MATIU 4
4
Satan ga walar Jisas.
(Mak 1:12-13; Luk 4:1-13)
1 #
Hibru 2:18; 4:15 Io, no Tanuo gom lamus leh Jisas utuma ra katano bia, be Satan na walar ie. 2#KBk 34:28Ma be Jisas ga hahal aihet sangahul na kudulena bung bakut, iga taburungan um. 3Ma ne Satan, no ut na harwalar, ga hanawat igom tange tane Jisas, “Kaia, ing be a Natine God ugo, nu tange ta kike ra hot be di nage taar nian.”
4 #
Lo 8:3
Iesene Jisas ga balu ie, “Tike harkurai tane God di ga pakat ie uta mem ra matanabar i tange be, ‘Ira turadi pa di nale lon tano nian sene mon. Di lon ta ira nianga i hanana sur tano hone God.’”
5Io, Satan gom lamus leh Jisas utuma tano tamat na halhaaliena taman, Ierusalem. Igom hatur Jisas tuma nalu sakit tano ula hala tano tamat na hala na lotu. 6#Sam 91:11-12Satan gom tange tana, “Be ing a Natine God ugo, kaia, nu karwas sur, kinong ira nianga tane God ing di ga pakat ie i tange horek,
‘God na tule ira nuno angelo ura utam,
di na palim hatur ugo ma ira luma di,
waing pa nule sage ira kakim ra ula hot.’”
7 #
Lo 6:16
Jisas ga balu ie, “Tike harkurai tane God di ga pakat ie uta mem ira matanabar i tange be, ‘Waak mu walar no Watong, no numu God.’”
8Io, Satan ga lamus habaling leh ne Jisas utuma nalu tike tamat na uladih sakit. Igom hamanis ira kingdom tano ula hanuo bakut ma ira nudi minamar. 9Ma ne Satan ga tange tane Jisas, “Kike bakut iou ni ter leise tam ing be nu saga bukunkek ma nu lotu tupas iou.”
10 #
Lo 6:13
Jisas ga tange tana, “Satan, hana leh! Tike harkurai tane God di ga pakat ie uta mem ra matanabar i tange bileng hokarek, ‘Mu na lotu tupas no Watong no numu God, ma aie sene mon mu na hanapu mu tana.’”
11Io, Satan gom hana talur ie ma ira angelo di ga me harahut ie.
No hinanawat tane Jisas ga haruat ma tike lulungo.
(Mak 1:14-15; Luk 4:14-15)
12 #
Matiu 14:3; Mak 6:17; Luk 3:19-20 Ma namur di ga halala Jon no ut na baptais ra hala na harpadano. Ma be Jisas ga ser leh hobi iga baling utuma Galili. 13Pai gale kis Nasaret, iesene iga hanahut utuma tano taman Kapeneam i hutate tano tamat na taho kis Galili, naramon tano katano Sebulon ma Napitali. 14Iga ngan hobi ura hatutuno ira nianga tane God ing no tangetus Aisaia ga tange hokarek,
15 #
Ais 9:1-2
“Mu tano katano Sebulon ma Napitali,
mu tano ngasur utusu ra tamat na taho kis, ma mu kaia ra hena taho Ioridan,
ma mu bileng tano katano Galili uta di pa dile Iudeia,
16mu ira matanabar ing mu la kiskis ra kadado,
mu te nes a tamat na lulungo;
ma mu ing mu la kis ter tano katano tano hena ra minat,
tike lulungo te hapalaine mu.”
17 #
Matiu 3:2; 19:27 Tur leh ta ikino pana bung Jisas ga harpir horek: “Mu na lilik pukus talur ira numu sana tintalen kinong no pana bung tano kingdom tane God irek.”
Jisas ga tato leh ira ut na kap aen.
(Mak 1:16-20; Luk 5:1-11)
18Be ne Jisas ga hanana ra hena no tamat na taho kis Galili iga nes leh airuo ut na kap aen, dur tesne, ne Simon nong di kilam ie be Pita, ma no tesne Andru, dur ga isise tike ubane. 19Ma ne Jisas ga tange ta dur, “Mur na mur iou ma ni hausur mur ura soh turadi.” 20Dur ga hana sukun haiane ira nudur ubane ma dur ga mur ie.
21Iga hana hakakari leh mekaia, igom nes airuo mes na hatatesne, Jemes no natine Sebedi, ma no tesne Jon. Duhat tamana ga kis ter tano mon ma dur ga tangtagure ira nudur ubane. 22Jisas ga tato dur ma kaie iat mon dur ga hana talur no mon ma no nudur mama, dur gom mur ie.
Jisas ga harpir ma iga halangalanga ira ina minaset.
(Luk 6:17-19)
23 #
Matiu 9:35; Mak 1:39; Apostolo 10:38 Io, Jisas ga hana tano katano bakut Galili, igom hausur naramon ta ira nudi hala na lotu. Ma iga harpir tano tahut na hininaawas utano kingdom tane God. Ma iga halangalanga di ta ira mangana minaset ing iga kabit di. 24#Mak 6:55Kaie, no hininaawas ura utana gom hana hurbit tano katano bakut Siria. Ma ira matanabar di ga kap hawat ira mangana minaset ukaia hone Jisas. Ari ga ubal di ra tamat na ngunungut, ari sana tanuo ga sasoh ta di, ari ngokngok, ma ari pengpeng. Ma ne Jisas ga halangalanga di. 25#Mak 3:7-8Ma a tamat na matanabar me Galili, Dekapolis, Ierusalem, Iudeia, ma no katano tano mes na palpal tano taho Ioridan, di ga murmur ie.
Одоогоор Сонгогдсон:
MATIU 4: GFKS
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2017, Wycliffe Bible Translators, Inc. All rights reserved.
