GENESIS 9
9
Noah Toh Pathian Thukhun
1Huan Pathian in Noah leh atapate avualzawl a, akiang uah, “Chi tampi suang in hong pung unla, lei hon luahdim un. 2Leitung a sa chiteng leh tung a leng vasa chiteng in nou kihtakna leh lauhna anei ding uh. Hiaite leh lei a bokvak a pai tengteng leh tuipi a ngasa tengteng na khut ua piak ahita uhi. 3Thil hing tang thei chitengte nou a ding in nek ding ahi ding ua; anteh hing ka hon piak bang in bangkim ka hon pe vek hi. 4Himahleh sa, ahinna sisan toh zaw na nekhawm ding uh ahi kei. 5Na hinna sisan phu ka la ngeingei ding. Sa chiteng lak ah ka la ding a; mi lak ah leng. Michih asanggamte uh lak ah, mite hinna phu ka la chiat ding.
6“Mi sisan suahmi kuapeuh,
huai mi mah in ama sisan asuah ding,
Pathian batpih a
mihing bawl ahi ngal a.
7“Nou chi tampi suang in hong pung unla, ta leh nau tampi nei unla, leitung ah hong pung un,” achi hi.
8Pathian in Noah kiang leh akiang a om atapate kiang ah, 9“Ngai un, kei mahmah in na kiang uah leh na nung ua na suante uh kiang ah leng ka thukhun ka hihkip hi. 10Na kiang ua om thil hing chiteng, na ompih uh vasate, gante, na ompih uh lei a sa chitengte kiang ah leng; long a kipan hong pawt tengteng, lei a sa chiteng kiang nangawn ah. 11Na kiang uah ka thukhun ka hihkip ding; sa tengteng leng tuichim a hihman in a-om nawn kei ding ua; lei hihse ding in tuichim atung nawn kei ding,” achi hi. 12Pathian mah in, “Kei leh nou leh na kiang ua thil hing chiteng omte kal a, suan tawp nei lou a omte a ding in, hiai ka thukhun chiamtehna ahi ding hi. 13Meipi ah ka sakhituihup ka zamsak a, huai kei leh lei kal a thukhun chiamtehna ding ahi. 14Huan hichi ahong hi ding a, leitung a meipi ka kaisak in meipi ah sakhituihup akimu ding hi. 15Kei leh nou leh sa tengteng lak a thil hing chitengte kal a, ka thukhun om ka theigige ding. Sa tengteng hihmang ding in tui alet nawn kei ding hi. 16Meipi a sakhituihup azam chiang in, Pathian leh leitung a sa om tengteng lak a thil hing chiteng kal a tangtawn thukhun om ka theihgige theihna ding in ka en zel ding,” achi hi. 17Pathian mah in Noah kiang ah, “Hiai kei leh leitung a sa om tengteng kal a ka thukhun hihkip chiamtehna ahi,” achi nawn hi.
Noah Leh Atapate
18Noah tapa long a kipan pawtte Shem, Ham leh Japheth ahi uhi (Kanaan pa Ham ahi). 19Hiai mi thumte Noah tapate ahi ua, amaute a kipan pawtte'n leitung pumpi azelsuak uhi. 20Louneimi in Noah ahong om pan a, grephuan abawl hi. 21Uain adawn a, akham a; apuanin ah alumkhialta hi. 22Kanaan pa Ham in apa lumkhial amu a, inpua a om a-unau nihte ava hilh hi. 23Shem leh Japheth in puan ala ua, aliang ua kizawn in anung pai ua, apa uh lumkhial ava khuh uhi. Amai uh lehlam nga in apa uh lumkhial amu kei uhi. 24Noah, uain kham ahong halh a, atung a atapa naupangpen in ahihdan ahon theita hi.
25“Kanaan hamsiat in om hen.
Asanggamte sikhate sikha
ahi ding,” achi hi.
26“Shem Toupa
Pathian phat in om hen.
Asikha in Kanaan om hen.
27Pathian in Japheth hihlian henla,
Asikha in Kanaan om hen,” achi lai hi.
28Tuichim tun nung in Noah kum zathum-le-sawmnga adam hi. 29Noah damsung tengteng kum zakua-le-sawmnga ahi a; huchi in asita hi.
