Lukas 1
1
Lukas at Taguna fag Longan
1Sama Teufilu, ngayu wan at nariruk sa baliwa at ngay kin-gurungan ebi si antam. 2Ka fag ngay tagriruk nariruk ebi em ngay nadungug, ay at ngay nalag ay nafoyung faglongan ebi sfagsigadan. 3Ay katanya tuway, anggan aw gananfatabanun akyangay nanriruk ka fag ngay fagbulun, laman e fanambagun yangay o, sama Teufilu. Anway glugo wan nu gadal aw sanya baliwa siginan was fagsigadan. 4Nanriruk aw laman sumaful tuwo fiya fiya te, matuyan wa ngaro fiya am ngay nadungug at nafoyung ebi.
Nafoyung Uan Tagfasurung nu Kasalug Ban
5Ebi gina Erudes at fun sas talun Udiya, at taganyun ginanya at ngayan, Sakariyas. Kanya siginans Abiya fag fulan taganyun. Ay Sakariyas mangena at ngayan Elisabet, siginans Arun fag fulan taw. 6Ay ka fag daduwa sik tagfaning dawdaw sas Diyus. Madyay di e nasalan nu gfaning fagayu tam Fun at ngay suguwan ay ngay foyungan. 7Ay ka fag daduwa we unga, anway Elisabet wa gunga. Ay manga te, kafufuyna wan ay kafufuwama wan.
8Ay ginanya Sakariyas ay anggan fagayu sa at fulan taganyun nanfaning taganyun at ugali laman nanfagbulun sas Diyus bale. 9Ka fag ngay taganyun gfaning at ugali, ay gfe fagsafulan yay te, “Sinu ban tam at sumakbo sa tam Fun Diyus bale laman nanbatas sik bebanglu sanya.” Ay at nafili, Sakariyas. 10Ay gina Sakariyas gbatas bebanglu, ngay taw igdarangin sa sangaba day bale. 11Ay tam Fun Diyus at tagfabarita malindug sis day fagyagoan sas siyun baliwa, ay insure sas Sakariyas. 12Ay Sakariyas nu nalag nadulawan ay kalimu dawdaw. 13Ay ka fag tagfabarita nalong te, “Sakariyas, lag kalimu, anway Diyus nadungug am darangin. Ay am mangena, Elisabet, gfasalug ban sik ama. Ay fangayani ban anya te, Uan. 14Ay guseganan ban o dawdaw, ay anggan ngayuk taw guseganan yangay ban ay ngenge at kumsalug. 15Anway am baguwama ban at madaragang fag taw sas Fun Diyus at akbang. Ay kanya di ban ginum wat buwadan safa ay anggan tibak fangaranug. Ay siginan ngay yud insalug, at Masine fag Falad igmagurang wa anya. 16Ay am baguwama ban at fafoli ngayuk taw Israel sat Fun Diyus. 17Ay kanya gumuna ban sa tam Fun. Ay at masine fag falad ay at fagmadaragangun katvngvd yangay ebi fag taglong at ngayan Elyas, laman ban anggan tibak ama kesug tuwa at sisiyan ay ngay takamabo gamatangan tuwa kata sik taw at matuyan. Katanya ban am baguwama at fagbulun, laman nanfamasadan sik ngay taw laman Diyus at ngay taw ban.”
18Ay Sakariyas nalong sas tagfabarita te, “Mafufuwama kwan ay ku mangena mafufuyna wan ay nainto yay anya te, tain ban nu sumaful aw te, matuyan am longan?” 19Ay at tagfabarita nabalus sas Sakariyas te, “Aw wan, ku ngayan Gabriyel. Ay nu gbanwan aw sas Diyus at akbang. Ay kanya at nasugu angku laman nanfoyung aw emu tuy fag barita at masine. 20Dungugani ku longan sa emu. Wa ro o mafaelongan siginan katsi yap ngay in-gurungan ku longan, anway wo gafanud sa ku longan katsi. Ay ku longan umgurungan wa ban fiya gina umdasug at menit.”
21Ay ngay taw gfanya wa gugat Sakariyas nu glaklo ay gamatangan te, “Taw manga at faglugoun sas Diyus basad bale?” 22Ay Sakariyas gina nalaklo, wa mafaelongan sa sangay taw. Ay ngay taw nasaful te, “Nu nda tam Diyus e nafalag Sakariyas gina sad bale.” Ay Sakariyas gfauwigan way at take ay wa mafaelongan.
23Ay Sakariyas nu ntabu at fagbulun ginanya fag ngay menit sis Diyus bale, kanya noli wa sat bale. 24Ay bandi tv, at mangena, Elisabet, gfafiyon wan. Ay si way sad bale limak magdanun. 25Ay Elisabet nalong te, “Katanya tam Fun at nafagbulun nu gtarabang angku, laman dakdi ban mapla ku iba.”
Nafoyung Isus nu Kasalug Ban
26Gina unumk magdanun Elisabet nu gfafiyon, Diyus nasugu at tagfabarita, Gabriyel, laman umsure sa sik fulan at ngayan Nasaret sis Galiliya fag talun. 27Ay sanya e sik baguyna yud batang e natsa anya, kanya Use fasad ban mangena. Use, fun Dabid at kadagdagan at sadi. Ay ka fag baguyna at ngayan Maria. 28Ay ka fag tagfabarita nkakbang sas Maria ay nalong te, “Useganani. Tam Fun Diyus gufud ay gtarabang tuwa emu.” 29Ay Maria nu nadungug gadayuwan dawdaw sat amatanganan, ay gamatanganan te, “Taw manga at longan angku at masuwad?” 30Ay ka fag tagfabarita nalong te, “Maria, lag kalimu. Diyus kesug tuwa emu. 31Dungugani! Gfafiyon ban o, ay gfasalug ban o sik ama. Ay gfangayan ban o anya, Isus. 32Ay kanya madaragang ban dawdaw, ay gfangayan ban anya te, Tiba Tungud fag Diyus at Baguwama. Ay tam Fun tam Diyus gfon ban anya at aguyangan Dabid at fagmagurangan. 33Ay kanya nanmagurang ban sas Akub at kadagdagan faggugat. Ay nu gmagurang ban, we fakatabuwan.”
34Ay Maria nalong sa ka fag tagfabarita te, “Setain ro nu kyay e mangama?”
35Ay ka fag tagfabarita nabalus te, “At Masine fag Falad umdasug ban sa emu, ay tam Diyus at Tiba Tungud at fagmadaragangun suma ban emu. Anway am fagfasalugun ban fag ngenge malayun tuwa sat masine. Ay e nafangayan ban anya te, Diyus at Baguwama. 36Dungugani ku longan. Katsi am kalongan Elisabet, dewa mafufuyna, gfafiyon wan sik ama, ay katsi at faunum wak magdanun. Ebi tiba gfangayan anya te, wa kaunga. 37Diyus at longan fagayu, kagurungan tuwa.”
38Ay Maria nalong te, “E kin. Aw wan tam Fun Diyus at fanuguwan. Ay umgurungan wa fiya am longan sa angku.” Ay rodi ka fag tagfabarita nalo wan.
Maria Nananlinggat Elisabet
39Ginanya fag ngay menit, Maria nafamasadan ay mafali nu glo sas tagbudbugsulanun fag lungud talun, sa sik fulan sis talun Udiya. 40Ay nu ndasug sanya, nasakbo sas Sakariyas at bale ay ginto sas Elisabet te, “Go manabayan tuwo?” 41Ay Elisabet nu nadungug Maria at longan, at fagfafiyonun glelegan dawdaw. Ay at Masine fag Falad igmagurang Elisabet. 42Ay Elisabet gbiya nu gelongan te, “Diyus natarabang emu glabi yay sa tibak mangena. Ay Diyus natarabang yangay anggan sa am fagfafiyonun sigon. 43Sinu aw, o ku Fun at tina, am fagindasugun ste sa angku? 44Nu nadungug aw am longan, ku fagfafiyonun glelegan guseganan. 45Guseganan o tagafanud te, umgurungan wa ban fiya tam Fun tam Diyus at longan sa emu.”
Maria at Danyu
46Ay Maria nalong te,
“Aw, gseg aw dawdaw tam Fun tam Diyus!
47Ay ku falad guseganan yangay sas Diyus ku tagfalangfe,
48anway Diyus infanyu tuwa angku, at mafanalo fag fanuguwan.
Siginan katsi fagayu sugfun taw
gfangayan ban angku te, ‘Sik Taguseganan.’
49Anway mason nu madulawan Diyus at Madaragang at nafagbulun sa angku.
Ay at ngayan Malayun sat Masine.
50Ay Diyus kafanyu tuwa fagayu sugfun taw tagseg sa anya.
51Ay nafalag at madulawan fag ngay fagbulun sa sangay taw.
Ay kanya nafasadsamanan at ngay tagfaabatun sat amatanganan.
52Ay nafababa ngay fun siginan at fagmagurangan.
Ay nafatiba tungud tagafalingunan fag ngay taw.
53Ay nafon at masine sa takalunus laman mapsug.
Ay naayan at mabalan fag taw yud e ubanan at nanuranan.
54-55Ay kanya natarabang antam, itam Israel at ngay kadagdagan, at ngay fanuguwan,
anway di kalyaman at nafatuyanan sa tam ngay aguyangan Abrayam ay sa at kadagdagan te, ‘Kafanyu aw anya faggugat ban.’ ”
56Ay Maria nabanwan yay sis Elisabet bale nu ndain tuluk magdanun. Ay bandi, noli wa sat fulan.
Uan Tagfasurung nu Kasalug
57Indasug wan at lungud Elisabet nu gfasalug. Ay kanya nafasalug sik ama. 58Ay at ngay fasabale#1:58 fasabale: Sis Faniganun, kapitbahay. ay anggan at ngay kalongan nadungug te, Diyus infanyu dawdaw Elisabet. Ay ka fag ngay taw guseganan gfasfuwan Elisabet.
59Ay nu siwas fawaluk menit gfaning ngay taw Udyu at ugali nu gtuli. Ay ginanya ka fag ngay taw indasug ay gananfangayanun ka fag ngenge te, Sakariyas, kata at tama ngayan. 60Ay roro Elisabet nalong te, “Yaya! Uan yakman at ngayan.” 61Ay at tiba glong sas Elisabet te, “Yaya, wam e kalongan at ke ngayan Uan.” 62Ay at tiba gyafe Sakariyas te, “Go takanya am fakaumsigun at ngayan?” 63Ay Sakariyas naet sik fagrirukan, ay igriruk te, “At ngayan antuwa Uan.” Ay at tiba namatangan te, “Taw ro at fakatanyaun?” 64Ay rodi daw Sakariyas gdog yangay mafaelongan, ay gseg yangay Diyus. 65Ay at ngay fasabale kalimu dawdaw, ay fagayu taw sas tagbudbugsulanun fag lungud talun Udiya at sulitanan sa wa baliwa at kin-gurungan. 66Ay fagayu at nadungug gamatanganan te, “Tain ban kanya fag ngenge?” Anway Diyus wa at fagmadaragangun tagufud anya.
Sakariyas at Naguna Nafoyung
67Ay at Masine fag Falad igmagurang Sakariyas, Uan Tagfasurung tama, ay gfoyung te,
68“Segi tam Fun, taw Israel at Diyus.
Anway kanya ndasug tuwa laman gfalangfe at ngay taw.
69Ay kanya nafasure sa antam sik Tagfalangfe at Madaragang siginan at fanuguwan Dabid at kadagdagan,
70kata ebi at nafili fag ngay taglong at longan.
71Ay Diyus gfalangfe antam
siginan tam ngay fabarangyan,
ay siginan at ngay takadotama antam at fagmadaragangun.
72Ay gfalag at fakafanyuun sa tam ngay aguyangan, laman di kalyaman at ngay fatuyanan at matuyan,
73at nafatuyanan sa tam aguyangan Abrayam te,
74gfalangfe ban antam sa takalimata antam,
laman mafafagbulun tuwa tam sa anya yud e nalimuwan,
75ay laman masine ay matuyan tuwa tam fagbulun sas Diyus at daga salubangan kaduge tam gleleg.
76Ay o, ku ngenge, e gfangayan ban emu te,
Diyus at Tagtiba Tungud at Taglong.
Anway gumuna ban o tam Fun,
laman nanfamasadan ban o at dalan.
77Ay laman nanfoyung ban o sas Diyus at ngay taw te,
‘Diyus at fagbalabagun at masuwad te, gfalyam ngay taw asalanan,’
78anway tam Diyus kafanyu tuwa antam.
Ay kanya nanfasure ban sa antam
kata sik bagu fag menit siginans banwa,
79laman fagayu tagbanwan sasad marum ay takalimu sas fakateun e fagmayamagun tuwa.
Ay at fagnanfoyungun ban antam,
laman nu glo tam sa tuwa at manabayan fag dalan.”
80Ay Sakariyas at ngenge nu kadaul wan, matvngvd tuwa nu gamatangan sat masine. Ay sa ways talun at yud e taw nu gbanwan ay nu gfasigad gfoyung sa sangay taw Israel.
Одоогоор Сонгогдсон:
Lukas 1: TAWEAST
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Copyright © 2023 by OMF International, Philippines
Lukas 1
1
Lukas at Taguna fag Longan
1Sama Teufilu, ngayu wan at nariruk sa baliwa at ngay kin-gurungan ebi si antam. 2Ka fag ngay tagriruk nariruk ebi em ngay nadungug, ay at ngay nalag ay nafoyung faglongan ebi sfagsigadan. 3Ay katanya tuway, anggan aw gananfatabanun akyangay nanriruk ka fag ngay fagbulun, laman e fanambagun yangay o, sama Teufilu. Anway glugo wan nu gadal aw sanya baliwa siginan was fagsigadan. 4Nanriruk aw laman sumaful tuwo fiya fiya te, matuyan wa ngaro fiya am ngay nadungug at nafoyung ebi.
Nafoyung Uan Tagfasurung nu Kasalug Ban
5Ebi gina Erudes at fun sas talun Udiya, at taganyun ginanya at ngayan, Sakariyas. Kanya siginans Abiya fag fulan taganyun. Ay Sakariyas mangena at ngayan Elisabet, siginans Arun fag fulan taw. 6Ay ka fag daduwa sik tagfaning dawdaw sas Diyus. Madyay di e nasalan nu gfaning fagayu tam Fun at ngay suguwan ay ngay foyungan. 7Ay ka fag daduwa we unga, anway Elisabet wa gunga. Ay manga te, kafufuyna wan ay kafufuwama wan.
8Ay ginanya Sakariyas ay anggan fagayu sa at fulan taganyun nanfaning taganyun at ugali laman nanfagbulun sas Diyus bale. 9Ka fag ngay taganyun gfaning at ugali, ay gfe fagsafulan yay te, “Sinu ban tam at sumakbo sa tam Fun Diyus bale laman nanbatas sik bebanglu sanya.” Ay at nafili, Sakariyas. 10Ay gina Sakariyas gbatas bebanglu, ngay taw igdarangin sa sangaba day bale. 11Ay tam Fun Diyus at tagfabarita malindug sis day fagyagoan sas siyun baliwa, ay insure sas Sakariyas. 12Ay Sakariyas nu nalag nadulawan ay kalimu dawdaw. 13Ay ka fag tagfabarita nalong te, “Sakariyas, lag kalimu, anway Diyus nadungug am darangin. Ay am mangena, Elisabet, gfasalug ban sik ama. Ay fangayani ban anya te, Uan. 14Ay guseganan ban o dawdaw, ay anggan ngayuk taw guseganan yangay ban ay ngenge at kumsalug. 15Anway am baguwama ban at madaragang fag taw sas Fun Diyus at akbang. Ay kanya di ban ginum wat buwadan safa ay anggan tibak fangaranug. Ay siginan ngay yud insalug, at Masine fag Falad igmagurang wa anya. 16Ay am baguwama ban at fafoli ngayuk taw Israel sat Fun Diyus. 17Ay kanya gumuna ban sa tam Fun. Ay at masine fag falad ay at fagmadaragangun katvngvd yangay ebi fag taglong at ngayan Elyas, laman ban anggan tibak ama kesug tuwa at sisiyan ay ngay takamabo gamatangan tuwa kata sik taw at matuyan. Katanya ban am baguwama at fagbulun, laman nanfamasadan sik ngay taw laman Diyus at ngay taw ban.”
18Ay Sakariyas nalong sas tagfabarita te, “Mafufuwama kwan ay ku mangena mafufuyna wan ay nainto yay anya te, tain ban nu sumaful aw te, matuyan am longan?” 19Ay at tagfabarita nabalus sas Sakariyas te, “Aw wan, ku ngayan Gabriyel. Ay nu gbanwan aw sas Diyus at akbang. Ay kanya at nasugu angku laman nanfoyung aw emu tuy fag barita at masine. 20Dungugani ku longan sa emu. Wa ro o mafaelongan siginan katsi yap ngay in-gurungan ku longan, anway wo gafanud sa ku longan katsi. Ay ku longan umgurungan wa ban fiya gina umdasug at menit.”
21Ay ngay taw gfanya wa gugat Sakariyas nu glaklo ay gamatangan te, “Taw manga at faglugoun sas Diyus basad bale?” 22Ay Sakariyas gina nalaklo, wa mafaelongan sa sangay taw. Ay ngay taw nasaful te, “Nu nda tam Diyus e nafalag Sakariyas gina sad bale.” Ay Sakariyas gfauwigan way at take ay wa mafaelongan.
