KUPUTUKA 8
8
1Jino Kalunga anukile Nowa natunyama vosena navimuna vosena vaze apwile navo muwato. Kalunga ahuhwixile peho helu lyamavu, kaha meya ahohonyokele.
2Tuselwoke vamukajinga najinjanena jamwilu vavijikile, vula yaku-fuma mwilu yavatukile,
3kaha meya apwile nakuya nakuho-honyoka hamavu. Ngoco hakuku-misa makumbi likulukaji namakumi atanu meya anyekumukile.
4Kaha hakakweji wamucitanu navavali, halikumbi lyakakweji lyakuheta mulikumi naatanu naavali, wato watwamine hajipili jaAlalate.
5Kaha meya apwile nakuya nakunyekumuka palanga nakukakweji likumi. Hakakweji likumi, halikumbi lyakakweji lyatete, jisongo jajipili jalovokele.
6Jino casolokele, omu mwahicile makumbi makumi awana, Nowa asokolwele njanena yawato uze apacile,
7kaha alowele likololo, uze ayile nakuhitangana noku noku, palanga nahaze omine meya hamavu.
8Kaha alowele katela akatale numba nge meya anahohonyoka lyehi kwilu lyamavu.
9Oloze uze katela kawanyine kwakuwilako, kaha akindulukile muli j ikiye muwato, mwomwo meya apwile kwilu lyamavu kwosena, xikaho. Nowa atandavikile livoko lyenyi nakumukwata, nakumwingisa muli ikiye muwato.
10Aximbwile makumbi eka atanu naavali, kaha ceka nawa amulowele katela muwato.
11Uze katela akindulukile kuli ikiye halikumbi lyacingoloxi, kaha kumana, kumuvumbo wenyi apwile nalifo lyakuhela kumulive. Ngoco Nowa atacikijile ngwenyi, meya anahohonyoka lyehi hamavu.
12Aximbwile makumbi eka atanu naavali, hikumulovola katela, kaha kakindulukile ceka kuli ikiyeko.
13Kaha casolokele, hamwaka wakuheta mumakulukaji atanu nalimwe namwaka umwe, hakakweji watete, halikumbi lyakakweji lyatete, meya omine hamavu. Nowa apandumwine cifwiko cawato nakutala, amwene kwilu lyamavu kunomu lyehi.
14Hakakweji wamucivali, halikumbi lyakakweji lyakuheta mumakumi avali namakumbi atanu naavali, mavu omine cau.
15Kaha Kalunga ambile kuli Nowa ngwenyi,
16Lovokenu muwato, nayove, napwevo lyove, navana vove vamalunga, namapwevo javana vove nayove hamwe.
17Lovola vaka-kuyoya vosena uli navo nayove hamwe, vakweci mijimba vosena, natujila, navimuna, navaka-kuhalala vakutambuka hamavu vosena, mangana vakaseme cikuma hamavu, vakasemunwine, vakavule cikuma hamavu.
18Ngoco Nowa alovokele, navana venyi vamalunga, napwevo lyenyi, namapwevo javana venyi naikiye hamwe,
19tunyama vosena, navaka-kuhalala vosena, natujila vosena, vexovo veji kutambukanga hamavu, kumiyaci yavo, valovokele muwato.
20Nowa amutungilile Yehova lijiko lyakulumbila, kaha kuli #7.2.tunyama vosena vatoma nakuli tujila vosena vatoma akwacile vamwe vakulumbila mawana akulumba halize lijiko lyakulumbila.
21 #
Kulo. 29.18, 25. Yehova evwile livumba lyalupe-ngopengo lize, kaha Yehova alyambile mumucima wenyi ngwenyi, Kangwexi kukangula ceka mavu hali vatuko, mwomwo kujina camumicima yavatu cinapu cacipi kufumisa kuunyike wavo. Kaha kangwexi kukaveta ceka vaka-kuyoya vosena nge omu ngunalingi lyehiko.
22Ximbu mavu kuwacili, namyaka yakukuva namyaka yakwaha, nacixika naliyena, namyaka yavula namyaka yacixika, namusana naufuku, kavyexi kukakumako.
Kalunga mwalixika naNowa
Одоогоор Сонгогдсон:
KUPUTUKA 8: LUE70
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Luvale Bible © Bible Society of Zambia, 1970.