MATIU 4
4
Satan ga walar Jisas.
(Mak 1:12-13; Luk 4:1-13)
1 #
Hibru 2:18; 4:15 Io, no Tanuo gom lamus leh Jisas utuma ra katano bia, be Satan na walar ie. 2#KBk 34:28Ma be Jisas ga hahal aihet sangahul na kudulena bung bakut, iga taburungan um. 3Ma ne Satan, no ut na harwalar, ga hanawat igom tange tane Jisas, “Kaia, ing be a Natine God ugo, nu tange ta kike ra hot be di nage taar nian.”
4 #
Lo 8:3
Iesene Jisas ga balu ie, “Tike harkurai tane God di ga pakat ie uta mem ra matanabar i tange be, ‘Ira turadi pa di nale lon tano nian sene mon. Di lon ta ira nianga i hanana sur tano hone God.’”
5Io, Satan gom lamus leh Jisas utuma tano tamat na halhaaliena taman, Ierusalem. Igom hatur Jisas tuma nalu sakit tano ula hala tano tamat na hala na lotu. 6#Sam 91:11-12Satan gom tange tana, “Be ing a Natine God ugo, kaia, nu karwas sur, kinong ira nianga tane God ing di ga pakat ie i tange horek,
‘God na tule ira nuno angelo ura utam,
di na palim hatur ugo ma ira luma di,
waing pa nule sage ira kakim ra ula hot.’”
7 #
Lo 6:16
Jisas ga balu ie, “Tike harkurai tane God di ga pakat ie uta mem ira matanabar i tange be, ‘Waak mu walar no Watong, no numu God.’”
8Io, Satan ga lamus habaling leh ne Jisas utuma nalu tike tamat na uladih sakit. Igom hamanis ira kingdom tano ula hanuo bakut ma ira nudi minamar. 9Ma ne Satan ga tange tane Jisas, “Kike bakut iou ni ter leise tam ing be nu saga bukunkek ma nu lotu tupas iou.”
10 #
Lo 6:13
Jisas ga tange tana, “Satan, hana leh! Tike harkurai tane God di ga pakat ie uta mem ra matanabar i tange bileng hokarek, ‘Mu na lotu tupas no Watong no numu God, ma aie sene mon mu na hanapu mu tana.’”
11Io, Satan gom hana talur ie ma ira angelo di ga me harahut ie.
No hinanawat tane Jisas ga haruat ma tike lulungo.
(Mak 1:14-15; Luk 4:14-15)
12 #
Matiu 14:3; Mak 6:17; Luk 3:19-20 Ma namur di ga halala Jon no ut na baptais ra hala na harpadano. Ma be Jisas ga ser leh hobi iga baling utuma Galili. 13Pai gale kis Nasaret, iesene iga hanahut utuma tano taman Kapeneam i hutate tano tamat na taho kis Galili, naramon tano katano Sebulon ma Napitali. 14Iga ngan hobi ura hatutuno ira nianga tane God ing no tangetus Aisaia ga tange hokarek,
15 #
Ais 9:1-2
“Mu tano katano Sebulon ma Napitali,
mu tano ngasur utusu ra tamat na taho kis, ma mu kaia ra hena taho Ioridan,
ma mu bileng tano katano Galili uta di pa dile Iudeia,
16mu ira matanabar ing mu la kiskis ra kadado,
mu te nes a tamat na lulungo;
ma mu ing mu la kis ter tano katano tano hena ra minat,
tike lulungo te hapalaine mu.”
17 #
Matiu 3:2; 19:27 Tur leh ta ikino pana bung Jisas ga harpir horek: “Mu na lilik pukus talur ira numu sana tintalen kinong no pana bung tano kingdom tane God irek.”
Jisas ga tato leh ira ut na kap aen.
(Mak 1:16-20; Luk 5:1-11)
18Be ne Jisas ga hanana ra hena no tamat na taho kis Galili iga nes leh airuo ut na kap aen, dur tesne, ne Simon nong di kilam ie be Pita, ma no tesne Andru, dur ga isise tike ubane. 19Ma ne Jisas ga tange ta dur, “Mur na mur iou ma ni hausur mur ura soh turadi.” 20Dur ga hana sukun haiane ira nudur ubane ma dur ga mur ie.
21Iga hana hakakari leh mekaia, igom nes airuo mes na hatatesne, Jemes no natine Sebedi, ma no tesne Jon. Duhat tamana ga kis ter tano mon ma dur ga tangtagure ira nudur ubane. 22Jisas ga tato dur ma kaie iat mon dur ga hana talur no mon ma no nudur mama, dur gom mur ie.
Jisas ga harpir ma iga halangalanga ira ina minaset.
(Luk 6:17-19)
23 #
Matiu 9:35; Mak 1:39; Apostolo 10:38 Io, Jisas ga hana tano katano bakut Galili, igom hausur naramon ta ira nudi hala na lotu. Ma iga harpir tano tahut na hininaawas utano kingdom tane God. Ma iga halangalanga di ta ira mangana minaset ing iga kabit di. 24#Mak 6:55Kaie, no hininaawas ura utana gom hana hurbit tano katano bakut Siria. Ma ira matanabar di ga kap hawat ira mangana minaset ukaia hone Jisas. Ari ga ubal di ra tamat na ngunungut, ari sana tanuo ga sasoh ta di, ari ngokngok, ma ari pengpeng. Ma ne Jisas ga halangalanga di. 25#Mak 3:7-8Ma a tamat na matanabar me Galili, Dekapolis, Ierusalem, Iudeia, ma no katano tano mes na palpal tano taho Ioridan, di ga murmur ie.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
© 2017, Wycliffe Bible Translators, Inc. All rights reserved.