Na Sailm 6

Salm 6.

Domine, ne in furore.

1A Thiarna, ná tabhair achasán dom agus fearg ort: agus ná cuir smacht orm agus tú i bhfíoch liom.

2Bíodh trócaire agat orm, a Thiarna, ó táim cloíte: a Thiarna, slánaigh mé, ó tá mo chnámha coscartha.

3Agus tá mórbhuaireamh ar mʼanam: ach, a Thiarna, cá fhad a bheidh tú do mo phianadh?

4Fill, a Thiarna, agus fuascail mʼanam: saor mé ar son do thrócaire.

5Óir sa bhás ní chuimhníonn aon duine ort: agus cé a thabharfaidh buíochas duit sa pholl?

6Táim tuirseach ag osnaíl: ním mo leaba gach oíche, agus fliuchaim mʼiomaí le mo dheora.

7Dʼimigh mo mhaise uaim le tréanbhuaireamh: críonadh í de bharr mo naimhde uile.

8Imigh uaim, a lucht déanta an díomhaointis: óir chuala an Tiarna fuaim mo chaointe.

9Chuala an Tiarna mʼachainíocha: glacfaidh an Tiarna le mo ghuí.

10Cuirfear náire agus mórbhuaireamh ar mo naimhde uile: cuirfear ar gcúl iad, agus cuirfear náire orthu go tobann.

Одоогоор Сонгогдсон:

Na Sailm 6: OC1965

Тодруулга

Хуваалцах

Хувилах

Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү