Juan 9
9
Jun xjal moẍ titz'jlenx b'anix tu'n Jesús
1Kyja'toq t-xi' Jesús tuj b'e, o til jun xjal moẍ titz'jlenx.
2Xitzun kyqanin t-xnaq'tzb'en te:
—Xnaq'tzal, ¿alkye o b'inchan il tu'nju itz'j xjal lu moẍ? ¿Axpelo o b'inchan il, ex qa aqe tman? Che chi.
3Xi ttzaq'we'n Jesús:
—Aju xjal lu moẍ tej titz'j ex mya tu'nju o b'inchan il ex mya tu'nju aqe tman e b'inchan il; noq o'kx tu'n tyek'unjtz tipumal Dios ti'j. 4Il ti'j tu'n nb'inchanteye taq'un ju tzaj samante weye akux atx q'ij; tzul qonik'an mi jun xjal jaku b'ant tu'n taq'nantl. 5Akux atine twitz tx'otx', spik'un qine kye xjal.
6Tej tmante Jesús jlu, kub' ttzub'an twitz tx'otx' ex b'aj tb'incha'n ch'in xoq'l tu'n ta'l ttzi', ex ok t-su'n ju xoq'l ti'j twitz moẍ, 7ex xi tma'n te:
—Txi'ya tx'jol twitza tuj matij pil Siloé tb'i, chi Jesús, (atzun in tma'n yol lu, Sama'n).
Xi'tzun ju xjal ex el ttx'jo'n twitz, ex ajtz meltz'aj otoq b'ant tke'yin. 8Atzun kye vesin ex qeju otoq kyil nej qa moẍtoq, kyma:
—¿Myapelo a xjal lu aju in kub' qe' mo'l?
9Kymatzun junjun:
—Atzun.
Ex kyma junjuntl:
—Mer ik tza'n ate, pero mya'.
Atzunte xjal tma:
—Aqine.
10Xitzun kyqanin te:
—¿Tza'ntzun tten ma jaqet twitza?
11Xi ttzaq'we'n ju xjal:
—Aju xjal Jesús tb'i xb'aj tb'incha'n ch'in xoq'l ex sok t-su'n ti'j nwitze ex saj tma'n weye: Txi'ya, ex tx'jo'mel twitza tuj pil Siloé. Ẍinxtzune ex sel ntx'jo'ne nwitze, ex ma jaqet nwitze.
12Xitzun kyma'n xjal te:
—¿Jatum ta' ju xjal lu?
Atzunte xjal tma:
—Minti' b'a'n wu'ne.
In che xjelin fariseo teju xjal otoq jaqet twitz
13Aju xjal moẍtoq nej, xi q'i'n kyu'n xjal kywitz fariseo. 14Tuj q'ij te ojlab'ltoq tej tb'aj tb'incha'n Jesús ju xoq'l ex jaqet twitz ju xjal tu'n. 15Kyja'tzun ax ikx qe fariseo xi kyqanin te tza'n tten otoq jaqet twitz. Xitzun tma'n xjal kye:
—Sok tq'o'n Jesús ch'in xoq'l ti'j nwitze, ex ma tz'el ntx'jo'ne ex in ke'yin nwitze ja'lo.
16Kymatzun junjun fariseo:
—Aju xjal xb'inchante jlu myatzun tzajni tuk'il Dios porke mya niman tu'n aju q'ij te ojlab'l.
Atzun junjuntl kyma:
—¿Tza'n tten tu'n kyb'ant qe señ lu tu'n xjal qa aj il? Che chi.
Kyja'tzun tzaj jun yol kyxolx. 17Xitzun kyma'n juntl maj teju xjal moẍtoq nej:
—¿Chi toktzun tu'na ti'j ju xjal ma jaqet twitza tu'n?
Atzunte tma:
—T-sanjel Dios te xjal lu.
18Ex minti' xi kyoksla'n xjal judiy qa moẍtoq nej ex otoq jaqet twitz. Maxitzun xi kyoksla'n tej kytxket qe tman ju xjal otoq jaqet twitz. 19Xitzun kyqanin kye tman:
—¿Apetzun kyk'wa'le jlu aju in kyma'ne qa moẍtoq titz'jlenx? ¿Tza'ntzun tten ma b'ant tke'yin ja'lo? Che chi.