Одоогоор Сонгогдсон:
GENESIS 9: PAITBSI
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 9
9
Noah Toh Pathian Thukhun
1Huan Pathian in Noah leh atapate avualzawl a, akiang uah, “Chi tampi suang in hong pung unla, lei hon luahdim un. 2Leitung a sa chiteng leh tung a leng vasa chiteng in nou kihtakna leh lauhna anei ding uh. Hiaite leh lei a bokvak a pai tengteng leh tuipi a ngasa tengteng na khut ua piak ahita uhi. 3Thil hing tang thei chitengte nou a ding in nek ding ahi ding ua; anteh hing ka hon piak bang in bangkim ka hon pe vek hi. 4Himahleh sa, ahinna sisan toh zaw na nekhawm ding uh ahi kei. 5Na hinna sisan phu ka la ngeingei ding. Sa chiteng lak ah ka la ding a; mi lak ah leng. Michih asanggamte uh lak ah, mite hinna phu ka la chiat ding.
6“Mi sisan suahmi kuapeuh,
huai mi mah in ama sisan asuah ding,
Pathian batpih a
mihing bawl ahi ngal a.
7“Nou chi tampi suang in hong pung unla, ta leh nau tampi nei unla, leitung ah hong pung un,” achi hi.
8Pathian in Noah kiang leh akiang a om atapate kiang ah, 9“Ngai un, kei mahmah in na kiang uah leh na nung ua na suante uh kiang ah leng ka thukhun ka hihkip hi. 10Na kiang ua om thil hing chiteng, na ompih uh vasate, gante, na ompih uh lei a sa chitengte kiang ah leng; long a kipan hong pawt tengteng, lei a sa chiteng kiang nangawn ah. 11Na kiang uah ka thukhun ka hihkip ding; sa tengteng leng tuichim a hihman in a-om nawn kei ding ua; lei hihse ding in tuichim atung nawn kei ding,” achi hi. 12Pathian mah in, “Kei leh nou leh na kiang ua thil hing chiteng omte kal a, suan tawp nei lou a omte a ding in, hiai ka thukhun chiamtehna ahi ding hi. 13Meipi ah ka sakhituihup ka zamsak a, huai kei leh lei kal a thukhun chiamtehna ding ahi. 14Huan hichi ahong hi ding a, leitung a meipi ka kaisak in meipi ah sakhituihup akimu ding hi. 15Kei leh nou leh sa tengteng lak a thil hing chitengte kal a, ka thukhun om ka theigige ding. Sa tengteng hihmang ding in tui alet nawn kei ding hi. 16Meipi a sakhituihup azam chiang in, Pathian leh leitung a sa om tengteng lak a thil hing chiteng kal a tangtawn thukhun om ka theihgige theihna ding in ka en zel ding,” achi hi. 17Pathian mah in Noah kiang ah, “Hiai kei leh leitung a sa om tengteng kal a ka thukhun hihkip chiamtehna ahi,” achi nawn hi.
Noah Leh Atapate
18Noah tapa long a kipan pawtte Shem, Ham leh Japheth ahi uhi (Kanaan pa Ham ahi). 19Hiai mi thumte Noah tapate ahi ua, amaute a kipan pawtte'n leitung pumpi azelsuak uhi. 20Louneimi in Noah ahong om pan a, grephuan abawl hi. 21Uain adawn a, akham a; apuanin ah alumkhialta hi. 22Kanaan pa Ham in apa lumkhial amu a, inpua a om a-unau nihte ava hilh hi. 23Shem leh Japheth in puan ala ua, aliang ua kizawn in anung pai ua, apa uh lumkhial ava khuh uhi. Amai uh lehlam nga in apa uh lumkhial amu kei uhi. 24Noah, uain kham ahong halh a, atung a atapa naupangpen in ahihdan ahon theita hi.
25“Kanaan hamsiat in om hen.
Asanggamte sikhate sikha
ahi ding,” achi hi.
26“Shem Toupa
Pathian phat in om hen.
Asikha in Kanaan om hen.
27Pathian in Japheth hihlian henla,
Asikha in Kanaan om hen,” achi lai hi.
28Tuichim tun nung in Noah kum zathum-le-sawmnga adam hi. 29Noah damsung tengteng kum zakua-le-sawmnga ahi a; huchi in asita hi.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.