လံာ်လူၤကၣ် 12
12
တၢ်ဟ့ၣ်ပလီၢ်ထီဒါ တၢ်ပာ်မၤအသး
(မး. ၁၀:၂၆-၂၇)
1ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်. 2တၢ်တမံၤလၢ်လၢ်လၢအဘၣ်တၢ်ကးဘၢဃာ်အီၤန့ၣ်, ကဘၣ်တၢ်အိးဖျါထီၣ်အီၤ, ဒီးကယဲၢ်တၢ်ခူသူၣ်တမံၤလၢ်လၢ်န့ၣ်, ကဘၣ်တၢ်မၤဖျါထီၣ်အီၤလီၤ. 3လၢတၢ်န့ၣ်အဃိ, တၢ်တမံၤလၢ်လၢ်လၢသုစံးတ့ၢ်သုဝဲလၢတၢ်ခံးကျါန့ၣ်, ကဘၣ်တၢ်နၢ်ဟူအီၤလၢမုၢ်ဆါခီအတၢ်ကပီၤအဆၢကတီၢ်, ဒီးတၢ်တမံၤလၢ်လၢ်လၢသုကတိၤကသွံတ့ၢ်သုဝဲလၢပှၤအနၢ်ပူၤ လၢဒၢးအိၣ်ကးတံာ်ဃာ်အသးတဖျၢၣ်အပူၤန့ၣ်, ကဘၣ်တၢ်ကိးသတြီမၤဖျါထီၣ်အီၤလၢဟံၣ်ခိၣ်အဖီခိၣ်လီၤ.
ပှၤလၢပကဘၣ်ပျံၤအီၤ
(မး. ၁၀:၂၈-၃၁)
4ယစံးဘၣ်တဲဘၣ်သု, ယတံၤသကိးသ့ၣ်ဧၢ, ပှၤလၢအမၤသံပနီၢ်ခိ, ဘၣ်ဆၣ်ဒီးလၢခံက့ၤ, မၤတၢ်လၢအနးဒိၣ်ဒံးတက့ၢ်တသ့ဝဲတဖၣ်န့ၣ်ပျံၤအီၤတဂ့ၤ. 5ယကဒုးနဲၣ်သုပှၤလၢသုကဘၣ်ပျံၤအီၤန့ၣ်လီၤ. ပျံၤကစၢ်ယွၤလၢအမၤသံပှၤဝံၤအလီၢ်ခံအိၣ်ဒီးတၢ်စိတၢ် ကမီၤလၢအကတ့ၢ်လီၤပှၤဆူလရာ်အပူၤတဂၤန့ၣ်တက့ၢ်. မ့ၢ်လီၤ. ယစံးဘၣ်တဲဘၣ်သု, ပျံၤအဝဲဒၣ်န့ၣ်တက့ၢ်.
6ထိၣ်ဖှံးဖိယဲၢ်ဘ့ၣ်ဘၣ်တၢ်ဆါအီၤလၢတိၢ်ခံဘ့ၣ်တမ့ၢ်ဘၣ်ဧါ. ဘၣ်ဆၣ်ဒီး, အဝဲသ့ၣ်တဘၣ်တၢ်သးပ့ၤနီၣ်ကွံာ်အီၤနီတဘ့ၣ်လၢ ကစၢ်ယွၤဘၣ်. 7သုခိၣ်သူအဘိတဖၣ်ဒၣ်လဲာ်ဘၣ်တၢ်ဂံၢ်နီၣ်ဃာ်အီၤလီၤ. လၢတၢ်န့ၣ်အဃိ, တဘၣ်ပျံၤတၢ်တဂ့ၤ. သုလုၢ်သုပှ့ၤဒိၣ်န့ၢ်ထိၣ်ဖှံးဖိအါဘ့ၣ်တက့ၢ်လီၤ.
တၢ်အၢၣ်လီၤတူၢ်လိာ် ဒီးတၢ်သမၢခရံာ်
(မး. ၁၀:၃၂-၃၃; ၁၂:၃၂; ၁၀:၁၉-၂၀)
8ယစံးဘၣ်တဲဘၣ်သု, ပှၤတဂၤလၢ်လၢ်လၢအအၢၣ်လီၤလၢပှၤအါဂၤအမဲာ်ညါ, လၢအဝဲဒၣ်ဘၣ်ဃးဒီးယၤန့ၣ်, ပှၤကညီဖိခွါကမၤတၢ်တမံၤဃီန့ၣ်လၢ အဂီၢ်, လၢကစၢ်ယွၤအကလူးတဖၣ်အမဲာ်ညါလီၤ. 9မ့မ့ၢ်, ပှၤတဂၤလၢ်လၢ်လၢအသမၢယၤလၢပှၤအါဂၤအမဲာ်ညါန့ၣ်, ပှၤကညီဖိခွါကသမၢစ့ၢ်ကီးအီၤလၢကစၢ်ယွၤအကလူးတဖၣ်အမဲာ် ညါလီၤ.
10ပှၤတဂၤလၢ်လၢ်လၢအကတိၤထီဒါဘၣ်ပှၤကညီဖိခွါလၢတၢ်ကတိၤ တဘီန့ၣ်, တၢ်ပျၢ်ကွံာ်အတၢ်ကမၣ်သ့ဝဲလီၤ. မ့မ့ၢ်, ပှၤတဂၤလၢအကတိၤဒုၣ်ဒွဲၣ်သးစီဆှံန့ၣ်, တၢ်တပျၢ်ကွံာ်အတၢ်ကမၣ်ဘၣ်.
11ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ. 12အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”
တၢ်ကတိၤဒိဘၣ်ဃးဒီးပှၤထူးပှၤတီၤလၢ အသးတဆးတဂၤ
13ပှၤလၢကမျၢၢ်အကျါတဂၤစံးဘၣ်အီၤ, “သရၣ်ဧၢ, တဲဘၣ်ယဒီပုၢ်ဝဲၢ်ခွါလၢအကနီၤဖးန့ၢ်ယၤ တၢ်စုလီၢ်ခီၣ်ခိၣ်လၢပပၢ်ပာ်တ့ၢ်န့ၢ်ပှၤန့ၣ်တက့ၢ်.”
14ယ့ၣ်ၡူးစံးဆၢအီၤ, “စီၤဧၢ, မ့ၢ်မတၤဟ့ၣ်ယၤတၢ်စိတၢ်ကမီၤလၢယကစံၣ်ညီၣ်တၢ်, မ့တမ့ၢ်ဘၣ်ဒီးကနီၤဖးလီၤတၢ်စုလီၢ်ခီၣ်ခိၣ်လၢ သုခံဂၤအဘၢၣ်စၢၤန့ၣ်လဲၣ်.” 15ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”
16အန့ၣ်ဝံၤဒီးယ့ၣ်ၡူးစံးဘၣ်အဝဲသ့ၣ်လၢတၢ်ကတိၤဒိတထံၣ်အံၤလီၤ. “တဘျီပှၤထူးပှၤတီၤအိၣ်ဝဲတဂၤလၢအအိၣ်ဒီးဟီၣ်ခိၣ်လၢအသူ ထီၣ်သၣ်ထီၣ်ဂ့ၤမးလီၤ. 17အဝဲဒၣ်ဆိကမိၣ်ထီၣ်လၢအသးပူၤ, ‘ယတၤသူတၤသၣ်ခဲလၢာ်အံၤ, ယကဂၢ်ဖှိၣ်ပာ်အီၤအဂီၢ်တၢ်လီၢ်တၢ်ကျဲတအိၣ်ဘၣ်. မ့ၢ်ယကမၤဘၣ်ဒ်လဲၣ်.’ 18အဝဲဒၣ်စံးလီၤက့ၤအသး, ‘ယကမၤယဲဒ်အံၤလီၤ. ယကမၤလီၤပှီၢ်ကွံာ်ယဘုသိၣ်ဘုဖီတဖၣ်ဒီးဘှီထီၣ်က့ၤယဲ အဂၤလၢအဒိၣ်န့ၢ်အလီၢ်တက့ၢ်, ဖဲယကဂၢ်ဖှိၣ်ပာ်ယဘုဧိၤဟုဧိၤဒီးယတၢ်ဖိတၢ်လံၤခဲလၢာ်န့ၣ်လီၤ. 19တုၤနုၤတစု, ယကစံးဘၣ်လီၤက့ၤယသး, ယသးဧၢ, နအိၣ်ဒီးတၢ်အဂ့ၤအဘၣ်လၢနလိၣ်ဘၣ်အီၤခဲလၢာ်, လၢအါနံၣ်အါလါအဂီၢ်လီၤ. အိၣ်မူမုာ်မုာ်ခုၣ်ခုၣ်, အီၣ်တၢ်, အီတၢ်, ဒီးမၤမုာ်မၤခုၣ်နသးတက့ၢ်.’ 20ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”
21ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “ပှၤလၢအဂၢ်ဖှိၣ်တၢ်ထူးတၢ်တီၤအါအါဂီၢ်ဂီၢ်လၢ အနီၢ်ကစၢ်ဒၣ်ဝဲအဂီၢ်, ဘၣ်ဆၣ်ဒီးတထူးဝဲတီၤဝဲလၢကစၢ် ယွၤအမဲာ်ညါဘၣ်န့ၣ်, တၢ်ကမၤအသးဒီးအီၤဒ်အံၤလီၤ.”
တၢ်နာ်လၢကစၢ်ယွၤအပူၤ
(မး. ၆:၂၅-၃၄)
22တၢ်န့ၣ်ဝံၤအလီၢ်ခံ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “လၢတၢ်တမံၤအံၤအဃိယစံးဘၣ်တဲဘၣ်သု, တဘၣ်ကိၢ်ဘၣ်ဂီၤဘၣ်လၢတၢ်အီၣ်လၢသုလိၣ်ဘၣ်လၢ သုကအိၣ်မူအဂီၢ်မ့ၢ်ဂ့ၤ, တၢ်ကူတၢ်သိးလၢသုလိၣ်ဘၣ်လၢသုနီၢ်ခိအဂီၢ်မ့ၢ်ဂ့ၤန့ၣ် တဂ့ၤ. 23တၢ်အိၣ်မူန့ၣ်အကါဒိၣ်န့ၢ်ဒံးတၢ်အီၣ်တၢ်အီ, ဒီးနီၢ်ခိန့ၣ်အကါဒိၣ်န့ၢ်ဒံးတၢ်ကူတၢ်သိးတက့ၢ်လီၤ. 24ကွၢ်စိးဝၣ်ဃးတဖၣ်တက့ၢ်. အဝဲသ့ၣ်တဖှံလီၤတၢ်ချံမ့ၢ်ဂ့ၤ, ကူးက့ၤတၢ်မ့ၢ်ဂ့ၤန့ၣ်ဘၣ်. အဝဲသ့ၣ်အဒၢးလၢအကပာ်ဖှိၣ်တၢ်မ့ၢ်ဂ့ၤ, ဘုဖီမ့ၢ်ဂ့ၤတအိၣ်ဘၣ်. ကစၢ်ယွၤလုၢ်အီၣ်လုၢ်အီအဝဲသ့ၣ်လီၤ. သုလုၢ်သုပှ့ၤဒိၣ်န့ၢ်ဒံးထိၣ်တဖၣ်တက့ၢ်လီၤ. 25မ့ၢ်မတၤလၢသုကျါလၢအဘၣ်ယိၣ်တၢ်အဃိ, ထုးထီထီၣ်အနံၣ်အလါသ့တဂၤန့ၣ်လဲၣ်. 26တၢ်အဆံးဖိဒ်န့ၣ်အသိးဒၣ်လဲာ်သုမၤမ့ၢ်တသ့ဒီး, ဘၣ်မနုၤအဃိသုကိၢ်တၢ်ဂီၤတၢ်လၢတၢ်အဂၤတဖၣ်အဂ့ၢ်လဲၣ်. 27ဖီဒ့ၣ်ညါတဖၣ်ဒိၣ်ထီၣ်မဲထီၣ်ဒ်လဲၣ်န့ၣ်, ကွၢ်တက့ၢ်. အဝဲသ့ၣ်တဖံးတၢ်မၤတၢ်မ့ၢ်ဂ့ၤ, ဆးကူဆးကၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးယစံးဘၣ်တဲဘၣ်သုလၢစီၤၡလိၤမိၤလၢအအိၣ်ဒီး အကဟုကညီၢ်အတၢ်ထူးတၢ်တီၤခဲလၢာ်ဒၣ်လဲာ်န့ၣ်, တအိၣ်ဒီးအကူအသိးဃံလၤထဲသိးဒီးဖီဒ့ၣ်ညါတဖိးဘၣ်. 28ပှၤလၢအဒုးကူဒုးသိးနီၣ်ဧိၤမံၤဧိၤတဖၣ်, လၢမုၢ်မဆါတနံၤအံၤအိၣ်ဖဲအံၤ, မ့မ့ၢ်ခဲမုၢ်ဆ့ၣ်ဘၣ်တၢ်ဒွဲၣ်အူကွံာ်အီၤလၢဖၣ်ကပူၤန့ၣ်, မ့ၢ်ဝဲကစၢ်ယွၤလီၤ. အဝဲကဒုးကူဒုးသိးသုလီၤတံၢ်ဒိၣ်ဒံးတက့ၢ်တမ့ၢ်ဘၣ်ဧါ. သုတၢ်စူၢ်တၢ်နာ်ဆံးစှၤမးလဲၣ်.
29လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီဒီးသူၣ်ကိၢ်သးဂီၤထီဘိ ဘၣ်ဃးဒီးတၢ်လၢသုကအီၣ်ဘၣ်တၢ်လၢသုကအီဘၣ်အဂ့ၢ်န့ၣ်တဂ့ၤ. 30(အဂ့ၢ်ဒ်အံၤ, ပှၤတစူၢ်တနာ်ယွၤလၢဟီၣ်ခိၣ်အံၤတဖၣ်ကိၢ်တၢ်ဂီၤ တၢ်ဘၣ်ဃးဒီးတၢ်သ့ၣ်တဖၣ်အံၤထီဘိတဘိယူၢ်ဃီလီၤ.) သုပၢ်သ့ၣ်ညါလၢသုလိၣ်ဘၣ်တၢ်သ့ၣ်တဖၣ်အံၤလီၤ. 31မ့မ့ၢ်ဃုထံၣ်န့ၢ်ယွၤအဘီအမုၢ်တက့ၢ်. ဒီးယွၤကဟ့ၣ်သုတၢ်သ့ၣ်တဖၣ်အံၤလီၤ.
တၢ်ထူးတၢ်တီၤလၢမူခိၣ်
(မး. ၆:၁၉-၂၁)
32သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ. 33ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ. 34အဂ့ၢ်ဒ်အံၤ, ဖဲသုတၢ်ထူးတၢ်တီၤအိၣ်ဝဲအလီၢ်န့ၣ်, သုသးကအိၣ်ဝဲဖဲန့ၣ်ထီဘိတဘိယူၢ်ဃီလီၤ.
တၢ်ခ့တၢ်ပှၤလၢအဆိးသီတဖၣ်
35အိၣ်ကတဲာ်ကတီၤသုသးလၢတၢ်တမံၤလၢ်လၢ်လၢအကဟဲအဂီၢ်, ကံၢ်တူာ်ထီၣ်သုယီၢ်ဒ့ဒီးဒွဲၣ်ကပီၤဃာ်သုမ့ၣ်အူဒၢတဖၣ်, 36ဒ်တၢ်ခ့တၢ်ပှၤတဖၣ်လၢအအိၣ်ခိးအကစၢ်အတၢ်ဟဲက့ၤလၢတၢ်တ့တၢ်ဖျီ အမူးအဂီၢ်အသိးန့ၣ်တက့ၢ်. ဖဲအဝဲဒၣ်ဟဲဒီးဒိတကျိာ်တၢ်န့ၣ်, အဝဲသ့ၣ်ကအိးထီၣ်တြဲၤလၢအဂီၢ်တဘျီဃီလီၤ. 37တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ. 38အဝဲမ့ၢ်ဟဲက့ၤလၢဖးဖီမုၢ်, မ့တမ့ၢ်စဲၤခံန့ၢ်အဝဲန့ၣ်ဒၣ်လဲာ်, ဒီးထံၣ်အဝဲသ့ၣ်အိၣ်ကတဲာ်ကတီၤအသးန့ၣ်, အဝဲသ့ၣ်ကဘၣ်ဆိၣ်ဂ့ၤဝဲဆံးဒိၣ်လဲၣ်. 39ဒီးသ့ၣ်နီၣ်ထီၣ်တၢ်အံၤတက့ၢ်. ဟံၣ်ကစၢ်မ့ၢ်သ့ၣ်ညါတၢ်ဘျၣ်ကဟဲအဆၢကတီၢ်န့ၣ်, တမ့ၢ်လၢအဝဲဒၣ်ကပျဲတၢ်ဘျၣ်နုာ်လီၤဘၢၣ်ဖျိအဟံၣ်ဘၣ်. 40ဒီးသုဝဲစ့ၢ်ကီးအိၣ်ကတဲာ်ကတီၤသုသးတက့ၢ်. အဂ့ၢ်ဒ်အံၤ, ပှၤကညီဖိခွါကဟဲဝဲဖဲအဆၢကတီၢ်လၢ သုတဆိကမိၣ်လၢအကဟဲဝဲဘၣ်န့ၣ်လီၤ.”
တၢ်ခ့တၢ်ပှၤလၢအသးတီမ့တမ့ၢ်တတီဘၣ်တဂၤ
(မး. ၂၄:၄၅-၅၁)
41စီၤပ့းတရူးစံးဝဲ, “ကစၢ်ဧၢ, မ့ၢ်နကတိၤတၢ်ကတိၤဒိအဝဲအံၤလၢပဂီၢ်ဧါ. မ့တမ့ၢ်, လၢပှၤကိးဂၤဒဲးအဂီၢ်လဲၣ်.” 42ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ. 43တၢ်ခ့တၢ်ပှၤအဝဲန့ၣ်, ဖဲအကစၢ်ဟဲက့ၤဆူဟံၣ်ဒီးထံၣ်အမၤ ဝဲဒ်န့ၣ်အသိးန့ၣ်, ဘၣ်ဆိၣ်ဂ့ၤဝဲလီၤ. 44သပှၢ်ကတၢၢ်, ယစံးဘၣ်တဲဘၣ်သု, အကစၢ်ကဟ့ၣ်စိဟ့ၣ်ကမီၤအီၤလၢ အကအံးထွဲကွၢ်ထွဲအတၢ်စုလီၢ်ခီၣ်ခိၣ်တဖၣ်ခဲလၢာ်လီၤ. 45ဘၣ်ဆၣ်ဒီးတၢ်ခ့တၢ်ပှၤအဝဲန့ၣ်မ့ၢ်စံးလီၤက့ၤအသး, ‘ယကစၢ်ကဟဲက့ၤအဆၢကတီၢ်ယံာ်ဒံးဝဲလီၤ. ဒီးဒိတီၢ်တၢ်ခ့တၢ်ပှၤပိာ်မုၣ်ပိာ်ခွါခဲလၢာ်, ဒီးအီၣ်တၢ်ဒီးအီတၢ်ဒီးအီမူၤအသးန့ၣ်, 46အကစၢ်ကဟဲက့ၤဝဲမုၢ်တနံၤဖဲအဝဲတမုၢ်လၢ်အီၤဒီးဖဲ အဆၢကတီၢ်လၢအဝဲတသ့ၣ်ညါဝဲဘၣ်န့ၣ်လီၤ. ကစၢ်ကကျီတဲာ်အီၤတကူာ်တကူာ်, ဒီးပာ်အီၤတမံၤဃီဒီးပှၤအသးတတီတဖၣ်န့ၣ်လီၤ.
47တၢ်ခ့တၢ်ပှၤလၢအသ့ၣ်ညါအကစၢ်အဲၣ်ဒိးအမၤတၢ်မနုၤ, ဘၣ်ဆၣ်ဒီး တအိၣ်ကတဲာ်ကတီၤအသးဒီးမၤတၢ်လၢအကစၢ်အဲၣ်ဒိးဝဲန့ၣ်, ကဘၣ်တၢ်စံၣ်ညီၣ်ဒီးဖျ့အီၤနးနးကလဲာ်လီၤ. 48မ့မ့ၢ်တၢ်ခ့တၢ်ပှၤလၢအတသ့ၣ်ညါအကစၢ်အဲၣ်ဒိးတၢ်မနုၤ, ဒီးမၤဘၣ်တၢ်တမံၤလၢအကြၢးဒီးတၢ်ဖျ့အီၤန့ၣ်, ကဘၣ်တၢ်စံၣ်ညီၣ်ဖျ့ဒၣ်အီၤဖဲအကြၢးအဘၣ်လီၤ. ပှၤတဂၤလၢတၢ်ဟ့ၣ်တၢ်လၢအီၤအါအါကလဲာ်န့ၣ်, တၢ်ကမုၢ်လၢ်တၢ်လၢအီၤအါအါကလဲာ်လီၤ. ပှၤတဂၤလၢတၢ်ဟ့ၣ်အီၤတၢ်အါဒိၣ်ဒံးတက့ၢ်န့ၣ်, တၢ်ကမုၢ်လၢ်တၢ်လၢအီၤအါဒိၣ်ဒံးတက့ၢ်လီၤ.
ယ့ၣ်ၡူးဒုးအိၣ်ထီၣ် တၢ်လီၤမုၢ်လီၤဖး
(မး. ၁၀:၃၄-၃၆)
49ယဟဲစိာ်မ့ၣ်အူဆူဟီၣ်ခိၣ်လီၤ. ယဆၢမုၢ်လၢ်မးယဲလၢအက ကဲၤထီၣ်ပာ်စၢၤတ့ၢ်လံဝဲန့ၣ်လီၤ. 50တၢ်ဒိးဘျၢတမံၤလၢယကဘၣ်ဒိးဘျၢယသးန့ၣ်အိၣ်ဝဲ, ဒီးတချုးဒံးလၢယဒိးယဲန့ၣ်ယသးဘၣ်ကိၢ်ဘၣ်ဂီၤမးယဲဆံးဒိၣ်လဲၣ်. 51မ့ၢ်သုဆိကမိၣ်လၢယဟဲယဲဒ်သိးယကဟဲစိာ်တၢ်ဃူ တၢ်ဖိးဆူဟီၣ်ခိၣ်ဧါ. တမ့ၢ်တၢ်ဃူတၢ်ဖိးဘၣ်. ယစံးဘၣ်သု, တၢ်လီၤမုၢ်လီၤဖးတခီလီၤ. 52စးထီၣ်ခဲအံၤဒီးဆူညါန့ၣ်, ဟံၣ်ဖိဃီဖိတဒူၣ်လၢအဒူၣ်ဖိထၢဖိအိၣ်ယဲၢ်ဂၤန့ၣ်ကလီၤမုၢ်လီၤဖး, သၢဂၤထီဒါခံဂၤ, ဒီးခံဂၤထီဒါသၢဂၤန့ၣ်လီၤ. 53ပၢ်သ့ၣ်တဖၣ်ကထီဒါအဖိခွါသ့ၣ်တဖၣ်, ဒီးဖိခွါသ့ၣ်တဖၣ်ကထီဒါအပၢ်သ့ၣ်တဖၣ်, မိၢ်သ့ၣ်တဖၣ်ကထီဒါအဖိမုၣ်သ့ၣ်တဖၣ်, ဒီးဖိမုၣ်သ့ၣ်တဖၣ်ကထီဒါအမိၢ်သ့ၣ်တဖၣ်, မံၤပှၢ်ပိာ်မုၣ်တဖၣ်ကထီဒါအဒဲၣ်တဖၣ်, ဒီးဒဲၣ်တဖၣ်ကထီဒါမံၤပှၢ်ပိာ်မုၣ်တဖၣ်လီၤ.”
တၢ်နၢ်ပၢၢ်တၢ်အဆၢကတီၢ်
(မး. ၁၆:၂-၃)
54ယ့ၣ်ၡူးစံးဘၣ်စ့ၢ်ကီးပှၤဂီၢ်မုၢ်တဖၣ်, “ဖဲသုထံၣ်တၢ်အၢၣ်တလိၣ်ဟဲထီၣ်လၢမုၢ်နုာ်န့ၣ်, တဘျီဃီသုစံးသုဝဲ, ‘မူခိၣ်ကစူၤလီၤ,’ ဒီးတၢ်စူၤဝဲလီၤ. 55ဒီးဖဲသုကလၢၢ်ဘၣ်ကလံၤအူလၢကလံၤထံးတခီန့ၣ်, သုစံး, ‘တၢ်ကကိၢ်ထီၣ်လီၤ,’ ဒီးတၢ်ကိၢ်ဝဲဒၣ်လီၤ. 56ပှၤပာ်မၤအသးသ့ၣ်ဧၢ, သုကွၢ်ဟီၣ်ခိၣ်ဒီးမူကပိာ်လိၤ, ဒီးတၢ်ကမၤအသးဒ်လဲၣ်သုသ့ၣ်ညါလီၤ. မ့မ့ၢ်ဒ်န့ၣ်ဒီးဘၣ်မနုၤအဃိသုတနၢ်ပၢၢ်ဆၢကတီၢ်ခဲအံၤအခီပညီလဲၣ်.
မၤဘၣ်လိာ်နသးဒီးနဒုၣ်နဒါ
(မး. ၅:၂၅-၂၆)
57တၢ်လၢပှၤကြၢးမၤ, တကြၢးမၤန့ၣ်, ဘၣ်မနုၤအဃိသုတစံၣ်ညီၣ်ပဲာ်ဖးနီၤဖးလၢ သုနီၢ်ကစၢ်ဒၣ်သုဝဲန့ၣ်လဲၣ်. 58ပှၤတဂၤမ့ၢ်လိာ်ဘၢလိာ်ကွီၢ်ထီဒါနၤဒီးဆှၢနၤဆူကွီၢ်ဘျီၣ်န့ၣ်, ဂုာ်ကျဲးစၢးနဲတသ့ဖဲအသ့ဒ်သိးနကမၤဘၣ်လိာ်က့ၤနသးဒီးအီၤ, ဖဲသုလဲၤလၢကျဲဒ်သိးအဝဲသုတတွံၢ်နၤဆူပှၤစံၣ်ညီၣ်ကွီၢ်အမဲာ်ညါ, ဒီးပှၤစံၣ်ညီၣ်ကွီၢ်သုတဟ့ၣ်လီၤနၤဆူပၢၤကီၢ်အစုပူၤ, ဒီးပၢၤကီၢ်သုတဒၢနုာ်နၤလၢဃိာ်ပူၤတဂ့ၤအဂီၢ်န့ၣ်တက့ၢ်. 59ယစံးဘၣ်တဲဘၣ်သု, တချုးနလိးတူာ်ကွံာ်တၢ်စံၣ်ညီၣ်အတိၢ်အကတၢၢ်တဘ့ၣ်ဒံးဘၣ်ဒီး, နတထူၣ်ဖျဲးထီၣ်ကွံာ်ဖဲန့ၣ်ဘၣ်.”
Одоогоор Сонгогдсон:
လံာ်လူၤကၣ် 12: KSWC
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Sgaw Karen Common Bible © Bible Society of Myanmar, 1992.
