လံာ်လူၤကၣ် 4
4
ယ့ၣ်ၡူးဒိးတၢ်လ့ပစီ
(မး. ၄:၁-၁၁; မၢ်. ၁:၁၂-၁၃)
1ယ့ၣ်ၡူးလၢပှဲၤဝဲဒီးသးစီဆှံဖဲအဝဲဒၣ်ဟဲက့ၤလၢထံကျိယၢ်ဒ့ၣ်, ဒီးဘၣ်တၢ်ဆှၢအီၤလၢယွၤအသးန့ၣ်ဆူပှၢ်မုၢ်ကနၢ, 2ဖဲအဝဲဒၣ်ဘၣ်တၢ်လ့ပစီအီၤလၢမုၣ်ကီၤလံၢ်လၢအသီလွံၢ်ဆံ အတီၢ်ပူၤန့ၣ်လီၤ. ဖဲအဆၢကတီၢ်ဝဲန့ၣ်ဒီကတီၢ်ညါန့ၣ်, အဝဲတအီၣ်တၢ်နီတမံၤဘၣ်. သတးဒီးလၢခံကတၢၢ်န့ၣ်တၢ်သၣ်ဝံၤအသးလီၤ.
3မုၣ်ကီၤလံၢ်စံးဘၣ်အီၤ, “နမ့မ့ၢ်ကစၢ်ယွၤအဖိခွါန့ၣ်, ဟ့ၣ်လီၤနကလုၢ်ဒ်သိးလၢၢ်တဖျၢၣ်အံၤကကဲထီၣ်ကိၣ်တက့ၢ်.”
4ယ့ၣ်ၡူးစံးဆၢတၢ်ဒီးစံးဝဲ, “တၢ်ကွဲးအသးစံးဝဲ, ‘ပှၤကညီမူဝဲထဲလၢကိၣ်တမံၤဧိၤတသ့ဘၣ်.’ ”
5တုၤနုၤတစုမုၣ်ကီၤလံၢ်ဆှၢထီၣ်အီၤဆူတၢ်လီၢ်ထီၣ်ထီတတီၤ, ဒီးလၢတဖျးမဲာ်အတီၢ်ပူၤဒုးနဲၣ်အီၤဟီၣ်ခိၣ်အဘီအမုၢ်ခဲလၢာ်ခဲဆ့လီၤ. 6မုၣ်ကီၤလံၢ်စံးဘၣ်အီၤ, “ယကဟ့ၣ်နၤတၢ်စိတၢ်ကမီၤအဝဲ အံၤခဲလၢာ်, ဒီးတၢ်ထူးတၢ်တီၤအဝဲအံၤခဲလၢာ်လီၤ. အဝဲအံၤဘၣ်တၢ်ဟ့ၣ်လီၤတ့ၢ်အီၤလၢယစုပူၤခဲလၢာ်, ဒီးယဟ့ၣ်လီၤအီၤဆူပှၤတဂၤဂ့ၤတဂၤဂ့ၤလၢယဃုထၢယဲန့ၣ်သ့ဝဲလီၤ. 7နမ့ၢ်ဘူၣ်ထီၣ်ဘါထီၣ်ယၤဒီး, တၢ်အံၤခဲလၢာ်ကမ့ၢ်နတၢ်လီၤ.”
8ယ့ၣ်ၡူးစံးဆၢဝဲ, “တၢ်ကွဲးအသးစံးဒ်အံၤ, ‘ဘူၣ်ထီၣ်ဘါထီၣ်ထဲယွၤနကစၢ်ယွၤဒီး မၤထဲအဝဲဒၣ်တဂၤဧိၤအတၢ်မၤတက့ၢ်.’ ”
9အန့ၣ်ဝံၤအလီၢ်ခံ, မုၣ်ကီၤလံၢ်ဆှၢအီၤဆူယရူၤၡလ့ၣ်, ဒီးပာ်ထီၣ်အီၤလၢတၢ်လုၢ်ဟံၣ်အတၢ်လီၢ် အထီကတၢၢ်တတီၤဒီးစံးဘၣ်အီၤ, “နမ့မ့ၢ်ကစၢ်ယွၤအဖိခွါန့ၣ်, တ့ၢ်လီၤနသးလၢတၢ်လီၢ်တတီၤအံၤတက့ၢ်. 10အဂ့ၢ်ဒ်အံၤ, တၢ်ကွဲးအသးစံးဝဲ, ‘ကစၢ်ယွၤကခါလီၤအကလုၢ်ဆူအကလူးတဖၣ်အအိၣ် ဒ်သိးအကအံးထွဲကွၢ်ထွဲနၤဂ့ၤဂ့ၤလီၤ.’ 11စံးစ့ၢ်ကီးဝဲဒ်အံၤ, ‘အဝဲသ့ၣ်ကစိာ်ထီၣ်နၤလၢအစုဒ်သိး နခီၣ်တဖၣ်ဒၣ်လဲာ်အသုတဘၣ်ဒိလၢလၢၢ်တဂ့ၤအဂီၢ်လီၤ.’ ”
12ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘တဘၣ်လ့ပစီယွၤနကစၢ်ယွၤန့ၣ်တဂ့ၤ.’ ”
13ဖဲမုၣ်ကီၤလံၢ်လ့ပစီယ့ၣ်ၡူးလၢကျဲကိးဘိဒဲးဝံၤဝဲန့ၣ်, အဝဲဒၣ်ဟးဖးဒီးအီၤတစိၢ်တလီၢ်လီၤ.
ယ့ၣ်ၡူးစးထီၣ်အတၢ်မၤဖဲကီၢ်ကၤလံၤလါ
(မး. ၄:၁၂-၁၇; မၢ်. ၁:၁၄-၁၅)
14တၢ်န့ၣ်ဝံၤအလီၢ်ခံ, ယ့ၣ်ၡူးဟဲက့ၤကဒါက့ၤဆူကီၢ်ကၤလံၤလါ, ဒီးသးစီဆှံအစိကမီၤအိၣ်ဒီးအီၤလီၤ. တၢ်ကစီၣ်ဘၣ်ဃးအဝဲဒၣ်အဂ့ၢ်အကျိၤဟူထီၣ်သါလီၤဝဲလၢ တၢ်လီၢ်အကဝီၤဖဲန့ၣ်ကိးတီၤဒဲးလီၤ. 15အဝဲဒၣ်သိၣ်လီၤသီလီၤတၢ်လၢအဝဲသ့ၣ်အဘူၣ်ဘျီၣ်လၢ အမ့ၢ်တၢ်ဘါလီၢ်အပူၤ, ဒီးဘၣ်တၢ်စံးထီၣ်ပတြၢၤ အီၤလၢပှၤကိးဒံကိးဂၤဒဲးလီၤ.
ပှၤဝ့ၢ်နစၤရ့းဖိတနာ်ယ့ၣ်ၡူးဘၣ်
(မး. ၁၃:၅၃-၅၈; မၢ်. ၆:၁-၆)
16အန့ၣ်ဝံၤအလီၢ်ခံ, ယ့ၣ်ၡူးလဲၤဆူနစၤရ့း, တၢ်လီၢ်ဖဲအဝဲဒၣ်ဘၣ်တၢ်ကွၢ်ဒုးဒိၣ်ထီၣ်အီၤ, ဒီးဖဲမုၢ်အိၣ်ဘှံးနံၤန့ၣ် အဝဲဒၣ်လဲၤဝဲဒ်အညီနုၢ်အသိးဆူဘူၣ်ဘျီၣ်လၢအမ့ၢ်တၢ်ဘါလီၢ်န့ၣ်လီၤ. အဝဲဒၣ်ဂဲၤဆၢထၢၣ်ဒ်သိးအကဖးတၢ်ကွဲးအသးစီဆှံတဖၣ်, 17ဒီးတၢ်ဟ့ၣ်လီၤအီၤလၢလံာ်ဝံယၡါယၤန့ၣ်လီၤ. အဝဲဒၣ်သလၣ်ထီၣ်လံာ်ထူတထူန့ၣ်, ဒီးထံၣ်န့ၢ်တၢ်ကွဲးအသးတတီၤလၢအစံးဝဲဒၣ်,
18“ကစၢ်အသးအိၣ်ဝဲလၢယလိၤလီၤ.
အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး
ယကစံၣ်တဲၤတဲလီၤတၢ်သးခုအကစီၣ်လၢ
ပှၤဖှီၣ်ဖိယာ်ဖိန့ၣ်လီၤ.
အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ
တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်,
ဒီးတၢ်ဒုးထံၣ်ထီၣ်က့ၤတၢ်လၢ
ပှၤမဲာ်တထံၣ်တၢ်တဖၣ်အဂီၢ်,
ဒ်သိးယကဒုးထူၣ်ဖျဲးထီၣ်ကွံာ်ပှၤလၢ
အဘၣ်တၢ်မၤနၢၤမၤဃၣ်အီၤတဖၣ်,
19ဒီးဒ်သိးယကဘိးဘၣ်သ့ၣ်ညါဘၣ်ဃးနံၣ်တနံၣ်
ဖဲကစၢ်ကအုၣ်က့ၤခီၣ်က့ၤအပှၤဂီၢ်မုၢ်န့ၣ်လီၤ.”
20ယ့ၣ်ၡူးထူထီၣ်က့ၤလံာ်ထူတထူန့ၣ်, ဟ့ၣ်က့ၤဝဲဆူပှၤတဂၤလၢအကွၢ်ထွဲဘူၣ်ဘျီၣ်လၢအမ့ၢ် တၢ်ဘါလီၢ်အစုပူၤဒီးဆ့ၣ်နီၤဝဲလီၤ. ပှၤအိၣ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤတဖၣ် ကွၢ်စူၣ်အီၤကိးဂၤဒဲးလီၤ. 21အဝဲဒၣ်စးထီၣ်ကတိၤတၢ်ဒီးအဝဲသ့ၣ်ဒီးစံးဝဲ, “တၢ်ကွဲးအသးတတီၤအံၤလၢထီၣ်ပှဲၤထီၣ်လံဝဲတနံၤအံၤ, ဖဲသုနၢ်ဟူတၢ်ဖးဖျါထီၣ်အီၤအဆၢကတီၢ်န့ၣ်လီၤ.”
22အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”
23အဝဲဒၣ်စံးဘၣ်အဝဲသ့ၣ်, “ယနာ်သပှၢ်ကတၢၢ်လၢ သုကတဲယၤလၢတၢ်ကတိၤဒိတထံၣ်အံၤလီၤ. ‘ကသံၣ်သရၣ်ဧၢ, မၤဘျါလီၤက့ၤနသးဒၣ်နဲတက့ၢ်.’ သုကစံးဘၣ်စ့ၢ်ကီးယၤ, ‘တၢ်တမံၤဃီလၢပဘၣ်တၢ်စံးဘၣ်တဲဘၣ်ပှၤလၢအမၤ အသးဖဲကပ့းရနီၣ်တဖၣ်န့ၣ်, မၤအီၤဖဲအံၤလၢနလီၢ်အိၣ်လီၢ်ဆိး နဝ့ၢ်ဒၣ်နဲအပူၤတက့ၢ်’ န့ၣ်လီၤ.” 24ယ့ၣ်ၡူးစံးကဒီးဝဲ, “ယစံးဘၣ်သုဒ်အံၤလီၤ. ဝံတဂၤန့ၣ်တဘၣ်တၢ်တူၢ်လိာ်အီၤဖဲအလီၢ်အိၣ်လီၢ်ဆိး အဝ့ၢ်ဒၣ်ဝဲအပူၤနီတစုဘၣ်. 25ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ. 26ဘၣ်ဆၣ်ဒီးဝံအ့ၤလံယၤတဘၣ်တၢ်ဆှၢလီၤအီၤဆူ ပှၤလၢကီၢ်အံၣ်စရ့လးအပူၤနီတဂၤအအိၣ်ဘၣ်. မ့မ့ၢ်အဝဲဘၣ်တၢ်ဆှၢလီၤဒၣ်အီၤဆူမုၣ်ကမဲအိၣ်ဖဲ ဝ့ၢ်စၤရဖၤသးဘၣ်ဃးဒီးကီၢ်စံဒိၣ်တဂၤအအိၣ်လီၤ. 27ဒီးဖဲဝံအလံၤၡါအဆၢကတီၢ်န့ၣ်, ပှၤလၢအတူၢ်ဘၣ်တၢ်ဆါလိၤ တဂ့ၤအိၣ်ဝဲအါဒံအါဂၤလၢကီၢ်အံၣ်စရ့လးအပူၤ, ဘၣ်ဆၣ်အဝဲသ့ၣ်တဘၣ်တၢ်မၤဘျါက့ၤအီၤနီတဂၤဘၣ်. တၢ်မၤဘျါက့ၤဒၣ်ထဲပှၤစူၤရံဖိစီၤနဧၤမၣ်တဂၤဧိၤလီၤ.”
28ဖဲပှၤအိၣ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤတဖၣ် နၢ်ဟူဘၣ်တၢ်ကတိၤအဝဲအံၤန့ၣ်, အဝဲသ့ၣ်လၢပှဲၤဒီးတၢ်သူၣ်ဒိၣ်သးဖျိးလီၤ. 29အဝဲသ့ၣ်ဂဲၤဆၢထၢၣ်, တွံၢ်ထီၣ်ကွံာ်ယ့ၣ်ၡူးဆူဝ့ၢ်အချၢ, ဒီးဆှၢအီၤဆူတၢ်လူၢ်ဖဲအဝဲသ့ၣ်အဝ့ၢ်အိၣ်သူၣ်ထီၣ်အသးလၢ အလိၤန့ၣ်အဒီခိၣ်လီၤ. အဝဲသ့ၣ်ပာ်လီၤအသးလၢအကတ့ၢ်လီၤဆှိခိၣ်အီၤလၢလ့အလိၤ, 30ဘၣ်ဆၣ်ဒီးအဝဲဒၣ်ဟးထီၣ်ကွံာ်လၢပှၤဂီၢ်မုၢ်အကဆူးဒီး လဲၤလၢအကျဲဒၣ်ဝဲလီၤ.
ပှၤလၢတၢ်နါဒိးအီၤတဂၤ
(မၢ်. ၁:၂၁-၂၈)
31တၢ်န့ၣ်ဝံၤအလီၢ်ခံ, ယ့ၣ်ၡူးလဲၤဝဲဆူကပ့းရနီၣ်, ဝ့ၢ်တဖျၢၣ်လၢအအိၣ်ဝဲဖဲကီၢ်ကၤလံၤလါ, ဒီးဖဲန့ၣ်အဝဲဒၣ်သိၣ်လီၤသီလီၤပှၤဂီၢ်မုၢ်တဖၣ်ဖဲ မုၢ်အိၣ်ဘှံးအနံၤလီၤ. 32အဝဲသ့ၣ်ကမၢကမၣ်ဝဲကိးဒံကိးဂၤဒဲးလၢအတၢ်သိၣ်လီၤသီလီၤ အဃိ, အဂ့ၢ်ဒ်အံၤ, အဝဲဒၣ်စံးကတိၤတၢ်အိၣ်ဒီးတၢ်စိတၢ်ကမီၤလီၤ. 33လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤန့ၣ်, ပှၤအိၣ်ဝဲဒၣ်တဂၤလၢ အအိၣ်ဒီးတၢ်နါအအၢအသီတဒုအသးလၢအပူၤန့ၣ်လီၤ. အဝဲဒၣ်ကိးပသူထီၣ်လၢအကလုၢ်ဖးဒိၣ်ဒီးစံး, 34“အၣ်လါ, နအဲၣ်ဒိးမၤပှၤဒ်လဲၣ်. ပှၤနစၤရ့းဖိယ့ၣ်ၡူးဧၢ. နဟဲဖဲအံၤဒ်သိးနကမၤဟးဂီၤကွံာ်ပှၤဧါ. နမ့ၢ်မတၤလဲၣ်န့ၣ်ယသ့ၣ်ညါယဲလီၤ. နမ့ၢ်ယွၤအပှၤစိာ်တၢ်ကစီၣ်အစီအဆှံတဂၤလီၤ.”
35ယ့ၣ်ၡူးခါလီၤအကလုၢ်ဒီးစံးဘၣ်တၢ်နါန့ၣ်, “အိၣ်ဘှီၣ်ကလာ်ဒီးဟးထီၣ်ကွံာ်လၢပှၤတဂၤန့ၣ်အပူၤတက့ၢ်.” တၢ်နါကွံာ်လီၤပှၤတဂၤန့ၣ်လၢအဝဲသ့ၣ်တဖၣ်အမဲာ်ညါ ဒီးဟးထီၣ်ကွံာ်လၢအဝဲဒၣ်အပူၤ, တအိၣ်ဒီးတၢ်မၤဘၣ်ဒိဘၣ်ထံးအီၤနီတမံၤဘၣ်.
36ပှၤဂီၢ်မုၢ်တဖၣ်ကမၢကမၣ်ဝဲကိးဒံကိးဂၤဒဲးဒီးစံးလိာ်အသးတဂၤဒီးတဂၤ, “တၢ်စံးတၢ်ကတိၤတဖၣ်အံၤမ့ၢ်တၢ်ကတိၤဒ်လဲၣ်တကလုာ်လဲၣ်. ပှၤတဂၤအံၤခါလီၤအကလုၢ်အိၣ်ဒီးအသူးအသ့ၣ်ဒီးအစိအကမီၤလၢ တၢ်နါအအၢအသီတဖၣ်အဖီခိၣ်, ဒီးအဝဲသ့ၣ်ဟးထီၣ်ကွံာ်ဝဲလီၤမးလဲၣ်.” 37ဒီးယ့ၣ်ၡူးအဂ့ၢ်အကျိၤတမံၤအံၤဟူထီၣ်သါလီၤဝဲသကုၤကီၢ်အတၢ်ပၢ တတီၤန့ၣ်အပူၤလီၤ.
ယ့ၣ်ၡူးမၤဘျါပှၤအါဒံအါဂၤ
(မး. ၈:၁၄-၁၇; မၢ်. ၁:၂၉-၃၄)
38ယ့ၣ်ၡူးဟးထီၣ်ကွံာ်ဖဲဘူၣ်ဘျီၣ်လၢအမ့ၢ်တၢ်ဘါလီၢ်ဒီးလဲၤဝဲဒၣ်ဆူ စီၤၡံမိၣ်အဟံၣ်လီၤ. စီၤၡံမိၣ်အမံၤပှၢ်ပိာ်မုၣ်ဆိးက့ဝဲဒီးအလိၤကိၢ်ဒိၣ်နီၢ် မး, ဒီးအဝဲသ့ၣ်ကတိၤတၢ်ဒီးယ့ၣ်ၡူးလၢအဝဲဒၣ်အဂ့ၢ်လီၤ. 39အဝဲဒၣ်လဲၤဝဲဒီးဆၢထၢၣ်ဝဲဖဲပိာ်မုၣ်န့ၣ်အလီၢ်မံကပၤ ဒီးခါလီၤအကလုၢ်ဒ်သိးတၢ်ကိၢ်ကလီၤအဂီၢ်, ဒီးတၢ်ကိၢ်န့ၣ်လီၤဝဲတကီၢ်ခါလီၤ. ဒီးအဝဲဒၣ်ဂဲၤဆၢထၢၣ်တဘျီဃီ ဒီးဒုးအီၣ်ဒုးအီအဝဲသ့ၣ်လီၤ.
40ဖဲမုၢ်လီၤနုာ်ဝံၤအလီၢ်ခံန့ၣ်, ကယဲၢ်ပှၤအိၣ်ဒီးတံၤသကိးလၢအအိၣ်ဒီး တၢ်ဆူးတၢ်ဆါအကလုာ်ကလုာ်တဖၣ်ဟဲဆှၢပှၤဆါတဖၣ်န့ၣ်ဆူ ယ့ၣ်ၡူးအအိၣ်, ဒီးအဝဲဒၣ်ပာ်ထီၣ်အစုခံခီလၢ အဝဲသ့ၣ်တဂၤဘၣ်တဂၤအလိၤ, ဒီးမၤဘျါအဝဲသ့ၣ်ကိးဂၤဒဲးလီၤ. 41တၢ်နါဟးထီၣ်ကွံာ်စ့ၢ်ကီးလၢပှၤအါဒံအါဂၤအလိၤ, အိၣ်ဒီးတၢ်ကိးပသူထီၣ်, “နမ့ၢ်ကစၢ်ယွၤအဖိခွါလီၤ.”
ယ့ၣ်ၡူးဒူတၢ်နါတဖၣ်အလိၤဒီးတပျဲအဝဲသ့ၣ်ကတိၤတၢ်ဘၣ်. အဂ့ၢ်မ့ၢ်လၢအဝဲသ့ၣ်သ့ၣ်ညါလၢအဝဲဒၣ်မ့ၢ်ခရံာ်အဃိလီၤ.
ယ့ၣ်ၡူးစံၣ်တဲၤတဲလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ
(မၢ်. ၁:၃၅-၃၉)
42ဖဲမုၢ်ဆ့ၣ်ထီၣ်န့ၣ်, ယ့ၣ်ၡူးဟးထီၣ်လၢဝ့ၢ်ပူၤဒီးလဲၤဝဲဆူတၢ်လီၢ်လၢ ပှၤတအိၣ်ဝဲနီတဂၤဘၣ်လီၤ. ပှၤဂီၢ်မုၢ်တဖၣ်လူၤဃုအီၤ, ဒီးဖဲအဝဲသ့ၣ်ထံၣ်အီၤန့ၣ် ဂုာ်ကျဲးစၢးတြီအီၤဒ်သိးအသု တဟးသဒၣ်အဝဲသ့ၣ်တဂ့ၤအဂီၢ်လီၤ. 43ဘၣ်ဆၣ်ဒီး, အဝဲဒၣ်စံးဘၣ်အဝဲသ့ၣ်, “ယကဘၣ်စံၣ်တဲၤတဲလီၤတၢ်သးခုအကစီၣ်ဘၣ်ဃး ကစၢ်ယွၤအဘီအမုၢ်လၢဝ့ၢ်အဂၤတဖၣ်အပူၤစ့ၢ်ကီးလီၤ. အဂ့ၢ်ဒ်အံၤ, ကစၢ်ယွၤဆှၢလီၤယၤလၢတၢ်တမံၤန့ၣ်အဂီၢ်လီၤ.”
44လၢတၢ်န့ၣ်အဃိ, အဝဲဒၣ်စံၣ်တဲၤတဲလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤသကုၤကီၢ်န့ၣ်လီၤ.
Одоогоор Сонгогдсон:
လံာ်လူၤကၣ် 4: KSWC
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Sgaw Karen Common Bible © Bible Society of Myanmar, 1992.
