Jọnụ 2
2
Isi Nke Ẹbụọ
Jesu E Gi Mirin Họnrin Manya
1Hụn mẹ ẹ akpọhịn ẹtọ, o nwọn ndị rị a gba ẹkụkwọ imẹ Kana rị Galili. Nnẹ Jizọsị rị ebahụn. 2Wẹ kpọzịkwọ Jizọsị lẹ ndị nsọnmazụụn a agbamẹkụkwọ hụ. 3Manya a gụ, nnẹ Jizọsị nọ sị a, “Manya wẹ a gụ.” 4Jizọsị nọ sị a, “Okpoho, hatu m ye nụ, ogẹn m eke ru.” 5Nnẹ ẹ nọ sị ndị rị e jẹn ozi, “Ihiẹn ọwụlẹ ọ sị ụnụ mẹ, ụnụ e mẹ.”
6O nwọn ite-mirin isin wẹ gi ọmụma mẹmẹ rị ebahụn wẹ gi a chan ihiẹn ile w'a chan wẹ gi e mẹzu omẹnalị ndị Ju. Ohu-ohu imẹ wẹ e ripụ ite-mirin isẹn mọbụ ẹsa.
7Jesu nọ sị ndị ahụn rị e jẹn ozi, “Gbajun ni ite ndị hụ mirin.” Ya wẹ nọ gbajun wẹ pụ ọnụ. 8Ọ nọ sị wẹ, “Kuru ni nwan wejẹnni onyẹ-isi ocho.” Ya wẹ nọ kuru.
9Onyẹ-isi ocho nọ danmịn mirin hụ họnringụ manya. Ọ marịn ebe ọ gha bịa, kanị ndị hụ rị e jẹn ozi a marịnghọ. Ya kẹ ọ nọ kpọ okẹnnyẹ hụ rị a gba ẹkụkwọ, 10sị a, “Ndị ọzọ ile e wepụhagụ manya ka a sụọ, ịhịan ile rajungụ ẹfọ wẹ kebe wepụha hụn sụọlẹni; kalẹ y'e bu hụnnị ka mma tọ d'e ru ogẹnni.”
11Imẹ Kana rị Galili kẹ Jesu nọ rụn ọrụn-atụmẹnya ibuzọnị o gi ghọsị onyẹ ọ wụ, ndị nsọnmazụụn a nọ kwerin'ẹ. 12Omẹgụ, Jesu lẹ nnẹ ẹ lẹ umunẹ ẹ lẹ ndị nsọnmazụụn a nọ shi Kapanọm, nọdị ebẹhụ ẹkẹrẹ.
Jesu E Jẹn Ụlọ-nsọ
(Mat 21.12-13; Mak 11.15-17; Luk 19.45-46)
13O rumẹ ogẹn ndị Ju gi e mẹ Mmẹmmẹ-nghafe, Jesu nọ shi Jerusalẹm. 14Ọ nọ hụn ndị rị ezi-ọgwa Ụlọ-nsọ ebẹhụ e re okẹn-efin lẹ atụnrụn lẹ oluikuku lẹ ndị a gbahutọ egho nọdịyeni teburu wẹ. 15Ọ nọ kpa iberi#2.15 Aya., gi ẹ chụpụ wẹ ile lẹ okẹn-efin wẹ imẹ Ụlọ-nsọ, bụọyịya egho ndị a gbahutọ egho, hukpumẹsọnmẹ teburu wẹ. 16Ọ sị ndị rị e re oluikuku, “Wepụ nị ihiẹn ndịnị ebeni; egizilẹ ni ụlọ Nẹdi m e họnrin afịa!”
17Ndị nsọnmazụụn a nọ nyanhan nị Ẹkụkwọ-nsọ sị, “Oku ụlọ ị jẹnkọ d'e bu m ri.”
18Ya kẹ ndị-ndu ndị Ju nọ sị a, “Ele ahịma kẹ y'e gi ghọsị nị Osolobuẹ sị ị mẹ ihiẹnni.”
19Jizọsị nọ za wẹ, sị, “Tikpọ nị Ụlọ-nsọnị, e gi m akpọhịn ẹtọ weshi ẹ elu.”
20Ya ndị-ndu ndị Ju nọ sị a, “Ụlọ-nsọnị wẹ gi ahụa isin-kwasị-ọgụnnaị tụn k'i jẹnkọ d'e gi akpọhịn ẹtọ weshi elu?” 21Kanị Ụlọ-nsọ Jesu rị e ku oku ẹ wụ ẹhụ a. 22Ogẹn Jesu gi ghagụ ọnwụn lihi, ndị nsọnmazụụn a nọ nwan nyanhan n'o kughọ ihiẹnni, wẹ nọ gi ihiẹn Ẹkụkwọ-nsọ ku lẹ ihiẹn Jesu ku dọn.
Jesu Marịn Kẹ Ịhịan Nọ
23Ogẹn Jesu gi rị imẹ Jerusalẹm ogẹn Mmẹmmẹ-nghafe, ndị bu ọda kwerin'ẹ makẹni wẹ hụn ọrụn-atụmẹnya ndị ọ rị a rụn. 24Kanị Jizọsị ebuni enwẹn ẹ ye wẹ, makẹni ọ marịngụọ kẹ ịhịan ile nọ. 25Ẹlẹ hụn w'e gi gwama a kẹ ịhịan nọ, makẹni ya lẹ enwẹn ẹ a marịngụọ ihiẹn rị imẹ ịhịan.
