Markus 14
14
Ngay Taw Udyu at ngay Tagmagurang Kamasadan Gananfateun Isus
(Mat. 26:1-5; Lukas 22:1-2; Uan 11:45-53)
1Duwa yak menit bagu umdasug at fagmafulun sa baliwas Tagfabarita nu Glangfe ay sa baliwas Tinafay at yud e Famadaul. Ay at ngay taganyun daul ay at ngay tagfoyung Muisis at Suguwan gasarapan te, “Tain ban siring nu gfasuksuwan tam nan-gamat Isus ay fate anya?” 2Kanya fagayu insadi te, “Lagi yap gina e fagmafulun, laman at maful sanya fag ngay taw di ban maringangan.”
Sik Mangena Nabusbus Famabebanglu sas Isus Alfuyu
(Mat. 26:6-13; Uan 12:1-8)
3Ay gina Isus sis fulan Betaniya gfangon sis Simun bale (Simun ebi e mason fag daylan sit balat), sik mangena ndasug e uba sik fagsuwadan at fangawat siginans batu alabastru. At masuwad sanya sik famabebanglu yud e sagbat, at fangawat siginans tanum nardu. Ay ngayu dawdaw kanya nu kasali. Ay ka fag mangena nalifung at fagsuwadan at liug. Ay nabusbus ka fag famabebanglu sas Isus alfuyu. 4At tibak taw tagulit sanya kadotama, ay gsulitanan sit dayu te, “Taw ro at fagfangulanun? 5Nu nafabili di ngap ro ka fag famabebanglu at fansali kayu sik taw at nalufuyan sadik banwa nu si aba, ay at nafabul foni sa sangay yud e kwa. Ay tiba nabaya ka fag mangena.” 6Ay Isus nalong te, “Fabayani wa anya! Taw ay fagsalagun? Masine tuwa at fagbulun sa angku. 7Faggugat e taw way at yud e kwa si ayu. Ay nus nga ginain nu kaumsig am, mafatarabang am anya. Ay roro nu ste aw si ayu wa faggugat. 8Ka fag mangena nafagbulun wan katvngvd at fagmafabulun. At fagnabusbusun sa ku bilug ka fag famabebanglu, at masuwad te, laman gfasine ku bilug siginan ngay katsi, anway e nanlibing ban angku. 9Ay matuyan iglong aw ayu te, nus nganday ban sas fagdaul daga nu e kamoyung at Masine fag Barita, gfoyung yangay ban ka fag mangena at nafagbulun, laman sik fagamatanganun sa anya.”
Udas Igfadiyuganan Gananfoyungun Isus sas Mauri fag ngay Taw
(Mat. 26:14-16; Lukas 22:3-6)
10Udas Iskaryute, Isus at Nasugu fag Labi Duwa at sadi. Kanya nananlag sa sangay taganyun daul laman nanfoyung ban Isus sanya. 11Ay at ngay taganyun daul guseganan nu nadungug Udas at longan, ay nafatuyanan sa anya te, “Nanfon ami emu singku.” Ay Udas gamatangan te, “Ginain fag lungud laman nanfoyung ban aw Isus sanya fag ngay taw, kaduge at ngay taw gyud gsaful?”
Nu Gfamasadan Isus At Yafun
(Mat. 26:17-25; Lukas 22:7-14,21-23; Uan 13:21-30)
12Sis taguna fag menit at fagmafulun sa baliwas Tinafay at yud e Famadaul, ginanya nu ganyun ngay tupa laman at fakonun ginanya fag fagmafulun. Isus at ngay tagadal ginto sas Isus te, “Dada ro am fakaumsigun nu kamasadan ro ami am fagnangonan gina at fagmafulun sa baliwas Tagfabarita nu Glangfe?” 13Ay Isus nasugu at tagadal at duwa te, “Loi wa sas fulan Erusalem. Ay sanya gfablang ro am sik ama tagubanan sik baringan mamam, ay aloi wa anya. 14Ay nus nganday fag bale ka fag ama nu gsakbo, intoi tuwa sa tagbilug bale te, ‘Tam Takamoyung ginto sa emu te: dada ro manga fag silid nu gfangon aw gfasfuwan ku ngay tagadal gina fagmafulun sa baliwas Tagfabarita nu Glangfe?’ 15Ay kanya moyung ro sa ayu sas tagbiya fag silid sat tungud. Sanya e ngay fagnuwan ayuwayu. Sanyai nu kamasadan am tam yafun.” 16Ay ka fag duwama nalo wan ay indasug sas fulan. Ay at nalag kata wa fiya aro ataw Isus longan. Ay sanya wa fiya nu gfamasadan at yafun.
17Ay nu nyabi wan, Isus indasug sanya gfaygaluwan at Nasugu fag Labi Duwa. 18Ay kanya fagayu gina gfangon sis fagfangonan, Isus iglong wa te, “Matuyan iglong aw ayu te, am wa ro at sadi tagfasfuwan angku kon katsi at moyung angku sat mauri fag ngay taw.” 19Ay at ngay Nasugu fag Labi Duwa nu nadungug at longan, kabalu wan. Ay igsadsadian glong sas Isus te, “Bunwa long aw!” 20Ay Isus nabalus te, “Am wa fiya fag Labi Duwa at sadi ku fasfuwan gfasurung fafa sas taya. 21Aw, Taw at Baguwama, ku fagnangateun laman umgurungan at marirukan sis Diyus at longan. Ay roro mafanyu ban ka fag taw at nafoyung angku sat mauri fag ngay taw. Ay satu ro amasine yap ka fag taw nu gdi nsalug.”
Isus At Yafun
(Mat. 26:26-29; Lukas 22:15-20; 1 Kur. 11:23-25)
22Ay gina Isus ay at ngay tagadal gfangon, Isus nabul sik tinafay, ay nafauseganan sas Diyus. Ay nafanramyukan ay nafon sat ngay tagadal. Ay nalong te, “Na. Buli ay oni. Tuy ku bilug wan.” 23Ay Isus nabul yangay sik fanginum. Ay nafauseganan yangay sas Diyus. Ay nafon sat ngay tagadal. Ay fagayu nainum sanya ginan. 24Ay Isus nalong te, “Tuy ku taguk at kumbusbus ban laman gfalyam ngayuk taw at asalanan, ay famatuyan Diyus at fatuyanan sa sangay taw. 25Matuyan iglong aw ayu te, katsi kwa ban gdog ginum wat ubas safa. Nu gdog kban ginum at bagu, sas Diyus wa ban at fagmagurangan taw.” 26Ay nu nadanyu wa sik danyu, nalo wa sas Bugsul Ulibu.
Isus Naguna Nafoyung Pedru nu Kamayud sa Anya
(Mat. 26:30-35; Lukas 22:31-34; Uan 13:36-38)
27Ay Isus iglong sat ngay tagadal te, “Fagayu am, mubun wa ro am angku, teway marirukan sis Diyus at longan te, ‘Igfate akban at tagtanud, ay at ngay tupa sumaruwayan ban.’ 28Ay gina ban aw gdog gleleg, gumuna akyay ban ayu sas talun Galiliya.” 29Ay Pedru nalong sas Isus te, “Dewa ro ku iba fagayu mubun emu, aw, dakwa mubun emu.” 30Ay Isus nalong te, “Matuyan iglong aw emu te, katsi ro fag yabi, bagu tabag tumarakit at faduwa ginan, tulu ginan ro nu kamayud o te, wo gsaful angku.” 31Ay Pedru matvngvd nu glong te, “Dewa aw umkate fasfuwan emu, dakwa ro mamayud emu.” Ay kata yay at sadi fagayu at tagadal at longan.