20Xitzun kytzaq'we'n qe tman:
—B'a'n qu'ne atzun qk'wa'le jlu, ex b'a'n qu'ne moẍ titz'jlenx; 21pero minti' b'a'n qu'ne tza'n tten ma b'ant tke'yin ja'lo; ex minti' b'a'n qu'ne alkye ma jaqonte twitz. Kyqaninxe te porke ma pon tab'q'iyil; axte kq'malte, che chi.
22Atzun jlu xi kyma'n tman tu'nju in che xob'toq kywitz xjal judiy; tu'nju otoq b'ant ti'j kyu'n judiy qa at jun xjal ma yolin qa ate Jesús ju Crist aju at toklen tu'n Dios, b'i'x tu'n tetz lajet tuj ja te k'ulb'il. 23Tu'ntzunju kyma qe tman: Kyqaninxe te porke ma pon tab'q'iyil, che chi.
24Txkettzun juntl maj kyu'n fariseo aju xjal moẍtoq nej, ex xi kyma'n te:
—Twitz Dios q'mantza jun yol axix tok; b'a'n qe qu'n ate xjal lu aj il.
25Xitzun ttzaq'we'n ju xjal:
—Minti' b'a'n wu'ne qa aj il ex qa mi'n; pero at jun b'a'n wu'ne, moẍtoq qine nej, atzun ja'lo ma b'ant nke'yine.
26Xi kyqanin juntl maj te:
—¿Ti xtb'incha ti'ja? ¿Tza'n tten xjaqet twitza tu'n?
27Xitzun ttzaq'we'n xjal:
—Ma txi nma'ne kyeye ex minti' in xi kyb'i'ne; ¿tiqu'n kyajb'ile tu'n kyb'inteye juntl maj? ¿Kyajpeye tu'n kyoke te t-xnaq'tzb'en? Chi xjal.
28E oktzun ten yasul ti'j:
—Aya t-xnaq'tzb'en xjal lu, atzun qeye t-xnaq'tzb'en Moisés qo'ye. 29B'a'n qe qu'n, ate Dios o yolin tuk'il Moisés; atzunte xjal lu, minti' b'a'n qu'ne jatum tzajni, che chi.
30Xitzun ttzaq'we'n ju xjal.
—Ma'xix t-xilen jlu. Minti' b'a'n kyu'ne jatum tzajni, atzun weye ma jaqet nwitze tu'n. 31B'a'n qu'n minti' in che tzaj tb'i'n Dios qe xjal aj il; ex qa at jun xjal at tchi Dios tuj twitz ex in tb'incha'n aju tajb'il, atzunju in tzaj tb'i'n Dios. 32Atxix t-xe tnejel ojtxi b'ajx qb'i qa at jun xjal moẍ titz'jlenx in jaqet twitz tu'n juntl xjal. 33Noqwit mya tuk'il Dios tzajni xjal lu, miwtlo jun jaku b'ant tu'n, chi xjal.
34Xitzun kytzaq'we'n qe fariseo:
—Aj ilxixa atxix tej titz'ja, ¿apetzuna kxnaq'tzal qeye? Che chi.
Ex b'i'x ex kylajo'n.
Aqeju xjal minti' nne'l kynik' ti'j Crist, moẍ qe tuj twitz Dios
35Tb'itzun Jesús qa otoq tz'ex lajo'n xjal kyu'n, ex tej tknet xjal tu'n, xi tma'n te:
—¿Oksla'npe tu'na aju xjal ma tzaj sama'n tu'n Dios tu'n tten kyuk'il xjal?
36Xi ttzaq'we'n ju xjal:
—Tat, q'mantza weye alkye, tu'ntzun wokslane ti'j.
37Xitzun tma'n Jesús te:
—Matzun tila xjal lu; aqine in chin yoline tuk'ila.
38Xitzun tma'n ju xjal:
—Chin okslale, Tat.
Ex kub'tzun ẍmeje' ok ten k'ulul twitz Jesús.
39Tmatzun Jesús:
—Aqine ma chin ule twitz tx'otx' tu'n tel kyil xjal tuj q'ancha'l, tu'ntzun tb'ant kyke'yin qeju mib'an che ke'yin, ex tu'n tmoẍix kywitz qeju in che ke'yin.
40Tejtzun kyb'inte junjun fariseo ate'toq tuk'il, xi kyma'n te:
—¿Maj ikx qeye moẍ qo'ye?
41Xi ttzaq'we'n Jesús:
—Noqwit moẍ qeye, minti'wtlo kyile; ex ja'lo kukx atx kyile, porke in kyma'ne: In qo ke'yine.
Одоогоор Сонгогдсон:
Juan 9: MAMNO
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Juan 9
9
Jun xjal moẍ titz'jlenx b'anix tu'n Jesús
1Kyja'toq t-xi' Jesús tuj b'e, o til jun xjal moẍ titz'jlenx.
2Xitzun kyqanin t-xnaq'tzb'en te:
—Xnaq'tzal, ¿alkye o b'inchan il tu'nju itz'j xjal lu moẍ? ¿Axpelo o b'inchan il, ex qa aqe tman? Che chi.
3Xi ttzaq'we'n Jesús:
—Aju xjal lu moẍ tej titz'j ex mya tu'nju o b'inchan il ex mya tu'nju aqe tman e b'inchan il; noq o'kx tu'n tyek'unjtz tipumal Dios ti'j. 4Il ti'j tu'n nb'inchanteye taq'un ju tzaj samante weye akux atx q'ij; tzul qonik'an mi jun xjal jaku b'ant tu'n taq'nantl. 5Akux atine twitz tx'otx', spik'un qine kye xjal.
6Tej tmante Jesús jlu, kub' ttzub'an twitz tx'otx' ex b'aj tb'incha'n ch'in xoq'l tu'n ta'l ttzi', ex ok t-su'n ju xoq'l ti'j twitz moẍ, 7ex xi tma'n te:
—Txi'ya tx'jol twitza tuj matij pil Siloé tb'i, chi Jesús, (atzun in tma'n yol lu, Sama'n).
Xi'tzun ju xjal ex el ttx'jo'n twitz, ex ajtz meltz'aj otoq b'ant tke'yin. 8Atzun kye vesin ex qeju otoq kyil nej qa moẍtoq, kyma:
—¿Myapelo a xjal lu aju in kub' qe' mo'l?
9Kymatzun junjun:
—Atzun.
Ex kyma junjuntl:
—Mer ik tza'n ate, pero mya'.
Atzunte xjal tma:
—Aqine.
10Xitzun kyqanin te:
—¿Tza'ntzun tten ma jaqet twitza?
11Xi ttzaq'we'n ju xjal:
—Aju xjal Jesús tb'i xb'aj tb'incha'n ch'in xoq'l ex sok t-su'n ti'j nwitze ex saj tma'n weye: Txi'ya, ex tx'jo'mel twitza tuj pil Siloé. Ẍinxtzune ex sel ntx'jo'ne nwitze, ex ma jaqet nwitze.
12Xitzun kyma'n xjal te:
—¿Jatum ta' ju xjal lu?
Atzunte xjal tma:
—Minti' b'a'n wu'ne.
In che xjelin fariseo teju xjal otoq jaqet twitz
13Aju xjal moẍtoq nej, xi q'i'n kyu'n xjal kywitz fariseo. 14Tuj q'ij te ojlab'ltoq tej tb'aj tb'incha'n Jesús ju xoq'l ex jaqet twitz ju xjal tu'n. 15Kyja'tzun ax ikx qe fariseo xi kyqanin te tza'n tten otoq jaqet twitz. Xitzun tma'n xjal kye:
—Sok tq'o'n Jesús ch'in xoq'l ti'j nwitze, ex ma tz'el ntx'jo'ne ex in ke'yin nwitze ja'lo.
16Kymatzun junjun fariseo:
—Aju xjal xb'inchante jlu myatzun tzajni tuk'il Dios porke mya niman tu'n aju q'ij te ojlab'l.
Atzun junjuntl kyma:
—¿Tza'n tten tu'n kyb'ant qe señ lu tu'n xjal qa aj il? Che chi.
Kyja'tzun tzaj jun yol kyxolx. 17Xitzun kyma'n juntl maj teju xjal moẍtoq nej:
—¿Chi toktzun tu'na ti'j ju xjal ma jaqet twitza tu'n?
Atzunte tma:
—T-sanjel Dios te xjal lu.
18Ex minti' xi kyoksla'n xjal judiy qa moẍtoq nej ex otoq jaqet twitz. Maxitzun xi kyoksla'n tej kytxket qe tman ju xjal otoq jaqet twitz. 19Xitzun kyqanin kye tman:
—¿Apetzun kyk'wa'le jlu aju in kyma'ne qa moẍtoq titz'jlenx? ¿Tza'ntzun tten ma b'ant tke'yin ja'lo? Che chi.
20Xitzun kytzaq'we'n qe tman:
—B'a'n qu'ne atzun qk'wa'le jlu, ex b'a'n qu'ne moẍ titz'jlenx; 21pero minti' b'a'n qu'ne tza'n tten ma b'ant tke'yin ja'lo; ex minti' b'a'n qu'ne alkye ma jaqonte twitz. Kyqaninxe te porke ma pon tab'q'iyil; axte kq'malte, che chi.
22Atzun jlu xi kyma'n tman tu'nju in che xob'toq kywitz xjal judiy; tu'nju otoq b'ant ti'j kyu'n judiy qa at jun xjal ma yolin qa ate Jesús ju Crist aju at toklen tu'n Dios, b'i'x tu'n tetz lajet tuj ja te k'ulb'il. 23Tu'ntzunju kyma qe tman: Kyqaninxe te porke ma pon tab'q'iyil, che chi.
24Txkettzun juntl maj kyu'n fariseo aju xjal moẍtoq nej, ex xi kyma'n te:
—Twitz Dios q'mantza jun yol axix tok; b'a'n qe qu'n ate xjal lu aj il.
25Xitzun ttzaq'we'n ju xjal:
—Minti' b'a'n wu'ne qa aj il ex qa mi'n; pero at jun b'a'n wu'ne, moẍtoq qine nej, atzun ja'lo ma b'ant nke'yine.
26Xi kyqanin juntl maj te:
—¿Ti xtb'incha ti'ja? ¿Tza'n tten xjaqet twitza tu'n?
27Xitzun ttzaq'we'n xjal:
—Ma txi nma'ne kyeye ex minti' in xi kyb'i'ne; ¿tiqu'n kyajb'ile tu'n kyb'inteye juntl maj? ¿Kyajpeye tu'n kyoke te t-xnaq'tzb'en? Chi xjal.
28E oktzun ten yasul ti'j:
—Aya t-xnaq'tzb'en xjal lu, atzun qeye t-xnaq'tzb'en Moisés qo'ye. 29B'a'n qe qu'n, ate Dios o yolin tuk'il Moisés; atzunte xjal lu, minti' b'a'n qu'ne jatum tzajni, che chi.
30Xitzun ttzaq'we'n ju xjal.
—Ma'xix t-xilen jlu. Minti' b'a'n kyu'ne jatum tzajni, atzun weye ma jaqet nwitze tu'n. 31B'a'n qu'n minti' in che tzaj tb'i'n Dios qe xjal aj il; ex qa at jun xjal at tchi Dios tuj twitz ex in tb'incha'n aju tajb'il, atzunju in tzaj tb'i'n Dios. 32Atxix t-xe tnejel ojtxi b'ajx qb'i qa at jun xjal moẍ titz'jlenx in jaqet twitz tu'n juntl xjal. 33Noqwit mya tuk'il Dios tzajni xjal lu, miwtlo jun jaku b'ant tu'n, chi xjal.
34Xitzun kytzaq'we'n qe fariseo:
—Aj ilxixa atxix tej titz'ja, ¿apetzuna kxnaq'tzal qeye? Che chi.
Ex b'i'x ex kylajo'n.
Aqeju xjal minti' nne'l kynik' ti'j Crist, moẍ qe tuj twitz Dios
35Tb'itzun Jesús qa otoq tz'ex lajo'n xjal kyu'n, ex tej tknet xjal tu'n, xi tma'n te:
—¿Oksla'npe tu'na aju xjal ma tzaj sama'n tu'n Dios tu'n tten kyuk'il xjal?
36Xi ttzaq'we'n ju xjal:
—Tat, q'mantza weye alkye, tu'ntzun wokslane ti'j.
37Xitzun tma'n Jesús te:
—Matzun tila xjal lu; aqine in chin yoline tuk'ila.
38Xitzun tma'n ju xjal:
—Chin okslale, Tat.
Ex kub'tzun ẍmeje' ok ten k'ulul twitz Jesús.
39Tmatzun Jesús:
—Aqine ma chin ule twitz tx'otx' tu'n tel kyil xjal tuj q'ancha'l, tu'ntzun tb'ant kyke'yin qeju mib'an che ke'yin, ex tu'n tmoẍix kywitz qeju in che ke'yin.
40Tejtzun kyb'inte junjun fariseo ate'toq tuk'il, xi kyma'n te:
—¿Maj ikx qeye moẍ qo'ye?
41Xi ttzaq'we'n Jesús:
—Noqwit moẍ qeye, minti'wtlo kyile; ex ja'lo kukx atx kyile, porke in kyma'ne: In qo ke'yine.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.