လံာ်လူၤကၣ် 12
12
တၢ်ဟ့ၣ်ပလီၢ်ထီဒါ တၢ်ပာ်မၤအသး
(မး. ၁၀:၂၆-၂၇)
1ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်. 2တၢ်တမံၤလၢ်လၢ်လၢအဘၣ်တၢ်ကးဘၢဃာ်အီၤန့ၣ်, ကဘၣ်တၢ်အိးဖျါထီၣ်အီၤ, ဒီးကယဲၢ်တၢ်ခူသူၣ်တမံၤလၢ်လၢ်န့ၣ်, ကဘၣ်တၢ်မၤဖျါထီၣ်အီၤလီၤ. 3လၢတၢ်န့ၣ်အဃိ, တၢ်တမံၤလၢ်လၢ်လၢသုစံးတ့ၢ်သုဝဲလၢတၢ်ခံးကျါန့ၣ်, ကဘၣ်တၢ်နၢ်ဟူအီၤလၢမုၢ်ဆါခီအတၢ်ကပီၤအဆၢကတီၢ်, ဒီးတၢ်တမံၤလၢ်လၢ်လၢသုကတိၤကသွံတ့ၢ်သုဝဲလၢပှၤအနၢ်ပူၤ လၢဒၢးအိၣ်ကးတံာ်ဃာ်အသးတဖျၢၣ်အပူၤန့ၣ်, ကဘၣ်တၢ်ကိးသတြီမၤဖျါထီၣ်အီၤလၢဟံၣ်ခိၣ်အဖီခိၣ်လီၤ.
ပှၤလၢပကဘၣ်ပျံၤအီၤ
(မး. ၁၀:၂၈-၃၁)
4ယစံးဘၣ်တဲဘၣ်သု, ယတံၤသကိးသ့ၣ်ဧၢ, ပှၤလၢအမၤသံပနီၢ်ခိ, ဘၣ်ဆၣ်ဒီးလၢခံက့ၤ, မၤတၢ်လၢအနးဒိၣ်ဒံးတက့ၢ်တသ့ဝဲတဖၣ်န့ၣ်ပျံၤအီၤတဂ့ၤ. 5ယကဒုးနဲၣ်သုပှၤလၢသုကဘၣ်ပျံၤအီၤန့ၣ်လီၤ. ပျံၤကစၢ်ယွၤလၢအမၤသံပှၤဝံၤအလီၢ်ခံအိၣ်ဒီးတၢ်စိတၢ် ကမီၤလၢအကတ့ၢ်လီၤပှၤဆူလရာ်အပူၤတဂၤန့ၣ်တက့ၢ်. မ့ၢ်လီၤ. ယစံးဘၣ်တဲဘၣ်သု, ပျံၤအဝဲဒၣ်န့ၣ်တက့ၢ်.
6ထိၣ်ဖှံးဖိယဲၢ်ဘ့ၣ်ဘၣ်တၢ်ဆါအီၤလၢတိၢ်ခံဘ့ၣ်တမ့ၢ်ဘၣ်ဧါ. ဘၣ်ဆၣ်ဒီး, အဝဲသ့ၣ်တဘၣ်တၢ်သးပ့ၤနီၣ်ကွံာ်အီၤနီတဘ့ၣ်လၢ ကစၢ်ယွၤဘၣ်. 7သုခိၣ်သူအဘိတဖၣ်ဒၣ်လဲာ်ဘၣ်တၢ်ဂံၢ်နီၣ်ဃာ်အီၤလီၤ. လၢတၢ်န့ၣ်အဃိ, တဘၣ်ပျံၤတၢ်တဂ့ၤ. သုလုၢ်သုပှ့ၤဒိၣ်န့ၢ်ထိၣ်ဖှံးဖိအါဘ့ၣ်တက့ၢ်လီၤ.
တၢ်အၢၣ်လီၤတူၢ်လိာ် ဒီးတၢ်သမၢခရံာ်
(မး. ၁၀:၃၂-၃၃; ၁၂:၃၂; ၁၀:၁၉-၂၀)
8ယစံးဘၣ်တဲဘၣ်သု, ပှၤတဂၤလၢ်လၢ်လၢအအၢၣ်လီၤလၢပှၤအါဂၤအမဲာ်ညါ, လၢအဝဲဒၣ်ဘၣ်ဃးဒီးယၤန့ၣ်, ပှၤကညီဖိခွါကမၤတၢ်တမံၤဃီန့ၣ်လၢ အဂီၢ်, လၢကစၢ်ယွၤအကလူးတဖၣ်အမဲာ်ညါလီၤ. 9မ့မ့ၢ်, ပှၤတဂၤလၢ်လၢ်လၢအသမၢယၤလၢပှၤအါဂၤအမဲာ်ညါန့ၣ်, ပှၤကညီဖိခွါကသမၢစ့ၢ်ကီးအီၤလၢကစၢ်ယွၤအကလူးတဖၣ်အမဲာ် ညါလီၤ.
10ပှၤတဂၤလၢ်လၢ်လၢအကတိၤထီဒါဘၣ်ပှၤကညီဖိခွါလၢတၢ်ကတိၤ တဘီန့ၣ်, တၢ်ပျၢ်ကွံာ်အတၢ်ကမၣ်သ့ဝဲလီၤ. မ့မ့ၢ်, ပှၤတဂၤလၢအကတိၤဒုၣ်ဒွဲၣ်သးစီဆှံန့ၣ်, တၢ်တပျၢ်ကွံာ်အတၢ်ကမၣ်ဘၣ်.
11ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ. 12အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”
တၢ်ကတိၤဒိဘၣ်ဃးဒီးပှၤထူးပှၤတီၤလၢ အသးတဆးတဂၤ
13ပှၤလၢကမျၢၢ်အကျါတဂၤစံးဘၣ်အီၤ, “သရၣ်ဧၢ, တဲဘၣ်ယဒီပုၢ်ဝဲၢ်ခွါလၢအကနီၤဖးန့ၢ်ယၤ တၢ်စုလီၢ်ခီၣ်ခိၣ်လၢပပၢ်ပာ်တ့ၢ်န့ၢ်ပှၤန့ၣ်တက့ၢ်.”