23Ay Sakariyas nu ntabu at fagbulun ginanya fag ngay menit sis Diyus bale, kanya noli wa sat bale. 24Ay bandi tv, at mangena, Elisabet, gfafiyon wan. Ay si way sad bale limak magdanun. 25Ay Elisabet nalong te, “Katanya tam Fun at nafagbulun nu gtarabang angku, laman dakdi ban mapla ku iba.”
Nafoyung Isus nu Kasalug Ban
26Gina unumk magdanun Elisabet nu gfafiyon, Diyus nasugu at tagfabarita, Gabriyel, laman umsure sa sik fulan at ngayan Nasaret sis Galiliya fag talun. 27Ay sanya e sik baguyna yud batang e natsa anya, kanya Use fasad ban mangena. Use, fun Dabid at kadagdagan at sadi. Ay ka fag baguyna at ngayan Maria. 28Ay ka fag tagfabarita nkakbang sas Maria ay nalong te, “Useganani. Tam Fun Diyus gufud ay gtarabang tuwa emu.” 29Ay Maria nu nadungug gadayuwan dawdaw sat amatanganan, ay gamatanganan te, “Taw manga at longan angku at masuwad?” 30Ay ka fag tagfabarita nalong te, “Maria, lag kalimu. Diyus kesug tuwa emu. 31Dungugani! Gfafiyon ban o, ay gfasalug ban o sik ama. Ay gfangayan ban o anya, Isus. 32Ay kanya madaragang ban dawdaw, ay gfangayan ban anya te, Tiba Tungud fag Diyus at Baguwama. Ay tam Fun tam Diyus gfon ban anya at aguyangan Dabid at fagmagurangan. 33Ay kanya nanmagurang ban sas Akub at kadagdagan faggugat. Ay nu gmagurang ban, we fakatabuwan.”
34Ay Maria nalong sa ka fag tagfabarita te, “Setain ro nu kyay e mangama?”
35Ay ka fag tagfabarita nabalus te, “At Masine fag Falad umdasug ban sa emu, ay tam Diyus at Tiba Tungud at fagmadaragangun suma ban emu. Anway am fagfasalugun ban fag ngenge malayun tuwa sat masine. Ay e nafangayan ban anya te, Diyus at Baguwama. 36Dungugani ku longan. Katsi am kalongan Elisabet, dewa mafufuyna, gfafiyon wan sik ama, ay katsi at faunum wak magdanun. Ebi tiba gfangayan anya te, wa kaunga. 37Diyus at longan fagayu, kagurungan tuwa.”
38Ay Maria nalong te, “E kin. Aw wan tam Fun Diyus at fanuguwan. Ay umgurungan wa fiya am longan sa angku.” Ay rodi ka fag tagfabarita nalo wan.
Maria Nananlinggat Elisabet
39Ginanya fag ngay menit, Maria nafamasadan ay mafali nu glo sas tagbudbugsulanun fag lungud talun, sa sik fulan sis talun Udiya. 40Ay nu ndasug sanya, nasakbo sas Sakariyas at bale ay ginto sas Elisabet te, “Go manabayan tuwo?” 41Ay Elisabet nu nadungug Maria at longan, at fagfafiyonun glelegan dawdaw. Ay at Masine fag Falad igmagurang Elisabet. 42Ay Elisabet gbiya nu gelongan te, “Diyus natarabang emu glabi yay sa tibak mangena. Ay Diyus natarabang yangay anggan sa am fagfafiyonun sigon. 43Sinu aw, o ku Fun at tina, am fagindasugun ste sa angku? 44Nu nadungug aw am longan, ku fagfafiyonun glelegan guseganan. 45Guseganan o tagafanud te, umgurungan wa ban fiya tam Fun tam Diyus at longan sa emu.”
Maria at Danyu
46Ay Maria nalong te,
“Aw, gseg aw dawdaw tam Fun tam Diyus!
47Ay ku falad guseganan yangay sas Diyus ku tagfalangfe,
48anway Diyus infanyu tuwa angku, at mafanalo fag fanuguwan.
Siginan katsi fagayu sugfun taw
gfangayan ban angku te, ‘Sik Taguseganan.’
49Anway mason nu madulawan Diyus at Madaragang at nafagbulun sa angku.
Ay at ngayan Malayun sat Masine.
50Ay Diyus kafanyu tuwa fagayu sugfun taw tagseg sa anya.
51Ay nafalag at madulawan fag ngay fagbulun sa sangay taw.
Ay kanya nafasadsamanan at ngay tagfaabatun sat amatanganan.
52Ay nafababa ngay fun siginan at fagmagurangan.
Ay nafatiba tungud tagafalingunan fag ngay taw.
53Ay nafon at masine sa takalunus laman mapsug.
Ay naayan at mabalan fag taw yud e ubanan at nanuranan.
54-55Ay kanya natarabang antam, itam Israel at ngay kadagdagan, at ngay fanuguwan,
anway di kalyaman at nafatuyanan sa tam ngay aguyangan Abrayam ay sa at kadagdagan te, ‘Kafanyu aw anya faggugat ban.’ ”
56Ay Maria nabanwan yay sis Elisabet bale nu ndain tuluk magdanun. Ay bandi, noli wa sat fulan.
Uan Tagfasurung nu Kasalug
57Indasug wan at lungud Elisabet nu gfasalug. Ay kanya nafasalug sik ama. 58Ay at ngay fasabale#1:58 fasabale: Sis Faniganun, kapitbahay. ay anggan at ngay kalongan nadungug te, Diyus infanyu dawdaw Elisabet. Ay ka fag ngay taw guseganan gfasfuwan Elisabet.
59Ay nu siwas fawaluk menit gfaning ngay taw Udyu at ugali nu gtuli. Ay ginanya ka fag ngay taw indasug ay gananfangayanun ka fag ngenge te, Sakariyas, kata at tama ngayan. 60Ay roro Elisabet nalong te, “Yaya! Uan yakman at ngayan.” 61Ay at tiba glong sas Elisabet te, “Yaya, wam e kalongan at ke ngayan Uan.” 62Ay at tiba gyafe Sakariyas te, “Go takanya am fakaumsigun at ngayan?” 63Ay Sakariyas naet sik fagrirukan, ay igriruk te, “At ngayan antuwa Uan.” Ay at tiba namatangan te, “Taw ro at fakatanyaun?” 64Ay rodi daw Sakariyas gdog yangay mafaelongan, ay gseg yangay Diyus. 65Ay at ngay fasabale kalimu dawdaw, ay fagayu taw sas tagbudbugsulanun fag lungud talun Udiya at sulitanan sa wa baliwa at kin-gurungan. 66Ay fagayu at nadungug gamatanganan te, “Tain ban kanya fag ngenge?” Anway Diyus wa at fagmadaragangun tagufud anya.
Sakariyas at Naguna Nafoyung
67Ay at Masine fag Falad igmagurang Sakariyas, Uan Tagfasurung tama, ay gfoyung te,
68“Segi tam Fun, taw Israel at Diyus.
Anway kanya ndasug tuwa laman gfalangfe at ngay taw.
69Ay kanya nafasure sa antam sik Tagfalangfe at Madaragang siginan at fanuguwan Dabid at kadagdagan,
70kata ebi at nafili fag ngay taglong at longan.
71Ay Diyus gfalangfe antam
siginan tam ngay fabarangyan,
ay siginan at ngay takadotama antam at fagmadaragangun.
72Ay gfalag at fakafanyuun sa tam ngay aguyangan, laman di kalyaman at ngay fatuyanan at matuyan,
73at nafatuyanan sa tam aguyangan Abrayam te,
74gfalangfe ban antam sa takalimata antam,
laman mafafagbulun tuwa tam sa anya yud e nalimuwan,
75ay laman masine ay matuyan tuwa tam fagbulun sas Diyus at daga salubangan kaduge tam gleleg.
76Ay o, ku ngenge, e gfangayan ban emu te,
Diyus at Tagtiba Tungud at Taglong.
Anway gumuna ban o tam Fun,
laman nanfamasadan ban o at dalan.
77Ay laman nanfoyung ban o sas Diyus at ngay taw te,
‘Diyus at fagbalabagun at masuwad te, gfalyam ngay taw asalanan,’
78anway tam Diyus kafanyu tuwa antam.
Ay kanya nanfasure ban sa antam
kata sik bagu fag menit siginans banwa,
79laman fagayu tagbanwan sasad marum ay takalimu sas fakateun e fagmayamagun tuwa.
Ay at fagnanfoyungun ban antam,
laman nu glo tam sa tuwa at manabayan fag dalan.”
80Ay Sakariyas at ngenge nu kadaul wan, matvngvd tuwa nu gamatangan sat masine. Ay sa ways talun at yud e taw nu gbanwan ay nu gfasigad gfoyung sa sangay taw Israel.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Copyright © 2023 by OMF International, Philippines