လံာ်လူၤကၣ် 4
4
ယ့ၣ်ၡူးဒိးတၢ်လ့ပစီ
(မး. ၄:၁-၁၁; မၢ်. ၁:၁၂-၁၃)
1ယ့ၣ်ၡူးလၢပှဲၤဝဲဒီးသးစီဆှံဖဲအဝဲဒၣ်ဟဲက့ၤလၢထံကျိယၢ်ဒ့ၣ်, ဒီးဘၣ်တၢ်ဆှၢအီၤလၢယွၤအသးန့ၣ်ဆူပှၢ်မုၢ်ကနၢ, 2ဖဲအဝဲဒၣ်ဘၣ်တၢ်လ့ပစီအီၤလၢမုၣ်ကီၤလံၢ်လၢအသီလွံၢ်ဆံ အတီၢ်ပူၤန့ၣ်လီၤ. ဖဲအဆၢကတီၢ်ဝဲန့ၣ်ဒီကတီၢ်ညါန့ၣ်, အဝဲတအီၣ်တၢ်နီတမံၤဘၣ်. သတးဒီးလၢခံကတၢၢ်န့ၣ်တၢ်သၣ်ဝံၤအသးလီၤ.
3မုၣ်ကီၤလံၢ်စံးဘၣ်အီၤ, “နမ့မ့ၢ်ကစၢ်ယွၤအဖိခွါန့ၣ်, ဟ့ၣ်လီၤနကလုၢ်ဒ်သိးလၢၢ်တဖျၢၣ်အံၤကကဲထီၣ်ကိၣ်တက့ၢ်.”
4ယ့ၣ်ၡူးစံးဆၢတၢ်ဒီးစံးဝဲ, “တၢ်ကွဲးအသးစံးဝဲ, ‘ပှၤကညီမူဝဲထဲလၢကိၣ်တမံၤဧိၤတသ့ဘၣ်.’ ”
5တုၤနုၤတစုမုၣ်ကီၤလံၢ်ဆှၢထီၣ်အီၤဆူတၢ်လီၢ်ထီၣ်ထီတတီၤ, ဒီးလၢတဖျးမဲာ်အတီၢ်ပူၤဒုးနဲၣ်အီၤဟီၣ်ခိၣ်အဘီအမုၢ်ခဲလၢာ်ခဲဆ့လီၤ. 6မုၣ်ကီၤလံၢ်စံးဘၣ်အီၤ, “ယကဟ့ၣ်နၤတၢ်စိတၢ်ကမီၤအဝဲ အံၤခဲလၢာ်, ဒီးတၢ်ထူးတၢ်တီၤအဝဲအံၤခဲလၢာ်လီၤ. အဝဲအံၤဘၣ်တၢ်ဟ့ၣ်လီၤတ့ၢ်အီၤလၢယစုပူၤခဲလၢာ်, ဒီးယဟ့ၣ်လီၤအီၤဆူပှၤတဂၤဂ့ၤတဂၤဂ့ၤလၢယဃုထၢယဲန့ၣ်သ့ဝဲလီၤ. 7နမ့ၢ်ဘူၣ်ထီၣ်ဘါထီၣ်ယၤဒီး, တၢ်အံၤခဲလၢာ်ကမ့ၢ်နတၢ်လီၤ.”
8ယ့ၣ်ၡူးစံးဆၢဝဲ, “တၢ်ကွဲးအသးစံးဒ်အံၤ, ‘ဘူၣ်ထီၣ်ဘါထီၣ်ထဲယွၤနကစၢ်ယွၤဒီး မၤထဲအဝဲဒၣ်တဂၤဧိၤအတၢ်မၤတက့ၢ်.’ ”
9အန့ၣ်ဝံၤအလီၢ်ခံ, မုၣ်ကီၤလံၢ်ဆှၢအီၤဆူယရူၤၡလ့ၣ်, ဒီးပာ်ထီၣ်အီၤလၢတၢ်လုၢ်ဟံၣ်အတၢ်လီၢ် အထီကတၢၢ်တတီၤဒီးစံးဘၣ်အီၤ, “နမ့မ့ၢ်ကစၢ်ယွၤအဖိခွါန့ၣ်, တ့ၢ်လီၤနသးလၢတၢ်လီၢ်တတီၤအံၤတက့ၢ်. 10အဂ့ၢ်ဒ်အံၤ, တၢ်ကွဲးအသးစံးဝဲ, ‘ကစၢ်ယွၤကခါလီၤအကလုၢ်ဆူအကလူးတဖၣ်အအိၣ် ဒ်သိးအကအံးထွဲကွၢ်ထွဲနၤဂ့ၤဂ့ၤလီၤ.’ 11စံးစ့ၢ်ကီးဝဲဒ်အံၤ, ‘အဝဲသ့ၣ်ကစိာ်ထီၣ်နၤလၢအစုဒ်သိး နခီၣ်တဖၣ်ဒၣ်လဲာ်အသုတဘၣ်ဒိလၢလၢၢ်တဂ့ၤအဂီၢ်လီၤ.’ ”
12ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘တဘၣ်လ့ပစီယွၤနကစၢ်ယွၤန့ၣ်တဂ့ၤ.’ ”
13ဖဲမုၣ်ကီၤလံၢ်လ့ပစီယ့ၣ်ၡူးလၢကျဲကိးဘိဒဲးဝံၤဝဲန့ၣ်, အဝဲဒၣ်ဟးဖးဒီးအီၤတစိၢ်တလီၢ်လီၤ.
ယ့ၣ်ၡူးစးထီၣ်အတၢ်မၤဖဲကီၢ်ကၤလံၤလါ
(မး. ၄:၁၂-၁၇; မၢ်. ၁:၁၄-၁၅)
14တၢ်န့ၣ်ဝံၤအလီၢ်ခံ, ယ့ၣ်ၡူးဟဲက့ၤကဒါက့ၤဆူကီၢ်ကၤလံၤလါ, ဒီးသးစီဆှံအစိကမီၤအိၣ်ဒီးအီၤလီၤ. တၢ်ကစီၣ်ဘၣ်ဃးအဝဲဒၣ်အဂ့ၢ်အကျိၤဟူထီၣ်သါလီၤဝဲလၢ တၢ်လီၢ်အကဝီၤဖဲန့ၣ်ကိးတီၤဒဲးလီၤ. 15အဝဲဒၣ်သိၣ်လီၤသီလီၤတၢ်လၢအဝဲသ့ၣ်အဘူၣ်ဘျီၣ်လၢ အမ့ၢ်တၢ်ဘါလီၢ်အပူၤ, ဒီးဘၣ်တၢ်စံးထီၣ်ပတြၢၤ အီၤလၢပှၤကိးဒံကိးဂၤဒဲးလီၤ.
ပှၤဝ့ၢ်နစၤရ့းဖိတနာ်ယ့ၣ်ၡူးဘၣ်
(မး. ၁၃:၅၃-၅၈; မၢ်. ၆:၁-၆)
16အန့ၣ်ဝံၤအလီၢ်ခံ, ယ့ၣ်ၡူးလဲၤဆူနစၤရ့း, တၢ်လီၢ်ဖဲအဝဲဒၣ်ဘၣ်တၢ်ကွၢ်ဒုးဒိၣ်ထီၣ်အီၤ, ဒီးဖဲမုၢ်အိၣ်ဘှံးနံၤန့ၣ် အဝဲဒၣ်လဲၤဝဲဒ်အညီနုၢ်အသိးဆူဘူၣ်ဘျီၣ်လၢအမ့ၢ်တၢ်ဘါလီၢ်န့ၣ်လီၤ. အဝဲဒၣ်ဂဲၤဆၢထၢၣ်ဒ်သိးအကဖးတၢ်ကွဲးအသးစီဆှံတဖၣ်, 17ဒီးတၢ်ဟ့ၣ်လီၤအီၤလၢလံာ်ဝံယၡါယၤန့ၣ်လီၤ. အဝဲဒၣ်သလၣ်ထီၣ်လံာ်ထူတထူန့ၣ်, ဒီးထံၣ်န့ၢ်တၢ်ကွဲးအသးတတီၤလၢအစံးဝဲဒၣ်,
18“ကစၢ်အသးအိၣ်ဝဲလၢယလိၤလီၤ.
အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး
ယကစံၣ်တဲၤတဲလီၤတၢ်သးခုအကစီၣ်လၢ
ပှၤဖှီၣ်ဖိယာ်ဖိန့ၣ်လီၤ.
အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ
တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်,
ဒီးတၢ်ဒုးထံၣ်ထီၣ်က့ၤတၢ်လၢ
ပှၤမဲာ်တထံၣ်တၢ်တဖၣ်အဂီၢ်,
ဒ်သိးယကဒုးထူၣ်ဖျဲးထီၣ်ကွံာ်ပှၤလၢ
အဘၣ်တၢ်မၤနၢၤမၤဃၣ်အီၤတဖၣ်,
19ဒီးဒ်သိးယကဘိးဘၣ်သ့ၣ်ညါဘၣ်ဃးနံၣ်တနံၣ်
ဖဲကစၢ်ကအုၣ်က့ၤခီၣ်က့ၤအပှၤဂီၢ်မုၢ်န့ၣ်လီၤ.”
20ယ့ၣ်ၡူးထူထီၣ်က့ၤလံာ်ထူတထူန့ၣ်, ဟ့ၣ်က့ၤဝဲဆူပှၤတဂၤလၢအကွၢ်ထွဲဘူၣ်ဘျီၣ်လၢအမ့ၢ် တၢ်ဘါလီၢ်အစုပူၤဒီးဆ့ၣ်နီၤဝဲလီၤ. ပှၤအိၣ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤတဖၣ် ကွၢ်စူၣ်အီၤကိးဂၤဒဲးလီၤ. 21အဝဲဒၣ်စးထီၣ်ကတိၤတၢ်ဒီးအဝဲသ့ၣ်ဒီးစံးဝဲ, “တၢ်ကွဲးအသးတတီၤအံၤလၢထီၣ်ပှဲၤထီၣ်လံဝဲတနံၤအံၤ, ဖဲသုနၢ်ဟူတၢ်ဖးဖျါထီၣ်အီၤအဆၢကတီၢ်န့ၣ်လီၤ.”
22အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”
23အဝဲဒၣ်စံးဘၣ်အဝဲသ့ၣ်, “ယနာ်သပှၢ်ကတၢၢ်လၢ သုကတဲယၤလၢတၢ်ကတိၤဒိတထံၣ်အံၤလီၤ. ‘ကသံၣ်သရၣ်ဧၢ, မၤဘျါလီၤက့ၤနသးဒၣ်နဲတက့ၢ်.’ သုကစံးဘၣ်စ့ၢ်ကီးယၤ, ‘တၢ်တမံၤဃီလၢပဘၣ်တၢ်စံးဘၣ်တဲဘၣ်ပှၤလၢအမၤ အသးဖဲကပ့းရနီၣ်တဖၣ်န့ၣ်, မၤအီၤဖဲအံၤလၢနလီၢ်အိၣ်လီၢ်ဆိး နဝ့ၢ်ဒၣ်နဲအပူၤတက့ၢ်’ န့ၣ်လီၤ.” 24ယ့ၣ်ၡူးစံးကဒီးဝဲ, “ယစံးဘၣ်သုဒ်အံၤလီၤ. ဝံတဂၤန့ၣ်တဘၣ်တၢ်တူၢ်လိာ်အီၤဖဲအလီၢ်အိၣ်လီၢ်ဆိး အဝ့ၢ်ဒၣ်ဝဲအပူၤနီတစုဘၣ်. 25ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ. 26ဘၣ်ဆၣ်ဒီးဝံအ့ၤလံယၤတဘၣ်တၢ်ဆှၢလီၤအီၤဆူ ပှၤလၢကီၢ်အံၣ်စရ့လးအပူၤနီတဂၤအအိၣ်ဘၣ်. မ့မ့ၢ်အဝဲဘၣ်တၢ်ဆှၢလီၤဒၣ်အီၤဆူမုၣ်ကမဲအိၣ်ဖဲ ဝ့ၢ်စၤရဖၤသးဘၣ်ဃးဒီးကီၢ်စံဒိၣ်တဂၤအအိၣ်လီၤ. 27ဒီးဖဲဝံအလံၤၡါအဆၢကတီၢ်န့ၣ်, ပှၤလၢအတူၢ်ဘၣ်တၢ်ဆါလိၤ တဂ့ၤအိၣ်ဝဲအါဒံအါဂၤလၢကီၢ်အံၣ်စရ့လးအပူၤ, ဘၣ်ဆၣ်အဝဲသ့ၣ်တဘၣ်တၢ်မၤဘျါက့ၤအီၤနီတဂၤဘၣ်. တၢ်မၤဘျါက့ၤဒၣ်ထဲပှၤစူၤရံဖိစီၤနဧၤမၣ်တဂၤဧိၤလီၤ.”
28ဖဲပှၤအိၣ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤတဖၣ် နၢ်ဟူဘၣ်တၢ်ကတိၤအဝဲအံၤန့ၣ်, အဝဲသ့ၣ်လၢပှဲၤဒီးတၢ်သူၣ်ဒိၣ်သးဖျိးလီၤ. 29အဝဲသ့ၣ်ဂဲၤဆၢထၢၣ်, တွံၢ်ထီၣ်ကွံာ်ယ့ၣ်ၡူးဆူဝ့ၢ်အချၢ, ဒီးဆှၢအီၤဆူတၢ်လူၢ်ဖဲအဝဲသ့ၣ်အဝ့ၢ်အိၣ်သူၣ်ထီၣ်အသးလၢ အလိၤန့ၣ်အဒီခိၣ်လီၤ. အဝဲသ့ၣ်ပာ်လီၤအသးလၢအကတ့ၢ်လီၤဆှိခိၣ်အီၤလၢလ့အလိၤ, 30ဘၣ်ဆၣ်ဒီးအဝဲဒၣ်ဟးထီၣ်ကွံာ်လၢပှၤဂီၢ်မုၢ်အကဆူးဒီး လဲၤလၢအကျဲဒၣ်ဝဲလီၤ.
ပှၤလၢတၢ်နါဒိးအီၤတဂၤ
(မၢ်. ၁:၂၁-၂၈)
31တၢ်န့ၣ်ဝံၤအလီၢ်ခံ, ယ့ၣ်ၡူးလဲၤဝဲဆူကပ့းရနီၣ်, ဝ့ၢ်တဖျၢၣ်လၢအအိၣ်ဝဲဖဲကီၢ်ကၤလံၤလါ, ဒီးဖဲန့ၣ်အဝဲဒၣ်သိၣ်လီၤသီလီၤပှၤဂီၢ်မုၢ်တဖၣ်ဖဲ မုၢ်အိၣ်ဘှံးအနံၤလီၤ. 32အဝဲသ့ၣ်ကမၢကမၣ်ဝဲကိးဒံကိးဂၤဒဲးလၢအတၢ်သိၣ်လီၤသီလီၤ အဃိ, အဂ့ၢ်ဒ်အံၤ, အဝဲဒၣ်စံးကတိၤတၢ်အိၣ်ဒီးတၢ်စိတၢ်ကမီၤလီၤ. 33လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤန့ၣ်, ပှၤအိၣ်ဝဲဒၣ်တဂၤလၢ အအိၣ်ဒီးတၢ်နါအအၢအသီတဒုအသးလၢအပူၤန့ၣ်လီၤ. အဝဲဒၣ်ကိးပသူထီၣ်လၢအကလုၢ်ဖးဒိၣ်ဒီးစံး, 34“အၣ်လါ, နအဲၣ်ဒိးမၤပှၤဒ်လဲၣ်. ပှၤနစၤရ့းဖိယ့ၣ်ၡူးဧၢ. နဟဲဖဲအံၤဒ်သိးနကမၤဟးဂီၤကွံာ်ပှၤဧါ. နမ့ၢ်မတၤလဲၣ်န့ၣ်ယသ့ၣ်ညါယဲလီၤ. နမ့ၢ်ယွၤအပှၤစိာ်တၢ်ကစီၣ်အစီအဆှံတဂၤလီၤ.”
35ယ့ၣ်ၡူးခါလီၤအကလုၢ်ဒီးစံးဘၣ်တၢ်နါန့ၣ်, “အိၣ်ဘှီၣ်ကလာ်ဒီးဟးထီၣ်ကွံာ်လၢပှၤတဂၤန့ၣ်အပူၤတက့ၢ်.” တၢ်နါကွံာ်လီၤပှၤတဂၤန့ၣ်လၢအဝဲသ့ၣ်တဖၣ်အမဲာ်ညါ ဒီးဟးထီၣ်ကွံာ်လၢအဝဲဒၣ်အပူၤ, တအိၣ်ဒီးတၢ်မၤဘၣ်ဒိဘၣ်ထံးအီၤနီတမံၤဘၣ်.
