Matyo 2
2
Àgɔn byɛ â me nyɛrɛ zeʼe abɛɛ gli etaranchwe ngɛ
1Â bê Yeso efwɔ abɛ Bɛtlɛhɛm, efwɔ antiri afwɔ yɛ â ma zɔʼrɔ kpe Judeya ngɛ, efwɔ endzobo yɛ Hɛrɔd à mwɔ m̀fɔ̀ ngɛ. À sa ndada mpiʼ nɔ, bɔ deʼ byɛ â ma bɛ̀ɛrɛ ńtɔrɔta ngɛ, nyɛn abɛɛ gli etaranchwe zeʼe a Jerusalɛm. Angɔ à bwɛn a Jerusalɛm è biiri kpe; 2“Mbyɛɛ a zɔ etɔrɔta deʼ e gli zeʼe abɛɛ gli etaranchwe, ma tee kpe a shi bê M̀fɔ̀ bɔ Juu. E ne bê engɔ awe? Mbyɛɛ ne zeʼe é ghɔ engɔ.” 3Èndzobo chɛ M̀fɔ̀ Hɛrɔd à zo ebwa wunɔ ngɛ, ato ngɔ mane ato gho ŋwàʼaŋwàʼ a Jerusalɛm sam efwɔ. 4Éngɛ engɔ zɔʼ M̀fɔ̀rɔ̀ zhiri gimkpaʼ mane bàtee atsɛrɛ gimkpaʼ afwɔbi, gɛ̀rɛ̀ biiri ebe angɔ kpe, “E na ngo bê Ǹtɔmzhwaʼa Ngwe ngɛ awe?” 5Angɔ gíì kpe, “Efwɔ abɛ Bɛtlɛhɛm, efwɔ antiri angɔ yɛ e ma zɔʼrɔ kpe Judeya ngɛ. Ewunɔ ne ebwa wɛ ghontɔm Ngwe à ŋwɛʼrɛ ngɛ kpe, 6‘Bɛtlɛhɛm, efwɔ chwâ Judah, mbɔn ke me tɛŋɛ kpɛɛ fɔɔ entiri ebɛ abê efwɔ Juda bo mbɔʼnga ato deʼ ya ngo zeʼ endɔn, wɛ è ma ngo gbèe bɔ mbu Israel ngɛ.’ ” 7Éngɛ Hɛrɔd zɔ̂ʼ abɔ byɛ â ma bɛ̀ɛrɛ ńtɔrɔta ngɛ achimchim gɛrɛ biiri ebe angɔ mbɔʼ endzobo yɛ angɔ à zɔ etɔrɔta fyɛ gli ngɛ. 8Éngɛ engɔ saa angɔ a Bɛtlɛhɛm, è ndɛ̀ʼ etsɛrɛ ebe angɔ kpe, “Mbɔn ngɔɔ gɛ̀rɛ̀ zɛ̀ʼ afwɔ yɛ e me bê ŋwɔ mɔmbwo ngɛ anchwɔnchwɔ. Ma mbɔn zɔ́ mbɔn wu zeʼe le mmɛ nɛɛ, mbɔʼtye mmɛ gɛrɛ ngɔɔ ghɔ engɔ.” 9Angɔ zo aŋu m̀fɔ̀ à ga ngɛ nyɛ̀rɛ̀ aŋu ngɔɔ. Angɔ zɔ etɔrɔta ŋwaʼ fyɛ â zɔ́ abɛɛ gli etaranchwe ngɛ, e ma ngɔɔ embè angɔ karadidi ngɔɔ tam edɔm afwɔ yɛ eŋwɔ wɛ à me mwɔ ngɛ. 10Aŋu angɔ à zɔ́ etɔrɔta fyɛ ngɛ, angɔ gɛnɛ àmɔ̀ ngwo nɛɛ! 11Angɔ nyii ngɔɔ efwɔ ndɔ, gɛ̀rɛ̀ zɔ ŋwɔ wɛ mane abli mɔ Meri. Angɔ ngɔɔ a chwâ ene etongu àmɔ̀ gɛ̀rɛ̀ ghɔ engɔ. Angɔ chidi ela etɔ̧ɔrɔ àmɔ̀ efwɔ echwɔ̀ byɛ â mwɔ aklibi àfɔ̀n, adwe deʼ yɛ â ma zɔʼrɔ kpe frankinsɛns mane ngud zhwaʼ ekwa deʼ â ma zɔʼrɔ kpe Mɛyɛ ngɛ, gɛ̀rɛ̀ ndɛ̀ʼ ela byɛ ebe engɔ. 12Éngɛ angɔ ghɛɛbɛ ngɔɔ abɛ àmɔ̀ me fɔɔ me na aghɛʼ tsɛrɛ na aŋu Ngwe à shi gbeʼre eto angɔ ene nklama kpe angɔ ke wu ngɔɔ anjì ebe Hɛrɔd bo ngɛ.