14ယ့ၣ်ၡူးစံးဆၢအီၤ, “စီၤဧၢ, မ့ၢ်မတၤဟ့ၣ်ယၤတၢ်စိတၢ်ကမီၤလၢယကစံၣ်ညီၣ်တၢ်, မ့တမ့ၢ်ဘၣ်ဒီးကနီၤဖးလီၤတၢ်စုလီၢ်ခီၣ်ခိၣ်လၢ သုခံဂၤအဘၢၣ်စၢၤန့ၣ်လဲၣ်.” 15ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”
16အန့ၣ်ဝံၤဒီးယ့ၣ်ၡူးစံးဘၣ်အဝဲသ့ၣ်လၢတၢ်ကတိၤဒိတထံၣ်အံၤလီၤ. “တဘျီပှၤထူးပှၤတီၤအိၣ်ဝဲတဂၤလၢအအိၣ်ဒီးဟီၣ်ခိၣ်လၢအသူ ထီၣ်သၣ်ထီၣ်ဂ့ၤမးလီၤ. 17အဝဲဒၣ်ဆိကမိၣ်ထီၣ်လၢအသးပူၤ, ‘ယတၤသူတၤသၣ်ခဲလၢာ်အံၤ, ယကဂၢ်ဖှိၣ်ပာ်အီၤအဂီၢ်တၢ်လီၢ်တၢ်ကျဲတအိၣ်ဘၣ်. မ့ၢ်ယကမၤဘၣ်ဒ်လဲၣ်.’ 18အဝဲဒၣ်စံးလီၤက့ၤအသး, ‘ယကမၤယဲဒ်အံၤလီၤ. ယကမၤလီၤပှီၢ်ကွံာ်ယဘုသိၣ်ဘုဖီတဖၣ်ဒီးဘှီထီၣ်က့ၤယဲ အဂၤလၢအဒိၣ်န့ၢ်အလီၢ်တက့ၢ်, ဖဲယကဂၢ်ဖှိၣ်ပာ်ယဘုဧိၤဟုဧိၤဒီးယတၢ်ဖိတၢ်လံၤခဲလၢာ်န့ၣ်လီၤ. 19တုၤနုၤတစု, ယကစံးဘၣ်လီၤက့ၤယသး, ယသးဧၢ, နအိၣ်ဒီးတၢ်အဂ့ၤအဘၣ်လၢနလိၣ်ဘၣ်အီၤခဲလၢာ်, လၢအါနံၣ်အါလါအဂီၢ်လီၤ. အိၣ်မူမုာ်မုာ်ခုၣ်ခုၣ်, အီၣ်တၢ်, အီတၢ်, ဒီးမၤမုာ်မၤခုၣ်နသးတက့ၢ်.’ 20ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”
21ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “ပှၤလၢအဂၢ်ဖှိၣ်တၢ်ထူးတၢ်တီၤအါအါဂီၢ်ဂီၢ်လၢ အနီၢ်ကစၢ်ဒၣ်ဝဲအဂီၢ်, ဘၣ်ဆၣ်ဒီးတထူးဝဲတီၤဝဲလၢကစၢ် ယွၤအမဲာ်ညါဘၣ်န့ၣ်, တၢ်ကမၤအသးဒီးအီၤဒ်အံၤလီၤ.”
တၢ်နာ်လၢကစၢ်ယွၤအပူၤ
(မး. ၆:၂၅-၃၄)
22တၢ်န့ၣ်ဝံၤအလီၢ်ခံ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “လၢတၢ်တမံၤအံၤအဃိယစံးဘၣ်တဲဘၣ်သု, တဘၣ်ကိၢ်ဘၣ်ဂီၤဘၣ်လၢတၢ်အီၣ်လၢသုလိၣ်ဘၣ်လၢ သုကအိၣ်မူအဂီၢ်မ့ၢ်ဂ့ၤ, တၢ်ကူတၢ်သိးလၢသုလိၣ်ဘၣ်လၢသုနီၢ်ခိအဂီၢ်မ့ၢ်ဂ့ၤန့ၣ် တဂ့ၤ. 23တၢ်အိၣ်မူန့ၣ်အကါဒိၣ်န့ၢ်ဒံးတၢ်အီၣ်တၢ်အီ, ဒီးနီၢ်ခိန့ၣ်အကါဒိၣ်န့ၢ်ဒံးတၢ်ကူတၢ်သိးတက့ၢ်လီၤ. 24ကွၢ်စိးဝၣ်ဃးတဖၣ်တက့ၢ်. အဝဲသ့ၣ်တဖှံလီၤတၢ်ချံမ့ၢ်ဂ့ၤ, ကူးက့ၤတၢ်မ့ၢ်ဂ့ၤန့ၣ်ဘၣ်. အဝဲသ့ၣ်အဒၢးလၢအကပာ်ဖှိၣ်တၢ်မ့ၢ်ဂ့ၤ, ဘုဖီမ့ၢ်ဂ့ၤတအိၣ်ဘၣ်. ကစၢ်ယွၤလုၢ်အီၣ်လုၢ်အီအဝဲသ့ၣ်လီၤ. သုလုၢ်သုပှ့ၤဒိၣ်န့ၢ်ဒံးထိၣ်တဖၣ်တက့ၢ်လီၤ. 25မ့ၢ်မတၤလၢသုကျါလၢအဘၣ်ယိၣ်တၢ်အဃိ, ထုးထီထီၣ်အနံၣ်အလါသ့တဂၤန့ၣ်လဲၣ်. 26တၢ်အဆံးဖိဒ်န့ၣ်အသိးဒၣ်လဲာ်သုမၤမ့ၢ်တသ့ဒီး, ဘၣ်မနုၤအဃိသုကိၢ်တၢ်ဂီၤတၢ်လၢတၢ်အဂၤတဖၣ်အဂ့ၢ်လဲၣ်. 27ဖီဒ့ၣ်ညါတဖၣ်ဒိၣ်ထီၣ်မဲထီၣ်ဒ်လဲၣ်န့ၣ်, ကွၢ်တက့ၢ်. အဝဲသ့ၣ်တဖံးတၢ်မၤတၢ်မ့ၢ်ဂ့ၤ, ဆးကူဆးကၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးယစံးဘၣ်တဲဘၣ်သုလၢစီၤၡလိၤမိၤလၢအအိၣ်ဒီး အကဟုကညီၢ်အတၢ်ထူးတၢ်တီၤခဲလၢာ်ဒၣ်လဲာ်န့ၣ်, တအိၣ်ဒီးအကူအသိးဃံလၤထဲသိးဒီးဖီဒ့ၣ်ညါတဖိးဘၣ်. 28ပှၤလၢအဒုးကူဒုးသိးနီၣ်ဧိၤမံၤဧိၤတဖၣ်, လၢမုၢ်မဆါတနံၤအံၤအိၣ်ဖဲအံၤ, မ့မ့ၢ်ခဲမုၢ်ဆ့ၣ်ဘၣ်တၢ်ဒွဲၣ်အူကွံာ်အီၤလၢဖၣ်ကပူၤန့ၣ်, မ့ၢ်ဝဲကစၢ်ယွၤလီၤ. အဝဲကဒုးကူဒုးသိးသုလီၤတံၢ်ဒိၣ်ဒံးတက့ၢ်တမ့ၢ်ဘၣ်ဧါ. သုတၢ်စူၢ်တၢ်နာ်ဆံးစှၤမးလဲၣ်.
29လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီဒီးသူၣ်ကိၢ်သးဂီၤထီဘိ ဘၣ်ဃးဒီးတၢ်လၢသုကအီၣ်ဘၣ်တၢ်လၢသုကအီဘၣ်အဂ့ၢ်န့ၣ်တဂ့ၤ. 30(အဂ့ၢ်ဒ်အံၤ, ပှၤတစူၢ်တနာ်ယွၤလၢဟီၣ်ခိၣ်အံၤတဖၣ်ကိၢ်တၢ်ဂီၤ တၢ်ဘၣ်ဃးဒီးတၢ်သ့ၣ်တဖၣ်အံၤထီဘိတဘိယူၢ်ဃီလီၤ.) သုပၢ်သ့ၣ်ညါလၢသုလိၣ်ဘၣ်တၢ်သ့ၣ်တဖၣ်အံၤလီၤ. 31မ့မ့ၢ်ဃုထံၣ်န့ၢ်ယွၤအဘီအမုၢ်တက့ၢ်. ဒီးယွၤကဟ့ၣ်သုတၢ်သ့ၣ်တဖၣ်အံၤလီၤ.
တၢ်ထူးတၢ်တီၤလၢမူခိၣ်
(မး. ၆:၁၉-၂၁)
32သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ. 33ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ. 34အဂ့ၢ်ဒ်အံၤ, ဖဲသုတၢ်ထူးတၢ်တီၤအိၣ်ဝဲအလီၢ်န့ၣ်, သုသးကအိၣ်ဝဲဖဲန့ၣ်ထီဘိတဘိယူၢ်ဃီလီၤ.
တၢ်ခ့တၢ်ပှၤလၢအဆိးသီတဖၣ်
35အိၣ်ကတဲာ်ကတီၤသုသးလၢတၢ်တမံၤလၢ်လၢ်လၢအကဟဲအဂီၢ်, ကံၢ်တူာ်ထီၣ်သုယီၢ်ဒ့ဒီးဒွဲၣ်ကပီၤဃာ်သုမ့ၣ်အူဒၢတဖၣ်, 36ဒ်တၢ်ခ့တၢ်ပှၤတဖၣ်လၢအအိၣ်ခိးအကစၢ်အတၢ်ဟဲက့ၤလၢတၢ်တ့တၢ်ဖျီ အမူးအဂီၢ်အသိးန့ၣ်တက့ၢ်. ဖဲအဝဲဒၣ်ဟဲဒီးဒိတကျိာ်တၢ်န့ၣ်, အဝဲသ့ၣ်ကအိးထီၣ်တြဲၤလၢအဂီၢ်တဘျီဃီလီၤ. 37တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ. 38အဝဲမ့ၢ်ဟဲက့ၤလၢဖးဖီမုၢ်, မ့တမ့ၢ်စဲၤခံန့ၢ်အဝဲန့ၣ်ဒၣ်လဲာ်, ဒီးထံၣ်အဝဲသ့ၣ်အိၣ်ကတဲာ်ကတီၤအသးန့ၣ်, အဝဲသ့ၣ်ကဘၣ်ဆိၣ်ဂ့ၤဝဲဆံးဒိၣ်လဲၣ်. 39ဒီးသ့ၣ်နီၣ်ထီၣ်တၢ်အံၤတက့ၢ်. ဟံၣ်ကစၢ်မ့ၢ်သ့ၣ်ညါတၢ်ဘျၣ်ကဟဲအဆၢကတီၢ်န့ၣ်, တမ့ၢ်လၢအဝဲဒၣ်ကပျဲတၢ်ဘျၣ်နုာ်လီၤဘၢၣ်ဖျိအဟံၣ်ဘၣ်. 40ဒီးသုဝဲစ့ၢ်ကီးအိၣ်ကတဲာ်ကတီၤသုသးတက့ၢ်. အဂ့ၢ်ဒ်အံၤ, ပှၤကညီဖိခွါကဟဲဝဲဖဲအဆၢကတီၢ်လၢ သုတဆိကမိၣ်လၢအကဟဲဝဲဘၣ်န့ၣ်လီၤ.”
တၢ်ခ့တၢ်ပှၤလၢအသးတီမ့တမ့ၢ်တတီဘၣ်တဂၤ
(မး. ၂၄:၄၅-၅၁)
41စီၤပ့းတရူးစံးဝဲ, “ကစၢ်ဧၢ, မ့ၢ်နကတိၤတၢ်ကတိၤဒိအဝဲအံၤလၢပဂီၢ်ဧါ. မ့တမ့ၢ်, လၢပှၤကိးဂၤဒဲးအဂီၢ်လဲၣ်.” 42ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ. 43တၢ်ခ့တၢ်ပှၤအဝဲန့ၣ်, ဖဲအကစၢ်ဟဲက့ၤဆူဟံၣ်ဒီးထံၣ်အမၤ ဝဲဒ်န့ၣ်အသိးန့ၣ်, ဘၣ်ဆိၣ်ဂ့ၤဝဲလီၤ. 44သပှၢ်ကတၢၢ်, ယစံးဘၣ်တဲဘၣ်သု, အကစၢ်ကဟ့ၣ်စိဟ့ၣ်ကမီၤအီၤလၢ အကအံးထွဲကွၢ်ထွဲအတၢ်စုလီၢ်ခီၣ်ခိၣ်တဖၣ်ခဲလၢာ်လီၤ. 45ဘၣ်ဆၣ်ဒီးတၢ်ခ့တၢ်ပှၤအဝဲန့ၣ်မ့ၢ်စံးလီၤက့ၤအသး, ‘ယကစၢ်ကဟဲက့ၤအဆၢကတီၢ်ယံာ်ဒံးဝဲလီၤ. ဒီးဒိတီၢ်တၢ်ခ့တၢ်ပှၤပိာ်မုၣ်ပိာ်ခွါခဲလၢာ်, ဒီးအီၣ်တၢ်ဒီးအီတၢ်ဒီးအီမူၤအသးန့ၣ်, 46အကစၢ်ကဟဲက့ၤဝဲမုၢ်တနံၤဖဲအဝဲတမုၢ်လၢ်အီၤဒီးဖဲ အဆၢကတီၢ်လၢအဝဲတသ့ၣ်ညါဝဲဘၣ်န့ၣ်လီၤ. ကစၢ်ကကျီတဲာ်အီၤတကူာ်တကူာ်, ဒီးပာ်အီၤတမံၤဃီဒီးပှၤအသးတတီတဖၣ်န့ၣ်လီၤ.
