လံာ်လူၤကၣ် 9
9
ယ့ၣ်ၡူးမၢလီၤအပျဲၢ်အဘီၣ် တဆံခံဂၤ
(မး. ၁၀:၅-၁၅; မၢ်. ၆:၇-၁၃)
1ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤ, ဒီးဟ့ၣ်အဝဲသ့ၣ်လၢတၢ်စိတၢ်ကမီၤဒီး ဟ့ၣ်စိဟ့ၣ်ကမီၤအဝဲသ့ၣ်လၢအကဟီထီၣ်ကွံာ်တၢ်ဝံတၢ်နါ, ဒီးကမၤဘျါက့ၤတၢ်ဆူးတၢ်ဆါတဖၣ်အဂီၢ်လီၤ. 2အန့ၣ်ဝံၤဒီးအဝဲဒၣ်မၢလီၤအဝဲသ့ၣ်ဒ်သိးအကစံၣ်တဲၤတဲလီၤ တၢ်ဘၣ်ဃးကစၢ်ယွၤအဘီအမုၢ်ဒီးအကမၤဘျါပှၤဆူးပှၤဆါတဖၣ် အဂီၢ်န့ၣ်လီၤ. 3အဝဲဒၣ်စံးဘၣ်အဝဲသ့ၣ်, “လၢသုတၢ်လဲၤတၢ်က့ၤအဂီၢ်န့ၣ်, စိာ်တၢ်နီတမံၤတဂ့ၤ. နီၣ်ထိးဘိမ့ၢ်ဂ့ၤ, ထၢၣ်မ့ၢ်ဂ့ၤ, တၢ်အီၣ်မ့ၢ်ဂ့ၤ, တိၢ်ဧိၤစ့ဧိၤမ့ၢ်ဂ့ၤ, ဆ့ကၤအဘျဲၣ်တဘ့ၣ်ဒၣ်လဲာ်စိာ်အီၤတဂ့ၤ. 4ဖဲသုဘၣ်တၢ်တူၢ်လိာ်မုာ်သုတပူၤလၢ်လၢ်န့ၣ်, အိၣ်လၢဟံၣ်တဖျၢၣ်ဃီန့ၣ်အပူၤတုၤလၢသုဟးထီၣ်ကွံာ်ဖဲဝ့ၢ်ပူၤတက့ၢ်. 5ဖဲတၢ်လီၢ်တပူၤလၢ်လၢ်လၢပှၤတတူၢ်လိာ်မုာ်သုန့ၣ်, ဟးထီၣ်ကွံာ်လၢဝ့ၢ်အဝဲန့ၣ်အပူၤ, ဒီးတြုၤလီၤကွံာ်ဖၣ်ဆါကမူၣ်လၢသုခီၣ်လၣ်ဒ်သိး အကပာ်ဖျါထီၣ်တၢ်ပနီၣ်ဘၣ်ဃးတၢ်အုၣ်အသးထီဒါအဝဲသ့ၣ်န့ၣ် တက့ၢ်.”
6အပျဲၢ်အဘီၣ်တဖၣ်ဟးထီၣ်ဒီးလဲၤခီဂာ်ဒူသဝီကိးဖျၢၣ်ဒဲး, ဒီးဖဲအဝဲသ့ၣ်လဲၤတပူၤလၢ်လၢ်န့ၣ်, စံၣ်တဲၤတဲလီၤတၢ်သးခုအကစီၣ်ဒီး မၤဘျါပှၤဘၣ်ဆူးဘၣ်ဆါတဖၣ်လီၤ.
စီၤဟ့ၤရိာ်အတၢ်ဆိကမိၣ်ကဒံကဒါ
(မး. ၁၄:၁-၁၂; မၢ်. ၆:၁၄-၂၉)
7ကီၢ်ကၤလံၤလါအပဒိၣ်, စီၤဟ့ၤရိာ်နၢ်ဟူဘၣ်ဝဲဘၣ်ဃးဒီးတၢ်လၢအမၤအသးတဖၣ်ခဲလၢာ်လီၤ. အဝဲအတၢ်ဆိကမိၣ်ကဒံကဒါဝဲလၢအဂ့ၢ်လီၤ. အဂ့ၢ်ဒ်အံၤ, ပှၤတနီၤစံးဝဲလၢပှၤဘျၢတၢ်စီၤယိၤဟၣ်ဂဲၤဆၢထၢၣ်သမူထီၣ်က့ၤဝဲလံ. 8ပှၤအဂၤတဖၣ်စံးဝဲလၢစီၤအ့ၤလံယၤလီၣ်ဖျါထီၣ်လံအသး, ဖဲအဂၤတနီၤစံးဝဲလၢဝံလၢပျၢၤအကျါတဂၤဂဲၤဆၢထၢၣ် သမူထီၣ်က့ၤလံဝဲဒၣ်န့ၣ်လီၤ. 9စီၤဟ့ၤရိာ်စံးဝဲ, “ယမၢတ့ၢ်ပှၤဒီၣ်တဲာ်ကွံာ်စီၤယိၤဟၣ်အခိၣ်လံ. မ့မ့ၢ်ပှၤတဂၤအံၤလၢယ နၢ်ဟူဘၣ်အဂ့ၢ်အကျိၤသ့ၣ်တဖၣ်န့ၣ်, မ့ၢ်မတၤတဂၤလဲၣ်.” ဒီးအဝဲဒၣ်ဂုာ်ကျဲးစၢးဃုထံၣ်ယ့ၣ်ၡူးလီၤ.
ယ့ၣ်ၡူးလုၢ်အီၣ်လုၢ်အီပှၤအဂၤယဲၢ်ကထိ
(မး. ၁၄:၁၃-၂၁; မၢ်. ၆:၃၀-၄၄; ယိၤ. ၆:၁-၁၄)
10ပှၤတၢ်မၢဖိတဖၣ်ဟဲက့ၤဒီးစံးဘၣ်တဲဘၣ်ယ့ၣ်ၡူး ကယဲၢ်တၢ်လၢအဝဲသ့ၣ်မၤတ့ၢ်ဝဲခဲလၢာ်လီၤ. အဝဲဒၣ်ကိးအဝဲသ့ၣ်ဒီးလဲၤဒၣ်ထဲအဝဲသ့ၣ်တဖုဧိၤဆူ ဝ့ၢ်တဖျၢၣ်လၢအမံၤမ့ၢ်ဝဲဘ့ၤသစဲဒၤလီၤ. 11ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်လဲၤပိာ်အခံလီၤ. အဝဲဒၣ်တူၢ်လိာ်ခီၣ်ဆၢအဝဲသ့ၣ်, ကတိၤတၢ်ဒီးအဝဲသ့ၣ်ဘၣ်ဃးကစၢ်ယွၤအဘီအမုၢ်, ဒီးမၤဘျါပှၤလၢအလိၣ်ဘၣ်တၢ်မၤဘျါက့ၤအီၤတဖၣ်လီၤ.
12ဖဲမုၢ်လီၤနုာ်သီန့ၣ်, အပျဲၢ်အဘီၣ်တဆံခံဂၤဟဲဆူအအိၣ်ဒီးစံးဝဲ, “ပျၢ်ပှၤဂီၢ်မုၢ်တဖၣ်ဒ်သိးအဝဲသ့ၣ်ကလဲၤဆူဒူသဝီဒီးစံာ် လီၢ်ပှဲၤလီၢ်အိၣ်ဖဲတၢ်အခိၣ်အဃၢၤ, လၢအကဃုအီၣ်ဃု အီဒီးဃုတၢ်လီၢ်လၢအကမံအိၣ်ဘှံးအိၣ်သါအဂီၢ်န့ၣ်တက့ၢ်. အဂ့ၢ်ဒ်အံၤ တၢ်လီၢ်တတီၤအံၤစီၤစုၤယံၤဝဲဒီးခူပူၤဝ့ၢ်ပူၤလီၤ.”