Isus Igdarangin
(Mat. 26:36-46; Lukas 22:39-46)
32Ay Isus ay at ngay tagadal nalo wa sa sik lungud at ngayan Getsemani. Ay kanya nalong sat ngay tagadal te, “Am, malunggungi yap iste kaduge aw gdarangin.” 33Ay Isus nataban wa Pedru, ay Santiagu, ay Uan. Ay Isus gfasigad wa matvngvd dawdaw nu kabalu ay gatakan. 34Ay Isus nalong sa at ufud fag tulu te, “Matvngvd wa dawdaw nu kabalu aw katsi. Kata kwa gakateun katvngvdan nu kabalu aw. Ay am, stei way. Ay mafuluwani tuwa.” 35-36Ay Isus inyayu yay sirut, ay natudan ay garungan sas daga ay igdarangin te, “Mama, nu masine di katsi fag lungud falangfei wan. Mafafagbulun way o nus nge wain. Lag nangus gfadasug sa angku ku fagnandalanun fag mataka. Ay roro bunwa ku fakaumsigun ku fagfaningun, am fakaumsigun tuwa.”
37Ay Isus infoli yay sa at tuluk tagadal, ay manlag di gtiyug way. Ay Isus iglong sas Pedru te, “Simun, go gtiyug way mangaro o? Go wo mafuluwan dewa ro sik uras? 38Ay matagakani tuwa gugat ay darangini laman di am gafaskudan sas asalanan. Ay amatanganan kaumsig tuwa sat masine, ay ay bilug mafanalo way.”
39Ay Isus gdog yay fiya nalo sat dayu ay igdarangin yay fiya. Ay at darangin kata yay fiya aro ataw. 40Ay Isus gdog yay infoli sa at tagadal, ay manlag di gtiyug way, anway gatiyugun way dawdaw. Ay at tagadal wa gsaful at famalus at masine.
41Ay katanya yangay at fatulu ginan. Isus gdog yay fiya nfoli sa at tagadal ay glong te, “Go anggan katsi gtiyug yay am gfafiyan ay lufuy? Katsi afuloi wan, gadasugun wa dawdaw at namoyung ro angku, Taw at Baguwama, sat ngay tagasalanan. 42Alindugi wan. Bastam wan. Linggati, at nafoyung angku kadasug wan.”
E Nagamat Isus
(Mat. 26:47-56; Lukas 22:47-53; Uan 18:3-12)
43Ay gina Isus gelongan, rodi tv ndasug wan Udas, at sadi at Labi Duwa. Ay at ufud sik ngay taw e fiso ay e famalang. Ay kanya fag ngay taw, ngay taganyun daul, ay ngay tagfoyung Muisis at Suguwan, ay taw Udyu at ngay tagmagurang at nasugu. 44Ay Udas at nafoyung Isus nafatuyanan wan aro ataw sa at ngay taggamat te, “Nus nga sinu ro ku naayuk fag taw, kanya wan. Gamati wanya, ay tabani, ay uliti fiya fiya laman wa malfas.”
45Ay Udas nu ndasug, kanya nkakbang sas Isus ay nalong te, “Ku Takamoyung!” Ay kanya naayuk Isus at fingi. 46Ay ka fag ngay taw nated wa daw Isus ay wa gfalfas. 47Ay Isus at ufud at sadi naguyud at fiso, ay nabasing fun taganyun at fanuguwan talinga at sadi ay naayas wan. 48Ay Isus nainto sanya fag ngay taggamat te, “Go gubanan am ay ngay fiso ay ay ngay famalang laman nan-gamat am angku kata sik takamul? 49Madyay kayu menit kayu menit maful way tam sis Diyus bale gina aw igfoyung. Ay madyay wam nagamat angku ginanya. Ay dewa katanya, katsi umgurungan wa fiya at marirukan sis Diyus at longan sa angku baliwa.” 50Ay rodi fagayu Isus at ngay ufud naubun wa Isus ay nalagyu wan.
51Ay sik baguwama naguyan Isus. Ay gamakan way yud matvngvd. Ay at tiba nated anya, 52ay roro nalagyu yay malanu teway at tiba nu gted sit amak way.
Isus sa was Taw Udyu Tiba Tungud Tagmagurang at Fagmafulan
(Mat. 26:57-68; Lukas 22:54-55,63-71; Uan 18:13-14,19-24)
53Ay ka fag ngay taw nataban wa Isus sas fun taganyun. Ay fagayu taganyun daul, ay taw Udyu at ngay tagmagurang, ay ngay tagfoyung Muisis at Suguwan inful sanya. 54Ay Pedru ngayayu yay nu gaguyanan Isus, ay indasug sas fun taganyun at faglanuwan. Ay kanya malunggung way sanya maful ngay tagulit ay gfangenbung sis day afuy. 55Ay ngay taganyun daul ay fagayu Taw Udyu Tiba Tungud Tagmagurang inful laman nansarap sik taw tagfatuyan te, Isus e asalanan wan, laman sak kate, ay roro we nalag. 56Dewa ngayuk taw takamuwagan nu gfoyung sa baliwas Isus, at ngay longan wa gdiyuganan.
57Ay tiba at malindug sanya kamuwagan glong te, 58“Ebi nadungug ami ka fag taw at foyungan te, ‘Rumasras aw Diyus bale, taw at naawat. Ay nu mlangfe ban tuluk menit, gdog kyangay ban mawat. Ay bunwa ban taw at mawat.’ ” 59Ay dewa katanya wa gdiyuganan fiya fiya at longan.
60Ay fun taganyun inlindug sis wa taw ay ginto Isus te, “Go taw am fagyudun gbalus? Madyay tuy fag ngay taw e foyungan way sa emu baliwa.” 61Ay Isus maragangan way; wa gbalus. Ay fun taganyun gdog yay nainto Isus te, “Go o wan Diyus at nafili fag Fun? Go o wan at Tiba Tungud fag Fagsegan at baguwama?” 62Ay Isus bagu nabalus te, “Kin, aw wan. Ay lumag ban am angku, Taw at Baguwama, nu malunggung aw sat Madaragang fag Diyus at siyun baliwa fag day tigyangan. Ay lumag ban am angku sis ngay linyabu gina ban aw kadasug ste swa daga.” 63Ay fun taganyun nagirat at balukas mandi ay nalong sa at ngay ufud te, “Katsi dewa gyud e gfatuyan Isus at asalanan! 64Nadungug watam te, mauri wa fiya at longan sas Diyus baliwa. Setain ay fasadan sa anya?” Ay kanya fagayu nadiyuganan te, “Insak wan, fatei wanya.”
65Ay tiba nafantufean wa Isus. Ay nu natabun wa at mata, nafalang anya, ay nalong te, “Foyungi emi te, sinu at nafalang emu?” Ay anggan ngay sundalu nu nataban wa anya, nafalang dawdaw anya.
Pedru Kamayud te, wa Gtoglag Isus
(Mat. 26:69-75; Lukas 22:56-62; Uan 18:15-18,25-27)
66Ay Pedru gina sis faglanuwan, fun taganyun at fagsuguwan fag baguyna at sadi indasug. 67Ay ka fag baguyna nu nalag Pedru gina gfangenbung, iglong te, “O wa fiya at sadi tagalo ka fag taw Nasaret at ngayan te, Isus, go kin?” 68Ay Pedru kamayud te, “Yaya long. Bunwa aw kanya am longan fag taw.” Ay Pedru nalo yay siginans faglanuwan ay natsas day sakbawan alad. Ginanya sik tabag natarakit. 69Ay ka fag baguyna nalag yay fiya Pedru. Ay gdog yay nalong sat ngay malindug sanya te, “Kanya wa fiya Isus at sadi at ufud.” 70Ay Pedru gdog yay fiya kamayud. Ay rodi at ngay malindug sanya glong sas Pedru te, “At matuyan, o wa fiya ebi ginan Isus at sadi at ufud. Madyay o sik taw Galiliya yangay o!” 71Ay Pedru matvngvd nu kamayud glong te, “Dewa ro aw umkate, dakwa gtoglag ka fag taw am longan.” 72Ay rodi tv sik tabag natarakit at faduwa ginan. Ay Pedru bagu namatang Isus at longan sa anya te, “Sik tabag bagu tumarakit at faduwa ginan, tulu ginan nu kamuwagan o te, wo gtoglag angku.” Ay Pedru nauyway dawdaw.
Одоогоор Сонгогдсон:
Markus 14: TAWEAST
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Copyright © 2023 by OMF International, Philippines
Markus 14
14
Ngay Taw Udyu at ngay Tagmagurang Kamasadan Gananfateun Isus
(Mat. 26:1-5; Lukas 22:1-2; Uan 11:45-53)
1Duwa yak menit bagu umdasug at fagmafulun sa baliwas Tagfabarita nu Glangfe ay sa baliwas Tinafay at yud e Famadaul. Ay at ngay taganyun daul ay at ngay tagfoyung Muisis at Suguwan gasarapan te, “Tain ban siring nu gfasuksuwan tam nan-gamat Isus ay fate anya?” 2Kanya fagayu insadi te, “Lagi yap gina e fagmafulun, laman at maful sanya fag ngay taw di ban maringangan.”
Sik Mangena Nabusbus Famabebanglu sas Isus Alfuyu
(Mat. 26:6-13; Uan 12:1-8)
3Ay gina Isus sis fulan Betaniya gfangon sis Simun bale (Simun ebi e mason fag daylan sit balat), sik mangena ndasug e uba sik fagsuwadan at fangawat siginans batu alabastru. At masuwad sanya sik famabebanglu yud e sagbat, at fangawat siginans tanum nardu. Ay ngayu dawdaw kanya nu kasali. Ay ka fag mangena nalifung at fagsuwadan at liug. Ay nabusbus ka fag famabebanglu sas Isus alfuyu. 4At tibak taw tagulit sanya kadotama, ay gsulitanan sit dayu te, “Taw ro at fagfangulanun? 5Nu nafabili di ngap ro ka fag famabebanglu at fansali kayu sik taw at nalufuyan sadik banwa nu si aba, ay at nafabul foni sa sangay yud e kwa. Ay tiba nabaya ka fag mangena.” 6Ay Isus nalong te, “Fabayani wa anya! Taw ay fagsalagun? Masine tuwa at fagbulun sa angku. 7Faggugat e taw way at yud e kwa si ayu. Ay nus nga ginain nu kaumsig am, mafatarabang am anya. Ay roro nu ste aw si ayu wa faggugat. 8Ka fag mangena nafagbulun wan katvngvd at fagmafabulun. At fagnabusbusun sa ku bilug ka fag famabebanglu, at masuwad te, laman gfasine ku bilug siginan ngay katsi, anway e nanlibing ban angku. 9Ay matuyan iglong aw ayu te, nus nganday ban sas fagdaul daga nu e kamoyung at Masine fag Barita, gfoyung yangay ban ka fag mangena at nafagbulun, laman sik fagamatanganun sa anya.”
Udas Igfadiyuganan Gananfoyungun Isus sas Mauri fag ngay Taw
(Mat. 26:14-16; Lukas 22:3-6)
10Udas Iskaryute, Isus at Nasugu fag Labi Duwa at sadi. Kanya nananlag sa sangay taganyun daul laman nanfoyung ban Isus sanya. 11Ay at ngay taganyun daul guseganan nu nadungug Udas at longan, ay nafatuyanan sa anya te, “Nanfon ami emu singku.” Ay Udas gamatangan te, “Ginain fag lungud laman nanfoyung ban aw Isus sanya fag ngay taw, kaduge at ngay taw gyud gsaful?”
Nu Gfamasadan Isus At Yafun
(Mat. 26:17-25; Lukas 22:7-14,21-23; Uan 13:21-30)
12Sis taguna fag menit at fagmafulun sa baliwas Tinafay at yud e Famadaul, ginanya nu ganyun ngay tupa laman at fakonun ginanya fag fagmafulun. Isus at ngay tagadal ginto sas Isus te, “Dada ro am fakaumsigun nu kamasadan ro ami am fagnangonan gina at fagmafulun sa baliwas Tagfabarita nu Glangfe?” 13Ay Isus nasugu at tagadal at duwa te, “Loi wa sas fulan Erusalem. Ay sanya gfablang ro am sik ama tagubanan sik baringan mamam, ay aloi wa anya. 14Ay nus nganday fag bale ka fag ama nu gsakbo, intoi tuwa sa tagbilug bale te, ‘Tam Takamoyung ginto sa emu te: dada ro manga fag silid nu gfangon aw gfasfuwan ku ngay tagadal gina fagmafulun sa baliwas Tagfabarita nu Glangfe?’ 15Ay kanya moyung ro sa ayu sas tagbiya fag silid sat tungud. Sanya e ngay fagnuwan ayuwayu. Sanyai nu kamasadan am tam yafun.” 16Ay ka fag duwama nalo wan ay indasug sas fulan. Ay at nalag kata wa fiya aro ataw Isus longan. Ay sanya wa fiya nu gfamasadan at yafun.
17Ay nu nyabi wan, Isus indasug sanya gfaygaluwan at Nasugu fag Labi Duwa. 18Ay kanya fagayu gina gfangon sis fagfangonan, Isus iglong wa te, “Matuyan iglong aw ayu te, am wa ro at sadi tagfasfuwan angku kon katsi at moyung angku sat mauri fag ngay taw.” 19Ay at ngay Nasugu fag Labi Duwa nu nadungug at longan, kabalu wan. Ay igsadsadian glong sas Isus te, “Bunwa long aw!” 20Ay Isus nabalus te, “Am wa fiya fag Labi Duwa at sadi ku fasfuwan gfasurung fafa sas taya. 21Aw, Taw at Baguwama, ku fagnangateun laman umgurungan at marirukan sis Diyus at longan. Ay roro mafanyu ban ka fag taw at nafoyung angku sat mauri fag ngay taw. Ay satu ro amasine yap ka fag taw nu gdi nsalug.”
Isus At Yafun
(Mat. 26:26-29; Lukas 22:15-20; 1 Kur. 11:23-25)
22Ay gina Isus ay at ngay tagadal gfangon, Isus nabul sik tinafay, ay nafauseganan sas Diyus. Ay nafanramyukan ay nafon sat ngay tagadal. Ay nalong te, “Na. Buli ay oni. Tuy ku bilug wan.” 23Ay Isus nabul yangay sik fanginum. Ay nafauseganan yangay sas Diyus. Ay nafon sat ngay tagadal. Ay fagayu nainum sanya ginan. 24Ay Isus nalong te, “Tuy ku taguk at kumbusbus ban laman gfalyam ngayuk taw at asalanan, ay famatuyan Diyus at fatuyanan sa sangay taw. 25Matuyan iglong aw ayu te, katsi kwa ban gdog ginum wat ubas safa. Nu gdog kban ginum at bagu, sas Diyus wa ban at fagmagurangan taw.” 26Ay nu nadanyu wa sik danyu, nalo wa sas Bugsul Ulibu.
Isus Naguna Nafoyung Pedru nu Kamayud sa Anya
(Mat. 26:30-35; Lukas 22:31-34; Uan 13:36-38)
27Ay Isus iglong sat ngay tagadal te, “Fagayu am, mubun wa ro am angku, teway marirukan sis Diyus at longan te, ‘Igfate akban at tagtanud, ay at ngay tupa sumaruwayan ban.’ 28Ay gina ban aw gdog gleleg, gumuna akyay ban ayu sas talun Galiliya.” 29Ay Pedru nalong sas Isus te, “Dewa ro ku iba fagayu mubun emu, aw, dakwa mubun emu.” 30Ay Isus nalong te, “Matuyan iglong aw emu te, katsi ro fag yabi, bagu tabag tumarakit at faduwa ginan, tulu ginan ro nu kamayud o te, wo gsaful angku.” 31Ay Pedru matvngvd nu glong te, “Dewa aw umkate fasfuwan emu, dakwa ro mamayud emu.” Ay kata yay at sadi fagayu at tagadal at longan.
Isus Igdarangin
(Mat. 26:36-46; Lukas 22:39-46)
32Ay Isus ay at ngay tagadal nalo wa sa sik lungud at ngayan Getsemani. Ay kanya nalong sat ngay tagadal te, “Am, malunggungi yap iste kaduge aw gdarangin.” 33Ay Isus nataban wa Pedru, ay Santiagu, ay Uan. Ay Isus gfasigad wa matvngvd dawdaw nu kabalu ay gatakan. 34Ay Isus nalong sa at ufud fag tulu te, “Matvngvd wa dawdaw nu kabalu aw katsi. Kata kwa gakateun katvngvdan nu kabalu aw. Ay am, stei way. Ay mafuluwani tuwa.” 35-36Ay Isus inyayu yay sirut, ay natudan ay garungan sas daga ay igdarangin te, “Mama, nu masine di katsi fag lungud falangfei wan. Mafafagbulun way o nus nge wain. Lag nangus gfadasug sa angku ku fagnandalanun fag mataka. Ay roro bunwa ku fakaumsigun ku fagfaningun, am fakaumsigun tuwa.”
37Ay Isus infoli yay sa at tuluk tagadal, ay manlag di gtiyug way. Ay Isus iglong sas Pedru te, “Simun, go gtiyug way mangaro o? Go wo mafuluwan dewa ro sik uras? 38Ay matagakani tuwa gugat ay darangini laman di am gafaskudan sas asalanan. Ay amatanganan kaumsig tuwa sat masine, ay ay bilug mafanalo way.”
39Ay Isus gdog yay fiya nalo sat dayu ay igdarangin yay fiya. Ay at darangin kata yay fiya aro ataw. 40Ay Isus gdog yay infoli sa at tagadal, ay manlag di gtiyug way, anway gatiyugun way dawdaw. Ay at tagadal wa gsaful at famalus at masine.
41Ay katanya yangay at fatulu ginan. Isus gdog yay fiya nfoli sa at tagadal ay glong te, “Go anggan katsi gtiyug yay am gfafiyan ay lufuy? Katsi afuloi wan, gadasugun wa dawdaw at namoyung ro angku, Taw at Baguwama, sat ngay tagasalanan. 42Alindugi wan. Bastam wan. Linggati, at nafoyung angku kadasug wan.”
E Nagamat Isus
(Mat. 26:47-56; Lukas 22:47-53; Uan 18:3-12)
43Ay gina Isus gelongan, rodi tv ndasug wan Udas, at sadi at Labi Duwa. Ay at ufud sik ngay taw e fiso ay e famalang. Ay kanya fag ngay taw, ngay taganyun daul, ay ngay tagfoyung Muisis at Suguwan, ay taw Udyu at ngay tagmagurang at nasugu. 44Ay Udas at nafoyung Isus nafatuyanan wan aro ataw sa at ngay taggamat te, “Nus nga sinu ro ku naayuk fag taw, kanya wan. Gamati wanya, ay tabani, ay uliti fiya fiya laman wa malfas.”
45Ay Udas nu ndasug, kanya nkakbang sas Isus ay nalong te, “Ku Takamoyung!” Ay kanya naayuk Isus at fingi. 46Ay ka fag ngay taw nated wa daw Isus ay wa gfalfas. 47Ay Isus at ufud at sadi naguyud at fiso, ay nabasing fun taganyun at fanuguwan talinga at sadi ay naayas wan. 48Ay Isus nainto sanya fag ngay taggamat te, “Go gubanan am ay ngay fiso ay ay ngay famalang laman nan-gamat am angku kata sik takamul? 49Madyay kayu menit kayu menit maful way tam sis Diyus bale gina aw igfoyung. Ay madyay wam nagamat angku ginanya. Ay dewa katanya, katsi umgurungan wa fiya at marirukan sis Diyus at longan sa angku baliwa.” 50Ay rodi fagayu Isus at ngay ufud naubun wa Isus ay nalagyu wan.
51Ay sik baguwama naguyan Isus. Ay gamakan way yud matvngvd. Ay at tiba nated anya, 52ay roro nalagyu yay malanu teway at tiba nu gted sit amak way.
Isus sa was Taw Udyu Tiba Tungud Tagmagurang at Fagmafulan
(Mat. 26:57-68; Lukas 22:54-55,63-71; Uan 18:13-14,19-24)
53Ay ka fag ngay taw nataban wa Isus sas fun taganyun. Ay fagayu taganyun daul, ay taw Udyu at ngay tagmagurang, ay ngay tagfoyung Muisis at Suguwan inful sanya. 54Ay Pedru ngayayu yay nu gaguyanan Isus, ay indasug sas fun taganyun at faglanuwan. Ay kanya malunggung way sanya maful ngay tagulit ay gfangenbung sis day afuy. 55Ay ngay taganyun daul ay fagayu Taw Udyu Tiba Tungud Tagmagurang inful laman nansarap sik taw tagfatuyan te, Isus e asalanan wan, laman sak kate, ay roro we nalag. 56Dewa ngayuk taw takamuwagan nu gfoyung sa baliwas Isus, at ngay longan wa gdiyuganan.
57Ay tiba at malindug sanya kamuwagan glong te, 58“Ebi nadungug ami ka fag taw at foyungan te, ‘Rumasras aw Diyus bale, taw at naawat. Ay nu mlangfe ban tuluk menit, gdog kyangay ban mawat. Ay bunwa ban taw at mawat.’ ” 59Ay dewa katanya wa gdiyuganan fiya fiya at longan.
60Ay fun taganyun inlindug sis wa taw ay ginto Isus te, “Go taw am fagyudun gbalus? Madyay tuy fag ngay taw e foyungan way sa emu baliwa.” 61Ay Isus maragangan way; wa gbalus. Ay fun taganyun gdog yay nainto Isus te, “Go o wan Diyus at nafili fag Fun? Go o wan at Tiba Tungud fag Fagsegan at baguwama?” 62Ay Isus bagu nabalus te, “Kin, aw wan. Ay lumag ban am angku, Taw at Baguwama, nu malunggung aw sat Madaragang fag Diyus at siyun baliwa fag day tigyangan. Ay lumag ban am angku sis ngay linyabu gina ban aw kadasug ste swa daga.” 63Ay fun taganyun nagirat at balukas mandi ay nalong sa at ngay ufud te, “Katsi dewa gyud e gfatuyan Isus at asalanan! 64Nadungug watam te, mauri wa fiya at longan sas Diyus baliwa. Setain ay fasadan sa anya?” Ay kanya fagayu nadiyuganan te, “Insak wan, fatei wanya.”
65Ay tiba nafantufean wa Isus. Ay nu natabun wa at mata, nafalang anya, ay nalong te, “Foyungi emi te, sinu at nafalang emu?” Ay anggan ngay sundalu nu nataban wa anya, nafalang dawdaw anya.
Pedru Kamayud te, wa Gtoglag Isus
(Mat. 26:69-75; Lukas 22:56-62; Uan 18:15-18,25-27)
66Ay Pedru gina sis faglanuwan, fun taganyun at fagsuguwan fag baguyna at sadi indasug. 67Ay ka fag baguyna nu nalag Pedru gina gfangenbung, iglong te, “O wa fiya at sadi tagalo ka fag taw Nasaret at ngayan te, Isus, go kin?” 68Ay Pedru kamayud te, “Yaya long. Bunwa aw kanya am longan fag taw.” Ay Pedru nalo yay siginans faglanuwan ay natsas day sakbawan alad. Ginanya sik tabag natarakit. 69Ay ka fag baguyna nalag yay fiya Pedru. Ay gdog yay nalong sat ngay malindug sanya te, “Kanya wa fiya Isus at sadi at ufud.” 70Ay Pedru gdog yay fiya kamayud. Ay rodi at ngay malindug sanya glong sas Pedru te, “At matuyan, o wa fiya ebi ginan Isus at sadi at ufud. Madyay o sik taw Galiliya yangay o!” 71Ay Pedru matvngvd nu kamayud glong te, “Dewa ro aw umkate, dakwa gtoglag ka fag taw am longan.” 72Ay rodi tv sik tabag natarakit at faduwa ginan. Ay Pedru bagu namatang Isus at longan sa anya te, “Sik tabag bagu tumarakit at faduwa ginan, tulu ginan nu kamuwagan o te, wo gtoglag angku.” Ay Pedru nauyway dawdaw.
Одоогоор Сонгогдсон:
:
Тодруулга
Хуваалцах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Copyright © 2023 by OMF International, Philippines