KUPUTUKA 8
8
1Jino Kalunga anukile Nowa natunyama vosena navimuna vosena vaze apwile navo muwato. Kalunga ahuhwixile peho helu lyamavu, kaha meya ahohonyokele.
2Tuselwoke vamukajinga najinjanena jamwilu vavijikile, vula yaku-fuma mwilu yavatukile,
3kaha meya apwile nakuya nakuho-honyoka hamavu. Ngoco hakuku-misa makumbi likulukaji namakumi atanu meya anyekumukile.
4Kaha hakakweji wamucitanu navavali, halikumbi lyakakweji lyakuheta mulikumi naatanu naavali, wato watwamine hajipili jaAlalate.
5Kaha meya apwile nakuya nakunyekumuka palanga nakukakweji likumi. Hakakweji likumi, halikumbi lyakakweji lyatete, jisongo jajipili jalovokele.
6Jino casolokele, omu mwahicile makumbi makumi awana, Nowa asokolwele njanena yawato uze apacile,
7kaha alowele likololo, uze ayile nakuhitangana noku noku, palanga nahaze omine meya hamavu.
8Kaha alowele katela akatale numba nge meya anahohonyoka lyehi kwilu lyamavu.
9Oloze uze katela kawanyine kwakuwilako, kaha akindulukile muli j ikiye muwato, mwomwo meya apwile kwilu lyamavu kwosena, xikaho. Nowa atandavikile livoko lyenyi nakumukwata, nakumwingisa muli ikiye muwato.
10Aximbwile makumbi eka atanu naavali, kaha ceka nawa amulowele katela muwato.
11Uze katela akindulukile kuli ikiye halikumbi lyacingoloxi, kaha kumana, kumuvumbo wenyi apwile nalifo lyakuhela kumulive. Ngoco Nowa atacikijile ngwenyi, meya anahohonyoka lyehi hamavu.
12Aximbwile makumbi eka atanu naavali, hikumulovola katela, kaha kakindulukile ceka kuli ikiyeko.
13Kaha casolokele, hamwaka wakuheta mumakulukaji atanu nalimwe namwaka umwe, hakakweji watete, halikumbi lyakakweji lyatete, meya omine hamavu. Nowa apandumwine cifwiko cawato nakutala, amwene kwilu lyamavu kunomu lyehi.
14Hakakweji wamucivali, halikumbi lyakakweji lyakuheta mumakumi avali namakumbi atanu naavali, mavu omine cau.
15Kaha Kalunga ambile kuli Nowa ngwenyi,
16Lovokenu muwato, nayove, napwevo lyove, navana vove vamalunga, namapwevo javana vove nayove hamwe.
17Lovola vaka-kuyoya vosena uli navo nayove hamwe, vakweci mijimba vosena, natujila, navimuna, navaka-kuhalala vakutambuka hamavu vosena, mangana vakaseme cikuma hamavu, vakasemunwine, vakavule cikuma hamavu.
18Ngoco Nowa alovokele, navana venyi vamalunga, napwevo lyenyi, namapwevo javana venyi naikiye hamwe,
19tunyama vosena, navaka-kuhalala vosena, natujila vosena, vexovo veji kutambukanga hamavu, kumiyaci yavo, valovokele muwato.
20Nowa amutungilile Yehova lijiko lyakulumbila, kaha kuli #7.2.tunyama vosena vatoma nakuli tujila vosena vatoma akwacile vamwe vakulumbila mawana akulumba halize lijiko lyakulumbila.
21 #
Kulo. 29.18, 25. Yehova evwile livumba lyalupe-ngopengo lize, kaha Yehova alyambile mumucima wenyi ngwenyi, Kangwexi kukangula ceka mavu hali vatuko, mwomwo kujina camumicima yavatu cinapu cacipi kufumisa kuunyike wavo. Kaha kangwexi kukaveta ceka vaka-kuyoya vosena nge omu ngunalingi lyehiko.
22Ximbu mavu kuwacili, namyaka yakukuva namyaka yakwaha, nacixika naliyena, namyaka yavula namyaka yacixika, namusana naufuku, kavyexi kukakumako.
Kalunga mwalixika naNowa
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Luvale Bible © Bible Society of Zambia, 1970.