Yɔsɛf nyɔɔ ngɔɔ abɛ Ejip
13Aŋu abɔ azɔm byɛ â shi ngɔɔ ngɛ, Angere Masakɛ zeʼe ene nklama gɛ̀rɛ̀ ga ebe Yɔsɛf kpe, “Hɛrɔd wa ngo ma zɛʼ eŋwɔ wɛ ma ke é zhudu, enga tam nu eŋwɔ wunɔ mane abli mɔ nyɔɔ ngɔɔ abɛ Ejip gɛ̀rɛ̀ tsɔmɔ aŋu bwɛn èndzobo chɛ mmɛ ma ngo ga kpe mbɔn nyɛrɛ ngɛ.” 14Éngɛ Yɔsɛf tam ambwɛrɛ, gɛ̀rɛ̀ nu eŋwɔ wunɔ mane abli mɔ gɛ̀rɛ̀ nyɛ̀n ǹklì nyɔɔ ngɔɔ abɛ Ejip. 15Angɔ à tsɔmɔ aŋu bwɛn èndzobo chɛ Hɛrɔd à ku ngɛ. Ene aghɛʼ zɔnɔ, ebwa wɛ Masakɛ à shi ga nyɛ̀rɛ̀ zeʼe achim àmɛnɛkɔn mɔ kpe, “Mmɛ chi ŋwɔanɔm ngu efwɔ abɛ Ejip” ngɛ gli éŋwaʼa.
M̀fɔ̀ Hɛrɔd ndɛʼ etsɛrɛ kpe e zhudu bwɔ
16Èndzobo chɛ Hɛrɔd à nɛɛ kpe bɔ azɔm byɛ à shi ndooro angbe ngɛ, engɔ bɔɔ etaa, è ndɛ̀ʼ etsɛrɛ kpe e zhudu bwɔanɔm gimkpaʼ byɛ e me nyɛrɛ ene enɔ̂m fyee sa ngɔ̀ɔ a chwâ ngɛ efwɔ abɛ Bɛtlɛhɛm mane ebɛ byɛ â mwɔ ebara aŋu ngɛ. Engɔ à fwɛʼ ebwa wunɔ nyɛ̀rɛ̀ zeʼe ene ebwa wɛ engɔ à bɛɛrɛ ebe bɔ azɔm mbɔʼ endzobo yɛ etɔrɔta fyɛ à gli ngɛ. 17Ene aghɛʼ zɔnɔ, ebwa wɛ Ngwe à ga nyɛ̀rɛ̀ zeʼe achim àmɛnɛkɔn mɔ Jerimaya ngɛ gli éŋwaʼa. 18Engɔ à ga kpe, “Èflabaku kwaʼ abɛ Rama, akwâ me koo ene eku̧u yɛ â me kama ngɛ, Rashɛl ma ku̧u ene bwɔ mɔ, engɔ tɔrɔ kpe e ke bɔŋɔ angbe bo, mbɔʼnga a shi kudu!”
Yɔsɛf ghɛɛbɛ abɛ Ejip
19Èndzobo chɛ Hɛrɔd à ku ngɛ, Angere Masakɛ zeʼe ebe Yɔsɛf ene nklama abɛ Ejip 20gɛ̀rɛ̀ ga ebe engɔ kpe, “Tam ekere nu eŋwɔ wunɔ mane áʼɔ̧̀ mɔ gɛ̀rɛ̀ ngɔɔ achim efwɔ chwâ Israel, mbɔʼnga abɔ byɛ â ma ke é zhudu eŋwɔ wɛ ngɛ à shi kudu.” 21Éngɛ Yɔsɛf tam ambwɛrɛ, nu eŋwɔ wɛ mane áʼɔ̧̀ mɔ gɛ̀rɛ̀ ngɔ̀ɔ achim efwɔ chwâ Israel. 22Bɛʼngɛ, èndzobo chɛ Yɔsɛf à zo kpe Archelaus shi nu afwɔ àtɛ mɔ Hɛrɔd na m̀fɔ̀ efwɔ abɛɛ abɛ Judeya ngɛ, engɔ sa bumu é ngɔ̀ɔ aŋu. Angere Masakɛ à shi gbeʼre ato ngɔ, engɔ ngɔɔ abɛɛ afwɔ tsɛrɛ efwɔ abɛɛ abɛ Galilii. 23Engɔ nyɛrɛ ngɔɔ tsɔmɔ efwɔ antiri abɛ deʼ yɛ â ma zɔʼrɔ kpe Nazarɛd ngɛ. Ene aghɛʼ zɔnɔ, ebwa wɛ Ngwe à shi ga nyɛ̀rɛ̀ zèʼe achim bàmɛnɛkɔn mɔ kpe, “E ba ngo sa zɔʼrɔ engɔ kpe gho Nazarɛd” ngɛ gli éŋwaʼa.
Одоогоор Сонгогдсон:
Matyo 2: nbt
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү