Juan 7
7
Qe titz'in Jesús minti' e okslan ti'j
1Tb'ajlenxitzun jlu o b'et Jesús tuj tx'otx' Galilea; minti' o tajb'e tu'n tb'et tuj Judea porke nno'k tilil kyu'n xjal judiy tu'n tkub' kyb'yo'n. 2Ch'ixtoq tul kanun ju ninq'ij kye xjal judiy, aju ninq'ij tu'n kyjaw b'inchet qe tal ja t-xaq tze'yin kywi'. 3Xitzun kyma'n terman Jesús te:
—Tik'a tzalu, ex txi'ya tuj Judea, tu'ntzun kyke'yinte qe t-xnaq'tzb'ena aju in tb'incha'na. 4Ex qa at jun xjal taj tu'n tel nik'b'aj ti'j kyu'n kykyaqil xjal, mlay tz'aq'nan tuj ewaj. Qa taja tu'n tb'inchanteya tkyaqil jlu, yek'unx tib'a kye xjal, che chi.
5Porke ikx qe terman minti' e okslan ti'j. 6Xitzun tma'n Jesús kye:
—Na'nx tpon tq'ijlalil tu'n t-xi nyek'un wib'e kye xjal alkye qine, atzun kyeye b'a'n tu'n kyxi'ye noq alkye q'ij kyaje. 7Mlay che el ik'une kyu'n xjal; atzun weye in chin el ik'une kyu'n, tu'nju in xi nchik'b'a'ne kyb'inchb'en mya b'a'n. 8Aqeye b'a'n tu'n kyxi'ye tuj ninq'ij; atzun weye mlay chinxe ja'lo, tu'nju na'nx tpon tq'ijlalil tu'n t-xi nyek'un wib'e kye xjal, chi Jesús kye.
9Tej tb'aj tma'n Jesús jlu, ax kyaj ten tuj Galilea.
Pon Jesús tuj ninq'ij kyq'ijlalil qe tal ja t-xaq tze'yin kywi'
10Ex kyxilenxitzun qe terman, ax ikx te Jesús xi' tuj ninq'ij, ex minti' xi tyek'un tib', tuj ewaj o ten. 11Atzun kye xjal judiy e jyon ti'j Jesús tuj ninq'ij, in kyma'n:
—¿Jatum ta' xjal lu?
12Ex kykyaqil xjal in che wululun ti'j. At junjun in kyma'n: B'a'n te xjal; atzun junjuntl in kyma'n: Mya b'a'n, noq in sb'un kye xjal, che chi.
13Ex minti' xi kychik'b'a'nxix ti'j, tu'nju in che xob' kywitz xjal judiy.
14Otoq mijin ninq'ij, okx Jesús tuj tja Dios ex xi tq'o'n xnaq'tzb'il kye xjal. 15Ex e lab'in xjal judiy ti'j:
—¿Tza'n tten nimku b'a'n tu'n jlu, ex minti' o ten tuj jun xnaq'tzb'il? Che chi.
16Xi ttzaq'we'n Jesús:
—Aju xnaq'tzb'il in xi nq'o'ne mya weye, noq o'kx teju tzaj samante weye. 17Alkye tajb'il tu'n tb'inchante tajb'il Dios, k'elel tnik' ti'j qa te Dios ju xnaq'tzb'il lu, ex qa wexwe nyol in xi nma'ne. 18Qa at jun xjal texte tyol in xi tma'n, atzun taj tu'n tjaw nimsa'n kyu'n xjal; ex qa at jun xjal taj tu'n tjaw nimsa'n aju tzaj samante te, atzun teju axix tok tyol ex minti' in nik'an yol.
19¿Myapetzun a Moisés tzaj q'onte ley kyeye? Pero mi jun kyeye in japun ley tu'n. ¿Tiqu'ntzun kyajb'ile tu'n nkub' kyb'yo'ne? Chi Jesús kye.
20Xitzun kytzaq'we'n xjal:
—At ju'ẍ tuj tanmiya; ¿alkye nno'k tilil tu'n tu'n tkub' b'yo'na?
21Xi ttzaq'we'n Jesús:
—At jun aq'untl o b'ant wu'ne tuj q'ij te ojlab'l, ex kykyaqile in che lab'ine ti'j. 22Ate Moisés kyaj q'mante kyeye tu'n kysircunsidarinjtze, (ex mya atzun ti'j Moisés tzaj xe't nej, atzun tzaj xe't kyi'j qe qxe'chel); kyja'tzun at maj in che sircunsidarinjtz xjal kyu'ne tuj q'ij te ojlab'l. 23Qatzun at maj in che sircunsidarinjtz xjal kyu'ne tuj q'ij te ojlab'l tu'ntzun tjapun tley Moisés, ¿tiqu'ntzun in che q'ojine wi'je tu'nju b'anix jun xjal wu'ne tuj q'ij te ojlab'l? 24Mi'n che yoline mya b'a'n ti'j juntl noq tu'nju nno'k kyke'yine, ex che ximane ti'j tkyaqil tuj tumelxix, chi Jesús kye.
In yolin Jesús ti'j jatum tzaj
25Kymatzun junjun xjal ax najl qe tuj Jerusalén:
—¿Myapetzun a jlu in che jyon xjal ti'j tu'n tkub' b'yo'n? 26Lu in yolin kywitz kykyaqil, ex minti' in che q'ajt xjal ti'j. ¿Mapelo tz'el kynik' aj sanjelal ti'j qa ax tok a Crist jlu, aju at toklen tu'n Dios? 27B'a'n qu'n jatum tzajni xjal lu; ex ok tul ju Crist aju at toklen tu'n Dios, mi a'l jun b'ilte jatum ktzajel, che chi xjal.
28Kyja'tzun, tej t-xi tq'o'n Jesús xnaq'tzb'il tuj tja Dios, jaw tq'ajq'ajel twi' ex tma:
—¿Axpe tok ojtzqi'n nwitze kyu'ne, ex b'a'n kyu'ne jatum ẍin tzaje? Ex mya wu'nxe ma chin tzaje, noq o'kx ma chin tzaj sama'ne tu'n juntl, aju axix tok tyol, aju minti' ojtzqi'n twitz kyu'ne. 29Atzun weye ojtzqi'n twitz wu'ne, ex tuk'il ẍin tzaje ex ate tzaj samante weye, chi Jesús.
30O kyajb'etzun xjal tu'n ttzyet Jesús kyu'n; ex mi jun xjal tzaj tzyunte tu'nju na'nxtoq tpon tq'ijlalil tu'n t-xi tq'on tib'. 31Ex nimku xjal e okslan ti'j, ex in kyma'n:
—Ok tul ju Crist aju at toklen tu'n Dios, ¿okpelo tb'incha' nim señ twitzju in tb'incha'n xjal lu?
E je'x sama'n polisiy kyu'n fariseo tu'n ttzyet Jesús
32O kyb'i qe fariseo in che yolin xjal ti'j Jesús, ex in che wululun ti'j; ex qe nejenel kye pal kyuk'ix qe fariseo xi kysama'n polisiy tu'n ttzyet Jesús kyu'n. 33Xitzun tma'n Jesús kye:
—Noq ch'intl chin tele kyuk'ile, chin xe'ltzune tuk'ilju tzaj samante weye. 34Che jyole wi'je, ex mlay chin knete kyu'ne, porke jatum chin tele mlayx che pone.
35Kymatzun qe xjal judiy kyxolx:
—¿Jatumtzun kxe'l jlu tu'n mi'n tknet qu'n? ¿Kxe'lpetzun kyuk'il xjal judiy aqeju o che pon sputj kyxol xjal griego ex tu'n t-xi tq'o'n xnaq'tzb'il kye xjal griego? 36¿Ti t-xilen ju yol lu, aju ma tma: Che jyole wi'je, ex mlay chin knete kyu'ne, porke jatum chin tele mlay che pone chi in tma'n?
Qe nima q'ol chwinqlal
37Tujtzunju mankb'il q'ij te ninq'ij, aju q'ij ma' t-xilen, kub' we' Jesús ex jaw tq'ajq'ajel twi', tma:
—Qa at jun xjal at txqetle'n ti'j, e ttzaj wuk'ile tu'n tk'an. 38Aju ma tz'okslan wi'je, che eletz tilj tuj tanmi qe nima q'ol chwinqlal, ik tza'n in tma'n tuj Tu'jil.
39Tma Jesús jlu ti'j Xewb'aj Xjan aju attoq tu'n kyk'monte qeju in che okslan ti'j Jesús; tu'nju na'nxtoq tul Xewb'aj Xjan, tu'nju na'nxtoq tjaw nimsa'n Jesús.
Mya mojl kyyol xjal
40Tejtzun kyb'inte xjal ju yol lu, at junjun kyma:
—Ax tok t-sanjel Dios te jlu aju in qo ayon ti'j.
41Atzun junjuntl kyma:
—Ate Crist jlu aju at toklen tu'n Dios.
Ex at junjuntl kyma:
—¿Maj tuj Galilea ktzajel ju Crist? 42¿Myapetzun in tma'n tuj Tu'jil qa ti'j tiyjil David tzul itz'j ju Crist tuj Belén aju ttanmi David? Che chi.
43Jawtzun jun yol kyuw kyxol xjal tu'n tlaj Jesús. 44Ex at junjun o kyajb'e tu'n ttzaj kytzyu'n, ex mi jun tzaj tzyunte te.
Qe aj sanjelal minti' e okslan ti'j Jesús
45E ultzun meltz'aj qe polisiy kyuk'il qe nejenel kye pal ex kyuk'il qe fariseo; atzun kye jlu xi kyma'n kye polisiy:
—¿Tiqu'n minti' saj kyi'ne?
46Atzun kye polisiy xi kytzaq'we'n:
—B'ajx qile jun xjal in yolin ik tza'n ju xjal lu.
47Xitzun kytzaq'we'n qe fariseo:
—¿Maj ikx kyeye ma che kub' sb'u'ne tu'n? 48Baqa at jun qeye ma tz'okslan ti'j, aj sanjelal qo'ye, ex fariseo qo'ye. 49Aqeju xjal lu minti' b'a'n ley kyu'n. B'a'n tu'n kynaj, che chi.
50Atzunte Nicodemo xi tma'n kye, aju otoq tzul aj tuk'il Jesús te qonik'an, aju ax fariseo: 51Baqa in tma'n tuj qley tu'n tkub' t-sentens jun xjal qu'n qa na'nxtoq qb'inte tyol, ex qa na'nxtoq qb'inte alkye tb'inchb'en, chi Nicodemo.
52Xitzun kyma'n te Nicodemo:
—¿Maj ikx teya nno'k tq'on tib'a te aj Galilea? Ke'yinxa tuj Tu'jil, k'eleltzun tnik'a ti'j minti' jun t-sanjel Dios in tzaj tuj Galilea, che chi.
53Ex teyle junjun aj tja.
Одоогоор Сонгогдсон:
Juan 7: MAMNO
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Juan 7
7
Qe titz'in Jesús minti' e okslan ti'j
1Tb'ajlenxitzun jlu o b'et Jesús tuj tx'otx' Galilea; minti' o tajb'e tu'n tb'et tuj Judea porke nno'k tilil kyu'n xjal judiy tu'n tkub' kyb'yo'n. 2Ch'ixtoq tul kanun ju ninq'ij kye xjal judiy, aju ninq'ij tu'n kyjaw b'inchet qe tal ja t-xaq tze'yin kywi'. 3Xitzun kyma'n terman Jesús te:
—Tik'a tzalu, ex txi'ya tuj Judea, tu'ntzun kyke'yinte qe t-xnaq'tzb'ena aju in tb'incha'na. 4Ex qa at jun xjal taj tu'n tel nik'b'aj ti'j kyu'n kykyaqil xjal, mlay tz'aq'nan tuj ewaj. Qa taja tu'n tb'inchanteya tkyaqil jlu, yek'unx tib'a kye xjal, che chi.
5Porke ikx qe terman minti' e okslan ti'j. 6Xitzun tma'n Jesús kye:
—Na'nx tpon tq'ijlalil tu'n t-xi nyek'un wib'e kye xjal alkye qine, atzun kyeye b'a'n tu'n kyxi'ye noq alkye q'ij kyaje. 7Mlay che el ik'une kyu'n xjal; atzun weye in chin el ik'une kyu'n, tu'nju in xi nchik'b'a'ne kyb'inchb'en mya b'a'n. 8Aqeye b'a'n tu'n kyxi'ye tuj ninq'ij; atzun weye mlay chinxe ja'lo, tu'nju na'nx tpon tq'ijlalil tu'n t-xi nyek'un wib'e kye xjal, chi Jesús kye.
9Tej tb'aj tma'n Jesús jlu, ax kyaj ten tuj Galilea.
Pon Jesús tuj ninq'ij kyq'ijlalil qe tal ja t-xaq tze'yin kywi'
10Ex kyxilenxitzun qe terman, ax ikx te Jesús xi' tuj ninq'ij, ex minti' xi tyek'un tib', tuj ewaj o ten. 11Atzun kye xjal judiy e jyon ti'j Jesús tuj ninq'ij, in kyma'n:
—¿Jatum ta' xjal lu?
12Ex kykyaqil xjal in che wululun ti'j. At junjun in kyma'n: B'a'n te xjal; atzun junjuntl in kyma'n: Mya b'a'n, noq in sb'un kye xjal, che chi.
13Ex minti' xi kychik'b'a'nxix ti'j, tu'nju in che xob' kywitz xjal judiy.
14Otoq mijin ninq'ij, okx Jesús tuj tja Dios ex xi tq'o'n xnaq'tzb'il kye xjal. 15Ex e lab'in xjal judiy ti'j:
—¿Tza'n tten nimku b'a'n tu'n jlu, ex minti' o ten tuj jun xnaq'tzb'il? Che chi.
16Xi ttzaq'we'n Jesús:
—Aju xnaq'tzb'il in xi nq'o'ne mya weye, noq o'kx teju tzaj samante weye. 17Alkye tajb'il tu'n tb'inchante tajb'il Dios, k'elel tnik' ti'j qa te Dios ju xnaq'tzb'il lu, ex qa wexwe nyol in xi nma'ne. 18Qa at jun xjal texte tyol in xi tma'n, atzun taj tu'n tjaw nimsa'n kyu'n xjal; ex qa at jun xjal taj tu'n tjaw nimsa'n aju tzaj samante te, atzun teju axix tok tyol ex minti' in nik'an yol.
19¿Myapetzun a Moisés tzaj q'onte ley kyeye? Pero mi jun kyeye in japun ley tu'n. ¿Tiqu'ntzun kyajb'ile tu'n nkub' kyb'yo'ne? Chi Jesús kye.
20Xitzun kytzaq'we'n xjal:
—At ju'ẍ tuj tanmiya; ¿alkye nno'k tilil tu'n tu'n tkub' b'yo'na?
21Xi ttzaq'we'n Jesús:
—At jun aq'untl o b'ant wu'ne tuj q'ij te ojlab'l, ex kykyaqile in che lab'ine ti'j. 22Ate Moisés kyaj q'mante kyeye tu'n kysircunsidarinjtze, (ex mya atzun ti'j Moisés tzaj xe't nej, atzun tzaj xe't kyi'j qe qxe'chel); kyja'tzun at maj in che sircunsidarinjtz xjal kyu'ne tuj q'ij te ojlab'l. 23Qatzun at maj in che sircunsidarinjtz xjal kyu'ne tuj q'ij te ojlab'l tu'ntzun tjapun tley Moisés, ¿tiqu'ntzun in che q'ojine wi'je tu'nju b'anix jun xjal wu'ne tuj q'ij te ojlab'l? 24Mi'n che yoline mya b'a'n ti'j juntl noq tu'nju nno'k kyke'yine, ex che ximane ti'j tkyaqil tuj tumelxix, chi Jesús kye.
In yolin Jesús ti'j jatum tzaj
25Kymatzun junjun xjal ax najl qe tuj Jerusalén:
—¿Myapetzun a jlu in che jyon xjal ti'j tu'n tkub' b'yo'n? 26Lu in yolin kywitz kykyaqil, ex minti' in che q'ajt xjal ti'j. ¿Mapelo tz'el kynik' aj sanjelal ti'j qa ax tok a Crist jlu, aju at toklen tu'n Dios? 27B'a'n qu'n jatum tzajni xjal lu; ex ok tul ju Crist aju at toklen tu'n Dios, mi a'l jun b'ilte jatum ktzajel, che chi xjal.
28Kyja'tzun, tej t-xi tq'o'n Jesús xnaq'tzb'il tuj tja Dios, jaw tq'ajq'ajel twi' ex tma:
—¿Axpe tok ojtzqi'n nwitze kyu'ne, ex b'a'n kyu'ne jatum ẍin tzaje? Ex mya wu'nxe ma chin tzaje, noq o'kx ma chin tzaj sama'ne tu'n juntl, aju axix tok tyol, aju minti' ojtzqi'n twitz kyu'ne. 29Atzun weye ojtzqi'n twitz wu'ne, ex tuk'il ẍin tzaje ex ate tzaj samante weye, chi Jesús.
30O kyajb'etzun xjal tu'n ttzyet Jesús kyu'n; ex mi jun xjal tzaj tzyunte tu'nju na'nxtoq tpon tq'ijlalil tu'n t-xi tq'on tib'. 31Ex nimku xjal e okslan ti'j, ex in kyma'n:
—Ok tul ju Crist aju at toklen tu'n Dios, ¿okpelo tb'incha' nim señ twitzju in tb'incha'n xjal lu?