13ဘၣ်ဆၣ်ဒီးယ့ၣ်ၡူးစံးဘၣ်အဝဲသ့ၣ်, “ဒုးအီၣ်ဒုးအီအဝဲသ့ၣ်တၢ်တမံၤမံၤလၢသုနီၢ်ကစၢ်ဒၣ်သုဝဲတက့ၢ်.” အဝဲသ့ၣ်စံးဆၢဝဲ, “တၢ်လၢအအိၣ်ဒီးပှၤန့ၣ်အိၣ်ဒၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်လီၤ. မ့ၢ်နသးအိၣ်လၢပကလဲၤဒီးပှ့ၤန့ၢ်တၢ်အီၣ်တၢ်အီလၢပှၤဂီၢ်မုၢ် ဒီဖုအံၤအဂီၢ်ဧါ.” 14(ပှၤပိာ်ခွါအိၣ်ဝဲဒၣ်အဂၤယဲၢ်ကထိဃၣ်ဃၣ်ဖဲတၢ်လီၢ်အဝဲန့ၣ်လီၤ.) ယ့ၣ်ၡူးစံးဘၣ်အပျဲၢ်အဘီၣ်သ့ၣ်တဖၣ်, “မၢပှၤဂီၢ်မုၢ်တဖၣ်ဆ့ၣ်နီၤအဂၤယဲၢ်ဆံတကရူၢ်, အဂၤယဲၢ်ဆံတကရူၢ်တက့ၢ်.”
15အပျဲၢ်အဘီၣ်တဖၣ်မၤဝဲဒ်န့ၣ်, ဒီးမၢပှၤဂီၢ်မုၢ်ဆ့ၣ်နီၤကိးဂၤဒဲးလီၤ. 16ယ့ၣ်ၡူးဟံးန့ၢ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်, ဒီးကွၢ်ထီၣ်တၢ်ဆူမူခိၣ်, စံးဘျုးကစၢ်ယွၤလၢအဃိ, စိၢ်ဘျဲးအီၤဒီးဟ့ၣ်လီၤအီၤလၢအပျဲၢ်အဘီၣ် တဖၣ်, ဒ်သိးအကဟ့ၣ်နီၤလီၤဝဲဆူပှၤဂီၢ်မုၢ်တဖၣ်အအိၣ်အဂီၢ်န့ၣ်လီၤ. 17အဝဲသ့ၣ်ကိးဂၤဒဲးအီၣ်တၢ်, ဒီးဘျဲးအီၣ်ဘျဲးအီဝဲ, ဒီးအပျဲၢ်အဘီၣ်တဖၣ်ထၢဖှိၣ်က့ၤတၢ်အိၣ်ဘျဲၣ်အိၣ်စဲၢ်တဖၣ်, အိၣ်ဝဲကုတဆံခံဒုလီၤ.
စီၤပ့းတရူးတဲဖျါထီၣ် ယ့ၣ်ၡူးမ့ၢ်မတၤအဂ့ၢ်
(မး. ၁၆:၁၃-၁၉; မၢ်. ၈:၂၇-၂၉)
18ဘၣ်တနံၤဖဲယ့ၣ်ၡူးဃ့ဘါထုကဖၣ်တၢ်ထဲတဂၤဧိၤအဆၢကတီၢ် န့ၣ်, အပျဲၢ်အဘီၣ်တဖၣ်ဟဲဆူအအိၣ်လီၤ. အဝဲဒၣ်သံကွၢ်အဝဲသ့ၣ်, “ပှၤဂီၢ်မုၢ်တဖၣ်စံးလၢယမ့ၢ်မတၤတဂၤလဲၣ်.”
19အဝဲသ့ၣ်စံးဆၢဝဲ, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢနမ့ၢ်စီၤအ့ၤလံယၤ, ဒီးအဂၤတနီၤစံးလၢနမ့ၢ်ဝံလၢပျၢၤ အကျါတဂၤလၢအဂဲၤဆၢထၢၣ်သမူထီၣ်က့ၤဝဲန့ၣ်လီၤ.”
20ယ့ၣ်ၡူးသံကွၢ်အဝဲသ့ၣ်, “မ့မ့ၢ်သုဝဲသုစံးလၢယမ့ၢ်မတၤလဲၣ်.” စီၤပ့းတရူးစံးဆၢဝဲ, “နမ့ၢ်ကစၢ်ယွၤအခရံာ်တဂၤလီၤ.”
ယ့ၣ်ၡူးကတိၤတၢ်ဘၣ်ဃးအတၢ်တူၢ်တၢ်ဒီး အတၢ်သံအဂ့ၢ်
(မး. ၁၆:၂၀-၂၈; မၢ်. ၈:၃၀-၉:၁)
21တုၤနုၤတစုယ့ၣ်ၡူးမၤလိာ်အဝဲသ့ၣ်ဃံးဃံးဒ်သိးအသု တစံးဘၣ်တဲဘၣ်တၢ်ဂ့ၢ်တမံၤအံၤလၢပှၤနီတဂၤတဂ့ၤ, 22ဒီးတဲအါထီၣ်ကဒီးဝဲ, “ပှၤကညီဖိခွါကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်လီၤ. အဝဲဒၣ်ကဘၣ်တၢ်မၤသံအီၤ, ဒီးဖဲသၢနံၤတနံၤန့ၣ် အဝဲကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤလီၤ.”
23ဒီးအဝဲဒၣ်စံးဘၣ်ပှၤကိးဂၤဒဲး, “ပှၤမ့ၢ်သးအိၣ်ပိာ်ယခံတဂၤဂၤန့ၣ်, အဝဲဒၣ်ကဘၣ်ညိကွံာ်အသး, ဟံးထီၣ်အထူၣ်စုညါကိးနံၤဒဲးဒီးကဲထီၣ်ယပျဲၢ်ယဘီၣ်လီၤ. 24အဂ့ၢ်ဒ်အံၤ, ပှၤတဂၤလၢ်လၢ်လၢအအဲၣ်ဒိးအုၣ်က့ၤခီၣ်က့ၤ အသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. မ့မ့ၢ်ပှၤတဂၤလၢ်လၢ်လၢအဒုးလီၤမၢ်ကွံာ်အသးသမူဒၣ်ဝဲလၢယဃိန့ၣ်, ကအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ. 25အဂ့ၢ်ဒ်အံၤ, ပှၤတဂၤမ့ၢ်ဒိးန့ၢ်ဘၣ်ဟီၣ်ခိၣ်ဒီဘ့ၣ်ညါဘၣ်ဆၣ်, အနီၢ်ကစၢ်ဒၣ်ဝဲမ့ၢ်လီၤမၢ်ကွံာ်မ့တမ့ၢ်ဘၣ်တၢ်မၤနၢၤကွံာ်အီၤန့ၣ်, ကဒိးန့ၢ်တၢ်ဘျုးတၢ်ဖှိၣ်တမံၤမံၤကစီဒီဧါ. တဒိးန့ၢ်ဝဲလ့ၤတက့ၤဘၣ်. 26ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ. 27ယစံးဘၣ်တဲဘၣ်သုတီတီ, ပှၤအိၣ်ဝဲဒၣ်ဖဲအံၤတနီၤလၢအတချုးထံၣ်ဘၣ်ဒံးကစၢ်ယွၤ အဘီအမုၢ်ဘၣ်ဒီးတသံဒံးဝဲဘၣ်လီၤ.”