47တၢ်ခ့တၢ်ပှၤလၢအသ့ၣ်ညါအကစၢ်အဲၣ်ဒိးအမၤတၢ်မနုၤ, ဘၣ်ဆၣ်ဒီး တအိၣ်ကတဲာ်ကတီၤအသးဒီးမၤတၢ်လၢအကစၢ်အဲၣ်ဒိးဝဲန့ၣ်, ကဘၣ်တၢ်စံၣ်ညီၣ်ဒီးဖျ့အီၤနးနးကလဲာ်လီၤ. 48မ့မ့ၢ်တၢ်ခ့တၢ်ပှၤလၢအတသ့ၣ်ညါအကစၢ်အဲၣ်ဒိးတၢ်မနုၤ, ဒီးမၤဘၣ်တၢ်တမံၤလၢအကြၢးဒီးတၢ်ဖျ့အီၤန့ၣ်, ကဘၣ်တၢ်စံၣ်ညီၣ်ဖျ့ဒၣ်အီၤဖဲအကြၢးအဘၣ်လီၤ. ပှၤတဂၤလၢတၢ်ဟ့ၣ်တၢ်လၢအီၤအါအါကလဲာ်န့ၣ်, တၢ်ကမုၢ်လၢ်တၢ်လၢအီၤအါအါကလဲာ်လီၤ. ပှၤတဂၤလၢတၢ်ဟ့ၣ်အီၤတၢ်အါဒိၣ်ဒံးတက့ၢ်န့ၣ်, တၢ်ကမုၢ်လၢ်တၢ်လၢအီၤအါဒိၣ်ဒံးတက့ၢ်လီၤ.
ယ့ၣ်ၡူးဒုးအိၣ်ထီၣ် တၢ်လီၤမုၢ်လီၤဖး
(မး. ၁၀:၃၄-၃၆)
49ယဟဲစိာ်မ့ၣ်အူဆူဟီၣ်ခိၣ်လီၤ. ယဆၢမုၢ်လၢ်မးယဲလၢအက ကဲၤထီၣ်ပာ်စၢၤတ့ၢ်လံဝဲန့ၣ်လီၤ. 50တၢ်ဒိးဘျၢတမံၤလၢယကဘၣ်ဒိးဘျၢယသးန့ၣ်အိၣ်ဝဲ, ဒီးတချုးဒံးလၢယဒိးယဲန့ၣ်ယသးဘၣ်ကိၢ်ဘၣ်ဂီၤမးယဲဆံးဒိၣ်လဲၣ်. 51မ့ၢ်သုဆိကမိၣ်လၢယဟဲယဲဒ်သိးယကဟဲစိာ်တၢ်ဃူ တၢ်ဖိးဆူဟီၣ်ခိၣ်ဧါ. တမ့ၢ်တၢ်ဃူတၢ်ဖိးဘၣ်. ယစံးဘၣ်သု, တၢ်လီၤမုၢ်လီၤဖးတခီလီၤ. 52စးထီၣ်ခဲအံၤဒီးဆူညါန့ၣ်, ဟံၣ်ဖိဃီဖိတဒူၣ်လၢအဒူၣ်ဖိထၢဖိအိၣ်ယဲၢ်ဂၤန့ၣ်ကလီၤမုၢ်လီၤဖး, သၢဂၤထီဒါခံဂၤ, ဒီးခံဂၤထီဒါသၢဂၤန့ၣ်လီၤ. 53ပၢ်သ့ၣ်တဖၣ်ကထီဒါအဖိခွါသ့ၣ်တဖၣ်, ဒီးဖိခွါသ့ၣ်တဖၣ်ကထီဒါအပၢ်သ့ၣ်တဖၣ်, မိၢ်သ့ၣ်တဖၣ်ကထီဒါအဖိမုၣ်သ့ၣ်တဖၣ်, ဒီးဖိမုၣ်သ့ၣ်တဖၣ်ကထီဒါအမိၢ်သ့ၣ်တဖၣ်, မံၤပှၢ်ပိာ်မုၣ်တဖၣ်ကထီဒါအဒဲၣ်တဖၣ်, ဒီးဒဲၣ်တဖၣ်ကထီဒါမံၤပှၢ်ပိာ်မုၣ်တဖၣ်လီၤ.”
တၢ်နၢ်ပၢၢ်တၢ်အဆၢကတီၢ်
(မး. ၁၆:၂-၃)
54ယ့ၣ်ၡူးစံးဘၣ်စ့ၢ်ကီးပှၤဂီၢ်မုၢ်တဖၣ်, “ဖဲသုထံၣ်တၢ်အၢၣ်တလိၣ်ဟဲထီၣ်လၢမုၢ်နုာ်န့ၣ်, တဘျီဃီသုစံးသုဝဲ, ‘မူခိၣ်ကစူၤလီၤ,’ ဒီးတၢ်စူၤဝဲလီၤ. 55ဒီးဖဲသုကလၢၢ်ဘၣ်ကလံၤအူလၢကလံၤထံးတခီန့ၣ်, သုစံး, ‘တၢ်ကကိၢ်ထီၣ်လီၤ,’ ဒီးတၢ်ကိၢ်ဝဲဒၣ်လီၤ. 56ပှၤပာ်မၤအသးသ့ၣ်ဧၢ, သုကွၢ်ဟီၣ်ခိၣ်ဒီးမူကပိာ်လိၤ, ဒီးတၢ်ကမၤအသးဒ်လဲၣ်သုသ့ၣ်ညါလီၤ. မ့မ့ၢ်ဒ်န့ၣ်ဒီးဘၣ်မနုၤအဃိသုတနၢ်ပၢၢ်ဆၢကတီၢ်ခဲအံၤအခီပညီလဲၣ်.
မၤဘၣ်လိာ်နသးဒီးနဒုၣ်နဒါ
(မး. ၅:၂၅-၂၆)
57တၢ်လၢပှၤကြၢးမၤ, တကြၢးမၤန့ၣ်, ဘၣ်မနုၤအဃိသုတစံၣ်ညီၣ်ပဲာ်ဖးနီၤဖးလၢ သုနီၢ်ကစၢ်ဒၣ်သုဝဲန့ၣ်လဲၣ်. 58ပှၤတဂၤမ့ၢ်လိာ်ဘၢလိာ်ကွီၢ်ထီဒါနၤဒီးဆှၢနၤဆူကွီၢ်ဘျီၣ်န့ၣ်, ဂုာ်ကျဲးစၢးနဲတသ့ဖဲအသ့ဒ်သိးနကမၤဘၣ်လိာ်က့ၤနသးဒီးအီၤ, ဖဲသုလဲၤလၢကျဲဒ်သိးအဝဲသုတတွံၢ်နၤဆူပှၤစံၣ်ညီၣ်ကွီၢ်အမဲာ်ညါ, ဒီးပှၤစံၣ်ညီၣ်ကွီၢ်သုတဟ့ၣ်လီၤနၤဆူပၢၤကီၢ်အစုပူၤ, ဒီးပၢၤကီၢ်သုတဒၢနုာ်နၤလၢဃိာ်ပူၤတဂ့ၤအဂီၢ်န့ၣ်တက့ၢ်. 59ယစံးဘၣ်တဲဘၣ်သု, တချုးနလိးတူာ်ကွံာ်တၢ်စံၣ်ညီၣ်အတိၢ်အကတၢၢ်တဘ့ၣ်ဒံးဘၣ်ဒီး, နတထူၣ်ဖျဲးထီၣ်ကွံာ်ဖဲန့ၣ်ဘၣ်.”
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Sgaw Karen Common Bible © Bible Society of Myanmar, 1992.