E je'x sama'n polisiy kyu'n fariseo tu'n ttzyet Jesús
32O kyb'i qe fariseo in che yolin xjal ti'j Jesús, ex in che wululun ti'j; ex qe nejenel kye pal kyuk'ix qe fariseo xi kysama'n polisiy tu'n ttzyet Jesús kyu'n. 33Xitzun tma'n Jesús kye:
—Noq ch'intl chin tele kyuk'ile, chin xe'ltzune tuk'ilju tzaj samante weye. 34Che jyole wi'je, ex mlay chin knete kyu'ne, porke jatum chin tele mlayx che pone.
35Kymatzun qe xjal judiy kyxolx:
—¿Jatumtzun kxe'l jlu tu'n mi'n tknet qu'n? ¿Kxe'lpetzun kyuk'il xjal judiy aqeju o che pon sputj kyxol xjal griego ex tu'n t-xi tq'o'n xnaq'tzb'il kye xjal griego? 36¿Ti t-xilen ju yol lu, aju ma tma: Che jyole wi'je, ex mlay chin knete kyu'ne, porke jatum chin tele mlay che pone chi in tma'n?
Qe nima q'ol chwinqlal
37Tujtzunju mankb'il q'ij te ninq'ij, aju q'ij ma' t-xilen, kub' we' Jesús ex jaw tq'ajq'ajel twi', tma:
—Qa at jun xjal at txqetle'n ti'j, e ttzaj wuk'ile tu'n tk'an. 38Aju ma tz'okslan wi'je, che eletz tilj tuj tanmi qe nima q'ol chwinqlal, ik tza'n in tma'n tuj Tu'jil.
39Tma Jesús jlu ti'j Xewb'aj Xjan aju attoq tu'n kyk'monte qeju in che okslan ti'j Jesús; tu'nju na'nxtoq tul Xewb'aj Xjan, tu'nju na'nxtoq tjaw nimsa'n Jesús.
Mya mojl kyyol xjal
40Tejtzun kyb'inte xjal ju yol lu, at junjun kyma:
—Ax tok t-sanjel Dios te jlu aju in qo ayon ti'j.
41Atzun junjuntl kyma:
—Ate Crist jlu aju at toklen tu'n Dios.
Ex at junjuntl kyma:
—¿Maj tuj Galilea ktzajel ju Crist? 42¿Myapetzun in tma'n tuj Tu'jil qa ti'j tiyjil David tzul itz'j ju Crist tuj Belén aju ttanmi David? Che chi.
43Jawtzun jun yol kyuw kyxol xjal tu'n tlaj Jesús. 44Ex at junjun o kyajb'e tu'n ttzaj kytzyu'n, ex mi jun tzaj tzyunte te.
Qe aj sanjelal minti' e okslan ti'j Jesús
45E ultzun meltz'aj qe polisiy kyuk'il qe nejenel kye pal ex kyuk'il qe fariseo; atzun kye jlu xi kyma'n kye polisiy:
—¿Tiqu'n minti' saj kyi'ne?
46Atzun kye polisiy xi kytzaq'we'n:
—B'ajx qile jun xjal in yolin ik tza'n ju xjal lu.
47Xitzun kytzaq'we'n qe fariseo:
—¿Maj ikx kyeye ma che kub' sb'u'ne tu'n? 48Baqa at jun qeye ma tz'okslan ti'j, aj sanjelal qo'ye, ex fariseo qo'ye. 49Aqeju xjal lu minti' b'a'n ley kyu'n. B'a'n tu'n kynaj, che chi.
50Atzunte Nicodemo xi tma'n kye, aju otoq tzul aj tuk'il Jesús te qonik'an, aju ax fariseo: 51Baqa in tma'n tuj qley tu'n tkub' t-sentens jun xjal qu'n qa na'nxtoq qb'inte tyol, ex qa na'nxtoq qb'inte alkye tb'inchb'en, chi Nicodemo.
52Xitzun kyma'n te Nicodemo:
—¿Maj ikx teya nno'k tq'on tib'a te aj Galilea? Ke'yinxa tuj Tu'jil, k'eleltzun tnik'a ti'j minti' jun t-sanjel Dios in tzaj tuj Galilea, che chi.
53Ex teyle junjun aj tja.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.