Соломоны дуун 7
7
Магтаалын илэрхийлэл
1Язгууртны охин минь ээ!
чиний хөл
Ямархан үзэсгэлэнтэй вэ!,
шаахай дотроо.
Ташаан тойрог чинь
уран гараар
Дархалж зассан
эрдэнэс адил аа.
2Холимог дарс дундардаггүй
хундага мэт хүйст агаад
Хэвэл хээл чинь гэвэл
сараана хөвөөлсөн буудайн овоолго
3Хоёр хөх чинь гөрөөсний
ихэр янзага
4Чиний хүзүү болбоос
зааны ясан цамхаг
Хоёр нүд чинь гэвэл
Бат-раббимын хаалганы зэрэгцээх
Хешбоны цөөрмүүд.
Хамар чинь
Дамаскийн дээгүүр харагдан буй
Ливаны цамхаг
5Тэргүүн юу чинь чиний дээр
титэмлэх Кармел уул
Долгионтох туг үс чинь
нил туяан лугаа
Гол шиг үс нь хааныг ч
гогодож чаднам бөлгөө.
6Юутай үзэмжит агаад
дур булаам
Хайрт чи минь
юутай үзэсгэлэнт ажаам?
7Мөн бие чинь далдуу мод
Хөх чинь түүний
хонгорцог мэт
8Тэр далдуунд би авиръя
Тэгээд мөчрөөс нь баръя хэмээв.
А-яа тэгтэл хөх чинь
үзмийн хонгорцог шиг байж
Амьсгал юу нь бас
алимын адил анхилж
9Тагнайн үнсэлтүүд чинь
тэргүүн дарс мэт болж
ялгуухан уруудаад
Уруул шүдийг нь
урсанхан бүрхтүгэй.
10—Хайртай түүнийх би билээ
Харин хүсэл нь
минийхээ төлөө.
11Хүрээд ир хайрт минь
хөдөө тийш одоцгооё
Өнөө шөнийг
тосгонд үдэцгээе.
12Өглөө эрт үзмийн цэцэрлэгт очицгооё
Усан үзэм дэлгэрч үү, яаж уу?
Ургах нахиа нь дэлгэж үү, байж уу?
Анарын цэцэг дэлбээлж үү, үгүй юу? үзэцгээе
Амраглал юугаа
тэнд чамдаа өгье.
13Анхилаа юугаа
хүндэс түгээгээд,
Алаглах жимс
үүдэнд минь байгаад
Аливаа шилмэл жимсийг
шинэ хуучнаар нь
Амраг минь би чамдаа
хадгалж байлаа биш үү.
Одоогоор Сонгогдсон:
Соломоны дуун 7: АБ2013
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Ariun Bible © Mongolian Union Bible Society 2013.