулна,
Тэрээр газар дэлхий дээр ерөөлтэй гэгдэнэ.
Түүнийг дайсных нь хүсэлд бүү өгөөч.
3Орондоо түүнийг сульдан хэвтэж байхад нь
ЭЗЭН тэтгэнэ
Өвчтэй байхад нь
Та сэргээн босгоно.
4Би “ЭЗЭН, намайг нигүүлсээч,
Таны эсрэг нүгэл үйлдсэн тул
Сэтгэлийг минь эдгээгээч” гэсэн.
5Дайснууд минь намайг муулан
“Тэр хэзээ үхэж, нэр нь үгүй болох вэ?” гэж ярилцав.
6Тэр намайг харахаар ирэхдээ
Хуурмаг хоосныг ярина.
Тэрээр зүрхэндээ цөв мууг агуулаад
Гадагш гарахдаа түүнийгээ тараана.
7Намайг үзэн ядагч бүхэн
Миний тухай шивнэлдэнэ.
Намайг хорлохоор тэд хуйвалдаж
8“Тэр хорт өвчин туссан
Тэр хэвтээд дахин босож чадахгүй” гэнэм
9Миний итгэдэг дотнын найз,
Миний талхыг идэж байсан нэгэн нь
Миний эсрэг өсгийгөө өргөв.#Мт 26:23; Мк 14:18; Лк 22:21; Иох 13:18
10Гэвч ЭЗЭН, Та намайг нигүүлсэж,
Тэдэнд хариу барихын тулд намайг босгооч
11Дайсан минь намайг ялсан дуугаар хашхирдаггүй билээ
Та намайг таалдгийг би үүгээр мэддэг билээ.
12Та намайг үнэнч байдлын минь дунд түшиж,
Намайг мөнхөд өмнөө байлгадаг
13Израилийн Бурхан ЭЗЭН
Мөнхийн мөнхөд магтагдтугай!#Дуу 106:48
Амен, амен
Одоогоор Сонгогдсон:
Дуулал 41: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.