ယ့ၣ်ၡူးအက့ၢ်အဂီၤလဲလိာ်အသးအဂ့ၢ်
(မး. ၁၇:၁-၈; မၢ်. ၉:၂-၈)
28ယ့ၣ်ၡူးစံးကတိၤတၢ်သ့ၣ်တဖၣ်အံၤဝံၤအလီၢ်ခံကဘၣ်တနွံန့ၣ်, အဝဲဒၣ်ကိးစီၤပ့းတရူး, စီၤယိၤဟၣ်ဒီးစီၤယၤကိာ်သ့ၣ်တဖၣ် ဒီးလဲၤထီၣ်ဆူတၢ်လူၢ်တဖျၢၣ်အလိၤဒ်သိးအကဃ့ဘါထုကဖၣ် တၢ်လီၤ. 29ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်န့ၣ်, အမဲာ်သၣ်အက့ၢ်အဂီၤလဲလိာ်အသးဒီးအကူအသိးတဖၣ် ဝါထီၣ်ဒီးကပြုၢ်ကပြီၤမးလီၤ. 30သတူၢ်ကလာ်, ပှၤအိၣ်ဝဲဖဲန့ၣ်ခံဂၤလၢအကတိၤတၢ်ဒီးယ့ၣ်ၡူးလီၤ. အဝဲသ့ၣ်မ့ၢ်စီၤမိၤၡ့ဒီးစီၤအ့ၤလံယၤ, 31လၢအအိၣ်ဖျါထီၣ်လၢမူခိၣ်အတၢ်လၤတၢ်ကပီၤအပူၤ, ဒီးကတိၤတၢ်ဒီးယ့ၣ်ၡူးဘၣ်ဃးဒီးတၢ်ဂ့ၢ်လၢတယံာ်လၢၤဘၣ်န့ၣ် ယ့ၣ်ၡူးကမၤလၢထီၣ်ပှဲၤထီၣ်ကစၢ်ယွၤအတၢ်တိာ်ပာ်ခီဖျိ အသံဝဲဖဲဝ့ၢ်ယရူၤၡလ့ၣ်န့ၣ်လီၤ. 32စီၤပ့းတရူးဒီးအတံၤသကိးတဖၣ်အိၣ်လၢတၢ်မံယိာ်အပူၤ, ဘၣ်ဆၣ်အဝဲသ့ၣ်ပၢၢ်ထီၣ်ဒီးထံၣ်ယ့ၣ်ၡူးအလၤကပီၤ ဒီးပှၤခံဂၤလၢအအိၣ်ဆၢထၢၣ်ဒီးယ့ၣ်ၡူးန့ၣ်လီၤ. 33ဖဲပှၤသ့ၣ်တဖၣ်န့ၣ်ဟးထီၣ်ကွံာ်လၢယ့ၣ်ၡူးအဃၢၤန့ၣ်, စီၤပ့းတရူးစံးဘၣ်ယ့ၣ်ၡူး, “ကစၢ်ဧၢ, ပအိၣ်ဖဲအံၤန့ၣ်မ့ၢ်တၢ်လၢအဂ့ၤမးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်ဒီးတဖျၢၣ်လၢစီၤအ့ၤလံယၤအဂီၢ်န့ၣ်တက့ၢ်. (နီၢ်နီၢ်န့ၣ်အဝဲစံးတၢ်မနုၤလဲၣ်န့ၣ်တသ့ၣ်ညါဝဲဘၣ်)
34ဖဲအဝဲဒၣ်ကတိၤဒံးတၢ်အဖၢမုၢ်န့ၣ်, တၢ်အၢၣ်တလိၣ်ဟဲအိၣ်ဖျါထီၣ်ဒီးလီၤကဒုဘၣ်အဝဲသ့ၣ်လီၤ. ဖဲတၢ်အၢၣ်လီၤကဒုဘၣ်အပျဲၢ်အဘီၣ်တဖၣ်အံၤန့ၣ်, အဝဲသ့ၣ်အသူၣ်ပျံၤသးဖုးဝဲလီၤ. 35တၢ်အကလုၢ်ဟဲသီၣ်ထီၣ်လၢတၢ်အၢၣ်အပူၤဒီးစံးဝဲ, “အဝဲအံၤ မ့ၢ်ယဖိခွါလၢယဃုထၢတ့ၢ်အီၤတဂၤလီၤ. ဒိကနၣ်အကလုၢ်တက့ၢ်.”
36ဖဲတၢ်ကလုၢ်ဆိကတီၢ်န့ၣ်, ယ့ၣ်ၡူးအိၣ်တီၢ်ထဲတဂၤဧိၤလီၤ. အပျဲၢ်အဘီၣ်တဖၣ်အိၣ်ဘှီၣ်ဝဲဘၣ်ဃးတၢ်ဂ့ၢ်အံၤခဲလၢာ်, ဒီးဖဲစိၤဆၢကတီၢ်အဝဲန့ၣ်, အဝဲသ့ၣ်တစံးဘၣ်တဲဘၣ်တၢ်လၢအထံၣ်ဘၣ်တ့ၢ်ဝဲနီတမံၤ လၢပှၤနီတဂၤဘၣ်.
ယ့ၣ်ၡူးမၤဘျါပိာ်ခွါဖိသၣ်လၢတၢ်နါဒိးအီၤတဂၤ
(မး. ၁၇:၁၄-၁၈; မၢ်. ၉:၁၄-၂၇)
37လၢခံတနံၤဖဲအဝဲသ့ၣ်ဟဲက့ၤလီၤလၢတၢ်လူၢ်ဒီခိၣ်န့ၣ်, ပှၤဂီၢ်မုၢ်ဖးဒိၣ်လဲၤသဂၢၢ်အီၤလီၤ. 38ပှၤလၢပှၤဂီၢ်မုၢ်အကျါတဂၤကိးထီၣ်ဝဲ, “သရၣ်ဧၢ, ယဃ့ကညးနၤ, ကွၢ်ယဖိခွါ, ယဖိခွါထဲတဂၤဧိၤအံၤတက့ၢ်. 39တၢ်နါတဒုဒိးအီၤဒီးအဝဲဒၣ်ကိးပသူထီၣ်သတူၢ်ကလာ် လၢအကလုၢ်ဖးဒိၣ်ဒီးပျုၢ်ထိးထီၣ်ဝဲ, တုၤဒၣ်လဲာ်အခၣ်သဘှဲထီၣ်ဝဲလီၤ. တၢ်နါတဒုအံၤ, မၤဆူးမၤဆါထီဃာ်ပိာ်ခွါဖိသၣ်တဂၤအံၤ, ဒီးတပျဲအီၤညီညီဘၣ်. 40ယဃ့ကညးနပျဲၢ်နဘီၣ်တဖၣ်လၢအကဟီထီၣ်ကွံာ်တၢ်နါအံၤ, ဘၣ်ဆၣ်ဒီးအဝဲသ့ၣ်မၤဝဲတသ့ဘၣ်.”
41ယ့ၣ်ၡူးစံးဆၢဝဲ, “သုဝဲသ့ၣ်အံၤ, သုတၢ်စူၢ်တၢ်နာ်တအိၣ်, ဒီးသုနၢ်က့ၣ်မးလဲၣ်. ယကဘၣ်အိၣ်ဒီးသုဆံးယံာ်လဲၣ်. ယကဘၣ်ဝံသးစူၤသုဆံးယံာ်လဲၣ်.” တုၤနုၤတစုအဝဲဒၣ်စံးဘၣ်ပှၤတဂၤန့ၣ်, “ဟဲစိာ်နဖိခွါဖဲအံၤတက့ၢ်.”
42ဖဲပိာ်ခွါဖိသၣ်ဟဲဝဲအဖၢမုၢ်န့ၣ်, တၢ်နါမၤလီၤဃံၤအီၤလၢဟီၣ်ခိၣ်လိၤဒီးဒုးပျုၢ်ထိးအီၤလီၤ. ယ့ၣ်ၡူးဒူတၢ်နါအလိၤ, မၤဘျါက့ၤပိာ်ခွါဖိသၣ်, ဒီးဟ့ၣ်က့ၤအီၤဆူအပၢ်အအိၣ်လီၤ. 43ပှၤကိးဂၤဒဲးကမၢကမၣ်ဝဲလၢကစၢ်ယွၤအစိကမီၤအဒိၣ်အမုၢ်တမံၤအံၤ အဃိလီၤ.
ယ့ၣ်ၡူးကတိၤကဒီးတၢ်လၢအတၢ်သံအဂ့ၢ်
(မး. ၁၇:၂၂-၂၃; မၢ်. ၉:၃၀-၃၂)
ဖဲပှၤဂီၢ်မုၢ်တဖၣ်ကမၢကမၣ်ဒံးဝဲလၢကယဲၢ်တၢ်လၢယ့ၣ်ၡူးမၤဝဲ တဖၣ်အဃိအဖၢမုၢ်န့ၣ်, အဝဲစံးဘၣ်အပျဲၢ်အဘီၣ်တဖၣ်, 44“တၢ်လၢယကစံးဘၣ်တဲဘၣ်သုခဲကနံၣ်အံၤန့ၣ်, တဘၣ်သးပ့ၤနီၣ်တဂ့ၤ. ပှၤကညီဖိခွါအံၤကဘၣ်တၢ်ဟ့ၣ်လီၤကွံာ်အီၤဆူပှၤကညီအစိ ကမီၤအစုပူၤလီၤ.” 45ဘၣ်ဆၣ်ဒီးတၢ်ကတိၤတထံၣ်အံၤအခီပညီမ့ၢ်တၢ်ဒ်လဲၣ်န့ၣ်, အဝဲသ့ၣ်တသ့ၣ်ညါဝဲဘၣ်. အခီပညီဘၣ်တၢ်ပာ်တဒၢတ့ၢ်အီၤလၢအဝဲသ့ၣ်အမဲာ်ညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လီၤ. ဒီးအဝဲသ့ၣ်ကသံကွၢ်အီၤဘၣ်ဃးတၢ်ဂ့ၢ်တမံၤအံၤန့ၣ်, သံကွၢ်ဝဲတဘူၣ်ဘၣ်.
မတၤမ့ၢ်အဒိၣ်ကတၢၢ်လဲၣ်
(မး. ၁၈:၁-၅; မၢ်. ၉:၃၃-၃၇)
46တၢ်ဂ့ၢ်လိာ်ဘှီလိာ်အိၣ်ထီၣ်လၢအပျဲၢ်အဘီၣ်သ့ၣ်တဖၣ် အကျါဘၣ်ဃးဒီးမတၤမ့ၢ်ပှၤအဒိၣ်ကတၢၢ်လၢအဝဲသ့ၣ် တဖၣ်အကျါလဲၣ်န့ၣ်လီၤ. 47ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်, သတးဒီးအဝဲဒၣ်ဟံးန့ၢ်ဖိသၣ်တဂၤ, ဒုးဆၢထၢၣ်ဝဲလၢအကပၤ 48ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”
ပှၤလၢအတထီဒါသုန့ၣ်, မ့ၢ်ပှၤလၢအအိၣ်ပှိၤသုလီၤ
(မၢ်. ၉:၃၈-၄၀)
49စီၤယိၤဟၣ်ကတိၤထီၣ်တၢ်ဒီးစံးဝဲ, “ကစၢ်ဧၢ, ပထံၣ်ပှၤတဂၤဟီထီၣ်ကွံာ်တၢ်ဝံတၢ်နါလၢနမံၤ, ဒီးပမၢအဝဲဒၣ်ဆိကတီၢ်ကွံာ်, အဂ့ၢ်မ့ၢ်လၢအဝဲတဘၣ်ထွဲဒီးပှၤဘၣ်အဃိလီၤ.”
50ယ့ၣ်ၡူးစံးဘၣ်အီၤဒီးအပျဲၢ်အဘီၣ်အဂၤတဖၣ်, “တဘၣ်ဂုာ်ကျဲးစၢးတြီအီၤတဂ့ၤ. ပှၤလၢအတထီဒါသုန့ၣ်မ့ၢ်ပှၤလၢအအိၣ်ပှိၤသုလီၤ.”
ပှၤၡၤမရံဖိအသဝီတဖျၢၣ်လၢအတတူၢ်လိာ်ယ့ၣ်ၡူး
51ဖဲမုၢ်နံၤမုၢ်သီတဖၣ်ဘူးထီၣ်လၢယ့ၣ်ၡူးကဘၣ်တၢ်စိာ်ထီၣ် အီၤဆူမူခိၣ်န့ၣ်, အဝဲဒၣ်ပာ်လီၤအသးကျၢၤမုဆှုဒီးလဲၤဝဲဒၣ်ဆူဝ့ၢ်ယရူၤၡလ့ၣ်လီၤ. 52အဝဲဒၣ်ဆှၢလီၤဆိပာ်ပှၤစိာ်တၢ်ကစီၣ်တဖၣ်လၢအမဲာ်ညါ, ဒီးအဝဲသ့ၣ်ဟးထီၣ်ဒီးလဲၤနုာ်လီၤဆူပှၤၡၤမရံဖိအသဝီတဖျၢၣ်အပူၤ, ဒ်သိးအကအိၣ်ကတဲာ်ကတီၤပာ်တၢ်ခဲလၢာ်ခဲဆ့လၢအဝဲဒၣ်အဂီၢ်လီၤ. 53ဘၣ်ဆၣ်ဒီးပှၤသဝီဖိဖဲန့ၣ်တဖၣ်တသးအိၣ်တူၢ်လိာ်ယ့ၣ်ၡူးဘၣ်. အဂ့ၢ်မ့ၢ်လၢအအိၣ်ဖျါလီၤတံၢ်ဝဲလၢအကလဲၤဝဲဒၣ်ဆူဝ့ၢ်ယရူၤၡလ့ၣ် အဃိန့ၣ်လီၤ. 54ဖဲအပျဲၢ်အဘီၣ်စီၤယၤကိာ်ဒီးစီၤယိၤဟၣ်သ့ၣ်တဖၣ်ထံၣ်ဘၣ်တၢ် တမံၤအံၤန့ၣ်, အဝဲသ့ၣ်စံးဝဲ, “ကစၢ်ဧၢ, မ့ၢ်နသးအိၣ်လၢပကကိးလီၤမ့ၣ်အူလၢမူခိၣ် ဒ်သိးအကဟဲလီၤဒီးအီၣ်ကွံာ်အဝဲသ့ၣ်န့ၣ်ဧါ.”
55ယ့ၣ်ၡူးဃၣ်ဃီၤအသးဒီးဒူအဝဲသ့ၣ်အလိၤ,
56ဒီးအဝဲသ့ၣ်လဲၤကဒီးဝဲဆူညါ, ဆူသဝီအဂၤတဖျၢၣ်လီၤ.
ပှၤလၢအသါကပိာ်ယ့ၣ်ၡူးအခံတဖၣ်
(မး. ၈:၁၉-၂၂)
57ဖဲအဝဲသ့ၣ်လဲၤတၢ်လၢကျဲန့ၣ်, ပှၤတဂၤစံးဘၣ်ယ့ၣ်ၡူး, “ဖဲနလဲၤတပူၤလၢ်လၢ်န့ၣ်ယကပိာ်နခံ ဒီးကဲထီၣ်နပျဲၢ်နဘီၣ်လီၤ.”
58ယ့ၣ်ၡူးစံးဘၣ်အီၤ, “ထွံၣ်ဟီၣ်ခိၣ်တဖၣ်အိၣ်ဒီးအပူၤတဖၣ်, ဒီးထိၣ်တဖၣ်အိၣ်ဒီးအသွံတဖၣ်လီၤ. မ့မ့ၢ်ပှၤကညီဖိခွါအံၤ ထဲအကမံလီၤဒီးအိၣ်ဘှံးအိၣ်သါအဂီၢ်ဒၣ်လဲာ်, တၢ်လီၢ်တၢ်ကျဲတအိၣ်နီတပူၤဘၣ်.”
59အဝဲဒၣ်စံးဘၣ်ပှၤအဂၤတဂၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဘၣ်ဆၣ်ဒီးပှၤတဂၤန့ၣ်စံးဝဲ, “ကစၢ်ဧၢ, ပျဲဆိဒၣ်ကလိာ်ယၤဒ်သိးယကက့ၤကဒါက့ၤဒီးခူၣ်လီၤယပၢ်တက့ၢ်.”
60ယ့ၣ်ၡူးစံးဆၢဝဲ, “ပျဲပှၤသံတဖၣ်ခူၣ်လီၤအပှၤသံဒၣ်ဝဲတက့ၢ်. မ့မ့ၢ်နဲတခီ, လဲၤဒီးစံၣ်တဲၤတဲလီၤကစၢ်ယွၤအဘီအမုၢ်အဂ့ၢ်တက့ၢ်.”
61ပှၤအဂၤတဂၤစံးဝဲ, “ယကဟဲဒီးကဲဘၣ်နပျဲၢ်နဘီၣ်လီၤ, ကစၢ်ဧၢ, ဘၣ်ဆၣ်ဒီးပျဲဆိဒၣ်ကလိာ်ယၤဒ်သိးယကက့ၤ ဒီးဆၢဂ့ၤဆၢဝါယပှၤဟံၣ်ဖိဃီဖိတဖၣ်တက့ၢ်.”
62ယ့ၣ်ၡူးစံးဘၣ်အီၤ, “ပှၤတဂၤဂ့ၤတဂၤဂ့ၤလၢအထူထီၣ်စံာ်ဒီး ကွၢ်ကဒါက့ၤဆူအလီၢ်ခံတလီၢ်လီၢ်န့ၣ်, အဘျုးအဖှိၣ်တအိၣ်ဝဲလၢ ကစၢ်ယွၤအဘီအမုၢ်အဂီၢ်နီတမံၤဘၣ်.”
Одоогоор Сонгогдсон:
လံာ်လူၤကၣ် 9: KSWC
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Sgaw Karen Common Bible © Bible Society of Myanmar, 1992.
လံာ်လူၤကၣ် 9
9
ယ့ၣ်ၡူးမၢလီၤအပျဲၢ်အဘီၣ် တဆံခံဂၤ
(မး. ၁၀:၅-၁၅; မၢ်. ၆:၇-၁၃)
1ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤ, ဒီးဟ့ၣ်အဝဲသ့ၣ်လၢတၢ်စိတၢ်ကမီၤဒီး ဟ့ၣ်စိဟ့ၣ်ကမီၤအဝဲသ့ၣ်လၢအကဟီထီၣ်ကွံာ်တၢ်ဝံတၢ်နါ, ဒီးကမၤဘျါက့ၤတၢ်ဆူးတၢ်ဆါတဖၣ်အဂီၢ်လီၤ. 2အန့ၣ်ဝံၤဒီးအဝဲဒၣ်မၢလီၤအဝဲသ့ၣ်ဒ်သိးအကစံၣ်တဲၤတဲလီၤ တၢ်ဘၣ်ဃးကစၢ်ယွၤအဘီအမုၢ်ဒီးအကမၤဘျါပှၤဆူးပှၤဆါတဖၣ် အဂီၢ်န့ၣ်လီၤ. 3အဝဲဒၣ်စံးဘၣ်အဝဲသ့ၣ်, “လၢသုတၢ်လဲၤတၢ်က့ၤအဂီၢ်န့ၣ်, စိာ်တၢ်နီတမံၤတဂ့ၤ. နီၣ်ထိးဘိမ့ၢ်ဂ့ၤ, ထၢၣ်မ့ၢ်ဂ့ၤ, တၢ်အီၣ်မ့ၢ်ဂ့ၤ, တိၢ်ဧိၤစ့ဧိၤမ့ၢ်ဂ့ၤ, ဆ့ကၤအဘျဲၣ်တဘ့ၣ်ဒၣ်လဲာ်စိာ်အီၤတဂ့ၤ. 4ဖဲသုဘၣ်တၢ်တူၢ်လိာ်မုာ်သုတပူၤလၢ်လၢ်န့ၣ်, အိၣ်လၢဟံၣ်တဖျၢၣ်ဃီန့ၣ်အပူၤတုၤလၢသုဟးထီၣ်ကွံာ်ဖဲဝ့ၢ်ပူၤတက့ၢ်. 5ဖဲတၢ်လီၢ်တပူၤလၢ်လၢ်လၢပှၤတတူၢ်လိာ်မုာ်သုန့ၣ်, ဟးထီၣ်ကွံာ်လၢဝ့ၢ်အဝဲန့ၣ်အပူၤ, ဒီးတြုၤလီၤကွံာ်ဖၣ်ဆါကမူၣ်လၢသုခီၣ်လၣ်ဒ်သိး အကပာ်ဖျါထီၣ်တၢ်ပနီၣ်ဘၣ်ဃးတၢ်အုၣ်အသးထီဒါအဝဲသ့ၣ်န့ၣ် တက့ၢ်.”
6အပျဲၢ်အဘီၣ်တဖၣ်ဟးထီၣ်ဒီးလဲၤခီဂာ်ဒူသဝီကိးဖျၢၣ်ဒဲး, ဒီးဖဲအဝဲသ့ၣ်လဲၤတပူၤလၢ်လၢ်န့ၣ်, စံၣ်တဲၤတဲလီၤတၢ်သးခုအကစီၣ်ဒီး မၤဘျါပှၤဘၣ်ဆူးဘၣ်ဆါတဖၣ်လီၤ.
စီၤဟ့ၤရိာ်အတၢ်ဆိကမိၣ်ကဒံကဒါ
(မး. ၁၄:၁-၁၂; မၢ်. ၆:၁၄-၂၉)
7ကီၢ်ကၤလံၤလါအပဒိၣ်, စီၤဟ့ၤရိာ်နၢ်ဟူဘၣ်ဝဲဘၣ်ဃးဒီးတၢ်လၢအမၤအသးတဖၣ်ခဲလၢာ်လီၤ. အဝဲအတၢ်ဆိကမိၣ်ကဒံကဒါဝဲလၢအဂ့ၢ်လီၤ. အဂ့ၢ်ဒ်အံၤ, ပှၤတနီၤစံးဝဲလၢပှၤဘျၢတၢ်စီၤယိၤဟၣ်ဂဲၤဆၢထၢၣ်သမူထီၣ်က့ၤဝဲလံ. 8ပှၤအဂၤတဖၣ်စံးဝဲလၢစီၤအ့ၤလံယၤလီၣ်ဖျါထီၣ်လံအသး, ဖဲအဂၤတနီၤစံးဝဲလၢဝံလၢပျၢၤအကျါတဂၤဂဲၤဆၢထၢၣ် သမူထီၣ်က့ၤလံဝဲဒၣ်န့ၣ်လီၤ. 9စီၤဟ့ၤရိာ်စံးဝဲ, “ယမၢတ့ၢ်ပှၤဒီၣ်တဲာ်ကွံာ်စီၤယိၤဟၣ်အခိၣ်လံ. မ့မ့ၢ်ပှၤတဂၤအံၤလၢယ နၢ်ဟူဘၣ်အဂ့ၢ်အကျိၤသ့ၣ်တဖၣ်န့ၣ်, မ့ၢ်မတၤတဂၤလဲၣ်.” ဒီးအဝဲဒၣ်ဂုာ်ကျဲးစၢးဃုထံၣ်ယ့ၣ်ၡူးလီၤ.
ယ့ၣ်ၡူးလုၢ်အီၣ်လုၢ်အီပှၤအဂၤယဲၢ်ကထိ
(မး. ၁၄:၁၃-၂၁; မၢ်. ၆:၃၀-၄၄; ယိၤ. ၆:၁-၁၄)
10ပှၤတၢ်မၢဖိတဖၣ်ဟဲက့ၤဒီးစံးဘၣ်တဲဘၣ်ယ့ၣ်ၡူး ကယဲၢ်တၢ်လၢအဝဲသ့ၣ်မၤတ့ၢ်ဝဲခဲလၢာ်လီၤ. အဝဲဒၣ်ကိးအဝဲသ့ၣ်ဒီးလဲၤဒၣ်ထဲအဝဲသ့ၣ်တဖုဧိၤဆူ ဝ့ၢ်တဖျၢၣ်လၢအမံၤမ့ၢ်ဝဲဘ့ၤသစဲဒၤလီၤ. 11ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်လဲၤပိာ်အခံလီၤ. အဝဲဒၣ်တူၢ်လိာ်ခီၣ်ဆၢအဝဲသ့ၣ်, ကတိၤတၢ်ဒီးအဝဲသ့ၣ်ဘၣ်ဃးကစၢ်ယွၤအဘီအမုၢ်, ဒီးမၤဘျါပှၤလၢအလိၣ်ဘၣ်တၢ်မၤဘျါက့ၤအီၤတဖၣ်လီၤ.
12ဖဲမုၢ်လီၤနုာ်သီန့ၣ်, အပျဲၢ်အဘီၣ်တဆံခံဂၤဟဲဆူအအိၣ်ဒီးစံးဝဲ, “ပျၢ်ပှၤဂီၢ်မုၢ်တဖၣ်ဒ်သိးအဝဲသ့ၣ်ကလဲၤဆူဒူသဝီဒီးစံာ် လီၢ်ပှဲၤလီၢ်အိၣ်ဖဲတၢ်အခိၣ်အဃၢၤ, လၢအကဃုအီၣ်ဃု အီဒီးဃုတၢ်လီၢ်လၢအကမံအိၣ်ဘှံးအိၣ်သါအဂီၢ်န့ၣ်တက့ၢ်. အဂ့ၢ်ဒ်အံၤ တၢ်လီၢ်တတီၤအံၤစီၤစုၤယံၤဝဲဒီးခူပူၤဝ့ၢ်ပူၤလီၤ.”
13ဘၣ်ဆၣ်ဒီးယ့ၣ်ၡူးစံးဘၣ်အဝဲသ့ၣ်, “ဒုးအီၣ်ဒုးအီအဝဲသ့ၣ်တၢ်တမံၤမံၤလၢသုနီၢ်ကစၢ်ဒၣ်သုဝဲတက့ၢ်.” အဝဲသ့ၣ်စံးဆၢဝဲ, “တၢ်လၢအအိၣ်ဒီးပှၤန့ၣ်အိၣ်ဒၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်လီၤ. မ့ၢ်နသးအိၣ်လၢပကလဲၤဒီးပှ့ၤန့ၢ်တၢ်အီၣ်တၢ်အီလၢပှၤဂီၢ်မုၢ် ဒီဖုအံၤအဂီၢ်ဧါ.” 14(ပှၤပိာ်ခွါအိၣ်ဝဲဒၣ်အဂၤယဲၢ်ကထိဃၣ်ဃၣ်ဖဲတၢ်လီၢ်အဝဲန့ၣ်လီၤ.) ယ့ၣ်ၡူးစံးဘၣ်အပျဲၢ်အဘီၣ်သ့ၣ်တဖၣ်, “မၢပှၤဂီၢ်မုၢ်တဖၣ်ဆ့ၣ်နီၤအဂၤယဲၢ်ဆံတကရူၢ်, အဂၤယဲၢ်ဆံတကရူၢ်တက့ၢ်.”
15အပျဲၢ်အဘီၣ်တဖၣ်မၤဝဲဒ်န့ၣ်, ဒီးမၢပှၤဂီၢ်မုၢ်ဆ့ၣ်နီၤကိးဂၤဒဲးလီၤ. 16ယ့ၣ်ၡူးဟံးန့ၢ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်, ဒီးကွၢ်ထီၣ်တၢ်ဆူမူခိၣ်, စံးဘျုးကစၢ်ယွၤလၢအဃိ, စိၢ်ဘျဲးအီၤဒီးဟ့ၣ်လီၤအီၤလၢအပျဲၢ်အဘီၣ် တဖၣ်, ဒ်သိးအကဟ့ၣ်နီၤလီၤဝဲဆူပှၤဂီၢ်မုၢ်တဖၣ်အအိၣ်အဂီၢ်န့ၣ်လီၤ. 17အဝဲသ့ၣ်ကိးဂၤဒဲးအီၣ်တၢ်, ဒီးဘျဲးအီၣ်ဘျဲးအီဝဲ, ဒီးအပျဲၢ်အဘီၣ်တဖၣ်ထၢဖှိၣ်က့ၤတၢ်အိၣ်ဘျဲၣ်အိၣ်စဲၢ်တဖၣ်, အိၣ်ဝဲကုတဆံခံဒုလီၤ.
စီၤပ့းတရူးတဲဖျါထီၣ် ယ့ၣ်ၡူးမ့ၢ်မတၤအဂ့ၢ်
(မး. ၁၆:၁၃-၁၉; မၢ်. ၈:၂၇-၂၉)
18ဘၣ်တနံၤဖဲယ့ၣ်ၡူးဃ့ဘါထုကဖၣ်တၢ်ထဲတဂၤဧိၤအဆၢကတီၢ် န့ၣ်, အပျဲၢ်အဘီၣ်တဖၣ်ဟဲဆူအအိၣ်လီၤ. အဝဲဒၣ်သံကွၢ်အဝဲသ့ၣ်, “ပှၤဂီၢ်မုၢ်တဖၣ်စံးလၢယမ့ၢ်မတၤတဂၤလဲၣ်.”
19အဝဲသ့ၣ်စံးဆၢဝဲ, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢနမ့ၢ်စီၤအ့ၤလံယၤ, ဒီးအဂၤတနီၤစံးလၢနမ့ၢ်ဝံလၢပျၢၤ အကျါတဂၤလၢအဂဲၤဆၢထၢၣ်သမူထီၣ်က့ၤဝဲန့ၣ်လီၤ.”
20ယ့ၣ်ၡူးသံကွၢ်အဝဲသ့ၣ်, “မ့မ့ၢ်သုဝဲသုစံးလၢယမ့ၢ်မတၤလဲၣ်.” စီၤပ့းတရူးစံးဆၢဝဲ, “နမ့ၢ်ကစၢ်ယွၤအခရံာ်တဂၤလီၤ.”
ယ့ၣ်ၡူးကတိၤတၢ်ဘၣ်ဃးအတၢ်တူၢ်တၢ်ဒီး အတၢ်သံအဂ့ၢ်
(မး. ၁၆:၂၀-၂၈; မၢ်. ၈:၃၀-၉:၁)
21တုၤနုၤတစုယ့ၣ်ၡူးမၤလိာ်အဝဲသ့ၣ်ဃံးဃံးဒ်သိးအသု တစံးဘၣ်တဲဘၣ်တၢ်ဂ့ၢ်တမံၤအံၤလၢပှၤနီတဂၤတဂ့ၤ, 22ဒီးတဲအါထီၣ်ကဒီးဝဲ, “ပှၤကညီဖိခွါကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်လီၤ. အဝဲဒၣ်ကဘၣ်တၢ်မၤသံအီၤ, ဒီးဖဲသၢနံၤတနံၤန့ၣ် အဝဲကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤလီၤ.”
23ဒီးအဝဲဒၣ်စံးဘၣ်ပှၤကိးဂၤဒဲး, “ပှၤမ့ၢ်သးအိၣ်ပိာ်ယခံတဂၤဂၤန့ၣ်, အဝဲဒၣ်ကဘၣ်ညိကွံာ်အသး, ဟံးထီၣ်အထူၣ်စုညါကိးနံၤဒဲးဒီးကဲထီၣ်ယပျဲၢ်ယဘီၣ်လီၤ. 24အဂ့ၢ်ဒ်အံၤ, ပှၤတဂၤလၢ်လၢ်လၢအအဲၣ်ဒိးအုၣ်က့ၤခီၣ်က့ၤ အသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. မ့မ့ၢ်ပှၤတဂၤလၢ်လၢ်လၢအဒုးလီၤမၢ်ကွံာ်အသးသမူဒၣ်ဝဲလၢယဃိန့ၣ်, ကအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ. 25အဂ့ၢ်ဒ်အံၤ, ပှၤတဂၤမ့ၢ်ဒိးန့ၢ်ဘၣ်ဟီၣ်ခိၣ်ဒီဘ့ၣ်ညါဘၣ်ဆၣ်, အနီၢ်ကစၢ်ဒၣ်ဝဲမ့ၢ်လီၤမၢ်ကွံာ်မ့တမ့ၢ်ဘၣ်တၢ်မၤနၢၤကွံာ်အီၤန့ၣ်, ကဒိးန့ၢ်တၢ်ဘျုးတၢ်ဖှိၣ်တမံၤမံၤကစီဒီဧါ. တဒိးန့ၢ်ဝဲလ့ၤတက့ၤဘၣ်. 26ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ. 27ယစံးဘၣ်တဲဘၣ်သုတီတီ, ပှၤအိၣ်ဝဲဒၣ်ဖဲအံၤတနီၤလၢအတချုးထံၣ်ဘၣ်ဒံးကစၢ်ယွၤ အဘီအမုၢ်ဘၣ်ဒီးတသံဒံးဝဲဘၣ်လီၤ.”
ယ့ၣ်ၡူးအက့ၢ်အဂီၤလဲလိာ်အသးအဂ့ၢ်
(မး. ၁၇:၁-၈; မၢ်. ၉:၂-၈)
28ယ့ၣ်ၡူးစံးကတိၤတၢ်သ့ၣ်တဖၣ်အံၤဝံၤအလီၢ်ခံကဘၣ်တနွံန့ၣ်, အဝဲဒၣ်ကိးစီၤပ့းတရူး, စီၤယိၤဟၣ်ဒီးစီၤယၤကိာ်သ့ၣ်တဖၣ် ဒီးလဲၤထီၣ်ဆူတၢ်လူၢ်တဖျၢၣ်အလိၤဒ်သိးအကဃ့ဘါထုကဖၣ် တၢ်လီၤ. 29ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်န့ၣ်, အမဲာ်သၣ်အက့ၢ်အဂီၤလဲလိာ်အသးဒီးအကူအသိးတဖၣ် ဝါထီၣ်ဒီးကပြုၢ်ကပြီၤမးလီၤ. 30သတူၢ်ကလာ်, ပှၤအိၣ်ဝဲဖဲန့ၣ်ခံဂၤလၢအကတိၤတၢ်ဒီးယ့ၣ်ၡူးလီၤ. အဝဲသ့ၣ်မ့ၢ်စီၤမိၤၡ့ဒီးစီၤအ့ၤလံယၤ, 31လၢအအိၣ်ဖျါထီၣ်လၢမူခိၣ်အတၢ်လၤတၢ်ကပီၤအပူၤ, ဒီးကတိၤတၢ်ဒီးယ့ၣ်ၡူးဘၣ်ဃးဒီးတၢ်ဂ့ၢ်လၢတယံာ်လၢၤဘၣ်န့ၣ် ယ့ၣ်ၡူးကမၤလၢထီၣ်ပှဲၤထီၣ်ကစၢ်ယွၤအတၢ်တိာ်ပာ်ခီဖျိ အသံဝဲဖဲဝ့ၢ်ယရူၤၡလ့ၣ်န့ၣ်လီၤ. 32စီၤပ့းတရူးဒီးအတံၤသကိးတဖၣ်အိၣ်လၢတၢ်မံယိာ်အပူၤ, ဘၣ်ဆၣ်အဝဲသ့ၣ်ပၢၢ်ထီၣ်ဒီးထံၣ်ယ့ၣ်ၡူးအလၤကပီၤ ဒီးပှၤခံဂၤလၢအအိၣ်ဆၢထၢၣ်ဒီးယ့ၣ်ၡူးန့ၣ်လီၤ. 33ဖဲပှၤသ့ၣ်တဖၣ်န့ၣ်ဟးထီၣ်ကွံာ်လၢယ့ၣ်ၡူးအဃၢၤန့ၣ်, စီၤပ့းတရူးစံးဘၣ်ယ့ၣ်ၡူး, “ကစၢ်ဧၢ, ပအိၣ်ဖဲအံၤန့ၣ်မ့ၢ်တၢ်လၢအဂ့ၤမးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်ဒီးတဖျၢၣ်လၢစီၤအ့ၤလံယၤအဂီၢ်န့ၣ်တက့ၢ်. (နီၢ်နီၢ်န့ၣ်အဝဲစံးတၢ်မနုၤလဲၣ်န့ၣ်တသ့ၣ်ညါဝဲဘၣ်)
34ဖဲအဝဲဒၣ်ကတိၤဒံးတၢ်အဖၢမုၢ်န့ၣ်, တၢ်အၢၣ်တလိၣ်ဟဲအိၣ်ဖျါထီၣ်ဒီးလီၤကဒုဘၣ်အဝဲသ့ၣ်လီၤ. ဖဲတၢ်အၢၣ်လီၤကဒုဘၣ်အပျဲၢ်အဘီၣ်တဖၣ်အံၤန့ၣ်, အဝဲသ့ၣ်အသူၣ်ပျံၤသးဖုးဝဲလီၤ. 35တၢ်အကလုၢ်ဟဲသီၣ်ထီၣ်လၢတၢ်အၢၣ်အပူၤဒီးစံးဝဲ, “အဝဲအံၤ မ့ၢ်ယဖိခွါလၢယဃုထၢတ့ၢ်အီၤတဂၤလီၤ. ဒိကနၣ်အကလုၢ်တက့ၢ်.”
36ဖဲတၢ်ကလုၢ်ဆိကတီၢ်န့ၣ်, ယ့ၣ်ၡူးအိၣ်တီၢ်ထဲတဂၤဧိၤလီၤ. အပျဲၢ်အဘီၣ်တဖၣ်အိၣ်ဘှီၣ်ဝဲဘၣ်ဃးတၢ်ဂ့ၢ်အံၤခဲလၢာ်, ဒီးဖဲစိၤဆၢကတီၢ်အဝဲန့ၣ်, အဝဲသ့ၣ်တစံးဘၣ်တဲဘၣ်တၢ်လၢအထံၣ်ဘၣ်တ့ၢ်ဝဲနီတမံၤ လၢပှၤနီတဂၤဘၣ်.
ယ့ၣ်ၡူးမၤဘျါပိာ်ခွါဖိသၣ်လၢတၢ်နါဒိးအီၤတဂၤ
(မး. ၁၇:၁၄-၁၈; မၢ်. ၉:၁၄-၂၇)
37လၢခံတနံၤဖဲအဝဲသ့ၣ်ဟဲက့ၤလီၤလၢတၢ်လူၢ်ဒီခိၣ်န့ၣ်, ပှၤဂီၢ်မုၢ်ဖးဒိၣ်လဲၤသဂၢၢ်အီၤလီၤ. 38ပှၤလၢပှၤဂီၢ်မုၢ်အကျါတဂၤကိးထီၣ်ဝဲ, “သရၣ်ဧၢ, ယဃ့ကညးနၤ, ကွၢ်ယဖိခွါ, ယဖိခွါထဲတဂၤဧိၤအံၤတက့ၢ်. 39တၢ်နါတဒုဒိးအီၤဒီးအဝဲဒၣ်ကိးပသူထီၣ်သတူၢ်ကလာ် လၢအကလုၢ်ဖးဒိၣ်ဒီးပျုၢ်ထိးထီၣ်ဝဲ, တုၤဒၣ်လဲာ်အခၣ်သဘှဲထီၣ်ဝဲလီၤ. တၢ်နါတဒုအံၤ, မၤဆူးမၤဆါထီဃာ်ပိာ်ခွါဖိသၣ်တဂၤအံၤ, ဒီးတပျဲအီၤညီညီဘၣ်. 40ယဃ့ကညးနပျဲၢ်နဘီၣ်တဖၣ်လၢအကဟီထီၣ်ကွံာ်တၢ်နါအံၤ, ဘၣ်ဆၣ်ဒီးအဝဲသ့ၣ်မၤဝဲတသ့ဘၣ်.”
41ယ့ၣ်ၡူးစံးဆၢဝဲ, “သုဝဲသ့ၣ်အံၤ, သုတၢ်စူၢ်တၢ်နာ်တအိၣ်, ဒီးသုနၢ်က့ၣ်မးလဲၣ်. ယကဘၣ်အိၣ်ဒီးသုဆံးယံာ်လဲၣ်. ယကဘၣ်ဝံသးစူၤသုဆံးယံာ်လဲၣ်.” တုၤနုၤတစုအဝဲဒၣ်စံးဘၣ်ပှၤတဂၤန့ၣ်, “ဟဲစိာ်နဖိခွါဖဲအံၤတက့ၢ်.”
42ဖဲပိာ်ခွါဖိသၣ်ဟဲဝဲအဖၢမုၢ်န့ၣ်, တၢ်နါမၤလီၤဃံၤအီၤလၢဟီၣ်ခိၣ်လိၤဒီးဒုးပျုၢ်ထိးအီၤလီၤ. ယ့ၣ်ၡူးဒူတၢ်နါအလိၤ, မၤဘျါက့ၤပိာ်ခွါဖိသၣ်, ဒီးဟ့ၣ်က့ၤအီၤဆူအပၢ်အအိၣ်လီၤ. 43ပှၤကိးဂၤဒဲးကမၢကမၣ်ဝဲလၢကစၢ်ယွၤအစိကမီၤအဒိၣ်အမုၢ်တမံၤအံၤ အဃိလီၤ.
ယ့ၣ်ၡူးကတိၤကဒီးတၢ်လၢအတၢ်သံအဂ့ၢ်
(မး. ၁၇:၂၂-၂၃; မၢ်. ၉:၃၀-၃၂)
ဖဲပှၤဂီၢ်မုၢ်တဖၣ်ကမၢကမၣ်ဒံးဝဲလၢကယဲၢ်တၢ်လၢယ့ၣ်ၡူးမၤဝဲ တဖၣ်အဃိအဖၢမုၢ်န့ၣ်, အဝဲစံးဘၣ်အပျဲၢ်အဘီၣ်တဖၣ်, 44“တၢ်လၢယကစံးဘၣ်တဲဘၣ်သုခဲကနံၣ်အံၤန့ၣ်, တဘၣ်သးပ့ၤနီၣ်တဂ့ၤ. ပှၤကညီဖိခွါအံၤကဘၣ်တၢ်ဟ့ၣ်လီၤကွံာ်အီၤဆူပှၤကညီအစိ ကမီၤအစုပူၤလီၤ.” 45ဘၣ်ဆၣ်ဒီးတၢ်ကတိၤတထံၣ်အံၤအခီပညီမ့ၢ်တၢ်ဒ်လဲၣ်န့ၣ်, အဝဲသ့ၣ်တသ့ၣ်ညါဝဲဘၣ်. အခီပညီဘၣ်တၢ်ပာ်တဒၢတ့ၢ်အီၤလၢအဝဲသ့ၣ်အမဲာ်ညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လီၤ. ဒီးအဝဲသ့ၣ်ကသံကွၢ်အီၤဘၣ်ဃးတၢ်ဂ့ၢ်တမံၤအံၤန့ၣ်, သံကွၢ်ဝဲတဘူၣ်ဘၣ်.
မတၤမ့ၢ်အဒိၣ်ကတၢၢ်လဲၣ်
(မး. ၁၈:၁-၅; မၢ်. ၉:၃၃-၃၇)
46တၢ်ဂ့ၢ်လိာ်ဘှီလိာ်အိၣ်ထီၣ်လၢအပျဲၢ်အဘီၣ်သ့ၣ်တဖၣ် အကျါဘၣ်ဃးဒီးမတၤမ့ၢ်ပှၤအဒိၣ်ကတၢၢ်လၢအဝဲသ့ၣ် တဖၣ်အကျါလဲၣ်န့ၣ်လီၤ. 47ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်, သတးဒီးအဝဲဒၣ်ဟံးန့ၢ်ဖိသၣ်တဂၤ, ဒုးဆၢထၢၣ်ဝဲလၢအကပၤ 48ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”
ပှၤလၢအတထီဒါသုန့ၣ်, မ့ၢ်ပှၤလၢအအိၣ်ပှိၤသုလီၤ
(မၢ်. ၉:၃၈-၄၀)
49စီၤယိၤဟၣ်ကတိၤထီၣ်တၢ်ဒီးစံးဝဲ, “ကစၢ်ဧၢ, ပထံၣ်ပှၤတဂၤဟီထီၣ်ကွံာ်တၢ်ဝံတၢ်နါလၢနမံၤ, ဒီးပမၢအဝဲဒၣ်ဆိကတီၢ်ကွံာ်, အဂ့ၢ်မ့ၢ်လၢအဝဲတဘၣ်ထွဲဒီးပှၤဘၣ်အဃိလီၤ.”
50ယ့ၣ်ၡူးစံးဘၣ်အီၤဒီးအပျဲၢ်အဘီၣ်အဂၤတဖၣ်, “တဘၣ်ဂုာ်ကျဲးစၢးတြီအီၤတဂ့ၤ. ပှၤလၢအတထီဒါသုန့ၣ်မ့ၢ်ပှၤလၢအအိၣ်ပှိၤသုလီၤ.”
ပှၤၡၤမရံဖိအသဝီတဖျၢၣ်လၢအတတူၢ်လိာ်ယ့ၣ်ၡူး
51ဖဲမုၢ်နံၤမုၢ်သီတဖၣ်ဘူးထီၣ်လၢယ့ၣ်ၡူးကဘၣ်တၢ်စိာ်ထီၣ် အီၤဆူမူခိၣ်န့ၣ်, အဝဲဒၣ်ပာ်လီၤအသးကျၢၤမုဆှုဒီးလဲၤဝဲဒၣ်ဆူဝ့ၢ်ယရူၤၡလ့ၣ်လီၤ. 52အဝဲဒၣ်ဆှၢလီၤဆိပာ်ပှၤစိာ်တၢ်ကစီၣ်တဖၣ်လၢအမဲာ်ညါ, ဒီးအဝဲသ့ၣ်ဟးထီၣ်ဒီးလဲၤနုာ်လီၤဆူပှၤၡၤမရံဖိအသဝီတဖျၢၣ်အပူၤ, ဒ်သိးအကအိၣ်ကတဲာ်ကတီၤပာ်တၢ်ခဲလၢာ်ခဲဆ့လၢအဝဲဒၣ်အဂီၢ်လီၤ. 53ဘၣ်ဆၣ်ဒီးပှၤသဝီဖိဖဲန့ၣ်တဖၣ်တသးအိၣ်တူၢ်လိာ်ယ့ၣ်ၡူးဘၣ်. အဂ့ၢ်မ့ၢ်လၢအအိၣ်ဖျါလီၤတံၢ်ဝဲလၢအကလဲၤဝဲဒၣ်ဆူဝ့ၢ်ယရူၤၡလ့ၣ် အဃိန့ၣ်လီၤ. 54ဖဲအပျဲၢ်အဘီၣ်စီၤယၤကိာ်ဒီးစီၤယိၤဟၣ်သ့ၣ်တဖၣ်ထံၣ်ဘၣ်တၢ် တမံၤအံၤန့ၣ်, အဝဲသ့ၣ်စံးဝဲ, “ကစၢ်ဧၢ, မ့ၢ်နသးအိၣ်လၢပကကိးလီၤမ့ၣ်အူလၢမူခိၣ် ဒ်သိးအကဟဲလီၤဒီးအီၣ်ကွံာ်အဝဲသ့ၣ်န့ၣ်ဧါ.”
55ယ့ၣ်ၡူးဃၣ်ဃီၤအသးဒီးဒူအဝဲသ့ၣ်အလိၤ,
56ဒီးအဝဲသ့ၣ်လဲၤကဒီးဝဲဆူညါ, ဆူသဝီအဂၤတဖျၢၣ်လီၤ.
ပှၤလၢအသါကပိာ်ယ့ၣ်ၡူးအခံတဖၣ်
(မး. ၈:၁၉-၂၂)
57ဖဲအဝဲသ့ၣ်လဲၤတၢ်လၢကျဲန့ၣ်, ပှၤတဂၤစံးဘၣ်ယ့ၣ်ၡူး, “ဖဲနလဲၤတပူၤလၢ်လၢ်န့ၣ်ယကပိာ်နခံ ဒီးကဲထီၣ်နပျဲၢ်နဘီၣ်လီၤ.”
58ယ့ၣ်ၡူးစံးဘၣ်အီၤ, “ထွံၣ်ဟီၣ်ခိၣ်တဖၣ်အိၣ်ဒီးအပူၤတဖၣ်, ဒီးထိၣ်တဖၣ်အိၣ်ဒီးအသွံတဖၣ်လီၤ. မ့မ့ၢ်ပှၤကညီဖိခွါအံၤ ထဲအကမံလီၤဒီးအိၣ်ဘှံးအိၣ်သါအဂီၢ်ဒၣ်လဲာ်, တၢ်လီၢ်တၢ်ကျဲတအိၣ်နီတပူၤဘၣ်.”
59အဝဲဒၣ်စံးဘၣ်ပှၤအဂၤတဂၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဘၣ်ဆၣ်ဒီးပှၤတဂၤန့ၣ်စံးဝဲ, “ကစၢ်ဧၢ, ပျဲဆိဒၣ်ကလိာ်ယၤဒ်သိးယကက့ၤကဒါက့ၤဒီးခူၣ်လီၤယပၢ်တက့ၢ်.”
60ယ့ၣ်ၡူးစံးဆၢဝဲ, “ပျဲပှၤသံတဖၣ်ခူၣ်လီၤအပှၤသံဒၣ်ဝဲတက့ၢ်. မ့မ့ၢ်နဲတခီ, လဲၤဒီးစံၣ်တဲၤတဲလီၤကစၢ်ယွၤအဘီအမုၢ်အဂ့ၢ်တက့ၢ်.”
61ပှၤအဂၤတဂၤစံးဝဲ, “ယကဟဲဒီးကဲဘၣ်နပျဲၢ်နဘီၣ်လီၤ, ကစၢ်ဧၢ, ဘၣ်ဆၣ်ဒီးပျဲဆိဒၣ်ကလိာ်ယၤဒ်သိးယကက့ၤ ဒီးဆၢဂ့ၤဆၢဝါယပှၤဟံၣ်ဖိဃီဖိတဖၣ်တက့ၢ်.”
62ယ့ၣ်ၡူးစံးဘၣ်အီၤ, “ပှၤတဂၤဂ့ၤတဂၤဂ့ၤလၢအထူထီၣ်စံာ်ဒီး ကွၢ်ကဒါက့ၤဆူအလီၢ်ခံတလီၢ်လီၢ်န့ၣ်, အဘျုးအဖှိၣ်တအိၣ်ဝဲလၢ ကစၢ်ယွၤအဘီအမုၢ်အဂီၢ်နီတမံၤဘၣ်.”
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Sgaw Karen Common Bible © Bible Society of Myanmar, 1992.