Одоогоор Сонгогдсон:
Jọnụ 2: ikkBI
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Jọnụ 2
2
Isi Nke Ẹbụọ
Jesu E Gi Mirin Họnrin Manya
1Hụn mẹ ẹ akpọhịn ẹtọ, o nwọn ndị rị a gba ẹkụkwọ imẹ Kana rị Galili. Nnẹ Jizọsị rị ebahụn. 2Wẹ kpọzịkwọ Jizọsị lẹ ndị nsọnmazụụn a agbamẹkụkwọ hụ. 3Manya a gụ, nnẹ Jizọsị nọ sị a, “Manya wẹ a gụ.” 4Jizọsị nọ sị a, “Okpoho, hatu m ye nụ, ogẹn m eke ru.” 5Nnẹ ẹ nọ sị ndị rị e jẹn ozi, “Ihiẹn ọwụlẹ ọ sị ụnụ mẹ, ụnụ e mẹ.”
6O nwọn ite-mirin isin wẹ gi ọmụma mẹmẹ rị ebahụn wẹ gi a chan ihiẹn ile w'a chan wẹ gi e mẹzu omẹnalị ndị Ju. Ohu-ohu imẹ wẹ e ripụ ite-mirin isẹn mọbụ ẹsa.
7Jesu nọ sị ndị ahụn rị e jẹn ozi, “Gbajun ni ite ndị hụ mirin.” Ya wẹ nọ gbajun wẹ pụ ọnụ. 8Ọ nọ sị wẹ, “Kuru ni nwan wejẹnni onyẹ-isi ocho.” Ya wẹ nọ kuru.
9Onyẹ-isi ocho nọ danmịn mirin hụ họnringụ manya. Ọ marịn ebe ọ gha bịa, kanị ndị hụ rị e jẹn ozi a marịnghọ. Ya kẹ ọ nọ kpọ okẹnnyẹ hụ rị a gba ẹkụkwọ, 10sị a, “Ndị ọzọ ile e wepụhagụ manya ka a sụọ, ịhịan ile rajungụ ẹfọ wẹ kebe wepụha hụn sụọlẹni; kalẹ y'e bu hụnnị ka mma tọ d'e ru ogẹnni.”
11Imẹ Kana rị Galili kẹ Jesu nọ rụn ọrụn-atụmẹnya ibuzọnị o gi ghọsị onyẹ ọ wụ, ndị nsọnmazụụn a nọ kwerin'ẹ. 12Omẹgụ, Jesu lẹ nnẹ ẹ lẹ umunẹ ẹ lẹ ndị nsọnmazụụn a nọ shi Kapanọm, nọdị ebẹhụ ẹkẹrẹ.
Jesu E Jẹn Ụlọ-nsọ
(Mat 21.12-13; Mak 11.15-17; Luk 19.45-46)
13O rumẹ ogẹn ndị Ju gi e mẹ Mmẹmmẹ-nghafe, Jesu nọ shi Jerusalẹm. 14Ọ nọ hụn ndị rị ezi-ọgwa Ụlọ-nsọ ebẹhụ e re okẹn-efin lẹ atụnrụn lẹ oluikuku lẹ ndị a gbahutọ egho nọdịyeni teburu wẹ. 15Ọ nọ kpa iberi#2.15 Aya., gi ẹ chụpụ wẹ ile lẹ okẹn-efin wẹ imẹ Ụlọ-nsọ, bụọyịya egho ndị a gbahutọ egho, hukpumẹsọnmẹ teburu wẹ. 16Ọ sị ndị rị e re oluikuku, “Wepụ nị ihiẹn ndịnị ebeni; egizilẹ ni ụlọ Nẹdi m e họnrin afịa!”
17Ndị nsọnmazụụn a nọ nyanhan nị Ẹkụkwọ-nsọ sị, “Oku ụlọ ị jẹnkọ d'e bu m ri.”
18Ya kẹ ndị-ndu ndị Ju nọ sị a, “Ele ahịma kẹ y'e gi ghọsị nị Osolobuẹ sị ị mẹ ihiẹnni.”
19Jizọsị nọ za wẹ, sị, “Tikpọ nị Ụlọ-nsọnị, e gi m akpọhịn ẹtọ weshi ẹ elu.”
20Ya ndị-ndu ndị Ju nọ sị a, “Ụlọ-nsọnị wẹ gi ahụa isin-kwasị-ọgụnnaị tụn k'i jẹnkọ d'e gi akpọhịn ẹtọ weshi elu?” 21Kanị Ụlọ-nsọ Jesu rị e ku oku ẹ wụ ẹhụ a. 22Ogẹn Jesu gi ghagụ ọnwụn lihi, ndị nsọnmazụụn a nọ nwan nyanhan n'o kughọ ihiẹnni, wẹ nọ gi ihiẹn Ẹkụkwọ-nsọ ku lẹ ihiẹn Jesu ku dọn.
Jesu Marịn Kẹ Ịhịan Nọ
23Ogẹn Jesu gi rị imẹ Jerusalẹm ogẹn Mmẹmmẹ-nghafe, ndị bu ọda kwerin'ẹ makẹni wẹ hụn ọrụn-atụmẹnya ndị ọ rị a rụn. 24Kanị Jizọsị ebuni enwẹn ẹ ye wẹ, makẹni ọ marịngụọ kẹ ịhịan ile nọ. 25Ẹlẹ hụn w'e gi gwama a kẹ ịhịan nọ, makẹni ya lẹ enwẹn ẹ a marịngụọ ihiẹn rị imẹ ịhịan.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.