36ပှၤဂီၢ်မုၢ်တဖၣ်ကမၢကမၣ်ဝဲကိးဒံကိးဂၤဒဲးဒီးစံးလိာ်အသးတဂၤဒီးတဂၤ, “တၢ်စံးတၢ်ကတိၤတဖၣ်အံၤမ့ၢ်တၢ်ကတိၤဒ်လဲၣ်တကလုာ်လဲၣ်. ပှၤတဂၤအံၤခါလီၤအကလုၢ်အိၣ်ဒီးအသူးအသ့ၣ်ဒီးအစိအကမီၤလၢ တၢ်နါအအၢအသီတဖၣ်အဖီခိၣ်, ဒီးအဝဲသ့ၣ်ဟးထီၣ်ကွံာ်ဝဲလီၤမးလဲၣ်.” 37ဒီးယ့ၣ်ၡူးအဂ့ၢ်အကျိၤတမံၤအံၤဟူထီၣ်သါလီၤဝဲသကုၤကီၢ်အတၢ်ပၢ တတီၤန့ၣ်အပူၤလီၤ.
ယ့ၣ်ၡူးမၤဘျါပှၤအါဒံအါဂၤ
(မး. ၈:၁၄-၁၇; မၢ်. ၁:၂၉-၃၄)
38ယ့ၣ်ၡူးဟးထီၣ်ကွံာ်ဖဲဘူၣ်ဘျီၣ်လၢအမ့ၢ်တၢ်ဘါလီၢ်ဒီးလဲၤဝဲဒၣ်ဆူ စီၤၡံမိၣ်အဟံၣ်လီၤ. စီၤၡံမိၣ်အမံၤပှၢ်ပိာ်မုၣ်ဆိးက့ဝဲဒီးအလိၤကိၢ်ဒိၣ်နီၢ် မး, ဒီးအဝဲသ့ၣ်ကတိၤတၢ်ဒီးယ့ၣ်ၡူးလၢအဝဲဒၣ်အဂ့ၢ်လီၤ. 39အဝဲဒၣ်လဲၤဝဲဒီးဆၢထၢၣ်ဝဲဖဲပိာ်မုၣ်န့ၣ်အလီၢ်မံကပၤ ဒီးခါလီၤအကလုၢ်ဒ်သိးတၢ်ကိၢ်ကလီၤအဂီၢ်, ဒီးတၢ်ကိၢ်န့ၣ်လီၤဝဲတကီၢ်ခါလီၤ. ဒီးအဝဲဒၣ်ဂဲၤဆၢထၢၣ်တဘျီဃီ ဒီးဒုးအီၣ်ဒုးအီအဝဲသ့ၣ်လီၤ.
40ဖဲမုၢ်လီၤနုာ်ဝံၤအလီၢ်ခံန့ၣ်, ကယဲၢ်ပှၤအိၣ်ဒီးတံၤသကိးလၢအအိၣ်ဒီး တၢ်ဆူးတၢ်ဆါအကလုာ်ကလုာ်တဖၣ်ဟဲဆှၢပှၤဆါတဖၣ်န့ၣ်ဆူ ယ့ၣ်ၡူးအအိၣ်, ဒီးအဝဲဒၣ်ပာ်ထီၣ်အစုခံခီလၢ အဝဲသ့ၣ်တဂၤဘၣ်တဂၤအလိၤ, ဒီးမၤဘျါအဝဲသ့ၣ်ကိးဂၤဒဲးလီၤ. 41တၢ်နါဟးထီၣ်ကွံာ်စ့ၢ်ကီးလၢပှၤအါဒံအါဂၤအလိၤ, အိၣ်ဒီးတၢ်ကိးပသူထီၣ်, “နမ့ၢ်ကစၢ်ယွၤအဖိခွါလီၤ.”
ယ့ၣ်ၡူးဒူတၢ်နါတဖၣ်အလိၤဒီးတပျဲအဝဲသ့ၣ်ကတိၤတၢ်ဘၣ်. အဂ့ၢ်မ့ၢ်လၢအဝဲသ့ၣ်သ့ၣ်ညါလၢအဝဲဒၣ်မ့ၢ်ခရံာ်အဃိလီၤ.
ယ့ၣ်ၡူးစံၣ်တဲၤတဲလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ
(မၢ်. ၁:၃၅-၃၉)
42ဖဲမုၢ်ဆ့ၣ်ထီၣ်န့ၣ်, ယ့ၣ်ၡူးဟးထီၣ်လၢဝ့ၢ်ပူၤဒီးလဲၤဝဲဆူတၢ်လီၢ်လၢ ပှၤတအိၣ်ဝဲနီတဂၤဘၣ်လီၤ. ပှၤဂီၢ်မုၢ်တဖၣ်လူၤဃုအီၤ, ဒီးဖဲအဝဲသ့ၣ်ထံၣ်အီၤန့ၣ် ဂုာ်ကျဲးစၢးတြီအီၤဒ်သိးအသု တဟးသဒၣ်အဝဲသ့ၣ်တဂ့ၤအဂီၢ်လီၤ. 43ဘၣ်ဆၣ်ဒီး, အဝဲဒၣ်စံးဘၣ်အဝဲသ့ၣ်, “ယကဘၣ်စံၣ်တဲၤတဲလီၤတၢ်သးခုအကစီၣ်ဘၣ်ဃး ကစၢ်ယွၤအဘီအမုၢ်လၢဝ့ၢ်အဂၤတဖၣ်အပူၤစ့ၢ်ကီးလီၤ. အဂ့ၢ်ဒ်အံၤ, ကစၢ်ယွၤဆှၢလီၤယၤလၢတၢ်တမံၤန့ၣ်အဂီၢ်လီၤ.”
44လၢတၢ်န့ၣ်အဃိ, အဝဲဒၣ်စံၣ်တဲၤတဲလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤသကုၤကီၢ်န့ၣ်လီၤ.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Sgaw Karen Common Bible © Bible Society of Myanmar, 1992.