Lir. 7
7
Kameechi kakechula sibala
1Nio Wele Omunyali Owa Bioosi aboolela Noa ali, “Yingila mu meeli ewe nende be nju yowo boosi, sikila naboone ndi oli omuluungi ebweeni wase mu selukho yino. 2Bukula chisaang'i chingwalaafu, ekhasi ne seecha, khukhwola saba, nende chikhali chingwalaafu tawe, chibili chibili, ekhasi ne seecha. 3Lundi bukula chinyuni, ekhasi ne seecha, chibili chibili, khukhwola saba, oliinde lukano lwacho nio lube lulamu khu sibala. 4Sikila enyuma we chindaalo saba ndikho nja khureera efula khu sibala ekwe chindaalo kamakhumi kane, siilo ne kumuusi. Ndabunia buli sie bulamu nisio nabuumba sirure khu sibala.” 5Mala Noa akhola buli siindu nga Wele Omunyali Owa Bioosi ne amulaka.
6Noa aaba kimiiko chimia sita nga kameechi ne kechula khu sibala. 7#Mat. 24.38-39; Lk. 17.27 Niye no mukhasi wewe ne babaana bewe ne bakhasi be babaana bewe, bamulila mu meeli khukhwilukha kameechi kakechula. 8Khu saang'i chingwalaafu ne chikhali chingwalaafu tawe ne chinyuni na buli siindu simoola khu sibala, 9bibili bibili, siseecha ne siikhasi biengila mu meeli alala ne Noa nga Wele ne aaba ne amulakile. 10Enyuma we chindaalo saba, kameechi kecha khu sibala.
11 #
2 Pet. 3.6
Khu mwiiko kukhola chimia sita khu mwesi kwa khabili, khu ndaalo eye ekhumi na saba eye limenya lia Noa, chimoni che chisiba chimboofu che kameechi ke mwiloba charundukha, chinuma che mwikulu choosi chekukha. 12Efula yakwa khu sibala chindaalo kamakhumi kane, siilo ne kumuusi. 13Khu ndaalo eyo Noa no mukhasi wewe ne babaana bewe Shemu, Hamu ne Chafwesa ne bakhasi babwe, bengila mu meeli. 14Alala ne nabo chisaang'i ne chisolo chingano choosi, chikhaafu khuloondekhana ne chingano chacho, nende buli simoola khuloondekhana ne lukano lwasio, nende buli lukano lwe nyuni, 15Siseecha ne siikhasi sia buli siindu sie bulamu biengila mu meeli ne Noa. 16Ne bioosi bibiengilamo, siseecha ne siikhasi, sie bibuumbe bioosi biengilamo nga Wele ne aaba ne alakile Noa. Mala Wele Omunyali Owa Bioosi ekalila Noa mu meeli.
17Kameechi kachiililila khukhwichula khu sibala khu ndaalo kamakhumi kane. Kaaba kamakali mala kakila emeeli yakelakela khu meechi khungaaki khwe sibala. 18Kameechi kechula kakucha khu sibala mala emeeli yakelakela khu ngaaki khwako. 19Kameechi kechula lukali, kafuunikha bikulu bileeyi bie khu sibala sioosi. 20Kameechi katasa khuniina kola bikele ekhumi na biraano angaaki we bikulu bileeyi khu sibala. 21Buli siindu sie bulamu khu sibala siafwa, chinyuni, chisaang'i, chisolo, nende buli mundu aafwa. Buli siindu simoola khu liloba siosi siafwa. 22Buli siindu sisiaba khu sibala sieela kumuuya kwe bulamu siafwa. 23Wele Omunyali Owa Bioosi abunia buli sibuumbe sie bulamu sisiaba khu sibala, babaandu, chisaang'i, ne bibiindu bimoola bioosi ne chinyuni choosi biabuna biarura khu sibala. Noa ne nabo nibo aaba nabo mu meeli bong'ene barama. 24Kameechi karama ne kechuule khu sibala khu ndaalo emia ndala ne kamakhumi karaano.
Одоогоор Сонгогдсон:
Lir. 7: LUBUKUSU
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
©Bible Society of Kenya, 2019
Lir. 7
7
Kameechi kakechula sibala
1Nio Wele Omunyali Owa Bioosi aboolela Noa ali, “Yingila mu meeli ewe nende be nju yowo boosi, sikila naboone ndi oli omuluungi ebweeni wase mu selukho yino. 2Bukula chisaang'i chingwalaafu, ekhasi ne seecha, khukhwola saba, nende chikhali chingwalaafu tawe, chibili chibili, ekhasi ne seecha. 3Lundi bukula chinyuni, ekhasi ne seecha, chibili chibili, khukhwola saba, oliinde lukano lwacho nio lube lulamu khu sibala. 4Sikila enyuma we chindaalo saba ndikho nja khureera efula khu sibala ekwe chindaalo kamakhumi kane, siilo ne kumuusi. Ndabunia buli sie bulamu nisio nabuumba sirure khu sibala.” 5Mala Noa akhola buli siindu nga Wele Omunyali Owa Bioosi ne amulaka.
6Noa aaba kimiiko chimia sita nga kameechi ne kechula khu sibala. 7#Mat. 24.38-39; Lk. 17.27 Niye no mukhasi wewe ne babaana bewe ne bakhasi be babaana bewe, bamulila mu meeli khukhwilukha kameechi kakechula. 8Khu saang'i chingwalaafu ne chikhali chingwalaafu tawe ne chinyuni na buli siindu simoola khu sibala, 9bibili bibili, siseecha ne siikhasi biengila mu meeli alala ne Noa nga Wele ne aaba ne amulakile. 10Enyuma we chindaalo saba, kameechi kecha khu sibala.
11 #
2 Pet. 3.6
Khu mwiiko kukhola chimia sita khu mwesi kwa khabili, khu ndaalo eye ekhumi na saba eye limenya lia Noa, chimoni che chisiba chimboofu che kameechi ke mwiloba charundukha, chinuma che mwikulu choosi chekukha. 12Efula yakwa khu sibala chindaalo kamakhumi kane, siilo ne kumuusi. 13Khu ndaalo eyo Noa no mukhasi wewe ne babaana bewe Shemu, Hamu ne Chafwesa ne bakhasi babwe, bengila mu meeli. 14Alala ne nabo chisaang'i ne chisolo chingano choosi, chikhaafu khuloondekhana ne chingano chacho, nende buli simoola khuloondekhana ne lukano lwasio, nende buli lukano lwe nyuni, 15Siseecha ne siikhasi sia buli siindu sie bulamu biengila mu meeli ne Noa. 16Ne bioosi bibiengilamo, siseecha ne siikhasi, sie bibuumbe bioosi biengilamo nga Wele ne aaba ne alakile Noa. Mala Wele Omunyali Owa Bioosi ekalila Noa mu meeli.
17Kameechi kachiililila khukhwichula khu sibala khu ndaalo kamakhumi kane. Kaaba kamakali mala kakila emeeli yakelakela khu meechi khungaaki khwe sibala. 18Kameechi kechula kakucha khu sibala mala emeeli yakelakela khu ngaaki khwako. 19Kameechi kechula lukali, kafuunikha bikulu bileeyi bie khu sibala sioosi. 20Kameechi katasa khuniina kola bikele ekhumi na biraano angaaki we bikulu bileeyi khu sibala. 21Buli siindu sie bulamu khu sibala siafwa, chinyuni, chisaang'i, chisolo, nende buli mundu aafwa. Buli siindu simoola khu liloba siosi siafwa. 22Buli siindu sisiaba khu sibala sieela kumuuya kwe bulamu siafwa. 23Wele Omunyali Owa Bioosi abunia buli sibuumbe sie bulamu sisiaba khu sibala, babaandu, chisaang'i, ne bibiindu bimoola bioosi ne chinyuni choosi biabuna biarura khu sibala. Noa ne nabo nibo aaba nabo mu meeli bong'ene barama. 24Kameechi karama ne kechuule khu sibala khu ndaalo emia ndala ne kamakhumi karaano.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
©Bible Society of Kenya, 2019